رواية عشق منذ الصغر الفصل الاول للكاتبة منة الله محمد

رندا: ربنا يصبرني... وسابتها وخرجت تحضر الفطار... وماسه دخلت اخدت دش واتوضت وطلعت صلت فرضها وبدأت تلبس هدومها والمكونة من( فستان سيموني سادة وفيه حزام اسود من الوسط وعليه جاردن اسود وطرحة سودا وكوتشي سيموني وشنطة سيموني) وخرجت..

الاب محمود الاسيوطي: يا صباح الورد علي وردتي القمر...

ماسه: صباح الفل والياسمين علي احلي حودا في الدنيا...وباسته من خده

الاب: يلا اقعدي افطري عشان اوصلك في طريقي..

ماسه: حاضر بس فين القردة الصغيرة والشامبنزي الكبير

الاب: لو جه سمعك هيعلقك

ماسه: انا خلاص بقيت طالبة جامعية يعني محدش يقدر يعملي حاجة

مروان ويبقا اخوها واكبر منها وشغال ظابط وشبه باباه جدا يعتبر نسخه منه العيون الرمادي والشعر الاسود الكثيف والبشرة البيضة والجسم العريض...

مروان: طالبة جامعية علي نفسك يختي

ماسه بصدمة مصطنعة: نهاار اسوح مروان 

مروان: اها يختي مروان ده انا هعلقك... 

ولسه بيقرب منها طلعت ماسه تجري وهو يجري وراها لغاية ما مسكها وقعد يزغزغ فيها...

ماسه بضحك: خلاص والله حرمت

مروان: بقا انا شامبنزي كبير ها اصبري علي

وقعدوا يهزروا كتير وجت مامتهم عشان يفطروا كلهم....

ماسه: اومال قمر فين

الام: نايمة وقالت مش هتفطر دلوقتي

ماسه: هي تعبانة ولا اي

الام: لا تلاقيها هي ويوسف متخانقين ولا حاجة

ماسه: الصبر من عندك يارب هما العيال دي مش هتبطل خناق ابدا اش حيل انهم لسه مرتبطين اومال لما يتخطبوا ولا يتجوزوا هيعملوا اي😹

الام: خلي واحدة غيرك تقول الكلام ده انتي كنتي بتقرفينا😹

ماسه بزعل: كان فترة مراهقة وعدت خلاص مالوش لازمة نفتح الموضوع او حتي نفتكره بابا انا هقوم اغسل ايدي وهستنا حضرتك تحت... وقامت....

مروان: ليه يا ماما تفتحي الموضوع انتي عارفه انها بتزعل🙁

الام: كنت بهزر والله..

الاب: خلاص حصل خير يلا هقوم انا عشان الحق اوصلها الكلية... يلا سلام عليكم

مروان والام: وعليكم السلام...

ونزل الاب عشان يوصل بنته........

~•~•~•~•~•~•~•~•~•~•~•~•~•~•~•~•~

في مكان تاني بعيد عن اسكندرية بره مصر في امريكا بالتحديد في نيويورك يوجد بطلنا سيف سليم المنشاوي.....في الشركة عند سيف...

سيف: لبنى هاتيلي ملف شركة مستر چورچ عشان ادرسه وابعتيلي فنجان قهوة..

لبنى السكرتيرية : تحت امرك يا مستر سيف اي اوامر تانية...

سيف: لا اتفضلي...

وبعدها تدخل بنت بمعني اصح ملكة جمال..

ايتن: بيبي واحشتني 

سيف: ايتن انتي كمان اي المفاجأة الحلوة دي.

ايتن: واحشتني عشان كده جيت اشوفك

سيف: نورتي يا حبيبتي تحبي تشربي اي

ايتن: قهوة 

سيف رفع السماعة: لبنى هاتي فنجان قهوة سادة وواحد زيادة 

ايتن: حبيبي هو احنا مش هنخرج ولا اي انا بقالك اسبوع مش بشوفك ولا بنخرج سوا

سيف: معلش يا حبيبتي الشغل كتير الفترة دي وانتي عارفة 

ايتن بزعل مصطنع: تمام يا بيبي 

سيف: خلاص متزعليش هخلص الشغل اللي ورايا ونخرج سوا نتغدي اي رأيك

ايتن بفرحة: بجد يا حبيبي

سيف: ايوا بجد 

ايتن قامت وحضنته وباسته من خده فهو بعد عنها...

ايتن: مالك يا حبيبي

سيف: ايتن قولتلك قبل كده انا مش جوزك عشان تحضنيني وتبوسني انا خطيبك وفهمتك كده مليون مرة صح

ايتن: اسفة حبيبي بس فرحت 

سيف: تمام بس ياريت متتكررش تاني

ودخلت لبنى بالقهوة والملف وايتن شربت القهوة من غير كلمة زيادة ومشت.....

والباب خبط تاني....

سيف: ادخلي يا لبنى.

سليم المنشاوي: طب ينفع انا

سيف: بابا... وقام حضنه وباس ايده ورأسها وقعدوا....

سيف: اي المفاجأة الحلوة دي مقولتليش ليه انك جي كنت جيت جبتك من المطار

الاب: لا يا حبيبي محبتش اتعبك وكمان انا لسه شباب ميغركش الشعريتين البيض دول

سيف: طبعا يا حبيبي عامل اي

الاب: بخير طول ما انت بخير يا ابني انت طمني عامل اي واي اخبارك مع ايتن

سيف: اهو انا الحمدلله بخير بس الشغل مش مخليني شايف قدامي وايتن اهو بحاول معاها 

الاب: طب ليه يا ابني ضاغط علي نفسك خلاص سيبها..

سيف: ما انت عارف اني بحبها يا بابا 

الاب: ربنا يصلح حالكم يا ابني 

سيف: امين يارب... طمني اخبار الواد آسر اي ورحمة والشغل

الاب: هما الحمدلله كويسين والشغل اهو الحمدلله

سيف: اعترفلها بحبه ولا لسه الموكوس ده

الاب: اديك قولت موكوس يعني لسه

سيف: مالك يا بابا..

الاب: يا ابني انا عوزك جمبي انا خلاص العمر راح علي وصحتي بقت علي قدي وعوزك تمسك الشركات مع آسر..

سيف: بابا انت عارف اني بحب شغل الديكور عن العربيات وانا بحب شغلي عشان كده..

الاب: ماشي يا ابني علي راحتك وربنا يسعدك

سيف: ها بقا احكيلي جي تعمل اي غير انك تشوفني..

الاب: جي اشوف الفرع هنا ماشي ازاي واشوفك وهرجع علطوال..

سيف: خليك معايا شوية والنهاردة كمان هتغدا انا وايتن سوا تعالي معانا..

الاب: لا روحوا انتوا وانا هستناك انت في البيت

سيف: بس

الاب: خلاص يا حبيبي انا هقوم دلوقتي اروح الشركة واستناك في البيت ..

سيف: ماشي يا حبيبي بس خلي بالك من نفسك

الاب: وانت كمان يلا سلام عليكم

سيف: وعليكم السلام....

~•~•~•~•~•~•~•~•~•~•~•~•~•~•~•~•~

نرجع تاني لمدينتنا الحلوة....

في العربية ماسه مع باباها.....

الاب: متزعليش من مامتك يا ماسه كانت بتهزر

ماسه: مش زعلانة منها يا بابا بس بدايق لما حد يجيب سيرة الموضوع ده

الاب: متزعليش يا قلب ابوكي كل شئ مكتوب واكيد ده خير ليكي

ماسه: عارفة يا بابا والحمدلله اولا واخيرا بس المشكلة انو معايا في نفس الكلية فهشوفوا كل شوية وانا محتاجة وقت انسا

الاب: ماسه حبيبتي انتي عمرك ما قطعتي علاقتك بحد مهما كان هو مين وانتي بنفسك قولتيلي انك هتتكلمي معاه بس كصديق واخ مش اكتر لانوا انتوا الاتنين بتفهموا بعض وانا بحب الطبع ده فيكي انك مش بتخسري حد بسبب حاجة مهما كانت كبيرة او صغيرة لا بتدي لاي شخص فرصة واتنين وتلاتة وبعدها بتبعدي وانتي واثقة انك عملتي اللي عليكي ومقصرتيش في حاجة صح يا حبيبتي..

ماسه بأبتسامة: صح يا بابتي كويس انك فكرتني..

الاب: وصلنا يلا بقا واعرفي انك بدأتي مرحلة جديدة وهتشوفي ناس جديدة ولازم يا حبيبة بابا تتصرفي بعقلك وقلبك بلاش تخلي عواطفك تقودك ماشي يا حبيبتي

ماسه: حاضر يا بابا يلا سلام عليكم

الاب: وعليكم السلام يا حبيبتي في حفظ الله

ودخلت ماسه كليتها وهتبدء مرحلة جديدة في حياتها ......

اول ما دخلت شافت صحبتها مروة من ايام الثانوي والاتنين في كلية ( تجارة اسكندرية)

مروة: ماستي اخبارك اي

ماسه: مروتي عاملة اي 

مروة: الحمدلله وانتي 

ماسه: الحمدلله بخير

مروة: اي بقا هنعمل اي

ماسه: لا بقولك اي فكك من هبل الثانوية ده خااالص وتعالي نركز في المستقبل اللي منتظرنا ده

مروة: مستقبل اسود وانتي الصادقة

ماسه: يخربيت فقرك يا شيخة ارحمي امي العيانة

مروة: اي ما مقولتليش ليه انها عيانة كنت جبتلها قشر موز وجيت زورتها

ماسه: قشر موز يا معفنة

والاتنين قاعدوا يضحكوا ويجي صوت من وراهم...

....: مش تضحكوني معاكم يا واطين

الاتنين لفوا وبصولوا....

مروة: اهلا بالاستاذ عمار اللي دايما متأخر

عمار: اعملكوا اي يعني صاحي متأخر كالعادة

مروة: ماشي يا سيدي يلا بقا نشوف الجدول بتاعنا

عمار: ايون يلا بينا..

مروة: هيييييي ست ماسه رحتي فين

ماسه: معاكوا اهو في اي

عمار: طب معلش يا مروة سيبيني مع ماسه شوية.

ماسه: لا عادي يا عمار مفيش حاجة اتكلم

عمار: طيب يا ستي انتي لسه زعلانة

ماسه: لالا مش زعلانة و الله عادي اللي حصل ماضي ومش هنفكر فيه خلاص 

عمار: طب كويس يبقا اصدقاء زي زمان واخوات ومد ايده ليها

ماسه: اكيد ومدت ايديه هي كمان وبدؤا صفحة جديدة 

عمار: شدوا الرحال يا رجال

ومشوا راحوا يشوفوا الجدول بتاعهم وبدؤا يكتبوا جدولهم وظبطوا نفسهم ورحوا اول محاضرة ليهم والدكتور اتعرف عليهم ......

~•~•~•~•~•~•~•~•~•~•~•~•~•~•~•~•~

في نيويورك...

سيف قاعد مع ايتن وبيتكلموا وشخص جه عليهم....

الشخص: ايتن واحشاني جدا بجد 

ايتن بخضة بس ملكت نفسها بسرعة: چون ازيك

چون: كويس وانتي

ايتن: كويسة احب اعرفك سيف خطيبي

چون: اهلا سيد سيف

سيف: اهلا مستر چون 

چون: ابقي خلينا نشوفك بقا يا ايتن عشان واحشاني اوي باي يا روحي

ايتن وشها بيجيب الوان وبعد ما مشا

سيف: مين ده يا ايتن

ايتن: احم ده ده كان زميلي في الكلية

سيف: ايتن

ايتن بعصبية: في اي يا سيف هو تحقيق قولتلك كان زميلي وخلاص

سيف: علي فكرة مش محتاجة عصبيتك دي انا بسأل مش اكتر

ايتن: انا اسفة بس 

سيف: خلاص يلا بينا نروح....

وقاموا مشوا......

يتبع..