عشق منذ الصغر للكاتبة منة الله محمد بارت ٢

                    ~~~~~~~~~~~~~~~~~

في الاسكندرية.......

ماسه رجعت البيت واول ما دخلت...

ماسه:: السلام عليكم

قمر:: وعليكم السلام

ماسه:: اومال فين بقيت البشر

قمر:: ماما نزلت تجيب حاجات وبابا لسه مجاش من الشغل ومروان كذلك...

ماسه:: طيب هدخل اغير هدومي واصلي واجيلك عشان عوزه اتكلم معاكي..

قمر:: تمام

ودخلت ماسه تغير وصلت فرضها وطلعت قعدت جمب قمر اختها وخدتها في حضنها..

ماسه:: ها بقا يا قلبي قوليلي عملك اي الواد الوحش ده

قمر:: مش تشتميه يا ماسه

ماسه:: دي صفة يحبيبتي مش شتيمة

قمر اتعدلت وقامت:: بت انتي جية فايقة شكلك

ماسه:: اها ياستي وتعالي بقا احكيلي مالك

قمر اتحدفت في حضنها:: بصي هو علطوال معترض متكلميش ده متلبسيش ده اعملي كذا متعمليش كذا وانا مش بحب كده غير انو كل شوية يتخانق علي الاكل...

ماسه:: طب يا سندريلا قلبي انتي بالعقل نبدء الاول من موضوع الكلام انتي بتكلمي مين وهو مدايق؟!

قمر:: انا بكلم شهد ومها دول البنات وبكلم صاحبنا الولاد اللي معانا في الدرس بس والله بحدود..

ماسه:: طيب بصي يا روحي انتي هو معاه حق عارفه ليه..

قمر:: ليه

ماسه:: اقولك ياستي اولا شهد ومها البنات دي وحشه وانا وانتي عارفين كده كويس بيشربوا سجاير وبيكلموا ولاد كتير وكل يوم مع واحد شكل تقريبا صح

قمر:: صح

ماسه:: هو بقا بيزعقلك ويزعل منك عشان اي اكيد عشان لو كلمتيهم الناس هنقول انك زيهم

قمر قاطعتها وقالت:: بس انا مش زيهم يا ماسه

ماسه بأبتسامة:: عارفة طبعا يا قلب ماسه ده انا اللي مربياكي يا جذمة اكمل بقا بصي يا ستي انك حتي لو محترمة ومشيتي معاهم الناس هيقولوا انك شبهم فهو مش عوز حد يتكلم عليكي ولو حتي فتفوته صغيرة من الكلام صح

قمر:: انتي صح

ماسه:: الحمدلله اقتنعت بحاجة نيجي بقا للحاجة التانية بصي ياستي هو بيغير عليكي فبالتالي مش هيحب انو انتي تكلمي اي شاب غيره حتي لو اخوكي او اخوه اذا كان قبل كده لما جه لابوكي عشان يتكلم معاه وابوكي حضنك قدامه ولما كلمك قالك متحضنيش ابوكي تاني عوزه اي اكتر من كده انتي ده انتي نكدية

قمر:: اممممم تصدقي صح

ماسه:: اها هتشل غبية وربنا نيجي لاخر حاجة بقا هو الاستاذ يوسف بيزعق معاكي علي الاكل ليه..؟!

قمر:: عشان انا مبكولش وبتعب

ماسه:: يالهوووووي هتشل يعني يبت الهبلة عارفة هو بيعمل كده ليه وبتزعلي يابووووووي علي انا اللي جبته لنفسي الصبر من عندك ياارب 

قمر:: هو انتي كنتي تطولي ابقا اختك اصلا

ماسه:: اللهم لا اعتراض ياارب اي العيلة المجنونة اللي انا فيها دي قومي يبت قومي كلميه يلاا بلا قرف

وقامت قمر ودخلت ماسه اوضتها وافتكرت اللي حصل ايام الثانوي.......

√√√√√√فلاش بااك لورا شوية√√√√√√√√√

ايام ما كانت ماسه في الثانوية اتعرفت علي عمار وحبوا بعض جدا لغاية ما وصلوا لتالتة ثانوي وبدأت المشاكل بينهم ولانوا ماسه عمرها ما خبت حاجة عن اهلها فكانت حكيلهم كل حاجة وخصوصا باباها كانت معرفاه كل حاجة عن علاقتهم وهو بدأ انو ينسحب من حياتها شوية شوية وعلاقتهم بقت عادية اللي هو علاقة مملة تقليدية والجواب علي قد السؤال مش اكتر وفي يوم كانوا الاتنين بيتكلموا و....

روايه عشق منذ الصغر للكاتبه منه الله محمد بارت ٢

مروان:: ماسه انتي يبت....

ماسه بخضة:: حرام عليك يا مروان خضتني..

مروان بحب:: سلامتك من الخضة يا قلبي

ماسه:: انت جيت امته؟!..

مروان:: بقالي نص ساعة وانتي مش موجودة اصلا ها كنتي سرحانة في اي....

ماسه:: ولا حاجة النهاردة اليوم كان متعب شوية في الكليه و..

مروان:: قابلتي عمار صح؟!..

ماسه بتنهيدة:: ايوه قابلته..

مروان:: واتكلمتوا في اي..

ماسه:: ...( حكتله اللي حصل بالظبط مع عمار في الكلية)...بس هو ده اللي حصل..

مروان:: انا عارف اختي جدعة وكويسة ونست اللي حصل وزي ما اتفقتوا انتوا اصحاب واخوات...

ماسه:: ايوا صح بس مروة مش مصدقة وقال اي بتقولي طالما بتحبوا بعض مستحيل تبقوا اخوات او اصحاب...

مروان:: الكلام ده غلط يا ماسه بصي هفهمك حاجة انتي وعمار اخر مشكلة حصلت بينكم وسيبتوا بعض هل طول الشهرين ونص اللي فاتوا هو كلمك او انتي كلمتيه..

ماسه:: لا..

مروان:: هل انتي وهو عندكوا استعداد ترجعوا تاني بعد اللي حصل...

ماسه:: مستحييل ارجع احبه تاني..

مروان:: يبقا خلاص انتي في دماغك دلوقتي اي الدراسة وتظبطيه وتدوري علي شغل صح ولا انا غلطان...

ماسه:: لا صح...

مروان:: يبقا خلاص الموضوع منتهي يا قلبي وربنا هيوفقك وتوصلي للي انتي عوزه بإذن الله

ماسه:: ربنا يخليك ليا يا مارو. 

وقعدوا سوا يضحكوا ويهزروا...نسيبهم بقا ونرجع للبطل بتاعنا هو بطل في نفسه اصلا.

~•~•~•~•~•~•~•~•~•~•~•~•~•~•~•~•~ 

عند سيف في نيويورك...

روح البيت مخنوق مش عارف اللي بيعمله صح ولا غلط يفضل معاها ولا يسيبها وبيفكر ليه ايتن اتوترت اوي كده اول ما شافت چون.....

طلع غير هدومه وصلى فرضه ونزل لوالده تحت

سليم:: اي دا انت جيت امته

سيف:: يدوب غيرت هدومي وصليت ونزلتلك علطوال يا حبيبي..

سليم:: مالك يا سيف في حاجة حصلت مع ايتن

سيف:: لا يا بابا متشغلش بالك شوية لغبطة في الشعل بس عشان تسليم الشغل...

سليم:: متقلقش يا حبيبي كل حاجة هتبقا كويسة بإذن الله..

سيف:: ان شاء الله يا بابا قولي انت عملت اي في الشركة النهاردة..

سليم:: روحت بس بيني وبينك مش مرتاح يعني حاسس انو الارباح بتقل مش بتزيد...

سيف:: خلاص خليك ورا الموضوع واعرف اي اللي بيحصل او ابعت آسر...

سليم:: ان شاء الله المهم هطلع انام انا عشان الطيارة بتاعتي بكرة...

سيف:: خليك قاعد شوية يا بابا..

سليم:: مش هينفع يا حبيبي عشان الشركة هناك والصفقة الجديدة لازم ابقا موجود..

سيف:: ماشي يا حبيبي ربنا معاك...

وراح سليم ينام وقعد سيف يفكر في علاقته مع ايتن وهو كمان قام طلع اوضته ودخل فتح الدولاب وطلع صندوق فيه صور كتير ليه هو وشخص تاني...

سيف:: ياتري لسه فاكرني ولا لا عارف اكيد كبرتي دلوقتي ربنا يسعدك ويحفظك...

وقفل الصندوق وراح يناام...

~•~•~•~•~•~•~•~•~•~•~•~•~•~•~•~•~

رواية عشق منذ الصغر لمنة الله محمد بارت ٢

في اسكندرية...

شخصين بيتكلموا..

الشخص1:: انت لازم تتصرف وتجبلي الملفات دي مهمة اوي لازم اكسره واخليه يدوق طعم الخسارة فاهم..

الشخص2:: حاضر بس كل شئ وليه مقابل..

الشخص1:: مليون...

الشخص2:: تؤتؤ ده اللي انت هتاخده هيدخله ف 10 مليون عيب عليك..

الشخص1:: اخلص عوز كام..

الشخص2:: عوز 4 مليون..

الشخص1:: كاااااام..

الشخص2:: زي ما سمعت ولا انسا اي حاجة بنا

الشخص1:: خلاص بس كل حاجة تبقا عندي بعد ما تخلص..

الشخص2:: اكيد اتفقنا..

الشخص1 بأبتسامة شيطانية:: اتفقنا...نهايتك قربت...

~•~•~•~•~•~•~•~•~•~•~•~•~•~•~•~•~

وتعدي الايام ورا بعضها سليم رجع عشان صفقته وماسه مشغولة في دراستها وبتدور علي شغل وسيف مشغول عشان تسليم شغله وناس تانية عوزه تهد كل ده ...

....في شركة المنشاوي....

سليم:: كده انتوا لازم تبقوا صاحين كويس احنا لازم ناخد الصفقة بكرة ان شاء الله الصفقة تبقا في ايدينا احنا...

آسر:: ان شاء الله يا بابا

سليم:: خير ان شاء الله

رحمة واقفة ومدايقة...

سليم:: مالك يا رحمة..

رحمة:: سلامتك يا مستر سليم..

سليم:: علي فكرة احنا لواحدنا ومتفقين تقولولي بابا..ها بقا مالك..

رحمة:: مش عارفة بس مش مطمنة لمنصور ممكن يعمل اي حاجة عشان ياخد الصفقة..

سليم:: متقلقيش مش هخليه يعملها زي المرة اللي قبل اللي فاتت واخد حذري منه كويس المرة دي...

رحمة:: ربنا يستر ان شاء الله..

سليم:: تعالوا يلا نتغدوا سوا..

رحمة:: طب ثواني هجيب شنطتي واجي...

سليم:: تمام..

ومشت رحمة عشان تجيب شنطتها...

(معلومة صغننة::: رحمة تبقا صديقة آسر وسيف من زمان وهي تبقا السكرتيرية الخاصة بيه)

سليم:: انت مش ناوي تتنيل تقولها انك بتحبها

آسر:: احم مستني بس شوية اعرف مشاعرها 

سليم:: مشاعر اه هتشل ياربي..

آسر:: بعد الشر عليك يا بابا..

سليم:: شر اي بقا يا حمار ما هي باينة زي الشمس البت بتحبك متبقاش تقيل ورخم..

آسر:: بردوه استنا شوية كمان..

سليم:: قوم ياض غور من وشي

آسر:: اهون عليك

سليم:: لا متهونش يا آسر يا حبيبي انت مش ابن اخويا لا انت ابني وبحبك زي سيف بالظبط وبتمنالك السعادة زيه بالظبط ربنا يهديكم ويصلح حالكم..

آسر قام وباس ايده وراسه:: ربنا يخليك لينا وميحرمناش منك ابدا....

وجت رحمة ورحوا يتغدوا.....

~•~•~•~•~•~•~•~•~•~•~•~•~•~•~•~•~

عند مااسه الايام بتعدي عادي مفيش حاجة جديدة ...في يوم في الكلية كانت قاعدة مع مروة في كافتيريا الجامعة وبيتكلموا..

عمار:: صباح الخير يا بنات..

مروة وماسه:: صباح النور يا عمار..

عمار:: اي الاخبار...

مروة:: تمام وانت..

عمار:: الحمدلله بخير.....ماسه هييييي يا اخت..

ماسه:: ها يا عمار بتقول حاجة..

عمار:: لا انتي مش معايا خاالص

ماسه:: معلش سرحت في حاجة بس..

عمار:: اي تعبانة..

ماسه:: لا بس اتخنقت وعوزه اشتغل والحمدلله قدرت اظبط موضوع الكلية فاضلي بقا اشوف شغل..

عمار:: طب تمام اذا كان كده وبالمرة تتدربي..

ماسه:: ياريت..

عمار:: وانتي يا مروة مش عوزه..

مروة:: لا يا عم كفاية علي الكلية...

عمار:: خلاص هشوفلك يا ماسه انا الموضوع ده

مروة:: وانت مش عوز انت كمان ولا اي

عمار:: لا مش عوز انا مجالي غير مجالكوا..

مروة:: اها تمام..

ماسه:: تمام شكرا يا عمار..

عمار:: العفو يا بنتي علي اي..

وقاعدوا يهزروا ويضحكوا كالعادة..

~•~•~•~•~•~•~•~•~•~•~•~•~•~•~•~•~

نرجع لآسر ورحمة وسليم..

راحوا مطعم فخم وقعدوا طلبوا الاكل....

سليم:: انا هقوم ادخل الحمام اغسل ايدي وجي

آسر:: تمام...

ومشا..

آسر:: رحمة..

رحمة:: نعم..

آسر:: عاملة اي

رحمة برفع حاجب:: كويسة انت سألتني النهاردة السؤال ده اكتر من عشرين مرة..

آسر:: اي دا بجد..

رحمة باستغراب:: اها والله انت كويس..

آسر:: اه اه كويس جدا اوي..

رحمة:: طيب..

آسر بينه وبين نفسه:: اي مش عارف تقولها يخربيتك هتقول عليك اي دلوقتي دي هي كلمة واحدة اللي هتقولها اي صعبة اوي كده يوووه انا هقولها بقا وخلاااص...

آسر:: رحمة..

رحمة:: نعم..

آسر:: انا ب...

الجرسون:: الاكل يافندم..

آسر:: حطه هنا...في سره عبوشكلك كنت لسه هقولها وريني بقا هجيب الشحاعة منين تاني عشان اقولها...

بعد ما مشا الجرسون..

رحمة:: كنت بتقول حاجة..

آسر:: لا خلاص كنت هسألك علي حاجة بس افتكرت..

رحمة:: مااشي... في سرها :: يوووه هو هيقولها امته خليه كده وانا كمان مش هقول هااا..

جه سليم:: مالكوا انتوا الاتنين..

آسر ورحمة:: مفيش

يتبع

سليم:: متأكدين..

آسر ورحمة:: اها..

سليم:: طب يلا كلوا...

وراح موشوش آسر....

سليم:: فهمت..

آسر:: اها ربنا يستر..

رحمة:: في اي..

سليم:: هتعرفي كل حاجة بكرة...

الفصل الثالث