دار المجد للقصص والروايات 
البارت التاني
من المجنونه والغامض
محمد وأمير بيبصو لبعض يالهووي..
ديما: ماشي ماشي
سليم: تمام يامروه هنخرج كمان ١٠ دقايق
ديما: بصوت واطي وحركات مخيفه هعلقكم ع باب الشركه
سليم بيقفل التليفون ويبصلهم ارجعو علي شغلكم يا شباب
محمد: حاضر وخرجو يجرو الاتنين
سليم: معلش ع الموقف الي حطيتك فيه يا ديناا
ديما: ديما يافندم
سليم: ايواا اجهزي عشان هنخرج كمان ١٠ دقايق عندنا اجتماع مهم برا الشركه
ديما: حاضر يافندم فوريره
سليم: تما.. اييه
ديما: في ثانيه يافندم هكون جاهزه
سليم: تماام
بعد دقايق كانو خارجين سواا
سليم ماشي قداام بالبدله والنضاره وديما وراه ببنطلونها وشايله الملفات
سليم بيفتح باب العربيه ويركب وراا
وديما بتبرق للأمن
أمير: اعوذ بالله من الشيطان الرچيم
ديماا بتركب جمب سليم
سليم: مطعم هاڤن يا شريف
شريف السواق: حاضر يافندم
سليم: دي شركه استيراد بتاع سامي بيه وشريكتو وهنقابلهم في المطعم
ديما: تمام يافندم
وصلو
سليم وديما دخلو المطعم سواا
سامي: سليم بيه المطعم منور بيك
سليم: شكراا يا سامي بيه بيبص لشريكت سامي بجمب عينو وابتسامه مصطنعه أهلا ليلي هانم
ليلي بنظره خبيثه أهلا يا سليم بيه
سليم بيقعد ويبص لديماا اعرفكم الانسه دينا رياض مساعدتي الشخصيه
ديما: احم ديما يافندم
سليم: ايوا هو داا
سامي بيبصلها بإستغراب اهلا
ليلي: واات مساعدتك الشخصيه يا سليم ذوقك يع خالص
سليم بنظره حاده اختاري كلامك بحرص اقعدي يا دينا
ديما بتوتر: حاضر وبتبص ل ليلي بغل
سامي: وانتي بقاا يا أنسه ديما بتتكلمي كام لغه
ديما: ٣ يافندم
سامي: امم كويس
سليم: بقولك اي ماتركز معايا كدا عشان مشغول ولازم ارجع الشركه
سامي: ااه طبعاا
بعد وقت
سليم وديما بيخرجو من المطعم ويرجعو الشركه
ديما مضايقه من كلام ليلي
سليم: بكره في اجتماع في الشركه وانتي هتجهزي المشروع
ديما: حاضر يافندم
سليم: تمام يالا نمشي
ديما: تمام
كل واحد بيركب عربيتو ويمشي
سليم بيروح الڤيلا بتاعتو ويقعد يتكلم مع باباه
ادهم: ديما عامله اي معاك
سليم: ممتازه
ادهم: امم
سليم: غريبه اووي ساعات بحس انها مش زي البنات الي اعرفهم كداا طريقه لبسها غريبه فعلا
ادهم: ااه استغربت بردو لما شوفتهاا
سليم: تحس انها متربيه مع شباب ف اخدت تصرفات منهم
ادهم: عندها اخين اصغر منهاا
سليم: ممكن يكونو بيلبسو كلهم مع بعض نفس اللبس
ادهم بيكتم الضحك
سليم: بهزر يعني ويضحك
عند ديما بتفتكر كلام ليلي وان لبسها وحش
ديما: بس انا برتاح كداا ايوا عندي لبس كتير حلو بس مبقتش احب البس اللبس داا كان زمان دلوقتي مش عاوزه احطهم علي جسمي بس هي معاها حق لبسي مش مناسب مع سليم ولا مع الشركه دا محمد الامن لبسو احلي مني شششش بطلي تفكير ونامي وبكره شوفي حل
تاني يوم
المنبه: اصحييي ياااشلبييي
ديماا: ااااااه
كريم اخوهاا: بيفتح الباب ويدخل حراام عليكي كل يوم نصحي في معادك ع المنبه داا ياشيخه
ديما: خلاص فصلتو اهوو
بتقف قدام الدولاب بتاعهاا في حيره
بتمسك فستان أحمر لحد ركبتهاا ضيق شويه وتمسك شوز بكعب ١٠ سم بتحطو علي جسمها وتشوف في المرايه وتبتسم
في الشركه
بتقف بعربيتهاا قدام الشركه
محمد: اهو عطيه جه اهو
أمير: عطيه
محمد: ايواا انا سميتها عطيه لايق عليهاا
أمير: بيضحك
بتنزل من العربيه وبتقرب من الامن
محمد: بيبصلها بخوف
ديما: بقا رايح تشتكي للمدير مااشي افضالك بس وهربيكم
وتدخل الشركه ببنطلون چينز واسع متشمر من تحت وكوتشي ضخم وشيميز ابيض وشعرها ديل حصان
ديما: هتقولولي فين فستانك هقولكم رميتو مكانو مش انا اللي أغير لبسي عشان واحده متسواش
دخلت عند سليم بيه واديتو الملفات الي جهزتها وجهزنا للإجتماع وقعدنا في المكتب نظبط شويه ورق علي ما الكل يحضر
بعد شويه
مروه: احم سليم بيه أروي هانم بره
سليم بينفخ في ضيق دخليها اوضه الاجتماعات
مروه: مصممه تدخل لحضرتك يافندم
سليم بيحط ايدو علي راسو قوليلهاا
أروي بتدخل هااي سليم
سليم: بإبتسامه مصطنعه ااه اذيك يا أنسه أروي
أروي بتسلم عليه وتقعد تحط رجل علي رجل
ديما: كنت ملاحظه ان سليم مش عاوز يشوفها بس مين ديي
سليم كان قاعد زهقان وكل شويه بيبص في ساعتو
أروي بتبص ل ديما: مين دي يا سليم
سليم: مساعدتي الشخصيه
أروي بتبصلها برفعه حاجب وتبصلها من فوق نضارتهاا
ديما بتضايق و تستأذن سليم وتخرج
براا المكتب
مروه: خرجتي لي
ديما: وانتي ماالك
مروه: اكيد أروي هانم قالتلك حاجه علي طريقه لبسك اصل انتي شكلك أوڤر اووي
ديما: اسكتي ملكيش دعوه
مروه: اصل أروي هانم شيك اووي وموديل قد الدنياا
ديما بتقرب من مروه بعصبيه وتبرق قولتلك اسكتي بس اخرسي
مروه بتبلع ريقهاا
ديما: لو مره تانيه قولتي كلمه زياده هندمك
مروه بتحاول تجمع شجاعتهاا وترد كرامتها الي اتبهدلت قدام الموظفين
مروه: هو انا هخااف منك يا بت انتي دا انا اموتك في ايدي
ديما بتمسكها من شعرها وتضربها بالكف
مروه بصدمه اااي
ديما: بتبعدها عنهاا وتبصلهم بعصبيه وتمشي بعيد عنهم
مروه حاطه ايدها علي وشها وواقفه في ذهول
الموظفين: دي مجنوونه
في الإجتماع
سليم قاعد وأروي قعدت جمبو وديما جمب أروي وباقي المدراء
الكل بيتكلم وديما بتسجل الملاحظات ومتابعاهم
وأروي كل شويه تبص لديما بجمب عينهاا
بعد الإجتماع
أروي: حبيبي ممكن نخرج شويه
سليم بحده انا مش حبيبك ومش هنخرج سواا افهمي بقاا
أروي بتبص يمين وشمال وبتضحك عشان تداري كسفتهاا ههه ااه تمام بما انك تعبان دلوقتي نخرج في وقت تاني بااي
ديما كانت متابعه الحوار بينهم بس مدخلتش بينهم ولا سئلت سليم مين دي
سليم وهو داخل مكتبو
مروه: سليم بيه عرف مساعدتك اننا في شركه مش حلبه مصارعه
ديما مبرقه
سليم بيبص لديما في اي يا مروه بتتكلمي كدا لي
مروه: ضربتني بالكف وشدتني من شعري يا استاذ سليم
سليم: هاا
ديما بتقرب منو عااااا دي كداابه يا سليم بيه ومحدش فيهم طايقني وغيرانين مني وعاوزين يطفشوني
سليم اهدي طيب متعيطيش
مروه: ااه ياكداابه
ديما: شايف بتشتمني ازااي انا عملتلكو اي لكل داا مش عارفه
بتبص لسليم بنفس الدموع الكدابه وتكمل
لو محدش طايقني كداا ف انا هقدم استقالتي واخرج من هنا بكرامتي احسن انا مش هقدر استحمل عن اذنك
سليم: استني انتي رايحه فين هو بالساهل تسيبي الشغل الي انا اقولو هو اللي يتنفذ وانتي يامروه بلاش غيره بنات
مروه: دي
سليم: عندك اثبات للي قولتيه
مروه بتبص للموظفين بتلاقيهم خايفين يتكلمو ف بتقول لا يافندم
سليم: طيب اقفلو ع الموضوع وافتكرو اننا في شركه مش في روضه اطفال
بيسيبهم ويدخل مكتبو
ديما بتدخل ورااه وبطلع لسانها لمروه وترفع حواجبهاا
مروه: اااه يابنت ال ****
في المكتب
ديما ببراءه: هو انا ليه مش محبوبه في الشركه يا سليم بيه
سليم: معلش يا دينا استحملي وعدي الحجات دي
ديما: الحجات دي بتتعبني اوي
سليم: خلاص بقاا قولتلك عديها
ديما بتمسك منديل وتمسح مناخيرهاا حااضر
سليم: بكره عاوزك تهتمي ب اي مسچ او ايميل يجيلي لاني هكون في النمسا بخلص شويه شغل هناك
ديما: حاضر
سليم: هقعد يومين واجي مش هتأخر
ديما: تمام تروح وتيجي بالسلامه
سليم: شكراا
برا المكتب
ديما ماشيه قدام مروه وبتغيظ فيهاا
مروه: صبرك علياا
ديما: هيعيط هيموت هيقلد الكتكوت
رايحه جايه قدام مروه تقرر نفس الجمله
مروه: اي الهبل داا
الموظفين كاتمين الضحك
ديما بتطلع لسانهاا هيعيط هيموت
مروه: اكبري يا هبله يا هبله
ديما: بتطلع لسانها
مروه: اي الاستفزاز داا
ديما بتسمع صوت سليم ف بتقف ب احترام احم
سليم: ديما جهزيلي جدول مواعيدي وشوفيلي ميعاد مع مندوب شركه الادويه
ديما: حاضر يافندم
سليم: تمام بيبص للموظفين كلو تماام
الموظفين: تمام يافندم
اليوم بيخلص وديما بترجع بيتهاا
هاله: يابنتي حرام عليكي غيري استايلك دا فين ديما بتاع زمان
ديما: هاله لو هتتكلمي عن الموضوع دا امشي احسن
هاله: انتي حره
ديما بتقعد تظبط جدول مواعيد سليم وترن عليه تعرفو الميعاد الفاضي
سليم: تمام ابعتي مسچ للمندوب عرفيه
ديما: حاضر يافندم
تاني يوم في الشركه
ديما: بت يامروه سليم بيه جواا
مروه: بت في عينك ماتتلمي
ديما: جواا
مروه: لا مش جواا
ديما: طيب اما اضربك شويه
مروه: نعم
ديما: متخافيش يابت هضربك بالراحه
مروه: ابعدي عني يا اما هزعلك يااا أمن
ديما: هدي صوتك بت شششش
مروه: يااا أمن
سامح ودا بتاع الامن التالت في اي يا مروه هانم
مروه: امسكو البت دي واسجنوها عاوزه تضربني
سامح: في اي يا انسه
ديما بتقف قدامو وتبان اد ايه قصيره جمبو بتبصلو من تحت مفيش يا بابا روح شوف شغلك
سامح: بابا
ديما: روح شوف شغلك بدل ما أقل منك
سامح: انتي عارفه انا ممكن اعمل فيكي اي انا محترم انك واحده نسوان
ديما: ياراجل
سامح: يابت
ديما بتدوس علي رجلو بالكوتش بتاعها
سامح: ااه
ديما بتخبطو ب ايدها في بطنو
مروه: ياامفتريه حرام عليكي
ديما: احسن
بتشوف سليم من ورا الازاز ف بتقف بهدوء وتعلي صوتها
حراام عليك انت عاوز مني اي هو عشان مش عارفه ارد ع الاهانه دي تيجي علياا
سامح ومروه مذهولين
ديما بدموع يارب دا اي الشغل الي محدش طايقني فيه داا
سليم: انت بتعمل اي هناا يا سامح
سامح: سليم بيه
سليم بيبص لديماا الي عماله تمسح مناخيرها وتتشحتف
في اي
سامح: والله يا سليم بيه ماعملت حاجه دا هي الي ضربتني
مروه: انا شااهده
سليم بيبص لديما انا فعلا مش عارف لي كل الشكاوي دي يا دينا هو مفيش غيرك يعني
ديما: يا سليم بيه انا شوفت كذا حد هناا بيتخانقو بس بيمرمطو بعض والموضوع بيتقفل بينهم لكن انا مبقدرش ارد عليهم ف بيزيدو فيهاا عشان انا غلبانه
سليم: كل واحد يشوف شغلو ومن النهارده انتي تحت عيني
ديما: حاضر يافندم
سليم: بيدخل مكتبو وديماا وراه
سليم: انا جهزت شنطتي و هسافر علطول وهكون هنا بعد بكره لو احتاجتي اي حاجه كلميني في اي وقت
ديما: حاضر
سليم: وبابا كمان هيبقا موجود ارجعيلو ل اي قرارات
ديما: حاضر
سليم: هاتيلي الملفات بتاع الصفقه دي
ديما: حاضر
سليم جهز كل حاجتو وخرج من الشركه وركب عربيتو وراح المطار
ديما واقفه في نص الشركه من النهارده انا المديره واي حد مش هيعجبني شغلو هيتم رفضو ويا انا يا أنتم
بعد نص ساعه
ديما بتروح ل مدير الحسابات
ديما: ششش يا اسماعيل
اسماعيل: افندم
ديما بقولك اي انا محتاجه فلوس ضروري اديني القبض بتاعي ومتقولش لحد
اسماعيل: لا طبعا لازم موافقه من استاذ سليم
ديما: بقولك محتاجه الفلوس انت مبتفهمش
اسماعيل: وانا بقولك مينفعش
ديما: ياعم انجز محتاجاهم والله
اسماعيل: مقدرش اطلع اي جنيه من غير موافقه الاستاذ سليم
ديما: ياربي ع الغبي بقولك محتاجاهم اغنيهاا محتاا جا هم
اسماعيل: ما ين فعش
ديما: اقسم بالله لو ماجبت فلوس دلوقتي اهو لكسرلك سنانك
اسماعيل: انتي غبيه انتي عارفه انا مين
ديما بتقرب منو وتطلع ع الحاجز اللي بينهم
لا معرفش انت مين عرفني
اسماعيل: ممنوع تطلعي هنا انزلي
ديما: هات فلوس و هنزل
اسماعيل: هو احنا في كشك بقاله هنا بقولك دي شركه وليها نظام وليها مدير
ديما هووف
اسماعيل: شوارع
ديما بتبصلو بتبريقه انا شواارع
اسماعيل: خوفت انا كداا اه انتي شوارع
ديما بتشدو من لياقت القميص طب تعالا اوريك الشوارع دي
اسماعيل: يالهووي الحقوني
ديما وهي بتلف فيه وتضربو علي راسو انا شوارع هااا
اسماعيل: ياا ادهم بيه
ديما: ماهوش هناا حظك المنيل ماهوش هنااا
اسماعيل: ياا مروه
ديما وهي بتعضو من راسووو انا يتقالي شوارع
اسماعيل: ااااي يالهواااي
سليم بصدمه: ديناا
ديما بتبرق وتسيب هدوم اسماعيل وتنزل من ع الحاجز في رعب وتلف للصوت
ديما: ااا سليم بيه....
يتبع...♥
تأليف
يارا غزلان
ورداا حوا
#روقه
♕بقلم يارا غزلان♕
تعليقات
إرسال تعليق