العشر حاجات إللى الست تدلع نفسها بيهم وتقلل توتر اليوم
١ - Me time
نص ساعة لوحدك
اخترعيها وعودى البيت كله عليها
- اعملى شاى بالفانيليا اشربيه فى البلكونة واسمعى برنامج او قرأن او اقعدى في هدوء
- املى البانيو مياه سخنة باللافندر ولعى شمعة ومزيكا
يوم هتقدرى ويوم هتنسى
ويوم هتبقى ساعة أو خمس دقايق حتى !
المهم أنك أخر اليوم عملتى حاجة لنفسك وبس.
٢ - القراءة
مش لازم يبقى وقت مناسب ممكن وقت تمرين الولاد
وممكن عشر دقايق قبل النوم وممكن الMe time
على الأقل صفحة فى اليوم
القراءة بتخليكى مش مزنوقة فى الشرابات والمحشى بتفتح عقلك على مناطق جديدة فى الحياة .. بتفصلك حرفيا.
٣ - لازم كل اسبوع خروجة مع صحباتك، مع جوزك لوحدكم، مع نفسك فى الشمس وكتاب .. فطار .. سينما .. شوبنج
أى خروجة تبسطك .. خططى لها طول الأسبوع علشان تفضلى مستنية حاجة هتسعدك.
٤ - مسلسل .. تابعى مسلسل حلو
أرجوكى كفاية نكد خلى الاحداث فعلا تبقى لطيفة وتبقى نايمة وفى دماغك البطلة كانت لابسة أيه والبطل كان حلو ازاى والسفرية والاماكن مش لازم اكشن ونكد وتقطيع شرايين افصلى وشوفى حاجة خفيفة كوميدية .
٥ - الصلاة .. التأمل .. القرآن
مفيش حاجة ممكن تخليكى أهدى قد التدبر والتسبيح والاستغفار والصلاة والدعاء المغربية أو الفجر
ايديكى للسماء.
٦ - مهما حصل فى الكون لازم أخر حاجة فى يومك تحطى كريم على وشك وايدك .. أوعى أوعى أوعى متبقاش عادة.
٧ - اكتشفى نفسك .. واحنا بنكبر بنكتشف كان ممكن نحب حاجات جديدة لكن ماجربنهاش وفى دايرة الحياة المطحونة خلاص بنعمل إللى عارفينه وبس.
أنا مثلا حبيت السوشى واليوجا ودبى والتأمل والشاى بالفانيليا والطرح البيضا ولفة الحجاب المفتوحة والجرى والجوافة فى أخر خمس سنين من عمرى.
٨- اتنفسى صح
شوفى فيديو عن التنفس وأهميته واتنفسى صح لأن ده مهم
حاجة بسيطة لكن فارقة فى نفسيتك وجسمك جدا.
٩- اعملى حاجة بايدك بتحبيها لأن الاعمال اليدوية بتسحب الافكار السلبية وبتعلى هرمونات السعادة.
١٠ - أهم واحدة 👇
غيرى طريقة تفكيرك فى اداء المهمات اليومية
فى مثل أمريكى بيقول" لو هيغتصبوكى اتبسطى"
- بتوصلى ولادك المدرسة اسمعى مزيكا مش لازم تشتمى العربيات
- قاعدة فى التمارين اقرى أو لفى التراك أو ارغى.
- بتطبخى اسمعى مزيكا مش لازم على السريع وانتى بتنفخى
- هتذاكرى مع ولادك أو تحميهم أو تنيميهم ممكن تبقى لطيفة
رايحه فين علقى ياست الستات 10 ملصقات عشان الكل يستفيد
تعليقات
إرسال تعليق