تجنبي الوقوع في نفس الاخطاء دي

 بصوا بقي دي غلطات ناس عملوها ف شقتهم واتندموا عليها جمعتهالكوا واللي عنده معلومه يفيد بيها غيره😊😊 😂

*الشبابيك الالوميتال لازم يكون فيها سلك 

&اوعي تجيبي سيراميك مط او اسود او باركيه✋شكله حلو اه بس هتندمي

*السجاد الشاج او الشعر او الفاتح انتي حره😂

*ابواب الدواليب الجرار عشان الأطفال عينك ما تشوف الا النور😂😂

* الألوان الكتير ف الشقه بلااااااش ورسومات الورد الكبيره خالص دي بطلت دلوقتي حاجة سيمبل كده وخلاص 

* ورق الحائط شكله حلو وشيك بس مش مع الأطفال يا روحي 😢😢👨🙈

الحيطان خليكي ف الفواتح مش بيبطل وبيوسع الشقه (اوف وايت . سن الفيل .) كده وانتي وشطارتك بقي ف الديكوات والانتيكات وكده💜

*بلاعه المطبخ متنسوهاش لو بترمى مايه كتير لكن لو بتتحكموا يبقا بلاش علشان اوقات بتعمل روايح او رغاوى صابون  

*السيراميك البورسلين حلو بس الاصلى التانى ده نضافته صعبه

*الفيش اللي بتكون تحت عشان الأطفال

*مرايه الحمام تكون فوق الحوض بشويه عشان مهما تنضفي مش بيبان عليها نضافه من الطرطشه بتاعه الحوض

*باب الحمام الخشب لا 

*سيراميك المطبخ والحمام لا فاتح ولا غامق يعني نخلينا ف البيجهات 

*رخامه المطبخ متكونش سودا لو مش هتنضفيها علطول 

*الحلل الكتيرر بلاش فلوس ع الارض

*الحاجات الرخيصه بلااااااش

*ارضيات الشقه السيراميك الأسود  لا لا لا 

*حيطان الشقه الغامقه  لا لا لا 

*السجاد الفاتح والكبير الضخم ده بيكسر الضهر وهيجيبلك الغضروف بدري 

*البراقع والبلتكانات والفرانيش والكلام ده😕 بلاش 

*الانتريهات والركن الفاتحه والأبواب الغرف الفاتحه هتتعبك جدا فى التنضيف

*العفش الكبير وانك تعملي عفش من غير ما تاخدي مقاس الغرف 

مفارش الدرابيه مولد ع السرير 

*متسترخصيش ف الاجهزه الكهربائيه لان دى حاجه العمر 

*الركنه تعرفي تنقليها عشان تنضفي مطرحها

*النيش الضخم وحش اقولك بلاش نيش او هاتي حاجة صغننه كده 

*الجبسوم بورد المأفور عشان بيلم تراب وحشرات 

*اعملوا كذا فيشه ف المطبخ هتحتاجوهاجدااا

* خصصوا جزامه او مكان لبراطيشكوا😂😕😕 

* ترابيزه الشاشه بتعمل مكان وخطر ع الأطفال 

*الدواليب الجرار عشان الأطفال بعد كده هيظبطوكي😂😂

*متجبيش الخلاط مجموعه لا هاتي كل حاجه لوحدها

 تفاعل بقى يا ختششششى منك ليها وربنا زعلانة  من قله التفاعل وكدة غلط ع الجروب وعلى صوابعينى الورمانة دهيييييين  😏😏😏😏

وياريت اى واحدة فينا عملت اى حاجة ف شقتها وندمت عليها ياربت تقولها عشان تفيد غيرها ومتعملهاش 👌👌

يهمك