بدابة جديدة

موقع وصفات لست البنات 

بداية جديدة 

اسكريبت كامل 

اميرة :بقى كدة يا محمد لسه مصر تمشي في الطريق ده اهنا مكناش اتفقنا 

محمد :لا متفقناش ومش هنتفق

اميرة :على فكرة لو فضلت كده هقول لبابا

محمد :قولي

اميرة :يا محمد انا بقولك كدة علشان بحبك ومش عايزاك تخسر كل حاجة انت عارف السكة دي غلط

محمد :عارف وخلي نصايحك لنفسك سلام 

اعرفكوا اميرة ١٦سنه ٢ثانوي 

محمد ٢٢سنة اخر سنة لي في كلية الهندسة حلم حياته

نكمل

اميرة :مش همشي 

محمد :كلمي نفسك

اميرة :استنى

محمد :...

أميرة :محمد محمد ثانية بس 

ورد :في آي يا أميرة بتنادي لي كده

اميرة :مافيش كنت بكلم محمد ونزل ومرضيش يسمعني

ورد :في حاجة مابينكوا مخبيها

اميرة :لا يا ماما اكيد لو في حاجة هقولها

ورد :اتمنى عليكي دروس النهاردة

اميرة :لا عليا بكرة اتنين 

ورد :طيب يا روحي خشي زاكري لحد ما الاكل يخلص ولو عايزة اي حاجة قوليلي

أميرة :تسلميلي يا ماما ادعيلي بس

ورد :يعني انا محتاجة يلا بسرعة وبلاش تضيعي وقت

أميرة :تؤمري يا دودي

اعرفكوا ورد ام أميرة ومحمد ٤٣ سنة خريجة تربية نوعية    

عند محمد

محمد :انتي فين يا معلم ظبط اللي قلتلك عليه

سيف : في المكان اللي ديما بنتقابل فيه وكمان دي مستهلة تعالي بس وهنروق 

محمد :يعني اطمن

سيف :اطمن

محمد:خلاص سلام انا دقيقة وهكون عندك

سيف :سلام

اعرفكوا سيف صديق محمد ٢٣سنة 

في اوضة أميرة

أميرة:قعدت تزاكر بس كل تفكيرها في محمد

"اقول لماما تتصرف قبل ما يضيع اكتر بس ساعتها هيزعل وممكن يكمل في الطريق واكتر من الاوال

بس لو قلت لبابا انا مش ضامنة رد فعلو وممكن يتعصب وفي الحالتين محمد هيعند

طب لو مقالتش ساعتها هيضيع اكتر

يارب ساعدني انا تعبت بجد"

وفاجاة الباب خبط

يوسف :حبيبت بابا بتعمل اي

أميرة:مافيش ياباشا كنت بزاكر

يوسف :شطورة ايوة كدة يا دكتورة

أميرة :قول يارب

يوسف :ان شاء الله هتوصلي اخوكي فين

أميرة :راح عند واحد صحبه

يوسف :هو مش عارف الوقت ده وقت غداء ولازام كلنا نتجمع فيه لحظة اتصل عليه

أميرة :روق يابابا هو أن شاء الله هيجي دلوقتي

يوسف :مش مطمنلكوا بصراحة

اعرفكوا

يوسف زوج ورد ٤٥ سنة خريج هندسة

نكمل

أميرة :بابا اطمن مافيش حاجة

يوسف :اتمنى لو في حاجة تحكيلي علشان لو عرفت من برة هزعل انا واثق فيكوا بلاش تكسري الثقة

أميرة :طيب هقولك بس اوعدني مش تتعصب

يوسف :وعد

أميرة :بصراحة يابابا محمد بقالوا فترة بيجي بعد الفجر وبيقولك انه بيحب يصلي في جامع تاني غير اللي حضرتك بتروحوا بس محمد بيمشي من بدري من اول حضرتك انت وماما بتناموا ومبقاش بيصلي ومصحاب بنات كتير واذاهم ولما كلمته اتعصب عليا وبالصدفة وانا بروق اوضته اكتشفت انه بيشرب سجاير ولما واجهته ضربني وانا خفت اقولك تتعصب

يوسف :طبعا من كتر الصدمة مش عارف يرد

أميرة :بابا علشان خاطري مش تزعلوا

يوسف :ازاي انا ابني مكنش بيسيب فرض ازاي ابني اللي خاتم القرآن يعمل كدة انا ربيته انه يخاف على بنات الناس ازاي دلوقتي بياذيهم

أميرة :بسبب الناس اللي لسه متعرف عليهم الأسف دي الحقيقة

يوسف :طيب انا هتصل دلوقتي وهخليه يجي بس متعرفهوش ان انا عرفت وانا هتصرف في الموضوع ده وبلاش امك تعرف علشان انتي عارفها 

أميرة :اكيد يابابا

وفاجاة

ورد :بقى كدة اي الخاينة دي مكنتش متوقعة منكوا كدة

أميرة ويوسف معالم الخوف ظهرت على وشهم

أميرة :لي بتقولي كدة ياماما هو اهنا نقدر

ورد :اه قدرتوا وخبيتوا عليا

يوسف :محصلش انا لسه عارف دلوقتي

ورد :لا حصل وبتتجمعوا تضحكوا من غيري لحظة عرفت اي انتي مخبية حاجة يا أميرة

أميرة :لا طبعا ياماما

يوسف :معلشي يا أميرة انا هقول لماما علشان متزعلش بصراحة يا دودي الاولاد كانوا بيحضرولك مفاجأة

ورد :بجد خلاص اعتبروني معرفتش  حاجة وكمان معلشي يا يوسف اتصل على محمد علشان يجي

يوسف :حاضر هتصل دلوقتي

عند محمد

محمد :عملت اي في موضوع البنت

سيف :وقعت ياباشا انت متعرفش بتكلم مين

محمد :لا عارف

سيف :ايوة كدة 

محمد :ما تفكر في حاجة جديدة نعملها 

سيف :اي رايك نسافر يومين برة

محمد:متوقعش بابا هيوافق

سيف :حاول تقنعه ده هيبقى في بنات وهيصة

محمد :هحاول الساعة كام

سيف:الفون مش معايا شوف في الفون بتاعك أسهل 

محمد :طيب

"يخربيتك الحق"

سيف :في اي

محمد :بابا وماما اتصلوا اكتر من ٢٠ مرة انا لازام امشي سلام

سيف :هتيجي تاني

محمد :معرفش انا برن عليهم دلوقتي

سيف :خير اطمن 

في الطريق

محمد :الو يابابا خير

يوسف :تعالي بس بسرعة علشان ناكل مع بعض

محمد :حاضر يابابا انا في الطريق

يوسف :طيب يا ابني خلي بالك من نفسك 

محمد :ان شاء الله يابابا

عند أميرة

ورد :اي هيجي

يوسف :اه في الطريق

بعد نص ساعة على سفرة الطعام

يوسف :النهاردة هنتجمع ونحكي قصة كل واحد يجهز حاجة بس تكون بمعنى كما تدين تدان

محمد :اشمعنا يابابا الموضوع ده

"وطبعا بدا يشك بس اللي كان مطمنه انه كان بيهزر معاهم"

يوسف :تغير وعلشان حاسس اننا بعدنا عن بعض

أميرة وورد :فكرة حلوة جدا

محمد :طب ما ناجل الموضوع مش لازام النهاردة

يوسف :لا النهاردة وخليك فاهم زي ما صحابك ليهم حق عليك اهلك نفس الموضوع

ورد:اهدي يا يوسف

يوسف :أنا هادي خالص بس انا غلطان واضح ان انا الفترة اللي فاتت دلعتهم جامد بس خلاص كله انتهى

محمد :خلاص يابابا انا اسف هلغي المعاد

يوسف :ياريت

ورد :اي رايكوا انا هعملكوا مفاجأة النهاردة والحلويات اللي بتحبوها

أميرة :أنا طول عمري يقول مافيش زي دودي طب اي رايكوا مش نتكلم عن كما تدين تدان كل واحد يجهز حاجة يتكلم فيها

يوسف وورد :فكرة حلوة

ثم انتهوا من تناول الغداء

بعد نص ساعة

محمد :أميرة انتي قلتي حاجة لبابا

أميرة :لا واكيد لو قلت كان كلمك

محمد :بصراحة مش مصدقك بابا اول مرة يتعصب عليا بالشكل ده وكمان وافق ان انا الغي المعاد

أميرة :طب وانا مالي وكمان اهدي هنعرف قريب

محمد :سلام علشان مش اتعصب عليكي

في أوضة محمد

محمد :عايز اي يعم مش فاضي

سيف :في اي انا اللي غلطان علشان بتصل عليك اطمن على ابوك وأهلك مالك متعصب لي

محمد :مافيش بس بابا مش عايز حد يطلع من البيت عامل اجتماع للعيلة

سيف :يعني مش هتيجي وكمان هو ابوك لسة في الداء الاسود هههه 

محمد :لو سمحت مش تتريق على ابويا وكمان اه هو شايف كدة العلاقة الأسرية هتقوي

سيف :طيب يا صاح سلام شوف هنتقابل امتى

محمد :سلام

بعد ٤سعات

يوسف :طبعا كلكوا عارفين انا حبيت نتجمع النهاردة لي من زمان كنا محددين ساعة كل يوم نقضيها مع بعض ضحك وهزار ونتناقش في موضيع عامة ويوم في الأسبوع كان ليكوا  من سنة ملقتش في وقت ثابت وبقي كل واحد لي طريق محمد مبقتش بشوفوا الا كل فين وفين وبقول خلاص كبر وبقي رجل كلها شوية وهيبقي لي بيت وأولاد واميرة كانت لسه بتقرب مني انا وممتها حتى بعد ما وقت الاجتماع اتلغي اكتشفت ان دي أسوء حاجة حصلت وعلشان كدة بعد ما هنخلص الاجتماع في قوانين جديدة وهتمشي على الكل وكالعادة بنبدا من الصغير فا ابدأي يا أميرة قولي حبة تتكلمي عن اي

أميرة :حبة اتكلم عن الصداقة بين البنت والولد لأنها الأسف انتشرت كتير اوي

يوسف وورد :ابدائ

أميرة :الأسف اليومين دول طلعت معاني كتير ومن كتر ما الموضوع انتشر الناس بقت شايفة الصداقة والارتباط بين البنت والولد عادي ونسيوه ان ربنا سبحانه وتعالى حرم ده بيقولوا عادي ما الكل مصاحب ونسيه قال تعالى وَكُلُّهُمْ آتِيهِ يَوْمَ الْقِيَامَةِ فَرْدًا صدق الله العظيم بيقولوا عادي الصداقة بين البنت والولد مش حرام وكدة كدة طبيعي هنضر نتعامل مع الولاد ولو حرام اكيد مكنش ده كله مصاحب ونسيه  ولا متخذات اخذان والاية دي بتحرم ان البنت تاخد الولد صديق ليها ودي كانت شروط للمرأة وحط نفس الشروط للرجل ولا متخذي أخدان  وكانت الشروط دي علشان تحمينا وتحافظ على قلبنا ولكن الأسف اغلب الناس فهمه ان الشروط دي علشان تمنعهم من انهم يعيشيو ومش رضين يفهموه ان الشروط دي علشان نعرف نعيش وفي مجتمعنا شايفين ان الولد لي حق يصاحب ويعمل اللي هو عايزاه وعادي وشايفين ان دي الرجولة ولو البنت عملت كدة يقتلوها وشايفنها اجرمت ونسيوا ان كلنا هنقف قدام ربنا سبحانه وتعالى وهنتحاسب نفس الحساب ومش هنقول ساعتها انا ولد وانا بنت وان الرجولة انهم يرعوا بنات الناس مش ياذوهم والبنت تغلى نفسها ولو عايزة اهتمام تتعرف على بنات جديدة تشوف هوية ليها وتنميها بدل ما تدور علي اهتمام وتضيع وقت وهي بتخسر ربنا سبحانه وتعالى

يوسف وورد ":مكناش متخيلين انك كبرتي للدرجتي ربنا يحفظك فرحتينا جدا والله وخليتينا فاخورين بيكي واتمنى الكلام تعملي بيه مش مجرد كلام وبس

أميرة :اطمن يابابا انت وماما انتوا ربتوني كويس وان شاء الله هفضل عند ثقتوا فيا

ورد :إن شاء الله

يوسف :يلا دورك يا محمد

محمد :بصراحة مش مجهز حاجة انا اسف

يوسف :خلاص ولا يهمك بس فكر تتكلم عن اي حاجة لحد ما نخلص انا وماما ولو ملحقتش بكرة ان شاء الله

محمد :ان شاء الله

يوسف :يلا يا ورد حبة تتكلمي عن اي

ورد :عن الياس  الأسف الفترة دي بحس ان الناس بقت بتستسلم بسرعة أطفال وشباب كنا زمان الموضيع دي مش موجودة دلوقتي بحس ان الطفل ١٥ سنة شايل كتير اوي وفاهم اكتر من اللي عندوا ٦٠ سنة حاسة الحياة جت عليهم فاجاة وبصورة صعبة في اللي قدر يكمل وواثق من ربنا سبحانه وتعالى انه لا يُكَلِّفُ اللَّهُ نَفْسًا إِلَّا وُسْعَهَا ۚ فا بيستحمل وبيكمل مستني الفرج لان ربنا سبحانه وتعالى وعدنا فإن مع العسر يسرا إن مع العسر يسرا ودول ليهم جزاء كبير وفازوا بجزاء الصبر وبشر الصابرين وان شاء الله ربنا هيكافهم وهيلاقوا العوض في الدنيا والآخرة وفي اللي بيستسلم وكل واحد بيتصرف تصرف غير التاني في اللي بينعزل عن الناس وفي اللي بيقرار يخسر دانيته واخراته وياس من رحمة ربنا ودول ربنا يغفرلهم ويرحمنا برحمته الواسعه ويهدينا جميعا ويصبرنا

كلهم : دودي بتقول عظمة

ورد :ميرسي بس حاسين ان انا اندمجت سيكا هههه

أميرة ومحمد :الحق يا جو مراتك بتقول سيكا

يوسف :هي مش قاعدة معاكوا دي أقل حاجة تقولها هههههه

أميرة :يلا دورك يابابا هتتكلم عن اي

يوسف :التوبة الأسف ناس كتير شايفة ان ذنبهم ممكن ميتغفرش ونسيوه ان ربنا سبحانه وتعالى غفور رحيم ويغفر الذنوب جميعا بس قبل ما الكتاب يتقفل فا بيكملوا في الطريق الغلط بس لو عرفوا قد اي ربنا سبحانه وتعالى بيحب التوبة مكنش حد فيهم هيتاخر يمكن خوفهم من الناس اللي بتتكلم وتحس انهم ملايكة ماشية على الأرض فا بيحسوا انهم اقل من الكل فا بيستسلموا ونسيوا ان مافيش ملايكة وان كلنا بنغلط بس يابخت اللي بيغلط ويلحق يتوب اه ربنا سبحانه وتعالى غفور رحيم بس في نفس الوقت شديد العقاب قال تعالى اعْلَمُوا أَنَّ اللَّهَ شَدِيدُ الْعِقَابِ وَأَنَّ اللَّهَ غَفُورٌ رَحِيمٌ صدق الله العظيم نصيحة ليكوا  بلاش في يوم تياسؤ من رحمة ربنا غلط توب استغفر حتى لو توبت ورجعت للطريق تاني جدد التوبة حارب علشان الجنة تستاهل  

محمد:حتى لو الذنب كبير وبطلت ورجعت 

يوسف :حتى لو كبير قال تعالى قال تعالى قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ صدق الله العظيم

أميرة :بابا ممكن اسالك سؤال

يوسف :اكيد

أميرة :هو ربنا سبحانه وتعالى مش بيزعل لما بنفضل الدنيا والناس عليه وعلى الآخرة لي بيسامحانا مهما بنعمل واحكيلي قصة ادم عليه السلام ممكن 

يوسف :علشان ربنا سبحانه وتعالى عارف ان الانسان ضعيف قال تعالى {يُرِيدُ الله أَن يُخَفِّفَ عَنْكُمْ وَخُلِقَ الإنسان ضَعِيفاً}

ومعنها ان ربنا سبحانه وتعالى خلق الإنسان ضعيف بيميل الاشهوات بيفكر بس عايز اي ويهرب من النتيجة بالحيلة مثلا السارق هو لو فكر انه لما يسرق ايديه هتنقطع ساعتها هيخاف ولكن هو ميفكرش في العقاب بيفكر ازاي يهرب بس الحمد لله ربنا  رحيم بينا ولولا رحمته محدش فينا هيدخل الجنة ولا هيقدر يعيش وهحكيلك قصة أدام عليه السلام مكنتش حكتهالك انبارح هههههههه

أميرة :بحب القصة دي اوي

يوسف :وانا كمان 

  لما ربنا سبحانه وتعالى امر ابليس انه يسجد لادام رافض  ان يسجد قال تعالى{ وَإِذْ قُلْنَا لِلْمَلائِكَةِ اسْجُدُوا لِآدَمَ فَسَجَدُوا إِلاَّ إِبْلِيسَ أَبَى وَاسْتَكْبَرَوَكَانَ مِنَ الكَافِرِينَ} صدق الله العظيم وساعتها ربنا سبحانه وتعالى استغرب فا سألوا علشان يعرف السبب قال تعالى{ قَالَ يا إبليس مَا مَنَعَكَ أَن تَسْجُدَ لِمَا خَلَقْتُ بِيَدَيَّ أَسْتَكْبَرْتَ أَمْ كُنتَ مِنَ العالين}صدق الله العظيم ساعتها ابليس رد "ءأَسْجُدُ لِمَنْ خَلَقْتَ طِيناً" ودي كانت بداية الحكاية ابليس مرفضش بس انه يسجد لادام لا ده رافض اؤمر ربنا سبحانه وتعالى ساعتها ربنا رد قال تعالى {قَالَ فَاخْرُجْ مِنْهَا فَإِنَّكَ رَجِيمٌ وَإِنَّ عَلَيْكَ اللَّعْنَةَ إِلَى يَوْمِ الدِّينِ} صدق الله العظيم وطبعا ساعتها ابليس مسكتش وتحدي ربنا سبحانه وتعالى وطلب منه انه يفضل عايش ليوم الدين قَالَ "رَبِّ فَأَنْظِرْنِي إِلَى يَوْمِ يُبْعَثُونَ" وساعتها ربنا سبحانه وتعالى وافق على كلامه قال تعالى{قَالَ فَإِنَّكَ مِنَ الْمُنْظَرِينَ  إِلَى يَوْمِ الْوَقْتِ الْمَعْلُومِ} صدق الله العظيم وساعتها ابليس رد "قَالَ رَبِّ بِمَا أَغْوَيْتَنِي لَأُزَيِّنَنَّ لَهُمْ فِي الأَرْضِ وَلَأُغْوِيَنَّهُمْ أَجْمَعِينَ  إِلَّا عِبَادَكَ مِنْهُمُ الْمُخْلَصِينَ" ومن ساعتها وابليس بيكره أدام واي حد من من ذرية أدام عليه السلام وبدأ يوسوس ادم علشان ياكل من الشجرة اللي ربنا سبحانه وتعالى امر أدام عليه السلام ميقربش منها"  فَوَسْوَسَ إِلَيْهِ الشَّيْطَانُ قَالَ يَا آَدَمُ هَلْ أَدُلُّكَ عَلَى شَجَرَةِ الْخُلْدِ وَمُلْكٍ لَا يَبْلَى" ساعتها وافق ادم عليه السلام ونسي امر ربنا سبحانه وتعالى وكل من الشجرة "فَأَكَلَا مِنْهَا فَبَدَتْ لَهُمَا سَوْآَتُهُمَا وَطَفِقَا يَخْصِفَانِ عَلَيْهِمَا مِنْ وَرَقِ الْجَنَّةِ وَعَصَى آَدَمُ رَبَّهُ فَغَوَى " فانكشفت لهما عوراتهما، وكانت مستورة عن أعينهما، وأقبلا يشدان عليهما من ورق الجنة ليسترا عوراتهما وبعدها ندم ادم ندما شديدا وطلب من ربنا سبحانه وتعالى انه يسامحه" ثُمَّ اجْتَبَاهُ رَبُّهُ فَتَابَ عَلَيْهِ وَهَدَى" ربنا سبحانه وتعالى ساعتها قبل توبته بس أمره انه يهبط الي الأرض علشان يعمرها والشجرة كانت مجرد اختبار مش السبب الأصلي علشان يهبط الي الأرض وساعتها ربنا سبحانه وتعالى قال الملائكة قال تعالى {وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً} ردو الملائكة  "ۖ قَالُوا أَتَجْعَلُ فِيهَا مَن يُفْسِدُ فِيهَا وَيَسْفِكُ الدِّمَاءَ وَنَحْنُ نُسَبِّحُ بِحَمْدِكَ وَنُقَدِّسُ لَكَ ۖ قَالَ إِنِّي أَعْلَمُ مَا لَا تَعْلَمُونَ" وبدأنا رحلة الأرض ولسه لحد النهاردة الشيطان يوسوس والانسان يختار يستسلم او يعافر وربنا سبحانه وتعالى مستني التوبة

محمد :طب يابابا مين اللي واسوس الشيطان من الاوال علشان ميسمعش وينفذ اؤمر ربنا سبحانه وتعالى

يوسف :نفسه ابليس اتغر في نفسي وبقي حاسس بفخر علشان مخلوق من نار ورافض يسجد لإنسان مخلوق من طين ومفروض من قصة أدام عليه السلام نتعلم ان اكبر عدو الإنسان نفسه مش الشيطان 

أميرة :طيب يابابا لي ابليس هيدخل النار وهو كدة كدة مخلوق من نار فا مش هيتوجع

يوسف :اضربي ايدك بي ايدك التانية حسيتي بيها صح

أميرة :صح

يوسف: انتي اتخلقتي من طين وايديك من طين ولما ضربتي نفسك اتواجعتي وبرضو الشيطان ابليس هيحس بالنار وهيكون ده أكبر عذاب لي

أميرة :يعني الشيطان هيتعذب برضو

 يوسف :باللظبط ويلا ننام علشان الوقت اتأخر ونكمل بكرة السهر ممنوع

ورد :أنا جعانة عايزة اعمل مكرونة

أميرة :الحق انام انا بقى علشان الدرس

محمد :خوديني معاكي علشان الحق انام علشان الجامعة

ورد :مبقاش فاضل غيرك يا جو هتستناني

يوسف :والله كان على عيني بس تعبان وعليا شغل الصبح تصبحي على خير هههه

ورد :بقى كدة طيب شوفوا مين هيعمل الاكل بكرة

طبعا استعد كل واحد للنوم ولكن في اللي باله مشغول وفي اللي نام وهو مطمن وطبعا وراء كل تفكير لازام يكون في قرار وهنعرف القرار الصبح

في الصباح

ورد :يلا علشان الفطار

أميرة :أنا اسفة يا ماما انا متأخرة عن الدرس سلام

ورد:لازام تكلي قبل ما تنزلي من البيت كدة هتتعبي

أميرة :متقليش يا ماما هشتري اي حاجة وانا في الطريق سلام

ورد :سلام

يوسف :صباح الخير

ورد :صباح النور هتتاخر النهاردة

يوسف :مش عارف بس ان شاء الله لا محمد فين

َورد :لسة نايم معلشي ممكن تصحيه

يوسف :حاضر

وفاجاة

محمد :صباح الخير يا قوم

ورد ويوسف :اي ده صاحي لوحدك يعني واي الروقان ده

محمد :مش صبحت عليكي يا دودي انتي وجو هكون عايز اي علشان اكون رايق

يوسف :يارب ديما تكون مبسوط وريق

محمد :بابا ممكن اتمشى معاك النهارده كدة كدة نفس الطريق

يوسف :ياه بس كدة طيب افطر بسرعة علشان ننزل

محمد :حاضر تؤمر ياباشا

بعد نص ساعة

محمد ويوسف: سلام يا دودي

ورد :خلي بالكوا من نفسكوا

محمد :هو انا لسه طفل

يوسف :يعني انا اللي طفل ممتك خوفها ذايد شوية انت عارفها

وبدوا في الضحك

في الطريق

يوسف :حابب تقول اي يا محمد

محمد :بصراحة يابابا انا كسرت ثقتك فيا عملت كل حاجة حضرتك فهمتنا اننا مينفعش نعملها غلط كتير بس والله ندمت انا انبارح طول الليل بفكر اصارحك بكل حاجة ولا ابدا بداية جديدة مع نفسي بس في آخر ثانية افتكرت لما كنت بتكلمنا واحنا صغار وحضرتك بتقولنا خليكوا واثقين مهما يحصل انا هفضل سندكوا بعد ربنا سبحانه وتعالى وأننا نكون اصدقاء ساعتها قرارت لازام احكيلك كل حاجة

ثم حكي كل حاجة

يوسف :اهم حاجة انك بدأت بداية جديدة ولازام ترجع حق البنات  اللي اذاتهم وتطلب منهم انهم يسامحوك علشان انت مش قد ذنبهم

محمد :يعني حضرتك مش هتزعل مني

يوسف :كنت هزعل لو مكنتش حكيت

محمد : وعد هصلح كل حاجة ومش هرجع للطريق ده تاني وخدت الخطوة انبارح

يوسف :دي حاجة تفرحني

فلاش باك

محمد :نعم يا سيف خير

سيف :في اي يعم بتكلمني كدة لي انا غلطان بتصل بشوفك هتيجي ولا لا

محمد :لا مش هاجي والحمد لله قرارت ابعد عن الطريق ده

سيف :تصدق ضحكت هو ابوك لعب في مخك ولا اي بلاش جنان

محمد:اولا متجبش سيرة ابويا على لسانك ثانيا ملعبش في دماغي بس الحمد لله فوقت من زمان كان بيقولي اختار صحابك صح الصاحب ساحب مكنتش فاهم الكلام بس فهمت دلوقتي وانا اسف مش هقدر اتكلم معاك تاني سلام

سيف :سلام

نرجع الوقع

يوسف :غلطان كنت تحاول تكلمه بي اسلوب حلو يمكن محتاج حد يفوقوا واسلوبك قفلوا

محمد:كنت متعصب ساعتها وكاره نفسي  بابا ممكن ساعة الاجتماع اتكلم عن الصحاب

يوسف :اكيد

بعد مرور ٧سعات وقت الاجتماع

يوسف :أنا آسف كنت ديما ببدا من الصغير بس النهاردة حابب ابدا بي يوسف هو حاببب يقول حاجة النهاردة وانا هقول حاجة ولو اي حد فيكوا حابب يسأل اي حاجة يسأل موافقين

ورد واميرة :اكيد

يوسف :ابدا يا محمد

محمد :أنا النهاردة حابب اتكلم عن الصحاب بابا كان ديما يتكلم عن الصحاب وكان ديما يقولنا الصحاب ساحب اختار الصاحب اللي يسحبك لطريق الخير مش الشر مكنتش مصدق الكلام وشايف الصداقة ملهاش تأثير للدرجتي لحد انبارح اول مرة افهم واركز وفهمت الآية دي قال تعالى يَا وَيْلَتَى لَيْتَنِي لَمْ أَتَّخِذْ فُلانًا خَلِيلا صدق الله العظيم مكنتش فاهم معناه كويس او بمعنى صح كنت بستغرب هو الواحد مممكن حد يأثر عليه للدرجتي مكنتش متخيل انه يوم القيامة ممكن حد يندم على حد عرفه لانه خلاه يخسر ربنا سبحانه وتعالى وركزت في الحديث وفهمت سيدنا محمد عليه افضل الصلاة والسلام حذرنا لي قال مثل الجليس الصالح وجليس السوء كحامل المسك ونافخ الكير الجليس الصالح كحامل المسك هينفع نفسه وهينفع غيره وممكن تشتري منه   وممكن لا بس حتي لو مشترتش رحته الحلوة هتنتشر  في اي مكان هيروحوا ولكن جليس السوء كانافخ الكير هياذي كل اللي جنبه ويحرقهم ولو محصلش هياذيهم برائحة كيره النتنه وهياذيهم لقيت تحذير كتير للصداقة وان مش كل الصداقة حلو وساعتها قرارت اتغير وابدا بداية جديدة مع نفسي ومع ربنا سبحانه وتعالى

كلهم :عاش كلامك صحيح مية مية

يوسف :حبة تقولي حاجة يا أميرة

أميرة :عايزة اقول ان انا بحبكوا جدا وفرحانة جدا انتوا اهلي كل ما اشوف الناس بتشكي انهم ميعرفوش يعني اي اب وام بحمد ربنا انكوا اهلي

 وورد :انتوا اللي لينا في الدنيا عملنا اللي هيفضل بعد ما نروح لازام نعتني بيكوا علشان هنتحاسب عليكوا قدام ربنا سبحانه وتعالى قال الرسول صلى الله عليه وسلم كُلُّكُمْ رَاعٍ وَكُلُّكُمْ مَسْؤول عَنْ رَعِيَّتِهِ، الإِمَامُ رَاعٍ وَمَسْؤولٌ عَنْ رَعِيَّتِهِ، وَالرَّجُلُ رَاعٍ فِي أَهْلِهِ وَهُوَ مَسْؤولٌ عَنْ رَعِيَّتِهِ، وَالْمَرْأَةُ رَاعِيَةٌ فِي بَيْتِ زَوْجِهَا وَمَسْؤولَةٌ عَنْ رَعِيَّتِهَا، وَالْخَادِمُ رَاعٍ فِي مَالِ سَيِّدِهِ ومَسْؤولٌ عَنْ رَعِيَّتِهِ، -قَالَ: وَحَسِبْتُ أَنْ قَدْ قَالَ: وَالرَّجُلُ رَاعٍ فِي مَالِ أَبِيهِ وَمَسْؤولٌ عَنْ رَعِيَّتِهِ- وَكُلُّكُمْ رَاعٍ وَمَسْؤولٌ عَنْ رَعِيَّتِهِ)) صدق الله العظيم ونتمنى نكون قد المسؤلية ويكون ربنا سبحانه وتعالى وفقنا واعطنا القوة علشان نقدر نربيكوا

أميرة ومحمد :ان شاء الله مش هنضيع تعبكوا وهنفضل ديما عند ثقتوا فينا

يوسف :نختم بقى الاجتماع علشان طولنا زمان قبل ما ورد تكون حامل في محمد قعدنا نفكر هنربيكوا ازاي والاجيال دي هنقدر نخليكوا كويسين ولا لا كنا كل يوم نشوف عدد المسلمين بطاقة بيذيدوا وخدين من الإسلام اسم مش أفعال هنقدر نربيكوا تربية سليمة كنا خايفين لحد ما وصلنا الطريقة دي اننا نكون صحاب واخوات نخاف على بعض ونحب بعض نقدر الظروف اتفقنا ساعتها هنحارب علشان تكونوا احسن ناس مش مجرد ناس تاكل وتلبس بس عرفت ان اهم حاجة عند الطفل المشاعر والاهتمام مش فلوس قرارت مكنش مجرد بنك حبيت اعلمكوا المسؤلية من بدري ودلعتكوا في نفس الوقت كنا كل يوم الخوف يذيد هنقدر ولا هنفشل بس الحمد لله النهاردة ربنا سبحانه وتعالى عوضنا بيكوا وطمنا اننا عارفنا نربي

تمت

رايكوا 🖤 وياريت لو في اي نصايح🖤

متنسوش التفاعل ورأيكم لو الاسكريبت عجبكم.....♥️

⚡#رايك_في_كومنت_يفرحنى⚡

علقي ب20 ملصق وأعملي #متابعة لحسابي ليصلك  كل جديد 👈👈 ماجد فادي  👉👉

عشان يوصلك احلى القصص متكتبش تم وتجري🏃‍♀️ أعملي #متابعة لحسابي اوطلب صداقه  ليصلك احلى واجمل القصص مفاجأة من العيار الثقيل 🤺 افضل القصص والروايات 👌