رواية حماتي وسلفتي العقربه
للكبار فقط الفصل الاول
بقلم ماجد فادي
رواية حماتي وسلفتي العقربه الفصل الاول
رواية حماتي وسلفتي العقربه الحلقه الاولى
حماتي
يلا يا حلوه منك ليها وحده تنزل تمسح .الشقه
وواحده تمسح السلم
عبير
هو احنا اي خدامين عندك في طريقه احسن
من دي تكلمني بيها
اهلا بيكم يا متباعيني الاعزاء اعرفكم
بنفسي أنا عبير اللي جبت بلوي لبيتي وجوزت
صاحبتي لاخو جوزي وفاكره يوم ما روحت
المكتب في الشركه قبل ما اتجوز وقولت
لغاده
عبير
الله يخربيت الجواز علي اللي عايزو
بجد والله يابنتي أنا لو منك متجوزش
غاده
اهدي يا بنتي بس مالك فيكي اي
عبير
حماتي مصممه انزل اجيب اوضه النوم
من عند اخوها وطبعا اكيد متفقه معاه اخوها
إن يعرض لينا شغل معين
غاده
هي حماتك مش ناويه تسيبك في حالك
مش فاهمه هي ليه بتعمل كده
عبير
مهو علشان كده ابنها الكبير صلاح طلق عالطول
حرام عليها والله
غاده
اه صحيح هو صلاح ده عالطول ساكت
ليه كده مش فاهمه
عبير
صعبان عليه حياته يا بنتي والله مهو
برضه طلق بسبب أمه
غاده
اه تمام المهم قولي هتعملي اي في
حياتك يا بنتي
عبير
مافيش أنا ناويه اخلي حياتنا لوحدنا من
غير حماتي علشان متحصلش مشاكل
كتير بيني وبين حماتي
غاده
تمام المهم هنروح انهارده نشوف حماتك انهارده عيد الام ولازم نجيب ليها هديه
عبير
لا لا انا مش رايحه بقولك مخنوقه منها ،وكانت
الصدمه لما راحت ليها غاده
حماتي
اهلا يا غاده اي طالعين الشقه فوق
تعملوا فيها حاجه ولا اي
رواية حماتي وسلفتي العقربه للكبار فقط الفصل الاول بقلم ماجد فادي
غاده
لا أنا جايه لحضرتك انتي عارفه أن أنا يتيمه
ونفسي يكون ليا ام وجايبه ليكي
هديه عيد الام
حماتي
انشاء الله يخليكي يا بنتي معقول
جايبه ليا خاتم دهب الا ما جت من صحبتك
غاده
معقول مع ان قولت ليها من يومين والله
تجبلك هديه ازاي يعني يعدي عليها
حماتي
شوفتي بقي يا بنتي المهم تعالي اقعدي
هو انتي ليه متجوزتش لحد دلوقتي
غاده
النصيب المهم انا لازم امشي بس عايزه
اطلب منك طلب ياريت متقوليش ليها
إن جيت علشان متزعلش مني
حماتي
عنيا يا حبيبتي ، وبعدها مشيت وحماتي قالت
انشاء الله تكوني من نصيب صلاح
اهيي بنات الناس وفي الوقت ده خرج صلاح
صلاح
سامع اسمي في الحوار مالو صلاح يا ماما
عالصبح
حماتي
مالك يا واد فيك اي جايبه ليك عروسه
انما اي حاجه كده عسل البت غاده والله
بت غلبانه وقلبها طيب
صلاح
هو انتي اي يا ماما مش مكفيفي
هتجوزي حازم خالص بقي انسيني
بقي
حماتي
حازم اي انت عندي اهم أنا مش قادره
إن مراتك اتطلقت وسبتك لوحدك
صلاح
ماما جواز مش هتجوز ريحي نفسك بقي
حماتي
اه ياقلبي حرام عليك انت عايز تموتني صح
أنا ست تعبانه ومقدرش علي اللي بيحصل
فيا ده
صلاح
هو العلاج فين يا امي حرام عليكي صحتك والله
وفعلا قام جاب العلاج ليها
حماتي
انا مش قادره انسى ان طليقتك سابتك بسببي والموضوع دوت عامل في نفسيتي اوي بس والله يا ابني ما كنت اقصد انا كنت عايزه احد يروق ليا الشقه مش اكثر
صلاح
ما بقاش لي لازمه خلاص الكلام ده يا ماما حاضر انا هاقعد مع غاده واتكلم معها
حماتي
ايوه كده يا ننه عين امك فرح قلبي ربنا يخليك لي يا ابني ، وفي الوقت ده كنت بكلم حازم
عبير
والله العظيم انا لولا بحبك يا حازم عمري ما كنت هاقبل باللي مامتك بتعمله ده
حازم
معلش يا عبير استحمليها لحد بس يا حبيبتي ما نبقى في شقتنا واوعدك والله انها تكون لنا حياتنا الخاصه
عبير
بس مامتك صعبه اوي والله وكل حاجه تحكمات واوامر دي شقتي المفروض تفرشها على ذوقي انا ، وفي الوقت ده دخلت حماتي وقالت
حماتي
اقفل السكه مع السنيوره يا حازم عايزاك دقيقه واحده
حازم
ماما بتسلم عليكي يا عبير
عبير
اه منا سمعت سلامها اقفل السكه
لتزعق معاك يا حازم ، وفعلا قفلت
السكه وحماتي قالت
حماتي
قوم اللبس علشان رايحين نخطب لخوك
يا حازم
حازم
اي هو شاف عروسه أمتي وبعدين
يعني هو أنا غريب اوي للدرجه دي اعرف
واحنا رايحين
حماتي
الموضوع جه فجاه يا حبيبي ويلا علشان
اهل العروسه مستينين
حازم
مش عايز اجي يا ماما لوسمحت
روحي انتي
حماتي
بقول لك ايه هو انا باخذ رايك يلا قم البس واخرج ورانا على طول ازاي اخوك بقى رايح يخطب وانت ما تجيش معنا ولا خايف
علي زعل الحلوه
حازم
هو انت ليه يا ماما كان هي قوي كده والله العظيم عبير كويسه جدا حاولي تحبيها شويه علشان خاطري
حماتي
كفايه انت يا حبيبي بتحبها ، وفعلا بعدها
راحوا عند غاده
حازم
اي ده معقول العروسه تكون
غاده ازاي أنا معرفش
حماتي
علشان مش عايزه العروسه تعرف
حاجه الا لما الموضوع يتم
حازم
انت يا صلاح مواقف تتجوز غاده دي
اكبر منك وبعدين يعني شكلها
حماتي
مالو شكلها واسكت بقي امها جايه
وفعلا اتفقوا علي كل حاجه وأم غاده كانت
مسهله الحوار وتاني يوم كنا في الشغل
ولقيت غاده جايبه ليا جاتو
عبير
والله فيكي الخير يا غاده عرفت منين ان انا نفسي في حاجه حلوه
غاده
من القلب للقلب يا سلفتي هو انت ما عرفتيش ان حماتك جاءت امبارح وطلبت يدي لابنها
عبير
انت اكيد بتهزري انت حصل ازاي وامتى يعني وازاي ما تقوليليش
غاده
هو انا كنت عامله حسابي اسكتي ده انا كنت قاعده يا بنتي منكوشه وقاعده محشي ولقيت الباب بيخبط بصيت من العين السحريه لقيته خطيبك وده في مشكله بينك وبينه وجاي يقول لي عليها فتحت الباب لقيت امه معاه واخوه
عبير
مش غريبه الموضوع ده شويه يا غاده بس على العموم الف مبروك يعني صلاح كويس وابن ناس
غاده
وكفايه ان انا هاكون سلفتك يا حبيبتي ده انا وافقت مخصوص عشان الموضوع ده انت عارفه اصلا انا مبفكرش في موضوع الجواز ده
بس هو ازاي حازم مش قال ليكي
عبير
عادي بقى موضوع يخصكم انتو كفايه ان صاحبه عمري ما قالتليش وان اكون جنبها في يوم زي ده مع انك كنتي عارفه كل حاجه عن حياتي الشخصيه
غاده
لو الموضوع مضايقك انا ممكن اتصل به واقول لهم كل شيء قسمه ونصيب عادي جدا والله ده انت عندي اغلى من اي حد يا حبيبتي
عبير
يبقى انت مش فاهمه كلامي خلاص مبروك يا غاده والف مبروك وربنا يكمل لك على خير يا حبيبتي وبعدها اتصلت بحازم
حازم
طالما متصله بدري اوي كده يبقى عرفتي اللي حصل
عبير
شيء ما يخصنيش مش من حقي اني اسالك في اي حاجه اذا كان صاحبه عمري ما قالتليش على اي حاجه بس هو فعلا الموضوع صدفه زي ما قالت كده
حازم
صدفه ازاي يعني انا عارف ان ماما كلمت مامتها واخذت ميعاد ورحنا في الميعاد ده يا بنتي ناس واقعه جدا دي الموافقين ان هي تتجوز على عفش صلاح القديم
عبير
والله ربنا يكمل لها على خير بقى طب والفرح هيكون امتى
حازم
مهي دي المشكله بقي ماما مصممه
إن الفرحين يكونوا في يوم واحد
عبير
اكيد انت بتهزر ازاي يعني يا حازم والله
العظيم اللي بيحصل ده كتير اقولك
كل شئ قسمه ونصيب
حازم
انتي بتقولي اي لا أنا مقدرش اعيش من
غيرك والله يا حبيبتي ، وانا قفلت السكه
وروحت البيت ودخلت اوضتي وفجاه
سمعت ماما
ماما
تعالي يا حازم هو ايه اللي حصل بالضبط دي من ساعه ما جاءت وهي قاعده في اوضتها وهو مش عايزه تتكلم مع اي احد
حازم
معلش يا ماما ممكن تنادي عليها انا عايزه اتكلم معك ومعها شويه ، وفي الوقت ده انا خرجت
وقولت
عبير
خير يا حازم جاي عايز ايه ثاني انا مش موافقه على كل اللي مامتك بتعمله ده وفعلا كويس ان انت جيت علشان تاخذ ذهبك
حازم
ارجوكي يا ماما اسمعيني انتي اكثر واحده هتحسي بيا هو انا ينفع نقف قدام ماما وكل حاجه اقول لها عليها لا يا بنتي اوعدك ان بعد جوازنا هنبقى في حياتنا والله في شقتنا ملناش دعوه بحد
الام
هو انا مش فاهمه بالضبط ايه اللي حصل ما تقول لي يا ابني طيب ايه الموضوع
حازم
ماما عايزه تعمل فرحي أنا وصلاح في يوم
واحد ونفس القاعه اتصرف أنا ازاي يا ماما
الام
يعني هو صلاح خطب
عبير
ايوه يا ماما غاده صاحبه عمري شوفتي
وانا معرفش
الام
قولتك الف مره مش مرتاحه للبت دي والله
عالعموم يابني احنا موفقين
عبير
هو انت بتقولي ايه يا ماما ازاي اوافق على كده دي ليله العمر مفروض افرح بها زي ما انا عايزه
الام
الفرح اهم عندك من حازم انا شايفه ان حازم ابن الناس وكويس مش فرح اللي هتخليكي تهدي الدنيا كلها يا عبير
عبير
ماشي يا حازم انا موافقه بس بجد انا مش عايزه يبقى ليا صله بمامتك ثاني
حازم
اوعدك أن هيكون ليكي حياتك الخاصه
والصدمه لما روحنا القاعه وشوفت غاده
لبساه نفس الفستان بتاعي وعامله نفس
الميكب ونفس قصه الشعر
عبير
لا انا هتجنن هي عرفت منين شكل الفستان بتاعي وازاي عملت بالضبط نفس القصه بتاعتي
حازم
طب خليك انت هنا وانا هاروح اتكلم مع ماما فعلا سابني في الكوشه لوحدي وشكلي كان متضايق جدا وغاده كانت فرحانه وكانت عماله ترقص
حماتي
خير يا حبيبي سايبه عروستك في الكوشه ونازل ليه في حاجه ناقصاك ولا ايه
حازم
اللي بيحصل ده كثير ان شفت الفستان اللي على موبايلي صح واتفقت مع نفس الميك اب ارتيست تيجي تعمل الميك اب بعد ما عملته لعبير مش كده يا ماما
حماتي
نفسي افرح اخوك والله يا حازم انت عارف يعني الولد صلاح ده عمره ما فرح في حياته
ونفسي شوف مراته قمر
حازم
لا انتي عايزه تنكدي عليا أنا ليه انا
برضه ابنك واللي بيحصل ده كتير
حماتي
حقك عليا يابني اوعدك مش هعمل اي
حاجه تضايقك تاني وانا كنت قاعده مخنوقه
ولقيت ولاء صاحبتي جايه بتقولي
ولاء
انا عارفه ان انتي متضايقه بس المفروض ما تبينيش ليهم ان الموضوع تضايقك خالص تقومي وترقصي وتفرحي وتفرحي عريسك
عبير
شفت اللي حصل يا ولاء غاده تعمل فيا انا كده طب ليه ده انا كنت بحبها جدا والله اكثر من اختي
ولاء
ياما قلت لك البنت دي مش كويسه وياريت تبعدي عنها انما انت ما كنتيش بتسمعي الكلام على العموم قومي افرحي دلوقتي وبعيني بها انك مبسوطه وان هي مش في دماغك اصلا
وبعدين هيكون لينا كلام تاني
وانا فعلا عملت كده وعدا
اسبوع علي ولقيت حماتي طالعه تقولي
حماتي
هو فيه اي من يوم ما اتجوزتي محدش
شاف وشك تحت
عبير
عروسه بقي يا حماتي معلش
حماتي
وهي غاده مش عروسه يعني مهي
كل يوم عندي تحت ولازم نفطر سوا بعد كده بتطلع شقتها ثاني هي وجوزها يعني
عبير
كل واحد حر في شخصيته يا حماتي هي لها شخصيتها ربنا يخليها لك وانا ليا شخصيتي
وفي الوقت ده لقيت حازم خارج وبيقول
حازم
ماما انا شفت شقه ثانيه وهاروح اسكن فيها انا وعبير بصراحه انا مش عايز اي مشاكل تحصل بينك وبين عبير ومش عايزه اخسرك ولا اخسرها
حماتي
يا خرابي سيبي البيت وتمشي وانت فاكر كده ان انت مش هتخسرني يا حازم لا طبعا انا مش موافقه على الكلام ده
حازم
يبقى ارجوك مش عايز مشاكل مع عبير خالص
لو غاده تحت بتعملك اللي هي عايزه
يبقي كويس
حماتي
انت شايف كده تمام وبعدها نزلت حماتي
وهي متغاظه اوي واتصلت ب يحيي ابن اختها
اللي شغال عندو حازم
يحيي
معقول يا خالتي بتتصلي بي مش مصدق نفسي والله ده انت اخر مره اتصلت بي كنت لما بتعزيني في امي
حماتي
انا في مصيبه يا يحيى يا ابني وما حدش هيقدر يخرجني منها غيرك
يحيي
يا ساتر يا رب مصيبه ايه يا خالتي انا تحت امرك في اي حاجه محتاجه فلوس اجي ليكي دلوقتي
حماتي
لا مش عايزه فلوس انا عايزه بس حازم يسافر فرع الشركه بتاعك اللي في اسكندريه مش عايزاه يكون موجود هنا في القاهره
يحيي
ليه بس كده يا خالتي وبعدين حازم مش هيوافق انت عارفه ان هو بيحب شغله جدا اللي في القاهره
حماتي
ارجوك يا ابني هو عايز يسيب البيت ويمشي وانا ممكن يحصل لي حاجه لو هو عمل كده خليه بس يروح الفرع ده لحد ما يغير فكره نقل البيت ده
يحيي
حاضر بعدين هو واخذ شهر اجازه جواز يعني مش هينزل شغل دلوقتي وممكن فعلا يفكر في موضوع انه يسيب البيت في اليومين دول
حماتي
ما هي دي لعبتك بقى يا ابني انك تيجي وتقول له ان في مشاكل في الفرع اللي في اسكندريه ولازم يسافر الاسبوع الجاي على الاقل
يحيي
مع اني مش موافق خالص على الكلام اللي انت بتقوليه ده بس عيني يا خالتي حاضر هاعمل لك اللي انت عايزاه وفعلا جاء وكمان حازم بيحب شغله جدا وافق انه يسافر فرع اسكندريه علشان يشوف المشاكل اللي هناك وبعدها لقيت حماتي داخله شقتي وبتقولي
حماتي
يلا يا حبيبتي علي تحت روقي الشقه
وعايزه الاكل يتعمل
عبير
هو انتي اصلا دخلتي هنا ازاي وانا مش
حطاه مفتاح للشقه برا
حماتي
شقه ابني يا حبيبتي وفي الوقت ده دخلت
غاده وقالت
غاده
صباح الخير يا حماتي انا كنت نازله علشان خاطر اعمل لك الفطار علشان تفطري والله ما هانش علي اكل لوحدي
حماتي
يلا يا حلوه منك ليها وحده تمسح السلم
ووحده تروق الشقه مش بعلف فيكم أنا
ببلاش وكانت الصدمه لما غاده قالت
لحد هنا تكون خلصت حلقتنا
بقلم ماجد فادي
لقراءة أو تحميل رواية حماتي وسلفتي العقربة الفصل الثاني : اضغط هنا
لقراءة باقي حلقات الرواية اضغط على ( رواية حماتب وسلفتي العقربه )
يجب أن تكتب 5 تعليقات اولًا كي تظهر لك الحلقة.
للتواصل 👇👇👇👇
يُمكنك الانضمام لقناتنا على التليجرام
- (من هنا)
او متابعه جروب الفيس
- (من هنا)
تعليقات
إرسال تعليق