اسكريبت في عشق غرام الفصل الرابع والخامس والسادس

 

الحلقه 4.    و.  5.   و    6.   من (غرام)

بعدما وصلت غرام الى المنزل ذهب عمر الى منزله وبالاحرى فيلته كانت فيلا انيقة مكونة من طابقين...

وجد اخته كوكى وابنها عمر فى الريسبشن ..وهنا ابتسم عمر عندما شاهده ابن اخته وجرى عليه..

عمر

اهلا اهلا حبيب خاله.

عمر الصغير

كاتا كاتا ( شيكولاته يعنى )..

عمر

اهى ياعيون خاله..

واخذ عمر الشيكولاته ونزل من حضن خاله وذهب لامه لكى تفتحها له..

عمرالصغير

ماما اتح ( افتح ).

عمر

شوفوا الشقى لما صدق خد الشيكولاته. المهم سلام عليكم.

الكل

وعليكم السلام..

عمر

ازى الحلوين عاملين ايه؟؟

كوكى

تمام.

روندا

كويسين.

عمر

انا قولت الحلوين مش الوحشين بتردى ليه يا ريمو ؟؟

روندا

انا اصلا حلوة مش كده ياكوكى..

كوكى

لا انا رأى من رأى عمر..

روندا اتعصبت وعندما كانت ذاهبة اتى والدها وسلم على الكل ونادى عليها..

الوالد

ريمو..

روندا( بدلع وبزعل )

نعم.

الوالد

من اللى زعل القمر حبيبتى

روندا

دول واشارت الى عمر وكوكى..

الوالد

سيبك منهم.

روندا

بيقولوا عليا وحشة..

الوالد

هما اللى وحشين انتى احلى ما شافت عنيا..

روندا

انت حبيبى ( واقتربت من والدها وقامت تغيظ اخوانها )..

عمر

انت اللى مدلعها يابابا..

الوالد

مالكش دعوة دى حبيبتى..

عمر ( بزعل مصطنع )

وانا اجيب حد من برا يحبنى يعنى..

كوكى

لا ياعيون كوكى انا بحبك انت اخويا حبيبى..

الوالد

خلاص انتى وهو.. قولى يا عمر اخبار صاحبك ايه؟

روندا

مين؟ ها؟

عمر

وانتى مالك ياحشرية..

الوالد

جاوب يابنى؟

عمر (( وهنا تذكر زياد وغرام وحالتها واشتاق اليها ))

تعبانين والله يابابا تفتكر هى حتقوم؟

الوالد

دى حاجة بتاعة ربنا بس الحالة ميؤوس منها..

يوسف

ربنا يصبرهم ( فى نفسه ياترى حتصبرى يا غرام ولا حتتعبى زيادة ربنا يعينك )..

وهنا ذهب عمر الى حجرته حزين وخائف على غرام ومصيرها اذا توفت والدتها وهنا دخلت كوكى..

كوكى

حبيبى قام ليه؟

عمر

عادى..

كوكى

انت زعلت لما عرفت حالة الست دى انت تعرفها..

عمر

ايوة ( وهنا حكى عمر لاخته عن كل شئ ).

كوكى

مسكينة غرام.

عمر

اوى ربنا يعينها.

كوكى

عمر.

عمر

نعم.

كوكى

بتحبها؟

عمر

-----------------

كوكى

رد ماتخبيش عليا..

عمر

مش عارف بس ببقى عاوز اشوفها طول الوقت قلقان عليها ولما بتنزل دموعها قلبى بيتقطع وببقى نفسى اضمها واهديها..

كوكى

ياعينى باين عليك بتحبها اوى..

عمر

مش عارف..

كوكى

ان شاء الله تعرف. ( ابتسمت )..

عمر

بتبسمى ليه؟

كوكى

مبسوطة انك اخيرااا فتحت قلبك..

عمر

حاسس ان قلبى مش معايا..

كوكى

امال فين؟

عمر

بيحاول يوصل لها..

كوكى

ربنا ينولك اللى فى بالك..

عمر

تحبى تقرى اخر حاجة كتبتها ( عمر كان يحب كتابة الشعر وكان يحب ان يسمع رأى اخته وهى ايضا كانت تستمتع بما كتب ).

كوكى

ورينى..

وهنا ناولها يوسف الاوراق وبدأت فى القراءة

( اسمحى لى ان احبك )

اخبرينى..قبل ان ينساب فى عينيك نهر من عيونى..قبل ان ارتاح يوما فوق صدرك..ثم اطلب منك الا توقظينى..قبل ان يجتاح هدأة الاحلام فى صمت سكونى..

اخبرينى..قبل هذا كله لو عشقتك..هل ستحتملى جنونى؟؟ام ستختارى الرحيل وتتركينى..هل ستحتملى بقائى؟؟ام تفاجئنى دموعك وتغرقينى ..

اخبرينى..لو علمتى انى طفلا صغيرا لا اجيد العشق هل ستعلمينى؟؟

واسمعينى جيدا.......

مثل آلالاف النساء لا اريدك ان تكونى..

كل ما ارجوه من عينيك الا تخدعينى فكم من دمعة سالت على خدى..وكم من نخلة مالت على ارضى؟؟وكم فى الوهم قد ضاعت سنينى..

فاتركينى امنح الاوراق شيئا من قصائدنا الجميلة ولاتستعجلينى ..وامنحينى فرصة العشق الاخيرة كى اصدق انى لازلت احمل بين احزانى بقايا من فنونى..

واسمحى لى ان احبك الف عام..دون ان اهدى اليك زهرة..او قبلة فوق الجبين..دون ان احمل اليكى اى تصريح بحبى اوحنينى..سامحينى..لو ترددت كثيرا قبل ان المس يديكى او تاخرت قليلا عن ميعاد العشق فى عينيك..سامحينى..

فاننى انسان فى العشق بدائى بطبعى فاعذرينى...................

كوكى

حلوة تسلم ايديك.

عمر

شكرا ياقمر..

كوكى

انت لسه مجروح؟؟

عمر

الجرح لسه بينزف بس حاسس ان وجود غرام فى حياتى حيوقف النزيف.

الحلقه 5

مر الان على مرض والدة غرام شهرين ولازالت فى غيبوبة كاملة وعميقة...

وفى يوم وبالتحديد يوم الخميس الساعة التاسعة مساءاا كانت غرام فى حجرتها تقرا القرآن وتدعى لوالدتها بالشفاء وتدعى ايضا لربها ان يلهمها الصبر وان يعطى الصحة والمال والسعادة لخالها زياد..

وفى تلك الاثناء كان جرس الهاتف يرن..

ورفع زياد السماعة..

زياد

الوو

ملك

السلام عليكم..

زياد

اهلا اهلا يا ملك..

ملك

الحممد لله وانت؟

زياد

اااه عادى الحمد لله على كل حال..

ملك

خير فى جديد؟

زياد

لا هو القديم المهم سيبك..

ملك

زياد..

زياد

نعم ..

ملك

احكى على اللى جواك؟؟

زياد

من كتر التعب مش قادر احكى..

ملك

انا عاوزة اطمن عليك بس..

زياد

ملك سيبك منى انا مافيش منى فايدة..

ملك

--------------------

زياد

ملك؟؟

ملك

--------------

زياد

اناديلك غرام ؟؟

ملك

معلش اكلمها وقت تانى

زياد

اعذرينى مش عاوز اظلمك معايا

ملك

سلام

واغلقت ملك السماعة واخذت تبكى بكاء حار وجلست تقول فى نفسها..

( بحبك ايوة بحبك وعارفة انك تعبان وانت مش عاوزنى اساعدك بس انا عاوزة اخفف عنك وانت خايف عليا يارب ساعده وساعدنى)..

وفى تلك الاثناء ايضا جلس زياد يفكر..

( بحبها بس زعلتها بس لازم تعرف انى مش حاقدر اسعدها انا عندى هموم ومشاكل مش حاتقدر تتحملها بس احاول اصالحها وابين لها وجهة نظرى ازاى؟؟؟)

وهنا اهتدى الى حل واخذ تليفونه المحمول وبعث اليها باغنية تعبر عن ما يحسه اتجاهها..

وبعث بها بالاغنية التالية

بتكلمينى عن قلبك.

وبتوصفى لى فيه.

وبتلمحلى بحبك.

اه بتحبى فيا ايه؟؟

مش عايز اشيلك همى..

مش عايز احسسك بيا..

ده انا كلى جراح بتئلمنى..

وياريت ماتقربيش ليا...

بشوف فى عنيكى كلمة..

نفسك تيجى تقوليها..

و بخاف عليكى منها..

اوعى تصارحينى بيها..

انا بهرب من لقى عنيكى..

وبتعب كل ما الاقيكى..

وعارف ايه حايرضيكى..

لكن انا حابعدك عنى...

وعندما وصلت الاغنية الى ملك دموعها سالت على خديها ولكنها مسحتها وقررت ان تحاول مرة اخرى وانها سوف تدافع عن حبها وتعين وتساعد حبيبها..

وعندها امسكت هاتفها الجوال وارسلت له رسالة قصيرة ولكنها تحمل اجمل المشاعر واحلاها..

" عندما قررت ان احبك اقل عشقتك اكثر "..

وعندما استلم تلك الرسالة ابتسم وقال فى خاطره بحبك ويارب يساعدنا ويجمعنا ببعض على خير..

وهنا قرر اخيرا ان يفتح الباب لحب يملك لان يغمره وايضا لحبه ان يغمرها ولكنه ترك الامر للظروف..

وفى طرف اخر وفى جهة اخرى من نفس المنزل فى غرفتها جلست وحيدة حزينة شاردة دخلت ملك لكى تستحم وبعد ذلك جلست على السرير واغلقت الانوار واضاءت نور خفيض بجانبها وشغلت المسجل واستمعت الى الاغنية

جوايا ليك احساس..

بيكبر كل يوم..

العين تنام..

والقلب عمر ماجله نوم..

من كتر شوقى ولهفتى شايل هموم..

ارتحتلك..احساس غريب بحسه لما ببصلك..

وبحن لك لو حتى جنبى فى حضن قلبى بحنلك..

سلمت لك اغى ما عندى حتى قلبى فتحتلك..

عمرى انا محتاجة منك كل نظرة حنينة..

روحى انا الثانية فى بعادك بمليون سنة..

قلبى لما بتكون بعيد عنى بيكون مش هنا..

وبعدما انتهت الاغنية فكرت

( احساسى ايه من ناحيتلك ؟ ليه على طول على بالى؟ ليه مرتحالك؟ يمكن بحبك؟طب انت حاسس بيا ؟ حاتصون حبى؟ مش عارفة بحبك ولا وهم؟ طب ياترى بتعمل ايه؟ نايم؟ولا صاحى؟ بتفكر فيا زى ما بفكر فيك؟ ولا بتفكر فى غيرى؟ حتى لو بحبك حاصارحك ازاى؟ ولا اكتم فى قلبى واتعذب؟ طب لو بتحبنى ؟ حتصرحنى ازاى؟ )

(اااااااه يا عمر بحبك ومحتجالك جنبى)..

وبعد هذا الاعتراف بينها وبين نفسها اعياها التفكير ونامت من كثر التفكير والاجهاد...

وفى منطقة اخرى من مناطق الاسكندرية وتحديدا فى غرفة الدكتور عمر كان شارد الذهن وذهب واحضر دفتر خواطره واخذ يخط فيه بعض ابيات الشعر..

يا من سرق قلبي مني

يا من غير لي حياتي

يا من احببته من كل قلبي

يا من قادني الى الخيال

......

أهديتك قلبي وروحي

وبين ظلوعي اسكنتك

ورسمت معك احلامي

و وعــــــودي

وهنا جلس عمر على السرير وهو يتنهد ويقول:

( بحبك يا غرام ونفسى اسعدك ياترى اصارحك ازاى؟ وياترى حاسة بيا؟)

الحلقه 6

لازالت الاحوال كما هى الوالدة مريضة وغرام تتعذب بمرضها وبمشاعرها المتضاربة اتجاه عمر

وزياد قلق على اخته اى والدته وسنده فى الحياة ومحتاج لملك ولكن ما باليد حيلة ليس هذا وقت الحب والمشاعر

وملك معذبة قلقة على حبيبها حبيب عمرها ونور عينها وقلقة ايضا على رفيقة دربها غرام الرقيقة الحساسة

و عمر يتعذب بحبه وخوفه عليها وقلق على الوالدة لان غرام سوف تتعذب وان العذاب هو اخر شئ يتمناه لها

وكوكى و روندا قلقين حيال اخوهم لانه تغير وصار مشغول كثيرا ولا يتحدث كثيرااا..

ملك كانت مع غرام عند زيارتها لوالدتها ودخلوا عليها وعندها تركتها ملك دقائق لكى تنفرد بوالدتها وجلست فى الاستراحة..

وفى ذلك الوقت سحبت غرام كرسى وقربته تجاه سرير والدتها وجلست تحادثها وهى ممسكة بيديها ودموعها على خدها..

غرام

وحشتينى ياغالية وحشنى صوتك وحشتنى ضحكتك وحشتنى عصبيتك وحشنى اكلك وحشنى انك تنادينى وتدلعينى وتقوليلى رورو وحشتينى كلك وحشتينى وحشتينى محتجالك عندى كلام كتير عاوزة احكيهولك تعبانة يا امى ودوايا عندك قومى يا امى قومى ياغالية انا وزياد محتجاين ليكى اوعى تسبينا اوعى تعمليها ياغالية البيت من غيرك ضلمة قومى عشان تنوريه تانى بحبك بحبك يا امى..

وجلست غرام تبكى بكاء مرير وتشهق شهقات عالية وقلبها مقبوض وهى تحس بشئ يقلقها..

وفى تلك الاثناء دخل عمر الاستراحة ووجد ملك جالسة وعلم ان غرام بالداخل ودق قلبه بقوة لانه لم يراها منذ اربعة ايام ودخل والقى التحية على ملك والتى علم انها اقرب صديقة لغرام..

عمر

سلام عليكم آنسة ملك..

ملك

وعليكم السلام يادكتور..

عمر

اخبارك ايه؟؟

ملك

تمام الحمد لله..

عمر

فى حد جوا؟؟

ملك

اه غرام ..

عمر

وهى عاملة ايه؟؟

ملك

ربنا يعينها تعبانة ومش بتاكل كويس ولا بتنام كويس..

عمر

لوسمحتى خليكى جنبها ومتسيبهاش هى محتاجة لحد بيحبها جنبها..

ملك

ماتوصيش حريص يادكتور..

وفى تلك اللحظة خرجت غرام ووجها شاحب وآثار الدموع على وجهها وعندما رأت عمر تلاقت الاعين وتحاورت دون ان تنطق الالسن...

(( حوار العيون ))

عمر وحشتينى.

غرام وحشتنى..

عمر مالك ياغالية..

غرام محتجالك..

عمر انا كلى ليكى..

غرام خايفة..

عمر ماتخافيش وانا جنبك..

غرام ياترى حتفضل جنبى مهما حصل؟؟؟

عمر لو مش جنبك بجسمى قلبى وروحى معاكى..

غرام انت اخر امل ليا..

عمر ب...

ح...

ب...

ك...

والى هذه النقطة انتهى حوار العيون وبدأ حوار الالسن..

عمر

ازيك يا آنسة غرام..

غرام

الحمد لله على كل حال..

وهنا احرجت غرام من نظراته وقررت انهم يجب ان يذهبوا..

غرام

عن أذنك يادكتور..

عمر

حاتمشوا..

غرام

اه لانى تعبانة وزمان زياد حايروح ولازم نحضر الغداء و ملك حاتبقى معايا..

وهنا رن موبايل غرام وظهر على الشاشة " الغالى " اى زياد..

وردت عليه غرام..

زياد

الوو.

غرام

ايوة يا زياد..

زياد

الناس تقول سلام عليكم الاول..

غرام

معلش ياحبيبى سلام عليكم..

( وفى تلك اللحظة كان هناك قلبان معلقان عمر كان يود لو ان غرام تناديه بكلمة حبيبى, و ملك كانت تود ان هى التى تقول لزياد كلمة حبيبى )

زياد

انتى فين؟؟

غرام

عند ماما..

زياد

لوحدك؟

غرام

لا ملوكا معايا وقابلنا الدكتور عمر وهو واقف معانا..

(( وفى اللحظة دق قلب زياد وقال فى نفسه اه لو تاتين واراكى واكحل عيونى برؤياكى..))

زياد

طب يالا انا حاجيب غداء وانا جاى واعزمى ملك ..

غرام

انا اصلا عزمتها هاهاهاهاهاهاااااا..

وهنا ذاب عمر فى ابتسامة غرام, وهنا دق قلب ملك عندما علمت ان زياد يريد ان يراها مثلما هى تريد..

زياد

كويس ادينى دكتور عمر اكلمه..

وهنا اعطت غرام الهاتف الى عمر..

غرام زياد عاوز يكلمك..

عمر حاضر..

عمر

الوو.

زياد

اهلا اهلا..

عمر

اهلا بالباشمهندس..

زياد

متشكرين يالا هات البنتين وتعالوا على البيت انا عشر دقايق وحاوصل وجايب غدا لاربعة ومش حاقبل اعذار..

عمر

خلاص بس بالراحة عليا جاى ان شاء الله..

زياد

سلام..

عمر

سلام..

وهنا انتهت المكالمة..

وتحدث عمر الى الفتاتين..

عمر

يالا يا جماعة نمشى معلش زياد عازمنى حاتقل عليكم..

ملك

ماتقولش كده يادكتور احنا اللى نطلع وانت اللى تدخل , مش كده يا غرام؟؟

فى تلك اللحظة كانت غرام سعيدة لان عمر سوف يظل معها وقت اطول..

غرام

طبعا احنا منستغناش عنك يادكتور ( وابتسمت بخجل ).

عمر

تسلموا يالا اتفضلوا..

وبالفعل ذهبوا وفتح عمر لهم الباب الخلفى للسيارة وجلسوا سويا واعجبت غرام من تلك الحركة لانه كان يعلم انها سوف تتحرج من ركوبها فى المقعد الامامى بوجود ملك بالرغم من انها صديقتها الوحيدة الا ان غرام حساسة وتخجل من اقل الاشياء..

وركب عمر وشغل الكاسيت لكى يبث لغرام مشاعره من خلال الاغنية

غرام مرتبكة لان مجرد وجوده بجانبها اربكها و ملك مرتاحة لانها تشعر بالحب فى الاجواء..

وتعالى صوت الاغنية وي عمر يختلس النظرات الى غرام من مراة السيارة و غرام تموت خجلا وسعادة فى الوقت نفسه وكانت الاغنية تقول:

عنيا بتحبك..

وقلبى بيحبك..

وحضنى بيضمك ده يبقى ايه؟؟

معايا ووحاشنى..

بعيد بتوحشنى..

حبيبى طب قولى ده يبقى ايه؟؟

يعنى ايه؟؟

لما كلامى كله يبقى فى سيرتك..

يعنى ايه؟؟

لما ابقى عايش مش شايف غير صورتك..

وصوتى ماينطقش الا اسمك..

عنيا بتحبك..

وقلبى بيحبك..

ده يبقى ايه؟؟؟؟؟

وانتهت الاغنية ووصلوا وصعدوا الى المنزل و زياد كان هناك

((لا داعى ان احدثكم عن الاجواء اثناء الغدا كان الحب منتشرا فى الهواء وكيوبيد سهامه منتشرة ايضا فى الاجواء ولغة العيون قائمة بين المحبين..

الى ان قطع ذلك الجو الرومانسى..))

رنين هاتف دكتور عمر وهنا صمت الجميع وخيم السكون على المكان وانقبض قلب الجميع..

عمر

سلام عليكم دكتور محمد..

د/ محمد

وعليكم السلام..

عمر

خير يادكتور.؟؟..

د/ محمد

اسف مش خير..

وهنا تغيرت ملامح عمر ووضعت غرام يدها على قلبها..

عمر

اتكلم فى ايه..؟؟

د/ محمد

البقاء لله مدام عاليا اتوفيت من نصف ساعة..

هنا صمت عمر واغلق التليفون وكل العيون على عمر وطال الصمت..

غرام

اتكلم امى صح امى فيها حاجة؟

عمر

---------------------.

زياد

عمر اتكلم؟

ملك

ممكن تهدوا اتكلم يادكتور..

عمر

انا اسف البقاء لله..

وهنا صرخ زياد صرخة قوية لم يكن احد يتوقعها الكل توقع ان غرام هى التى سوف تنهار ولكن غرام ظلت صامتة تنزل من عيونها دموع صامتة تقطع القلب وعمر يود لو ضمها الى صدره لكى يطمنها ويهديها..

زياد

لالالالالالالالالالالالالالا الغالية لالالالالالالالالا...

عمر

وحد الله يا زياد..

زياد

اااااااااااااااااااااااااااااااه اااااااااااااااااااااه ياختى اااااااااااااااااااااااااااااه..

عمر

اتماسك عشان غرام..

زياد

اااااااااااااااااااه..

وهنا تدخلت ملك وتحدثت الى زياد بكل حنية وفى نفس اللحظة جلست غرام على الكرسى جسد بلا روح..

ملك

اهدى يا زياد..

زياد

مش قادر حاموت ياملك..

ملك

بعد الشر عليك ياعيونى انا فداك..

زياد

تعبااااااااااااااااان يا ملك..

ملك

سلامتك من التعب يا حبيبى..

زياد

محتجالك اوى..

ملك

انا جنبك ومش حاسيبك..

وهنا دون ان تدرى احتضنت ملك زياد وجلس يبكى بكاء حار و ملك تبكى معه وتقرا عليه القرآن لكى تهديه..

ومازالت غرام صامتة وقلق عمر من صمتها..

عمر

اتكلمى يا غرام..

غرام

----------------------------..

عمر

خرجى اللى جواكى..

غرام

-------------------------

مرت ايام العزاء الثلاثة و زياد مازال منهار ولا يقويه سوى كلمات ملك المشجعة والتى تخفف من حزنه بعض الشئ ولم يتركه عمر لحظة واحدة

وجاء د/ اكرم الى العزاء هو وزوج ابنته احمد..

واتصل عمر على اخته كاميليا وطلب منها ان تحضر لكى تعزى غرام وتظل بجوارها وتطمنه عليها وكانت ملك وكاميليا ملازمين لها طوال الوقت ولكنها لم تنطق بكلمة..

وصمتها هذا اثار قلق الجميع خاصة عمر ...