رواية حب بين قيود الريف الفصل السادس بقلم ماجد فادي
رواية حب بين قيود الريف الفصل السادس بقلم ماجد فادي
عبدالله /مالك وافقه كده ليه
سعديه /سلامتك يا عمده
عبدالله /ليه شيفاني بكح قدامك
سعديه /لا شيفاه عقلك مش فيك وشكل
البت دي هتضيع هيبتك في البلد
عبدالله /اخرسي قطع لسانك شكلك اتجننتي
يا وليه بقولك اي البيت ده ليه احترامه عايزه
.
تقعدي فيه تقعدي ب ادبك مش عايزه
اتفضلي غوري من هنا
سعديه /كلمه غوري دي ليا انا يا عمده
عبدالله /اه ليكي انت يلا بينا يا هند
هند/منها لله نكدت علينا في ليله فرحانه
اشوفك ولعه يا سعديه
وبعد ما دخلت
عبدالله /عايز اقولك كلمتين يا هند سعديه
مش بس مراتي لا دي بنت عمي يعني لازم
ولابد تحترميها اه مينفعش برضه
طريقه كلامك دي معاها اه ينعم انا عملت
ليكي هيبه قدامها بس برضه لازم تعرفي انها
ست الناس وأن البيت ده بيتها وأنها
هي برضه القديمه
هند /ولما هي ست الناس اتجوزت عليها ليه
عبدالله /علشان بحبك وشوفتك مقدرتش اعيش
من غيرك يابت ربنا يعلم انا ممكن اعمل اي
علشانك بس برضه هي من دمي ولحمي
مينفعش تعملي كده قدمها تاني وراعي
برضه أن جوزها سابها وجالك انتي جري
هند/اللي تشوفوا يا عمده يجصل تحت امرك
تومرني أمر كده وانا انفذ والله
عبدالله /عجبني أن دماغك كبيره يا هند
والله تسلمي يا حبيبتي وفي اوضه سعديه
كانت عامله تعيط ومخنوقه جدا نسيت
نفسك يا عبدالله انت كنت ولا حاجه من
غير فلوس ابويا أنا اللي اخد ورثي وعملتك
بني ادم انا اللي استاهل والله يهون
عليك الحب اللي بينا معقول تعمل فيا انا كده
وبعدها بساعه دخل عبدالله عندها
سعديه /عبدالله خير انت اي اللي جابك
عبدالله /قعد بيني وبين نفسي قولت
يا واد يا عبدالله اي اللي انت عملته ده
دي سعديه بنت عمك وحبك الوحيد اه انت
عايز تكون اب بس ازاي تتكلم معاها كده
وقدام مين البت دي بس اسمعني يا حبيبتي
انا عايزك بس الفتره دي تستحملي البت دي
واول لما تحمل هخليها تشتغل عندك
هنا خدامه عايزه حاجه تانيه غير كده
اوعي تعيطي وانا عايش ماعاش ولا كان اللي
ينزل دمعه من عينيك يا حبيبتي
سعديه /هو انا بحلم صح معقول انت بتقول
الكلام ده يا عبدالله
عبدالله /اه وبعد ما دخلت الاوضه قولت
ليها دي ست الناس واياك تتكلمي معاها
كده تاني وهي حتي عيطت ونامت
سعديه /عملت كده علشان بتحبني
عبدالله /واعمل اكتر من كده كمان انا
ليا بركه غيرك يا حبيبتي ربنا يخليكي ليا
وما اتحرم منك ابدا انا هروح بقي
أنام جنبها والصبح هنفطر سوا ماشي
سعديه ،/طيب خليك معايا هنا انهارده
علشان خاطري لو بتحبني
عبدالله /بحبك طبعا بس مينفعش برضه
هي عروسه وباس رأسها تصبحي علي خير
سعديه / وانت من اهل الخير يارب
معقول عمل كده علشاني معقول مهنش
عليه أنام معيطه وتاني يوم نزل عبدالله و
هند من اوضتهم وكانت سعديه بتحضر
الفطار وهي فرحانه جدا
هند /هي مالها فيه اي
عبدالله /فرحانه بوجودك معانا تعالي
صباح الخير يا سعديه
سعديه /صباح الخير يا عمده قلبي
هند /مش لايق علي سنها خالص اللي
بتقوله ده
عبدالله /معلش يلا نفطر
سعديه /مبروك يا عروسه الف الف مبروك
هبقي اجيب ليكي الدهب بتاعي
علشان تختاري منه هديه
هند /شكرا الدهب اللي معايا مكفي وزياده
الاكل هيبرد يا عبدالله أفطر بسرعه
وبعدها جت ام هند
الام /الف الف مبروك يا عرايس
هند /أما حبيبتي تعالي
عبدالله /انا خارج اقعد مع الرجاله برا
هند /تعالي يا اما نقعد فوق وطلعت
الاوضه هي وامها
الام /عامله اي يا حبيبتي
هند /الحمد لله كويسه المهم عملتي اللي
قولت عليه يا امي
الام /اه عملت وخايفه لان حاسه ان
هيحصل مشاكل كتير
هند /وانا عايزه مشاكل امال اتجوزت العمده ليه
وكان فيه زعيق من تحت سيد جه وعامل بتخانق
مع عبدالله
عبدالله /انت اتجننت يا واد ولا اي
سيد /والله لقتلك يا عبدالله ضحكت عليا
وقولت هكتب الأرض ب اسمك وفي الاخر
تاخدها مني
هند /طبعا مهي الأرض دي مهري انا
وانا مينفعش اقول كلمه ويتقالي عليها لا
يتبع
رواية حب بين قيود الريف الفصل السادس
رواية حب بين قيود الريف الفصل السادس
حب بين قيود الريف
رواية حب بين قيود الريف الفصل السادس بقلم ماجد فادي
لقراءة باقي حلقات الرواية اضغط على (رواية حب بين قيود الريف )
يجب أن تكتب 5 تعليقات اولًا كي تظهر لك الحلقة.
تعليقات
إرسال تعليق