افكار للتوفير وتكات حلوة للطبخ 🔥🔥🔥
🍅اى طبيخ بصلصة حطى عليه رشة قرفة ورشة سكر
🍅 صلصة المكرونة حطى عليها كزبرة ناشفة بتبقي طعم المطاعم
🍅 السمك لما تحطيه فى الدقيق حطيه فى بوله مليانة ميه وانشليه بسرعة وبعدين اقليه بيبقي مقرمش وجميل ومش بيشرب زيت
🍅 اللحمة المفرومة ع الصاج عايزة تزوديها هاتى بدنجانة كوبي قشريها وابشريها بالمبشرة ع اللحمة وعصجيها معاها يتضاعف حجم اللحمة الدبل ومش بيبان خالص فى الأكل وكمان يبقي زودتى عنصر مليان حديد للحمة 😁
🍅 الباذنجان الكوبي لما تيجى تحمريه رشي عليه ملح قبلها بساعة ينزل ميته واعصريه بايدك كمان واقليه مش حيشرب زيت خالص
🍅 الكفتة المشوية ضيفي ليها بيكنج بودر علشان ما تكشش منك عند الشوى وحطى فى الخلطة بتعتها كمان معلقة طحينة وصبعيها ع قلم علشان تبقي مفرغة من جوة وبعد ما تطلع حطى فيها فحمة مولعة وطفيها بالزيت وغطيها وكلى احلى كفتة مشوية كانك جيباها من الحاتى😋
🍅 الملوخية حطى عليها كزبرة وتوم نى قبل الطشة وتغلى غلوة واحدة واوعى تغطيها،🤫
لو افتكرت حاجة تانى حقولكم..
تعليقات
إرسال تعليق