دار المجد للقصص والروايات
رواية مراتي المجنونه
الفصل السادس
بقلم هويدا زغلول
مراتي المجنونه
الحلقه السادسه
بقلم هويدا زغلول
محمود داخل الشقه لقاها نظيفه غير كل يوم
ولاء :،استني عندك امسح رجلك الاول
محمود :هو في اي الله واي الريحه الحلوه دي
مش قولت ليكي كام مره تقفلي شباك المطبخ
ولاء :واي علاقه الشباك ب ريحه الاكل
محمود :مش دي ريحه الجيران
ولاء :لا طبعا دي ريحه اكلي
محمود :يابت يا جامده واي الثقه دي اللي
يشوف حركاتك دي يقول البت بتعمل لينا
اكل كل يوم بس مش مهم المهم هو النت
كان فاصل انهارده
ولاء : مش فاهمه ليه بتقول كده
محمود:مروقه الشقه وعامله اكل مش غريبه
دي يا ولاء مش متعود منك علي كده
ولاء :ده انت ليلتك سودا هو انا يا راجل
مش بعمل اكل الا لما يكون النت فاصل
محمود :أو عايزه مني فلوس بقولك اي انا
اخر الشهر ومافيش فلوس مفهوم
ولاء :لا يا اخويا مش عايزه منك حاجه
محمود:طيب لما ادخل اغير بقي عقبال
ما تحطي الاكل ياه انا جعان اوي
ولاء :خد هنا البيجامه بتاعتك اهي ادخل في
اوضه مازن غير هدومك
محمود:يووووو ما كنتي روقتي اوضتنا الاول
انا عايز أنام شويه
ولاء :مانت هتنام في اوضه مازن لان منه جت
تعبانه قولت ليها نامي شويه عقبال ما اخلص
الاكل
محمود :طيب الشقه طويله عريضه حبكت تنام
في اوضتنا يعني
ولاء :اعمل اي لابنك فضل يعيط ويعمل دوشه
لحد ما خرجت من الاوضه
محمود بصوت واطي:حتي انت كمان مش طيقها
ولاء : بتقول حاجه
محمود :مش بقول انا هدخل انام شويه علشان
اصحي انزل لاصحابي عالقهوه
ولاء :هو انت ليه بتعمل فيا كده
محمود :هو انا عملت اي دلوقتي
ولاء :هو اهلك لما بيجوا بسبهم وبنزل عالقهوه
محمود:وانتي عايزه تنزلي تعملي اي عالقهوه
ولاء :مش قصدي كده ليه دايما مش بتحب
تقعد مع اهلي حرام عليك اللي بتعمله ده
دايما محسسهم أنهم تقال
محمود :ارجوكي مش عايز كلام حاضر مش نازل
والجرس رن
ولاء :اكيد دي ماما حبيبتي وجريت فتحت
الام :ازيك يا ولاء امال فين محمود
ولاء :حبيبتي الحمد لله اهو
محمود :منوره يا ماما
الام :انزل هات الشنط من تحت
محمود :والله عيب كده هو انتي ضيفه علشان
تجيبي حاجات معاكي
الام :حاجات اي دي هدومي
محمود :انتي مسافره
ولاء :محمود ماما هتقعد عندها شهر
محمود :شهر ليه مزنوقه في قرشين ولا اي
ولاء :دمك خفيف يا واد ماما هتجدد شقتها
وقولت ليها تيجي تقعد يومين
محمود :مش بقولك منوره يا حماتي
ولاء :المهم ادخلي اوضه مازن بقي لاحسن
منه نايمه في اوضتي
الام :هي منه هنا والله وحشاني الزفته دي مش
بتسال عن امها ادخل انا اريح شويه بقي
محمود :هنام انا فين دلوقتي بقي
ولاء :اه صحيح هتنام هتنام
محمود :اكيد مش عالركنه
ولاء :لا طبعا مينفعش افرض ماما صحيت
تشوفك نايم عالركنه تحس انها تقيله
محمود :عرفت هنام فين
ولاء :رايح فين
محمود :هنام في البانيو
ولاء :اخخخخ نسيت أقوله أن البانيو في السجاد
يتبع
تعليقات
إرسال تعليق