تعاهدنا
سلسلة تعاهدنا بقلم حسن الشحات الجلسة الأولى
أعزائي القراء الذين يختبئون من وحشة العالم بالقراءة، الذين يرون نور هذا العالم في عزلتهم وهم يقرأون
خليني اقدم لكم نفسي في الأول اسمي حسن الشحات كاتب هذه الرواية وشاب زيك مريت بتجارب كتيرة كحال شباب كتير منهم تجارب عاطفية زي ال هنتكلم عنها كلامي هيكون موجه اوي لمفهوم الارتباط
اخواتي واحبائي اسمحولي اسألكوا ما هو الارتباط ؟
اكتفي بالإجابة لنفسك فطبيعي مش هسمعك وأنا كاتب وأنت قارئ لكن اسمحولي مرة أخرى أجاوب، ارتباط يعني علاقة معلنة وليس في السر كما يحدث آي معلنة أمام عائلة الطرفين تحت مسمى خطوبة أو زي ما موجود في مصر ( قراية الفاتحة)
أو بقا الطرفين متجوزين في بينهم علاقة يندرجون تحت مسمى الارتباط إنما ما هو الشائع بين المراهقين والأطفال كمان وهم فئة أقل من المراهقين هذا ما هو إلا مجرد هراء ومسمى جديد للتسلية وقضاء الوقت الجيد تحت مندرج إسم الحب المزيف
دعونا نبدأ بعنوان الرواية أو السلسلة المكونة من عدة أجزاء زي ما تحب تسمي سمي وعنوانها " تعاهدنا "
لكن للأسف نظن كثيراً ان التعاهد أمر سهل فكم مرة تأذيت من مجرد تصديق شيء ظننته صادق ودخلت في صراع مع قلبك وعقلك أنهو صح ومشيت ورا قلبك وكالعادة عقلك صح بس انت حبسه، ال عاوز اقوله في هذا الزمن دلوقتي الكذب أكثر من الصدق والعهد أصبح آخره خلاف
في هذا الزمان لا امان، لا وفاء، لا عهد
فقديمًا كان الصدق في العهد من شيم الرجال في زمننا أصبح من شيم الضعفاء.
خلينا نقول اي الأسباب ال تخلي العهد مش صادق ….
تبقى داخل العلاقة من هنا أو داخلة بكل حماس مبسوط اوي اسمحولي اتكلم بصيغة الرجل عشان اسهلي مع كامل احترامي للمرأة ممثلة في امي واغلى الأشخاص على قلبي فجأة بعد مرور الوقت تحس انك زهقت!
مليت! كل شوية كلام كلام وتفاصيل كل يوم ويوم روتيني مفيش حاجة جديدة ، تبدأ تخش في دايرة طب هل انا اتسرعت، طب هل انا فعلا بحبها ؟
طب هى فعلا تستاهل مني اني ازهق منها ؟
طب ازاي في البداية كنت بفرح اوي لما تحكيلي وتشاركني تفاصيل يومها كل يوم ازاي مكنتش بزهق ؟
طب يا ترى جالها نفس الاحساس وخايفة تقول تجرح مشاعري مثلا ؟ الخ …الخ…الخ…
تعالي بقي اقولك علي حاجة طول م الحاجة بعيد عنك انت نفسك فيها خاصة لو غامضة انت شايف بنت من بعيد عجباك بنت صعبة مش بتضحك علي اي حاجة وتقيلة وانتي شايفة ولد تقيل ووسيم كاريزما في نفسه مش بيتكلم كتير بس افتكر /ي ده من بعيد بس
وانا مش بكلمك من مبدأ خبير العلاقات الدولي قال كذا ورئيس مش عارف اي فلان قال كدة انا بكلمك كشاب مر بال انت مريت بيه بتجربتك الحقيقية التي تميل للواقع
خليك مقتنع زيي كدة بالمقولة ال بتقول "الحب يبدأ بعد إنتهاء الحماس " لكن طول ما انتوا لسة في البداية انت مشدود او انتي مشدودة بس لأسباب كتير نقعد سنة نتكلم عنها مثلا انكم شبه بعض في كل حاجة وخد/ي ده مش كافي خالص ساعات كتير الاختلاف يبقى افضل
او انكم بينكو حاجات مشتركة او مرتاحين لبعض وده عادي جدا تكونو صحاب مش علاقة حب
سألت/ي نفسك كل حالات الطلاق ال في مصر دي فيها كام حالة جواز كانت عن حب ؟ كام جوازة افتكرت ان الحب كفاية ؟ كام حالة جواز كانوا شبه بعض افتكروا ده كفاية
طب اي ال بعد مرحلة الانجذاب وانك تتشد للطرف التاني
سلسلة تعاهدنا بقلم حسن الشحات الجلسة الأولى
مرحلة الحب المزيف
دي بقا اصحي معايا دى احلى مرحلة خالص يمكن احلى من مرحلة الحب الحقيقي اصلا دي مرحلة الاهتمام ال في الاول مش ال بتزهق منها ده الاهتمام اللي بيبسط ، مرحلة القلوب كتير ال في الشات والمكالمات اللي بتسهر للصبح ، المرحلة ال لما طرف يقفل نت شوية يفتح على كم هائل من الرسائل لمجرد الخوف على الطرف المختفي والاطمئنان عليه
بس مش بتفضل كتير لو الشخصين مش بيحبو بعض بجد ومجرد اتنين فاكرين انهم بيحبو بعض بالمناسبة كتير اوي بيكونوا بيتسلوا ومش واخدين بالهم عن طريق إن الطرف ده عنده لامبالاه بيعمل كل أفعال الحب كأنها روتين الاطمئنان والحب والكلام المعسول كأنه حاجة عادية كل يوم مش كلام صادق خارج من القلب ، لكن خلينا متفقين في أشخاص بتبقي قاصدة تتسلى، لكن مش بتستمر كتير المرحلة دي يجي بعدها المرحلة الـ غالبا بتكون نهاية الحب المزيف ده
مرحلة الملل والزهق
تحول كامل من شعور باهتمام واخيرا حد بقا بيحبني ويهتم بتفاصيلي المهمشة إلى شخص زنان تقعد تسأل نفسك
فين مساحتي الشخصية ؟ وانتي داخلة في كل حاجة اكنك والدتي مش حبيبتي انا حر اتأخر برا انا حر
الكلمة دي لو الطرف وصلها يبقى الطرف ده فاق من مرحلة الحب المزيف وعدى وقام من مرحلة حلوة البدايات
خليني اقولك ان في اي علاقة البدايات حلوة دايماً الاختلاف دائماً في النهاية هي ال مش ثابتة
جملة كتير بسمعها مثيرة للاهتمام وهي ياااه فين الحب بتاع زمان وناس زمان وأهل زمان
عاوز اقولك العيب مش فى الزمن العيب في الأشخاص زمان اكيد كان في ناس كتير كدابة وناس وعدت ومفتش وناس عشمت ومكملتش وبرضو كان في ناس قد وعدها زي مفي دلوقتي برضه عادي جدا
جرب كدة اسأل جدك او جدتك ربنا يبارك في أعمارهم لو عايشن ويرحمهم ويرحم جميع امواتنا لو توفاهم الله
اسأل جدك هل اتجوز ال بيحبه ؟
الإجابة مش اكيد ايوه، ازاي بس !! ، ده انت في زمن الحب الجميل زمان ، اسمحلي عزيزي اقولك ان العيب دائما في الأشخاص وليس في الزمان، لكن ده ميمنعش حلاوة اغاني زمان وأم كلثوم وعبد الحليم وبدايات عمرو دياب الآن مثلاً اغاني لا تصلح للذوق العام في الحالة دي زمان أفضل مثلاً، فبعد سنوات طويلة لو ربنا كتبلنا السعي في هذه الحياة ستقول فين ايام زمان الي هي عايش فيها الآن تحت اسم اتعس الايام
" فالحب لا علاقة له بالزمان "
بما اني بقول آراء قد تتفق او تختلف معها فأنا شخص هادي جدا مع اي حد مليش تعامل معاه بواجه مشكلة انا وكتير شبهي في أننا دائما من بعيد تقال مش بنبدأ كلام أشخاص غامضين إنما لما بنحب حد او حد يكون قريب منا بيتفاجئ الشخص ال قدامنا بإنسان جديد بيتكلم كتير اوي وكأنه محوش والكلام ده كله للحظة ال يقرب فيها من الطرف التاني، ولكن رغم كل هذا وطبيعي الهادئة انا وكثير مثلي من الشباب فنحن إذا أحببنا شخص مثال بنت وتحكي يوميا تفاصيل يومها ولكن الفرق اني هنا احببتها بجد مش مزيف المفاجئة أننا مش بيزهق بالعكس نتقاسم الحزن ونضحك على الفرح ده في الحب الصادق
اما في عنوانا "الحب المزيف" هتلاقي كلمات تزيدك آلام مثل..معلش، بكرة تتعدل ، ما كل الناس كده , متزعلش ، الخ …. الخ…. الخ…..
أين تقاسم الحزن ؟
أين تفضيل الآخر عن الذات ؟
كلها كانت حلاوة بدايات عزيزي.
طب احنا كشباب او اخواتي كبنات ازاى نخرج من الدايرة دي
١) خليك عارف دايما مفيش حد يحبك ويخاف عليك أكتر من أهلك ايا كان درجة حبه ليك
٢) في هذا الزمان العهود كذابة والحب مزيف، فلا تثق بأحد
٣) مش صعب انك تتحكم بمشاعرك انت بس ال مش عاوز تقتنع أنك نضجت.
خليني اقولك بعد الكلام الحلو ده ان الحقيقة بتبقى باينة قدام عنينا احنا الي بنعمل مش شايفين ،كلنا بنشوف المواقف اللي تبين كل حاجة بس بنقول انها مجرد صدفة ، كلنا بنشوف ردود أفعال الطرف التاني الي تبين كل حاجة وبنعمل مش واخدين بالنا عاوز التقيلة كمان كلنا بنبقى عارفين النهاية من الاول بس بنعمل مش شايفين او نقول ما يمكن تنجح العلاقة دي وشوية كلام كدة عارفينه لا ينفع ولكن يجرح في النهاية
سلسلة تعاهدنا بقلم حسن الشحات الجلسة الأولى
موضوع الثقة كام مرة فضلت أشخاص على نفسك مختش منهم غير دروس في عدم الثقة وعشان أنت ساذج كنت بتثق تاني لا تسمي نفسك طيب في الطيبة فقط مع من مثلك إنما الطيبة مع هؤلاء ليس إلا غباء وسذاجة الشخص الي قدامك يجرحك وينسي وأنت تتألم وحدك بينما هو يفرح مع جماعات ورغم كل هذا تنسي كل شيء وتبدأ من جديد سذاجتك
طب جربت تتعامل زيهم ؟ جربت تقول الكلمة التوجع ومتبصش لإحساس الشخص اللي قدامك حبيت وانجرحت صح ؟ خليك كدة تحب وتنجرح تاني ، خلي الشخص يجرحك وينام وانت خليك صاحي الليل تشكو الوحدة والطيبة
اي شخص شايفه تخلى عنك في يوم هيرجعلك تاني بس مش وأتت زي ما انت لا هيرجعلك لما يحتاجك ومش هيجتاجك وانت زي ما انت لا محتاجلك وانت ناجح وانت بتثبت انك لما كنت طيب مش معناه انك فاشل ولكن معناه انك متربي صح مش زيه
انا شخص انطوائي برتاح لوحدي أكتر مكنتش كدة زي كتير من الشباب ال شبهي بس اتغيرت ومبسوط جدا بالتغير ده بقيت بهتم أكثر بنفسي مش هقول غير بنفسي بس يكفي اني بقيت اهتم أكثر بنفسي حاولت مشتكيش لأشخاص تمسك عليا الكلام الي بقوله وقت خنقتي بعدين بقيت بشكي لورقي زي ما بكتب بس على صورة كتابة
فالجميع نام فالأسرة وانا وقلبي في الليل سهرانين
أنا ابكي ولا اعلم عن ماذا ابكي عن فراقي حبيبي أم علي دهر السنين
ولكن فيما بعد علمت اني ابكي علي بعده عني وازياد الحنين
طب بعد كل الكلام ده ازاي تتعافى أو نتعافى وانا معكم من علاقة فاشلة؟!
دورت كتير علي احساس أحسن من احساس الحب وحلوة البدايات مليش غير احساس واحد
هو النجاح ، النجاح اختيار زي الغني اختيار لو عاوز تكون غني هتستحمل كشاب الشغل ال ١٤ ساعة ال بمبلغ قليل ده لحد متحوش منه هتموت نفسك إنما الاستسهال لا يأتي بالمعجزات
أيضا لو عايز تبقي ناجح انت عندك قدرات صدقني محدش معندوش موهبة ومحدش فاشل الفرق ان فلان نجح قبلك قوم يمكن انت تسبقه العيب والي مصعب الدنيا انك معجز نفسك
هو انا ممكن ابقي زي فلان؟ هو اتا اقدر اعمل كدة ؟ انا فين وفلان فين!
فلان كان شبهك كدة لحد مقرر واختار انه يبقي ناجح ونجح متجرب ما انت جربت كتير وفشلت مجتش على دى اي يعني هتفشل هي أول مرة ؟ علي اقل حاولت الحلو زي ما حاولت الوحش صدقني كل الي تخلي عنك هيجيلك تانى بس وهو بيحبك حب مزيف بس شعورك حلو لأن هو الي محتاج
محدش بيفضل فاشل غير لو هو عاوز كده ، ومحدش ينجح ويكسر الدنيا غير وهو عايز كده جرب زي مجربت تثق في ناس خذلتك يمكن لما تنجح تتعرف على ناس احسن من الي خذلتك
تعليقات
إرسال تعليق