اسكريبت في عشق غرام الفصل العاشر والحادي عشر والثاني عشر

 الحلقه 10.....11......12 من (غرام)

عمر

انا هاقولك من اول الحكاية..

غرام

اتفضل..

عمر

بصراحة ياغرام انا علاقتى بامى اتهزت من فترة ومش قادر ارجع اثق فيها تانى المهم انا عندى خالة وحيدة وللاسف طباعها زى طباع امى ومتخافيش مع الوقت ومن خلال حكايتى هاتعرفى طباعهم..

والدتى اتجوزت والدى ورغم ان اهلها كانوا رافضين لكبر سنه ولكنها اصرت مش عشان حب لا عشان ظروفه المادية انا الموضوع ده اكتشفته بعدين..

وخالتى برضه نفس الحكاية اتجوزت جوزها الله يرحمه لظروفه المادية المرتفعة المهم خالتى دى عندها بنت اسمها شهد وشهد حلوة وقريبة منى فى السن

المهم امى كانت دايما تقولى ذاكر لشهد كلم شهد وكده لحد ما اتعلقت بيها بجد وحبيتها وخدعتنى بكلامها الحلو وكنت بقدر اكلمها واشوفها فى اى وقت وبالفعل مرت السنين حوالى 3سنين ونويت اخطبها ووالدى رفض وكانت مشكلة كبيرة وقالى انا مش برفض عشانى انا برفض عشانك عشان انا خايف عليك وعارف ايه اللى هايحصلك والبنت ماتتخيرش عن امها وخالتها الى هى والدتك وانا مستحمل افعال والدتك و طمعها عشان خاطرك انت واخواتك وخصوصا ريوم الصغنونة..

واصر والدى على الرفض ووعدتنى شهد ان هى هاتنتظر لحد ماوالدى يوافق وشكرتها وحبى زاد ليها ساعتها..

وفى يوم رجعت من برة وشفت عربية شهد واقفة ادام الفيلا وعرفت انها جوا وانبسطت جدا عشان هاشوفها وقلت ادخل من باب المطبخ من ورى يعنى عشان افاجائها واخدها انا وهى ونتعشى برة المهم دخلت وسمعت الكلام ده بين ماما, خالتى , شهد ..

خالتى

ها هو لسه أكرم رافض..

ماما

ايوة للاسف..

شهد

طب وبعدين ياخالتو هافضل مستنية كتير كده؟؟

ماما

لا انا عندى حل فى دكتور زميلى فى المستشفى شافك وعجبتيه وهو غنى جدااا وهايعمل كل اللى احنا عاوزينه بس هو عند40سنة..

خالتى

كويس المهم متاكدة من ظروفه المادية..

ماما

طبعا ومهرها هايكون فيلا باثاثها الكامل على ذوقها وهايكتبها باسمها..

شهد

بجد؟ طب و عمر..

ماما

كده كده أكرم مش هايوافق دلوقتى انتى اتجوزى الدكتور دلوقتى سنتين ولا تلاتة وبعدين اطلبى الطلاق وهاتكونى اخدتى كل اللى انتى عاوزه وبعد كده يكون عمر كبر واستقل عن ابوه واتجوزيه ها ايه رايكم؟؟؟

خالتى

صح كلامك خالتك صح وتمام يا شهد ..

شهد

ماشى وانا موافقة..

بس سمعت كلامهم ولفيت ودخلت من الباب الرئيسى ولا كأنى سمعت ولا عرفت حاجة واول مادخلت لقيت شهد بتمثل انها بتعيط وامى شكلها متضايق وخالتى كمان

المهم عملوا عليا تمثيلية ان عمها غصبها على الجواز من راجل اكبر منها ومدام انا كمان ابويا مش موافق يبقى هى لازم تتجوز الراجل ده عشان ماتعملش مشاكل مع اعمامها وانها هاتحاول تخلص من الجوازة دى باى شكل عشان نرجع وتتجوزنى..

مثلت انا كمان انى مجروح عشان هى هاتتجوز وتسيبنى بس انا كنت مجروح عشان خداعهم ليا..

المهم جوزها مات من كام شهر وبتحاول هى وامى وخالتى يكملوا مخططهم بس انا رافض..

غرام

رافض عشان كنت عرفتنى ولا عشان هى خدعتك؟

عمر

الاتنين وبعدين والله من ساعة ماشفتك وعرفتك وانا نسيتها ونسيت كل شئ حصل وقررت اتناسى الموضوع واكمل حياتى معاكى انتى وبس..

غرام

بجد؟؟

عمر

يعنى مش عارفة؟؟

غرام

امممم المهم مامتك عرفت انك عارف كده ؟؟

عمر

لا محدش عارف غير كوكى...

غرام

عمر ..

عمر

ياعيون عمر ..

غرام

مش احنا واحد..

عمر

طبعا..

غرام

انسى وماتزعلش نفسك..

عمر

هاهاهااااا حد يبقى مع القمر ومن غير نضارة ويزعل..

غرام

هاهاهاهاهاهاااااا..

عمر

انا هاقوم امشى..

غرام

لسه بدرى..

عمر

انا معاكى بقالى اكتر من تلات ساعات اخاف زياد يجى يخنقنى..

غرام

هاهاهاهاهاهاااااااااا ماتخافش زياد بيحبك..

عمر

وانا بحبه وبحب بنت اخته..

غرام

---------------------..

عمر

هاتوحشينى..

غرام

وانت كمان..

عمر

بتوحشينى.

اول مابتسبينى..

بتوحشينى..

واول مابشوفك..

بتوحشينى..

مابحسش بالوقت..

بحس ان احنا فوق..

والعالم كله تحت..

وان الكون الكبير..

على بعضه ما يلزمنيش..

وان اصلا مافيش غيرك..

انتى اللى تلزمينى..

مش بقولك بتوحشينى.....

الحلقه 11

عمر

حاتوحشينى..

غرام

وانت كمان

عمر

وانا كمان ايه يارونى

غرام

ايه ياعمر انت مش كنت ماشى

عمر

يارونى قولى بقى

غرام بكسوف

وانت كمان حتوحشنى

عمر

سلام يارونى

غرام

سلام

وسلم عمر على زياد وملك واسئذان يمشى وكوكى قالتله حتستنى جوزها يعدى عليها ويروحوا بيتهم سوا

وركب عمر عربيته وكان بيحاول يدور على سبب يقنع بيه والدته انه اختار غرام ونفسه يكمل حياته معها وفضل يفكر ازاى وامتى يقدر يقولها انه عرف حقيقتهم كلها لحد ما وصل عند البيت ودخل بيته لقى والدته فى حالة غضب شديد اوى

عمر

السلام عليكم يا ماما

والدته

انت مجتش عزومة الغداء ليه ياعمر

عمر

كان عندى مشوار مهم اوى يا ماما

والدته

وشهد وخالتلك اللى عزمتهم

عمر

ولايهمك يا دودو انا حتصل بشهد واعتزرلها واعزمها على الغداء

والدته بنظرة سعادة

طيب يلا بسرعة

عمر

انتى تؤمرى يا ست الكل يا دودو ياقمر انتى

طلع عمر على اوضته وبدء يضرب رقم بيت خالته وهو بيفكر

عمر

الو

فريدة

ايوه ياعمر

عمر

ازيك ياخالتو ديدة

فريدة

انا زعلانه منك ياعمر

عمر

انا عارف يا خالتو بس كان عندى مشوار مهم اوى

فريدة

دى شهد زعلت اوى لما مش لقيتك

عمر

كده طيب هاتيها

فريدة

طب استنى

وراحت فى اوضه شهد وهى مشغلة الاغانى بصوت عالى

فريدة

شهد

شهد

ايوه يا ماما

فريدة

تعالى كلمى عمر على التلفيون بين كده هيرجع تانى زى ماكل حاجة ماشيه وغمزت لها بعنيها

شهد

بجد طيب انا جايه اهو

وراحت شهد لمكان التليفون

شهد بتصنع الزعل

عايز ايه ياسى عمر

عمر

ده الجميل زعلان اوى منى

شهد

اوى اوى

عمر

كل ده

شهد

اها طبعا كده اروح عشان اشوفك على الغداء ومتجيش

عمر

معلش يا شادو كان عندى مشوار مهم اوى

شهد

لا زعلانه

عمر

حتى لو قولتلك انى عزمك بكره على الغداء وجيبلك هدية اصلحك بيها

شد بفرح

بجد ياعمر

عمر(بينه وبين نفسه طول عمرك مادية )

بجد يا شادو

شهد

ماشى ياعمر

عمر

يلا انا حقفل عشان تعبان

شهد

الف سلامة عليك يا مرمورتى

عمر

الله يسلامك سلام

شهد

سلام

وخلصت شهد التليفون وجرى على مامتها

شهد

ماما يا ديدة

فريدة

ايوه ياشهد عملتى ايه مع عمر

شهد

عزمنى على الغداء بكره وحيصالحنى بهدية كمان كلمى خالتو فدوة وقولها كل شئ تمام

فريدة

طيب يا شهد

وفى نفس الوقت اكرم جاه من بره

اكرم

ازيك يافدوة

فدوة بلا مبالاة

كويسه يا اكرم

اكرم

عمر ورواند فين

فدوة

فى اوضتهم

ومن غير كلام تانى طالع اكرم على اوضه رواند ولقها فاتحه الاغانى بصوت عالى جدا وبتكلم فى التليفون

اكرم

بتكلمى مين يا رونا

رواند

لا دى روان واحده صحبتى يا بابى

اكرم

طيب ياحبيبتى زاكرتى

رواند

تمام يادكتور وححصلكوا على طب

اكرم

ماشى يادكتور اسيبك تكملى كلام مع صحبتك

رواند

اوكى يا بابى

اكرم

متعرفيش عمر صاحى ولا نايم

رواند

لا صاحى شافته اقعد فى الهول بتاع اوضته بيكلم شهد فى التليفون

اكرم

طيب

وراح اكرم على اوضه عمر وخبط على الباب

عمر

مين

اكرم

انا ياعمر

عمر

بابا اتفضل

اكرم

ازيك

عمر

الحمدلله

اكرم

انت كنت بتكلم شهد

عمر

ايوه يا بابا

اكرم

تانى ياعمر

عمر

اقعد بس وانا حفهم حضرتك على كل حاجة

اكرم

ها ياعمر

وفى نفس الوقت احمد راح على بيت غرام ياخد كوكى

وبعد ما راح اخدها من هنا دار بينهم حديث فى العربية

كامليا

تعرف يا احمد

احمد

ايه ياكامليا

كامليا

عندى ليك مفاجأة

احمد

خير يا كوكتى

كامليا

غرام اتكلمت يا احمد

احمد

بجد

كامليا

اه تعرف نفسى تتجوز عمر البنت كويسه اوى

احمد

ربنا يقدم اللى فى الخير وحماتى اللى هى حياتى توافق يا رب

كامليا

هاهاهاهاهاهاهاهاااااااااااااا يارب ياحبيبى يارب

الحلقه 12

وتانى يوم وعمر فى الشغل اتصل بشهد

عمر

صباح الخير يا شادو

شهد

صباح النور ياعمر

عمر

اخبار القمر ايه النهارد

شهد

الحمدلله وانت

عمر

كويس بقولك حعدى عليكى النهارده بعد الشغل ونتغدا بره

شهد

بجد طيب حكون جاهزه

عمر

اوكى يلا سلام

شهد

سلام

وفى الميعاد راح عمر اخد شهد من البيت وهما فى العربية عطاها علبه شيك اوى

شهد

ايه ده يا عمر

عمر

دى هدية علشانك افتحيها يا رب تعجبك

شهد

الله يا عمر دى احلى واغلى ساعة شفتها

عمر

متغلاش عليكى شادو

ووصلوا لمطعم على البحر وفى نفس الوقت كانت ملك عند غرام و زياد

ملك

حمد على سلامتك ياغرام

غرام

الله يسلامك

ودخل زياد

ازيكوا يا بنات

غرام/ ملك

الحمدلله

زياد

ازيك يا ملوكة

ملك

ازيك انت يا زياد

زياد

انا كويس

ملك

وانا كويسه

زياد

بقول ايه تعالوا تتطلع تتغدا بره كلنا

غرام

لا بلاش انا روحوا انتوا

ملك

لا لازم تيجى ايه رائيك لو تتصلى بعمر يجى معانا بعد اذن زياد طبعا

زياد

مفيش مشكلة كلميه يا رونى

غرام

حاضر حدخل اجيب الموبايل واكلمة

دخلت غرام تكلم عمر وطلعت لزياد وملك

زياد

ها كلمتيه

غرام

غريبة

زياد

فى ايه

غرام

اتصل بيه كنسلنى اول مرة يعملها

ملك

ممكن عنده شغل فا مقدرش يرد اكيد حيكلمك لما يفضى

غرام

مش عارفة ليه قلبى مقبوض

زياد

يلا يا بنات مش حننزل ولا رجعتوا فى كلامكم

غرام / ملك

نازلين اهو يلا بينا

وفى المطعم اللى فيه عمر و شهد

عمر

عجبك المطعم

شهد

يجنن

عمر

طيب كويس

شهد

عمر مين اللى اتصل بيك ومردتش

عمر

مفيش ده اتصال من المستشفى فا مش عايز ارد مش عايزة حاجة تاخدنى منك

ودخل واحد

مين دكتور عمر

عمر

مين دكتور مازن ازيك يا راجل

مازن

الحمدلله اخبارك ايه

عمر

تمام اعرفك شهد بنت خالتى وده الدكتور مازن اشهر واكبر جراح تجميل

مازن

تشرفنا

شهد بنظره اعجاب

الشرف ليا يا دكتور بما انك دكتور تجميل ممكن اسالك سؤال

مازن

طبعا اتفضلى

شهد

تفتكر انا محتاجة لكام عملية تحميل

مازن

الوش الملائكى ده مش محتاج لاى عمليه

شهد

اشكرك على المجاملة الرقيقة

مازن

دى مش مجاملة دى حقيقة

عمر

انت خلاص رجعت ولا زيارة وراجع امريكا تانى

مازن

زيارة عائلية وراجع

عمر

طيب اقعد اتغدى معانا

مازن

مش حينفع يا عمر مرتبط بمواعيد

عمر

طيب اوصلك ازاى عايز اشوفك

مازن

انا كل يوم بتغداء هنا ورقمك لسه معايا

عمر

طيب حستنى منك اتصال

مازن

خلينا نشوفك سلام

عمر

سلام

وبعد ما مشى

شهد

مين ده

عمر

ده دكتور مازن صحبى والده عند اكبر مستشقى لجرحة قلب فى امريكا وهو فتح مستشفى لجراحة التجميل خاصة بيه

شهد عينها بتلمع

اااه شكله غنى اوى

عمر

غنى اوى المهم عايزة تتغدى ايه يلا نختار السمك انا جعان اوى

شهد

وانا كمان نفسى مفتوحة اوى

وهنا دخلت ملك وغرام و زياد واعاقدوا فى نفس المعطم وشوفوا عمر و شهد

غرام مش قدرت تمنع انه يبان عليها انها مضايفه وعمر بان على وشه القلق

زياد

مش ده عمر يا غرام

غرام بعصيبة

ايه يلا ياجماعة مش حناكل

ملك بصت لزياد

طيب يلا

وعند عمر و شهد

عمر (بينه وبين نفسه ربنا يستر)

دقيقة يا شهد حروح اسلم على ناس اصحابى

شهد

اوكى

وراح عمر عند غرام وزياد وملك

عمر

السلام عليكم

زياد /ملك

وعليكم السلام

عمر

ازيك يا زياد

زياد

تمام وانت يا دكتور

عمر

الحمدلله ازيك ياغرام

غرام دورت وشها الناحية التانيه

اهلا

شهد من هناك

عمر ياعمر

عمر بارتباك

ايوه يا شهد دقيقة

زياد

روح عشان مش تسبها لوحدها كتير

عمر

غرام حكلمك افهمك على كل حاجة

غرام مش اتكلمت وعمر راجع لشهد تانى

شهد

مين دول ياعمر

عمر

ناس اصحابى

شهد

اه طيب مش ناكل بقى الاكل حيبرد

عمر

عندك حق

و بعد خلصوا اكل وصل عمر شهد وعند بيتها

عمر

حتوحشنى

شهد

وانت كمان كلمنى لما توصل

عمر

اوكى سلام

شهد

سلام

وطول الطريق عمر بيفكر فى غرام واللى حتقوله وفى نفس الوقت غرام روحت ومكنتش بتتكلم كانت بتفكر مين دى وكانت معه ليه وليه كنسل علها ده اول مرة يعملها

وبعد ماوصلت شهد دخلت البيت

والدتها

اهلا يا شادو

شهد

اهلا يا فيرى

والدتها

كنتى مبسوطه

شهد

جدا انا حدخل ارتاح دلوقتى وبعدين لينا كلام كتير اوى

والدتها

اوكى

ودخلت شهد اوضتها وفضلت تفكر

ياااه مازن ده غنى اوى وامور كمااااان . واغنى من... عمر ياسلام بس حوصله ازاى ... ايوه هو قال انه بيتغدى كل يوم فى نفس المكان ... يبقى اروحله بكره

وفى نفس الوقت عمر اتصل بغرام

عمر

الو

غرام

ايوه

عمر

انا اسف ياغرام

غرام

مين دى يا عمر

عمر

دى شهد

غرام بدموع

شهد ؟؟؟ وتكنسل عليا وتتغداء معها

عمر

ممكن تثقى فيا وبعدين حفهمك كل حاجة

غرام

يعنى ايه فهمنى دلوقتى

عمر

مش حينفع دلوقتى

غرام

يبقى مش حينفع نكمل ياعمر

الكل يعمل متابعه هنا 👈  فضلا وليس أمرا علشان اكمل