دار المجد للقصص والروايات
مراتي المجنونه
الحلقه السابعه
بقلم هويدا زغلول
ولاء :اممممم تعالي انتي نشوف
اسعارك اي
محمود :هو بتعملي اي
ولاء :اختك المعفنه
محمود :احفظي ادبك
ولاء :اسفه البخيله موت عايزه
تصبغ شعرها وعايزه كوفير تكون
اسعارو رخيصه وانا بدور ليها
عالنت كوفير يكون قريب
واسعارو كويسه
محمود :ملكيش دعوه يا ولاء
هي تشوف ملناش دعوه
ولاء :اي ده اصبر اصبر كده
ده الموضوع طلع سهل اهو
محمود :موضوع اي مش فاهمه
ولاء :بعدين وخدت الموبيل
ودخلت الأوضه وكلمت ندي
ندي :الو ازيك يا ولاء
ولاء :الحمد لله بقولك اي انا
حاولت والله اشوف ليكي
كوفير تكون اسعارو رخيصه بس
مافيش
ندي :خالص مافيش نصيب
ولاء : مش عيب تقولي كده
وانا موجوده يابت ده انتي
اختي والله وبحبك
ندي :اي هتسلفني الفلوس ربنا
يخليكي والله والشهر الجاي
هديكي الفلوس عالطول
ولاء :اهدي علي نفسك يا شبح
فلوس اي اقصد يعني ياريت
يا اختي يا حبيبتي كان معايا
والله ما كنت استخسرت فيكي
بس منين مانتي عارفه اخوكي
وظروفه
ندي :امال هتعملي اي مش
فاهمه حاجه
ولاء :اخوكي عايزني عامل ينده
الصبح لما ينزل علي الشغل
تعاليلي وهقولك نعمل ايه
ندي :خلاص تمام ماشي
محمود :عملتي اي يا مصيبه
ولاء :والله انا خساره في عليتكم
دي اوعي كده يابني لما اروح
اعمل للاسطي كوبيا شاي
محمود :مين الاسطي يابت
ولاء:سيب هدومي وبكره تفهم
وتاني يوم راحت ندي
ندي :صباح الخير اي هتعملي
اي يا ولاء
ولاء :صباح النور تعالي بس
ننزل نشتري الحاجه وانا هعملها
ليكي متخافيش دي طلعت
سهله خالص الكوفيرات دول
حراميه اوي يا بنتي
ندي :لا لا بلاش والنبي
ولاء :بكره تشكرني والله يلا بينا
ونزلت اشترت الحاجه
ندي :هنعمل ايه بقي
ولاء :الفديو بيقول اننا لازم نفتح
الاول ب اكسجين انتي شعرك
اسود اوي مش هيقبل بسرعه
بوصي احنا نسيب الأكسجين
٦ساعت علي شعرك علشان كله
يقبل التغير بعدين نحط الصبغه
ندي:بالله عليكي انتي كده
ماشيه صح
ولاء :عيب عليكي يابنتي بوصي
هفتحلك حواجبك بالمره
ندي :ااااااه راسي وجعاني اوي
ولاء :يبقي احنا كده ماشين صح
وبعد الست ساعات
ندي :هقوم اغسل شعري بقي
ولاء :استني هاجي معاكي
شغل كوفيره بقي هههههههههههه
ينهار اسود
ندي :اي فيه اي
ولاء :هو مافيش
ندي :الحمد لله بحسب في حاجه
ولاء :مهو في حاجه هو مافيش
شعر معرفيش ليه
كله نزل في الحوض
ندي :منك لله انتي عملتي اي
ولاء :انا مالي شكل شعرك
مش بيقبل الصبغه
محمود دخل :في اي صوتكم
عالي ليه كده اي ده مالك يا ندي
ندي :مراتك منها لله وقعت شعري
محمود :وحد يسمع كلام ولاء
دي معاها شهاده معامله اطفال
ندي :هعمل اي انا فرحي الخميس الجاي
محمود :مش عارف منك لله
يا بعيده
ولاء :انا عندي الحل
محمود :اخرسي خالص
ولاء :والله بجد هوديكي
محل كبير اوي تركيبي شعر لحد
شعرك يتظبط
ندي :شعري عمره ما هيتظبط
ولاء :حلو هما بيركبوا شعر
كويس خلي وخلاص
محمود :وكل التكلفه عليا
ولاء بصوت واطي:علي جثتي
أنه يحصل انت عارف التركيب
بكام يا بيه
محمود:مهو فعلا علي جثتك
ولاء :اااااه سبني يا محمود
يتبع
تعليقات
إرسال تعليق