رواية عشق منذ الصغر للكاتبة منة الله محمد بارت ٥

 رواية عشق منذ الصغر 

بقلمي/منة الله محمد

°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°

ويمر شهرين علي ابطالنا وفي خلال الشهرين دول قدرت ماسه توصل لمكانة خاصة عند كل فرد في الشركة وهي ورحمة وآسر بقوا اصدقاء جدا وكمان بدأت تنادي سليم ببابا بدل مستر 

اما سيف فبيحاول علي قد ما يقدر يوصل للي ايتن مخبياه عنه وللاسف معرفش يوصل لاي حاجة لغاية دلوقتي.........

##############################

في المكتب عند ماسه....

ماسه خبطت علي مكتب سليم ودخلت....

ماسه:: باباااااااااااااااااا........

سليم بخضة:: يخربيتك في اي....

ماسه بضحك:: حرام عليك يا حج هو البيت اتبنى عشان يتهد......

سليم:: خضتيني عوزه اي....

ماسه ببراءة:: جبت الفطار....

سليم:: وهو عشان جبتي الفطار تفجعيني كده...

ماسه:: ما انت كنت مشغول في الملف اللي في ايدك....

سليم بضحك:: الصبر من عندك يارب انا اللي جبته لنفسي...

ماسه بهزار:: بابا انت كده هتبقا صبار...

سليم:: امشي يبت اطلعي بره امشي...

ماسه:: بقا بذمتك اسيب القمر ده واروح فين ها قولي ....

سليم:: طب يلا يختي نفطر....

ماسه حطت الاكل علي التربيزة وقالت:: تعالي يلا....

سليم:: مين اللي هيكول الاكل ده كله....

ماسه:: احنا....

سليم:: احنا مين بالظبط...

رحمة وآسر:: احناااا هناااا..

سليم:: اها انا قولت كده بردوه...

ماسه:: ليه...

سليم:: اصل حضرتك مبتكليش غير نص رغيف وتقولي وقلدها:: اهااااا لالا انا كلت كتير اوي بطني هتنفجر.

ماسه:: بتئلس علي يا بابا....

سليم:: اها...

ماسه:: مااااشي...

سليم:: بيييعرج.

وكلهم ضحكوا وقعدوا يفطروا...

آسر:: هنروح احنا عشان نخلص الشغل...

سليم:: ماشي...

وبعد ما مشوا رحمة وآسر...

سليم:: ها عملتي اي...

ماسه:: متقلقش هنشوف مقطع رومانسي صغنن خااالص دلوقتي...

سليم:: ربنا يستر..

*************************************

عند آسر دخل مكتبه وشاف جواب علي المكتب قال:: اي دا من مين...وفتحه وقراه وكان من رحمة بتقول:: بص انا بحبك ايوا متستغربش بحبك من وقت ما كنا اطفال ولما كبرنا بقيت بعشقك انا رفضت الشغل مع بابا بس عشان افضل جمبك ومعاك من الاخر كده انا مقدرش اعيش من غيرك ثانية واحدة بحبك....رحمة.

آسر فضل واقف مصدوم وبعدين طلع يجري عليها............

عند رحمة دخلت المكتب وشافت جواب فتحته وكان من آسر وبيقول:: بصي انا بحبك ايوا متستغربيش بحبك من وقت ما كنا اطفال ولما كبرنا بقيت بعشقك كنت بتمنا انك ترفضي الشغل مع باباكي عشان تفضلي جمبي ومعايا من الاخر انا مقدرش اعيش من غيرك ثانية واحدة بحبك.....آسر..

رحمة فضلت واقفة مصدومة وبعدين طلعت تجري عليه والاتنين اتقابلوا وكل واحد فيهم في عينيه عشق وحب ولهفة وشوق للتاني وكان فيه موظفين واقفين وكمان سليم وماسه...

آسر:: بحبك وبعشقك....

ماسه:: وانا بموت فيك ومقدرش اعيش من غيرك لحظة واحدة.....

وحضنها وقعد يلف بيها والكل صقفلهم وبعدين نزلها وباس رأسها والكل بركلهم...

سليم:: يلا تعالوا المكتب...

ودخلوا....

سليم:: واخيرا...

رحمة:: الحمدلله يا بابا واخيرا اعترفلي الاستاذ بحبه لولا الجواب اللي بعته كان زمنا لسه محدش فينا اتكلم....

آسر بأستغراب:: جواب اي...

رحمة:: اللي انت كتبتهولي....

آسر:: انتي اللي كتبتيلي جواب وبعتهولي...

رحمة بأستغراب:: بس انا مكتبتش حاجة...

آسر:: اومال مين اللي كتب...

ماسه:: انااااااا....

آسر ورحمة بصدمة:: انتي.....

ماسه:: ايون انا اصل بصراحة انت خايف تكون مبتحبكش والبت بتموت فيك وهي كانت مستنياك تقولها وبدأت تفتكر انك مبتحبهاش فقولت اي بقا اعمل كده يمكن نخلص منكوا....

آسر:: نخلص منكوا ها طب تعالي بقا...

وفضلوا يجروا ورا بعض في المكتب وراحت ماسه استخبت ورا سليم...

سليم:: بس انت وهي ماسه عملت الصح انتوا الاتنين كنتوا محتاجين زقه والحمدلله خلصنا...

رحمة:: تعالي يا ماسه...

ماسه بخوف مصطنع:: اي هتضربيني ولا اي والله اسحب الجوابات واقول انكوا مش بتحبوا بعض وانا دبستكوا...

رحمة بضحك:: تعالي يا مجنونة.

ماسه راحت ناحيتها قامت رحمة حضنتها وقالت:: شكرا..

ماسه:: علي اي يا عبيطة ده انتي اختي...

آسر:: بجد يا ماسه شكرا لولاكي كنا هنفضل زي ما احنا...

ماسه:: علي اي يا عبيط ده انت اخويا....

آسر:: اعملي حسابك الخطوبة اخر الاسبوع يوم الخميس والفرح اخر الشهر...

رحمة بصدمة:: نععععععععم...

آسر:: زي ما سمعتي انا مش مستعد انتظر اكتر من كده مش كفاية مقولتلكيش الفرح النهاردة...

رحمة:: مهو ده اللي ناقص..

وضحككوا وبيبصوا لسليم لقوه بيتكلم في الفون...

آسر:: بابا بتعمل اي...

سليم:: هتعرف دلوقتي....

........سليم:: السلام عليكم...

الشخص:: وعليكم السلام ورحمة الله وبركاته واحشني يا سليم عاش من سمع صوتك....

سليم:: وانت اكتر يا ابو رحمة والله اي اخبارك...

والد رحمة:: بخير الحمدلله...

سليم:: كنت عوزك في موضوع...

والد رحمة:: خير يا سليم....

سليم:: خير ان شاء الله احنا كنا عوزين نيجي النهاردة لو انت فاضي عشان نطلب ايد رحمة لآسر....

والد رحمة:: يا سلام تنورا طبعا واخيرا اعترفوا...

سليم:: الحمدلله وهتفطس ضحك لما تعرف اللي حصل...

والد رحمة:: يبقا تتفضلوا عندنا النهاردة ان شاء الله....

سليم:: خلاص بإذن الله هنبقا عندكوا الساعة 8 مناسب...

والد رحمة:: تشرفوا يا سليم....

سليم:: تسلم يلا سلام عليكم...

والد رحمة:: وعليكم السلام...

##########################

والدة رحمة(سمية):: خير يا حج رحيم....

 رحيم والد رحمة:: خير يا حجة سمية ان شاء الله سليم النهاردة جي هو وآسر عشان يطلبوا ايد رحمة...

سمية:: الحمدلله واخيرا اعترفوا لبعض...

رحيم:: ايوا يا حجة وهنفرح بيهم ان شاء الله....

سمية:: ان شاء الله يا حج...

رحيم:: هنزل اروح الشركة وانا وراجع هجيب شوية حاجات...

سمية:: في حفظ الله يا حج وانا هحضر كل حاجة ان شاء الله متقلقش...

##########################

في الشركة.....

آسر نط علي سليم وحضنه وقال:: ربنا يخليك ليا ياارب...

سليم:: ويخليك ليا....يلا بقا علي شغلكم عشان تلحقوا تخلصوا وتجهزوا يلااا انتوا التلاتة...

آسر:: حاااضر هتكلم سيف ولا اكلمه انااا..

سليم:: لا هكلمه انا وهخليه يكلمك....

آسر:: تمام....

وخرجوا التلاتة.....

##########################

عند سيف في الشركة.....

سيف قاعد يفكر في ايتن واي اللي بيحصل واي اللي سبته ممكن تخسر فيه هو للاسف مش فاهم ولا عارف يوصل لحاجة فونه رن.....

سيف:: ازيك يا بابا....

سليم:: بخير يا ابني وانت...

سيف:: بخير يا حبيبي...

سليم:: لسه بتفكر بردوه يا ابني انهي الموضوع اللي تعبك ده واخلص...

سيف:: متقلقش يا بابا انا هتصرف.....

سليم:: ربنا يصلح حالك يا ابني...

سيف:: تسلم يا حبيبي اي الاخبار عندك...

سليم:: مأنا متصل اقولك الاخبار...

سيف:: خير...

سليم بفرحة:: اخيرا آسر ورحمة اعترفوا لبعض...

سيف بفرحة:: قول والله...

سليم:: اها والله والنهاردة هنروح نقرء الفاتحة...

سيف:: كل ده حصل ومكلفتش نفسك تقولي غير النهاردة....

سليم:: ده كله حصل النهاردة اصلا..

سيف بمفاجئة:: ازاي....

سليم:: (حكاله اللي ماسه عملته وانو كلم والد رحمة واتفق معاه) بس وماسه قدرت تعمل اللي بقالهم سنتين عوزين يعملوه..

سيف:: ماسه اللي طلعت في حياتكم مرة واحدة دي وخلتها وردي شكلها بنت كويسة....

سليم:: هي فعلا كده....وهما بيتكلموا ماسه دخلت لسليم..

ماسه:: باباااااااااااااااعاااااااا...

سليم بخضة:: ينهااااارك اسووووح انتي يبت ناوية تجبيلي الجلطة...

ماسه:: بعدالشر عليك يا قمر انت يا عسل يخلاااثي معندكش اخ او ابن يكون قمر زيك كدهون بس في سني اتجوزه....

سليم بضحك:: عندي بس مش مستغني عنه.

ماسه بغباء:: ليه يعني...

سليم:: كفاية انا هيجلي الجلطة بسببك اجيب ابني حبيبي وياعيني لسه صغير وحليوة وكل البنات بتجري وراه اخليه يجيله الجلطة يلا يببت من هنا.... 

ماسه:: هو يطول اصلا ده تلاقيه شبه حمو بيكا كده ولا شواحه وانت اللي بتمدح فيه عشان ابنك بس...

( طبعا سيف سامع كل الكلام ده وفطسان ضحك واتصدم اول ما قالت كده)

سليم:: نهااارح اسوووح...

ماسه:: اي يا سولم بتسووح اليوم ليه ده حتي اليوم جمر اوي.....

سليم:: انا ابني شبه شواحه ولا حمو بيكا....

ماسه:: امممم خلاص ولا تزعل شبه حمدي المرغلي حلو.....

سليم:: يخربيتك انتي فصلتيني....

ماسه:: اجبلك الشاحن تتشحن تاني عادي احنا لسه يومنا طويل مش ناقصين تفصل مننا قعقعقعقعقع....

سليم ومش قادر يمسك نفسه من الضحك:: علي فكرة انا عوزه اقولك حاجة....

ماسه:: ها اوعا تقول انك هترفدني لالا متقدرش تستغنا عني انا عارفة....

سليم بضحك:: لا بس عوزه اقولك انو سيف سمع كل الكلام اللي بينا عشان لما دخلتي كان معايا علي الفون....

ماسه بصدمة:: نعععععععععم...

سليم بضحك علي منظر صدمتها:: ايوووووا.

ماسه:: نهااار اسووووح بص انا مشيت ماشي انا طلعت انا مش موجودة اصلا انا مدخلتش اساسا انا متكلمتش ولا قولت عليه شواحه ماشي...

سليم:: خدي يا مجنونة هقوله انك قولتي عليه شواحه.....

ماسه:: لا يا بابا ده انت حبيبي ده هيشوحني شبه ما بيشوحوا اللحمة يا حج  انا طلعت ماشي سلاااام باااي...

سليم:: استني يا مجنونة...ايوا يا سيف....

سيف:: ايوا يا بابا...

سليم:: معلش يا ابني المجنونة دي دخلت علي فجأة...

سيف:: دي طلعت مجنونة فعلا يا بابا وشكلها عسل اوي بجد بس خرمتلي ودني اول ما دخلت....

سليم:: كويس انها دخلت حياتي يا سيف ملت الشركة والبيت علي بجنانها ده وكمان حنانها..

سيف:: البيت؟!...

سليم:: ايوا بنروح سوا وبنفطر سوا هنا في الشركة انا وهي ورحمة وآسر ونروح نتغدا سوا ودادة فتحية اليوم اللي ماسه متجيش فيه تحس انوا البيت فيه ميت وكمان بتديني الدوا وبجد بنت مفيش منها اتنين..

سيف:: ده انا لازم اشكرها بقا واشوفها....

سليم:: ان شاء الله تنزل علي خطوبة آسر ورحمة وتشوفها...

سيف:: ان شاء الله....

سليم:: يلا هقفل انا عشان اخلص اللي ورايا ونلحق نمشي من الشركة...

سيف:: ماشي يا حبيبي وسلملي علي عمو رحيم وطنط سمية....

سليم:: ماشي يا حبيبي يلا سلام عليكم....

سيف:: وعليكم السلام...

##########################

رواية عشق منذ الصغر للكاتبة منة الله محمد بارت ٥

عند ماسه......طلعت تجري وراحت علي مكتب آسر ولقت رحمة والاتنين شافوها كان وشها احمررر عاملة شبه التفاحة....

آسر:: في اي يبنتي مالك....

ماسه:: حصل موقف محرج اوووي...

رحمة:: اي اللي حصل انطقي....

ماسه:: (وحكتلهم اللي حصل) بس هو ده اللي حصل...

آسر ورحمة فطسنين علي نفسهم ضحك...

آسر بضحك:: يخربيتك مش قادر....

رحمة:: يالهوووووووي يا ماستي عليكي....

ماسه:: بس بقا بجد انا محرجة اوي...

رحمة:: ده لو شافك هيعمل منك بطاطس مقلية..

ماسه:: وانتي الصادقة بطاطس مهروسة....

آسر:: بس انتي وهي ويلا عشان اخلص شغلي عشان نلحق المعاد ها المعااااااد وراح غامز لرحمة..

ماسه:: راعوا انو في واحدة سنجل سنجولة متسنجلة واقفة هنا هاااااااا...

آسر:: يلا يا هدامة اللذات ومفرقة الجماعات من هنا...

ماسه وهي بتطلعله لسانها::لاااااا....

آسر طلع يجري وراها والاتنين فضلوا يجروا ورا بعض وماسه وهي بتجري خبطت في حد...

ماسه:: انا اسفة جدا يا افندم مخدتش بالي...

الشخص:: ولا يهمك...

آسر:: اي دااااا لا مش مصدق معقول استااذ احمد بنفسه يا هلا يا هلا واحشني يا راجل...

احمد:: انت اكتر والله...

آسر:: اي يا ابني فينك...

احمد:: اهو موجود اي الاخبار...

آسر:: تمام والله وانت...

احمد:: الحمدلله بخير اي شايفك قلبتها حضانة...

آسر بضحك:: لا يا عم هي البت ماسه دي رخمة عشان كده كنت بجري وراها....

احمد:: ماسه...

آسر:: اها دي ماسه السكرتيرة الجديدة..ماسه ده احمد صديقي انا وسيف....

ماسه:: اهلا بحضرتك...

احمد:: اهلا يا ماسه وبلاش حضرتك دي احنا في سن بعض...

ماسه:: ان شاء الله..

رحمة:: اي دا احمد ازيك...

احمد:: الحمدلله يا رحمة وانتي...

رحمة:: الحمدلله كويسة...

احمد بيتكلم وعينيه علي ماسه طوال الوقت...

آسر:: النهاردة قراية فاتحتي...

احمد:: احلف...

آسر:: والله...

احمد:: واخيرا اعترفت يا اخي ده احنا كنا فقدنا الامل....

آسر:: للدرجة دي...

احمد:: واكتر وانت الصادق...

آسر:: تمام هتيجي معايا بقا...

احمد:: اكيد...

وطلع سليم...

سليم:: احمد عاش من شافك يا راجل...

احمد:: ازيك يا عمو...

سليم:: بخير يا ابني وانت...

احمد:: الحمدلله كويس...

آسر:: بابا احمد هيجي معانا النهاردة...

سليم:: كويس بدل ما تبقا لواحدك عشان سيف مش هيقدر يجي النهاردة هيجي قبل الخطوبة..

احمد:: طب كويس احسن واحشني اووي...

سليم:: يلا يا ماسه انتي ورحمة كل واحدة علي بيتها عشان تلحقوا تجهزوا..

ماسه ورحمة:: حاضر يا بابا....

سليم:: ويلا يا احمد انت وآسر عشان نلحق نجهز احنا كمان....

احمد وآسر:: تمام....

وكل واحد راح علي بيته ولبست بطلتنا الحلوة ماسه فستان(بينك ومنقط بأسود وطرحة سودا وكوتشي اسود)...

ونزلت راحت لرحمة واللي كانت لبسه فستان( ازرق وفيه حزام بني وطرحة بيضة وكوتشي ابيض)....

وقعدوا يرغوا كتييير....

عند آسر(لبس كحلي وجرافت كحلي)....

واحمد( لبس كاچول وكان بنطلون چينيز اسود وقميص ابيض)...

وسليم( لبس بدلة سودا وجرافت اسود)...

والساعة 8 كان الكل متجمع في بيت رحمة...

رحيم:: واحشني والله يا سليم والواد سيف عامل اي...

سليم:: بيسلم عليك والله انت والحجة سمية...

سمية:: ربنا يخليهولك ويفرحك بيه...

سليم:: تسلمي...اومال فين رحمة...

سمية:: جوا مع ماسه ثواني هندهلهم...

ودخلت سمية نادت رحمة وماسه....

دخلت رحمة سلمت علي الكل وماسه جالها تليفون فكانت بتتكلم ولما دخلت احمد بصلها بأعجاب كبير لانها كانت زي القمر في ليله تمامه...

ماسه:: السلام عليكم...

الكل:: وعليكم السلام..

ماسه:: آسرررررر...

آسر:: بت انتي عوزه اي...

ماسه:: عوزه باتون ساليه بالسمسمة....

آسر:: امشي يبت من هنا انا مش عارف احنا مستحملينك ليه...

ماسه:: عشان انا عسل وسكر وقمر وكيوت وعسوله ووووو مبحبش امدح نفسي كتير....

آسر:: وانا اقول النمل والدبان ملمومين ليه..

ماسه مسكت المخدة اللي علي الكرسي وحدفته بيها...والكل ضحك عليهم...

آسر لاحظ نظرات احمد وانو مركز مع ماسه اوي وده نوعا ما معجبهوش...

آسر ضربه في كتفه:: فوق ها واتلم....

احمد:: احم ليه يعني...

آسر:: انت عارف ليه...

وسكتوا...

سليم:: بص بقا يا رحيم انا جي النهاردة عشان اطلب ايد رحمة لآسر وبتمنا توافق....

رحيم:: انا يزدني شرف يا سليم...

سليم:: يبقا نقرء الفاتحة...

وقروا الفاتحة...وبعدها سمية زغرطت زغروطة اصلية مصرية...

وقامت وقالت:: طب يلا العشا جاهز....

سليم:: مكنش فيه داعي تتعبي نفسك...

سمية:: تعبكوا راحة اتفضلوا....

وراحوا قعدوا كلهم واتعشوا سوا في وسط جوا من الضحك والهزار والتفاهه من ماسه وآسر...

بعد الاكل اتفقوا علي كل حاجة وانو الخطوبة اخر الاسبوع والفرح اخر الشهر....ومشوا

بعد ما مشوا...

رحمة:: بقولك اي يا ماسه...

ماسه:: قلبها...

رحمة:: ملاحظتيش نظرات كده نظرات كده من حد....

ماسه وفهمت:: لا ليه...

رحمة:: اصل شوفت احمد باصص عليكي طوال ما احنا قاعدين والنهارده الصبح كمان لما كنا في الشركة...

ماسه:: ريحي نفسك لو اتكلم هصده هي ناقصة خوزايق....

رحمة:: علي رأيك...

ماسه:: انا همشي واشوفك بكرة في الشركة ان شاء الله...

رحمة:: ان شاء الله.... 

ونزلت ماسه عشان توقف تاكسي عشان تروح واحمد كان مستنيها واول ما شافها راح عليها...

احمد:: ماسه تحبي اوصلك علي طريقي...

ماسه:: لا شكرا هاخد تاكسي...

احمد:: مينفعش انسه قمر زيك كده تاخد تاكسي لوحدها في الوقت ده...

ماسه باستنكار:: ليه ان شاء الله هتخطف وبعد اذنك اتفضل امشي...ووقفت تاكسي وركبت وروحت....

ورحمة كلمتها تطمن انها وصلت وماسه حكتلها اللي حصل ورحمة نصحتها انها تبعد عنه ومتخطلتش بيه نهائي....

تعالوا نوصف احمد(شاب طول بعرض ابيض وعينيه لونها مدي علي زيتي وشعره بني كثيف بس زي ما بيقولوا عليه دنجوان يعني بيحب كل يوم يبقا مع واحدة شكل وصحابه عارفين عنه كده)...

عدا الاسبوع بسرعة وسط توتر وفرحة من رحمة وانتظار آسر ومحاولة ماسه لإبعاد احمد عنها ومحاولة احمد عشان يتقرب منها...

وجه يوم وصول بطلنا الحليوة القمر...

وصل سيف واستقبله آسر في المطار وحضنوا بعض....

آسر:: واحشتني اووووي ياااض...

سيف:: انت اكتر والله اي اخبارك...

آسر:: زي الفل...

سيف:: ايوا بقا هتبقا عريس كمان يومين...

آسر:: قر انت بقا قر ده انا ماصدقت...

سيف:: ما انت اللي كنت سلحفاة نعملك اي...

آسر:: اها والله معاك حق بعد فضل ربنا لولا المجنونة دي مكناش هنتخطب...

سيف:: اها المجنونة قولتلي....

آسر فصل ضحك....

سيف:: بتضحك علي اي يلاااا...

آسر:: اصلي افتكرت اللي حصل معاك لما كنت بتكلم بابا....

سيف:: اها شفت وبابا لحق يقولك...

آسر:: وانت الصادق هي اللي حكتلي....

سيف:: يا راجل امته....

آسر:: بعد ما عرفت انك كنت علي الفون مع بابا طلعت تجري وجت عليا انا ورحمة ووشها ده عامل شبه التفاح وبتنهج ولا كأنها بتجري من وحش وقالتلنا اللي حصل فرحمة بتقولها ده لو شافك هيعمل منك بطاطس مقليه قالتلها وانتي الصادقة بطاطس مهروسة...

سيف:: البت دي شكلها فصلااان..

آسر:: اومال...

سيف:: ماشي يا اخويا هنفضل واقفين كتير....

آسر:: يلا بينا علي البيت...

سيف:: لا اطلع علي الشركة...

آسر وفهم بس بيستعبط:: ليه...

سيف:: عوز اشوف بابا...

آسر:: اها بابا ولا المجنونة اللي عند بابا...

سيف:: الاتنين واهو اتعرف علي اللي شقلبت حال الكل كده...

وفعلا طلعوا علي الشركة....ونزلوا وطلعوا الاتنين...

سيف:: اي دا اومال هم فين...

آسر:: معرفش...

رحمة:: سييييييييييف...

سيف:: عاملة اي يا رحومة واحشتيني...وحضنها

رحمة:: كويسة الحمدلله وانت....

سيف:: الحمدلله والله بخير....

آسر بغيرة:: سيب مراتي يلاااا...

سيف:: اختي...

آسر:: بس مراتي...

سيف:: ايوا بس اختي...

آسر:: بس مراتي...

سيف:: لما تبقا مراتك ابقا اتكلم...

آسر:: بقا كده...

سيف:: ايوا...

رحمة:: بس انتوا الاتنين...

سيف:: اومال فين بابا يا رحمة....

رحمة:: راح يصلي هو وماسه في المسجد تحت وطالعين...

سيف:: مسجد اي؟!...

رحمة:: اها احنا عملنا مسجد هنا في الشركة...

سيف بأعجاب:: بسم الله ما شاء الله امته....

رحمة:: من حوالي شهر...

سيف:: فكرتك صح...

رحمة:: لا فكرة ماسه...

سيف:: يادي ست ماسه اللي لغاية دلوقتي معرفهاش غير اسم ورهولي...

سليم دخل في الوقت ده.....

سليم:: سيف حمد الله علي السلامة يا ابني....

سيف:: الله يسلمك يا حبيبي...

رحمة:: اومال ماسه فين يا بابا...

سليم:: هي تعبانة فقولتلها تروح وبتقولك معلش انها مش هتقدر تجيلك النهاردة...

رحمة:: ايوا فعلا هي من سعات ما جت الصبح وهي مش طبيبعة وكمان......

سليم:: اي في اي...

رحمة:: بص يا بابا مش هخبي عليك...

سليم:: في اي يا رحمة ماسه مالها...

رحمة:: هي كويسة بس انت مش ملاحظ انها بقت بتدايق بسرعة وكمان بتتخنق وبتبقا عوزه تمشي...

سيف:: ليه كل ده الشغل مبقاش عجبها ولا اي...

سليم:: لا شكل في حاجة في اي يا رحمة...

رحمة:: احمد من اول مرة شافها وهو حاططها في دماغه وهي مش عوزه تعمل مشاكل ولو تلاحظ بتتجنب اي مكان يكون هو فيه...

سليم:: فعلا لاحظتها...

آسر:: انا اتكلمت معاه مليون مرة....

سيف:: لحظة بس احمد مين الدنجوان....

آسر:: اها....

سيف:: هو ملاقاش الا دي...

آسر:: انا هتكلم معاه لآخر مرة والا هيبقا ليا تصرف تاني معاه...

سيف سرح وليه مقدرش يشوفها النهاردة...وفاق علي صوت رحمة...

رحمة:: انا هكلمها اطمن عليها...

آسر:: وافتحي الاسبيكر...

رحمة:: تمام...

عند ماسه روحت وكانت تعبانة جدا فعلا واول ما دخلت اغمي عليها....

رندا مامتها:: بنتي مالك فوقي يا ماسه...حرارتك عالية جدا يا حبيبتي...بت يا قمر انتي يا زفته..

قمر:: نعم يا ماما واول ما شافت ماسه مغمي عليها طلعت تجري:: مالها يا ماما....

رندا:: شكل دور السخونية جالها تاني انزلي بسرعة هاتي الابرة من الصيدلية بسرعة...

ودخلوها اوضتها وغيرولها هدومها ونزلت قمر جابت الابرة ورندا عطتها لماسه وقعدت جمبها تعملها كمدات....وفونها رن فمامتها ردت لما لاقتها رحمة...

رندا:: السلام عليكم...

رحمة:: وعليكم السلام...اي يا بنتي عاملة اي...

رندا:: انا طنط يا رحمة...

رحمة:: انا اسفة يا طنط ازي حضرتك...

رندا:: الحمدلله الف مبروك...

رحمة:: الله يبارك فيكي...اومال فين ماسه...

رندا:: هي جت بدري وتعبانة...

رحمة:: طب هي كويسة...

رندا:: لما تفوق هنبقا نعرف...

رحمة بأستغراب:: تفوق من اي...

رندا:: اصلي كنت واقفة في المطبخ وسمعت الباب اتقفل وبعدها حاجة اتهبدت طلعت بشوف في اي لقيتها مغمي عليها...

رحمة بقلق وخضة:: طب هي كويسة...

رندا:: متقلقيش هو دور السخونية ده بس الحمدلله عطتها الابرة وهي نايمة اول ما تفوق هخليها تكلمك...

رحمة:: طب هو ممكن اجي اطمن عليها بعد الشغل...

رندا:: تنوري يا حبيبتي...

سليم بمشاورة انو هيروح معاها...

رحمة:: والمدير عوز يجي يطمن عليها...

رندا:: تنورونا يا حبيبتي في اي وقت...

رحمة:: تسلمي يلا سلام عليكم...

رندا:: وعليكم السلام...

في الشركة....

آسر:: انا هاجي معاكم...

سليم:: لا مينفعش روح انت وسيف جهزوا بقيت الحاجة لانوا كده مش هنلحق وطالما ماسه تعبانة يبقا انت تكمل بدالها...

سيف:: ليه...

سليم:: عشان هما الاتنين اللي منظمين كل حاجة وهو عارف كل حاجة تتعمل...

آسر:: طيب ابقوا طمنوني عليها...

سليم:: ماشي يلا دلوقتي شوفوا شغلكوا وانت يا حبيبي روح استريح شوية...

سيف:: لا انا هشتغل معاك شوية ونروح سوا...

سليم:: ماشي...

وكملوا شغلهم.....

عند ماسه.....

رندا:: ايوا يا محمود قدامك كتير...

محمود:: لا يا رندا ليه ماسه كويسة....

رندا:: هي جت تعبانة وجالها دور السخونية تاني..

محمود:: طب مسافة السكة واكون عندكوا لبسيها وهوديها المستشفي....

رندا:: متقلقش انا عطتها الابره وعملتلها كمدات وهي هتفوق دلوقتي....بس عوزك تيجي عشان مديرها وصحبتها جين يشوفها....

محمود:: خلاص ماشي عشر دقايق وهبقا في البيت...

وروح محمود وفاقت ماسه وخدت دش وغيرت هدومها ونامت تاني لغاية ما سليم ورحمة يجوا...

وجه سليم ورحمة...رحمة خبطت ومحمود فتحلها وسلم عليها وبعدين جه يسلم علي سليم اتصدم.....

محمود:: سليم مش معقول...

سليم:: حوده حبيبي واحشني...

وسلموا علي بعض وحضنوا بعض فترة طويلة ورحمة واقفة مش فاهمة حاجة وجت رندا واول ما شافته اتصدمت....

رندا:: سليم انا مش مصدقة...

سليم:: عاملة اي يا رندا واحشاني...وحضنها...

محمود:: ابعد عن مراتي ياااض...

سليم:: ولو مبعدتش...

محمود:: هخلي وشك خريطة...

وقعدوا التلاته ضحكوا...

رحمة بصدمة:: اي اللي بيحصل ده انتوا تعرفوا بعض...

رندا:: تعالوا ندخل ونتكلم...

ودخلوا كلهم....

سليم:: دي رحمة اوعوا تقولوا مش فاكرينها....

محمود:: رحمة بنت رحيم...

سليم:: ايوا...

محمود بفرحة:: تعالي يا بنت الغالي وحضنها...

رحمة:: انا مش فاهم حاجة...

سليم:: فاكرة ماسه صحبتك اللي كنتوا دايما بتلعبوا سوا و.....

رحمة بمقاطعة:: هي دي نفسها اللي....

سليم:: ايوا...

رحمة:: كل ده وانا معرفش...

سليم:: عادي بتحصل المهم....مش عوز ماسه تعرف حاجة...

رندا:: ليه يا سليم انت متعرفش نفسها تشفكوا قد اي....

سليم:: ....................................فهمتوا....

كلهم:: اها فهمنا....

رندا:: اومال رغد فين واحشتني اوي هي وسمية..

سليم بحزن:: رغد تعيشي انتي...

رندا بصدمة:: امته وازاي...

سليم:: لا دي حكاية طويلة يبقا ليها وقتها دلوقتي عوز اشوف ماسه واطمن عليها...

رندا بحزن علي صديقة عمرها:: حاضر هقوم اصحيها..

رحمة:: اللي اتذكره انو كلنا كنا عايشين في بيت واحد صح...

سليم:: اها احنا الستة كنا اصحاب جدا واكتر من اخوات عشان كده متستغربيش لما بحضن مامتك او رندا لانهم اخواتي....

رحمة:: انا كنت مستغربة ومكنتش اعرف...

محمود:: واديكي عرفتي...وبص لسليم...

سليم:: اي بتبصلي كده ليه...

محمود:: نفسي اعاتبك علي اللي عملته...

سليم:: عاتبني براحتك بس لما نبقا لواحدنا.. 

وطلعت ماسه سلمت عليهم وقعدوا يتكلموا كتير وبعدين سليم قالها مش لازم تيجي الشركة بكرة لانوا كده كده اجازة عشان يكملوا بقيت ترتيبات الخطوبة وخرجوا من عندهم....

وهما في العربية...

سليم:: رحمة احنا هنقول لآسر بس سيف لا تمام..

رحمة:: حاضر يا بابا....

وراحوا الڤيلا وكان آسر وسيف قاعدين وهما دخلوا...

آسر:: طمنوني عاملة اي...

رحمة:: بقت احسن الحمدلله...

جت دادة فتحية:: اي يا بنتي طمنيني ماسه اخبارها اي.....

رحمة:: متقلقيش يا دادة هي كويسة...

دادة فتحية:: طب عوزه اكلمها اطمن عليها...

رحمة:: حاضر.... وطلعت فونها ورنت عليها وفتحت الاسبيكر....

رحمة:: معلش يا ماسه بس دادة وآسر عوزين يطمنوا عليكي...

ماسه وهي بتكح:: عادي يا قلبي...

دادة بقلق:: انتي كويسة يا بنتي طمنيني عشان بعد كده متمشيش في الشتا شوفتي اللي حصلك انا عوزه اعرف انتي مبتسمعيش الكلااام لييه ها هقرصلك ودنك اول ما اشوفك اصبري انتي بس....

ماسه بضحك:: اهدي يا حبيبتي الموضوع مش كده ده دور بيجيلي مع تغير الفصول ومتقلقيش انا الحمدلله بقيت كويسة...

آسر:: متأكدة يا ماسه...

ماسه:: الحمدلله يا آسر متقلقوش...

دادة:: ماشي هتيجي بكرة...

ماسه:: ان شاء الله هجيلك نظبط شوية حاجات كده انا وانتي...

دادة:: تنورينا يا حبيبتي...

ماسه:: دادة بابا خد علاجه...

دادة:: مش راضي...

ماسه:: بابااااااااا...

سليم بضحك:: هكول واخده استريحي...

ماسه:: ماشي يا حبيبي اشوفكم بكرة ان شاء الله...

كلهم:: ان شاء الله....وقفلت...

سيف:: انا هطلع انام تصبحوا علي خير...

آسر:: وانا هوصل رحمة وراجع...

سليم:: متتأخرش...

آسر:: حاضر....

وطلع سيف ينام بس بيفكر في اللي لغاية دلوقتي مشفهاش......

وآسر وصل رحمة وهما في الطريق رحمة حكتله اللي حصل عند ماسه وكمان اللي سليم قاله...

آسر بفرحة:: يعني ماسه تبقا....

رحمة بفرحة:: ايواااا....

آسر:: الحمدلله ياارب بجد وانا اقول ليه كمية المشاعر دي ناحيتها واول مرة في حياتي اتعامل مع حد بالطريقة دي الحمدلله ياارب...

رحمة:: متقولش حاجة ولا حتي لسيف فاااهم...

آسر بفرحة:: اكييييييد...

ووصلت وهو روح ورحمة حكت لأهلها كل حاجة ورحيم وسمية فرحوا جدددا ورحمة نبهت عليهم الالتزام بالصمت....

##########################

تاني يوم سيف نزل الصبح بدري يجري علي البحر.....وماسه بتحب الجو ده فنزلت تتمشا وكان الجو فوق الروعة السما مغيمة والدنيا بتمطر وكان جو حلو اووووي....

ماسه حطه الهندفري في ودنه وتسمع اغنية وبتغني معاها....وراحت قعدت شوية وكان نفس المكان اللي سيف فيه والاتنين عطين ظهرههم لبعض وسيف سمع حد بيغني فبيبص بس مش شايف الملامح بس سامع صوت جميل بيفكره بذكريات اجمل....وماسه كانت بتسمع اغنية (مكتوبة ليك اليسا) وبتغني معاها...

ماسه:: مكتوبة ليك اني انا اللي تعشلها مكتوبه علي اسمك حياتي كلها اول ما قولت بحب كانت لي انا مين تستهلها غيري او تتقالها مكتوبه ليك واهي كل حاجة في وقتها تكمل حياتك بيا لما دخلتها وقت اما شافك قلبي شافت عيني فيك صورة حبيبي اللي في خيالي رسمتهااا...قول بقا يا حبيبي حبيبي لمين انا لو مش ليك قول بقا يا حبيبي حبيبي هحب في مين غير فيك طب ده انا ايامي احلامي وحياتي واقفة عليك نور عيني حبيبي حبيبي لمين انا لو مش ليك  قول بقا يا حبيبي حبيبي هحب في مين غير فيك طب ده انا ايامي احلامي وحياتي واقفة عليك موعودة بيك تبقي انت بختي وقسمتي موعودة بيك من قبل ما اتقابل معاك مشاعري حب حياتي شوقي ولهفتي متصدقين مني لاني مصدقاك قول بقا يا حبيبي حبيبي لمين انا لو مش ليك قول بقا يا حبيبي حبيبي هحب في مين غير فيك طب ده انا ايامي احلامي وحياتي واقفة عليك نور عيني حبيبي حبيبي لمين انا لو مش ليك  قول بقا يا حبيبي حبيبي هحب في مين غير فيك طب ده انا ايامي احلامي وحياتي واقفة عليك.....

سيف سرحان في صوتها وجماله.....والاتنين فونهم رن في نفس الوقت...ومشفوش بعض...

ماسه:: الو يا رحمة...

رحمة:: انتي فين...

ماسه:: كنت بتمشا شوية وجية....

رحمة:: طب يلا متتاخريش...

ماسه:: حاضر....سلام...

رحمة:: سلام...

.....سيف:: الو يا آسر...

آسر:: انت فين...

سيف:: بجري علي البحر وجي...

آسر:: طب يلا متتأخرش...

سيف:: حاضر....سلام...

آسر:: سلام...

وسيف بيبص عليها شافها ماشية وفجأة اختفت من قدامه وهو قام روح وهي كمان روحت بس الاتنين فرحانين وحاسين بحاجة غريبة....

وراحت ماسه لرحمة وسيف لآسر...وظبطوا كل حاجة وطبعا سيف مشفش ماسه عشان طوال اليوم بره الڤيلااا....

واليوم خلص وماسه مروحة طلعت من الڤيلا تعبانة خبطت في حد...

ماسه:: انا اسفة ومشت علطواال من غير ما تبص....

سيف لسه هيبص لاقاها مشت....فدخل...

رحمة:: اي مالك...

سيف:: في واحدة طالعه خبطت فيا واعتذرت ومشت علطوال حتي من غير ما تبصلي...

رحمة:: اها معلش تلاقيها ماسه وهي تعبت طوال اليوم عشان كده مشت علطواال...

سيف:: ست المختفية دي اي اومال هتتكرم ونشوفها امته.....

رحمة:: نفس كلامها اللي قالته...

سيف:: طيب صح آسر مستنيكي بره وانا هطلع انااام سلااام...

وجاااء اليوم المنتظر...........

######$$$$$#####$$$$$######

ياتري اي اللي هيحصل .....

وهل سيف هيشوف ماسه ولا لا...

توقعاتكم+ رأيكم....

الي اللقاء في البارت القادم......