رواية عشق منذ الصغر للكاتبة منة الله محمد بارت١١
بقلمي/منة الله محمد السيد
-----------------------★-------------------★---------------
فجأة سيف اختفي من الحفلة ومظهرش وكمان ماسه.....ماسه دخلت الحمام غسلت وشها ورحمة راحت تدور عليها عشان تقف معاها....
رحمة:: انتي كنتي فين....
ماسه:: في الحمام....
رحمة:: مالك....
ماسه:: مفيش يا حبيبتي تعبت شوية بس....
رحمة:: تحبي سيف يخدك وتروحي للدكتور....
ماسه:: لالا مفيش داعي....
رحمة:: طيب يلا عشان بابا سليم بيسأل عليكي...
ماسه:: يلا....
ورحوا يشوفوا سليم ووقفوا سوا شوية.....
سليم:: ماسه مشفتيش سيف....
ماسه:: لا يا بابا مشفتهوش....
سليم:: اومال راح فين ده.....
ماسه بقلق:: طب رنوا عليه....
سليم:: يرن مش بيرد....
ماسه:: هيكون فين يعني....
وفجأة النور اطفا في كل القاعة ومظهرش غير نور شاشة العرض واتعرضت عليها صور.......
وسيف ظهر...وكانت صور لسيف وماسه وآسر ورحمة وهما صغيرين لغاية ما سيف وآسر سافروا....
سيف:: انا فرحان جدا النهاردة لانوا كل الاشخاص اللي بحبهم حواليا...آسر انت اخويا وصاحبي وابن عمي اللي ماليش غيره مع بعض من واحنا وصغيرين وبحمد ربنا انك في حياتي.. رحمة اختي ومرات اخويا وصديقة طفولتنا الحلوة بجد مبسوط جدا اننا مفترقناش وانك انتي وآسر اتجمعتوا سوا عدا سنة علي جوزكوا ويارب العمر كله سوا....نيجي لحبيبة قلبي وطفولتي ماسه....(وجت صورة وهي نطه علي ضهره وهما الاتنين بيضحكوا وهما صغيرين)....
اظن فاكرة الصورة دي صح ماستي مصدقتش نفسي اول ما عرفت انك حبيبتي اللي بدور عليها وخليت بابا من اول ما نزل مصر يدور عليها كان بابا علطوال يحكيلي عن السكرتيرة الجديدة بتاعتها وقد اي طيبة وحنينة وكل ما طان بيحكي عنك كنت ببقا نفسي اشوفك ولما شوفتك حسيت انك انتي بس كنت خايف اتعلق وتطلعي واحدة تانية بس لا ربنا رؤف اوي بيا عشان حققلي امنيتي حبيبتي انا بعترف قدام الناس دي كلها......(وراح وقف قدامها) بعترف اني بحبك بحب وانا الطفل اللي جوايا لما ابقا معاكي وكل حاجة حلوة بحسها معاكي بحبك اوووي يا ماسه اووي.....
ماسه وقف مصدومة ولما فاقت.....
ماسه:: انت..انت بتتكلم بجد يا سيف.....
سيف:: ايوا يا قلب سيف.....
ماسه:: يعني انا سمعت بجد....
سيف:: اه يا حبيبتي سمعتي بجد....
ماسه:: حبيبتك....
سيف:: اه حبيبتي وقلبي وروحي وعقلي واللي مغلباني ومطلع عيني كمان.....
ماسه بفرحة:: بجد....
سيف:: وحيات عيالك يا حج سليم خد البت دي من هنا عشان شكلها اتغابت علي المسا...
كلهم ضحكوا عليه......
سيف راح وقف علي الاستدج ....
سيف:: الاغنية دي ليكي يا بنت قلبي.....
وغنا اغنية (حاجة مستخبية لحماقي)
رواية عشق منذ الصغر للكاتبة منة الله محمد بارت ١١
سيف:: في جوا قلبي حاجة مستخبية...كل اما باجي اقولها فجأة مش بقدر....قدام عينيك بقف وبنسا اي يتقااال...ليه كل مرة يجرا فيها كده ليا...ودي هي كلمة واحدة بس مش اكتر...والكلمة دي عندي فيها راحة البااال....في جوا قلبي حاجة مستخبية...كل اما باجي اقولها فجأة مش بقدر....قدام عينيك بقف وبنسا اي يتقااال...ليه كل مرة يجرا فيها كده ليا...ودي هي كلمة واحدة بس مش اكتر...والكلمة دي عندي فيها راحة البااال....حبيتك يوم ما تلاقينا لما حكينا اول كلام....حبيتك واحلف علي ده تسمع زيادة...ده انا مش بنام...حبيتك يوم ما تلاقينا لما حكينا اول كلام....حبيتك واحلف علي ده تسمع زيادة...ده انا مش بنام...الناس في عيني حاجة وانت حاجة تانية...عندك مشاعري حتي خدها واسألها....انا صعب اعيش حياتي وانت لحظة بعيييد....احساسي بيك في وقت ضعفي قواني....كانت حياتي صعبة جيت تكلمها... فرخة لقايا بيك بتبقا زي العيد...حبيتك يوم ما تلاقينا لما حكينا اول كلام....حبيتك واحلف علي ده تسمع زيادة...ده انا مش بنام...حبيتك يوم ما تلاقينا لما حكينا اول كلام....حبيتك واحلف علي ده تسمع زيادة...ده انا مش بنام...(بحبك يا اغلي ماسه في الكون)
خلص الاغنية وهو معدي من قدام البنات اللي اتكلموا علي ماسته....
سيف:: بعد كده خدوا مالكوا من كلامكوا عشان عواقبه وحشه اوي هعديها المرة دي بمزاجي لكن المرة الجية هتندموا اظن وصلت الرسالة...
وراح عند ماسه....
سيف:: ها ياست ماسه مش ناوية تحني عليا ولا اي.....
ماسه بغباء:: مش فاهمة....
سيف:: ولا حاجة انا عارف اني هتعب عارف والله.....
ماسه:: سيف انا مش غبية....
سيف:: طبعا طبعا يا حبيبتي انا اللي غبي....
ماسه:: ايوا كده....
وبعد ما خلصت الحفلة....
سيف:: يلا عشان عندي ليكوا مفاجأة.....
سليم:: مفاجأة اي....
سيف:: هنروح رحلة لمدة يومين وبعدين نرجع علي اسكندرية....
سليم:: ايوا فين يعني...
سيف:: هتعرفوا يلا كله يطلع يغير هدومه عشان نلحق نتحرك...يلا يا يوسف انت وقمر كمان....
يوسف:: لالا انا مش هينفع هاخد قمر ونرجع اسكندرية.....
سيف:: مفيش الكلام ده يلا.....
يوسف:: بس....
سيف بمقاطعه:: انا قولت كلمه واحدة يلااا...
يوسف:: ماشي....
وفعلا كله طلع يغير هدومه واتحركوا علي المرسا....
ماسه:: سيف احنا هنروح فين....
سيف:: مفاجأة....حاليا هنركب اليخت عشان يوصلنا....
ماسه:: طويب.....
رواية عشق منذ الصغر للكاتبة منة الله محمد بارت ١١
وصلوا المرسا وركبوا اليخت وفضلوا يهزروا ومشاكسه سيف لماسه.....وغيظ ماسه منه....
ووصلوا جزيرة اقل ما يقال عنها جنة علي الارض....
ماسه:: الله حلوة اوي يا سيف....
سيف:: كنت متأكد انها هتعجبك يا قلب سيف....
سليم:: طب هنقعد فين....
سيف:: اظن انك يا بابا متعرفش انوا الجزيرة دي ملك لسيف سليم المنشاوي.....
سليم بصدمة:: نعم.....
سيف:: ايوا بصراحة اول مرة شوفتها عجبتني جدددا وكنت عارف انها هتعجب ماسه.....
سليم:: ماشي يا حبيبي....
سيف:: بصوا بقا في هنا خمس اكواخ....الكوخ ده (وشاور علي كوخ مطلي بالازرق)ده بتاعي انا وماسه وبابا وقمر ويوسف....(وشاور علي واحد مطلي بالاحمر)وده بتاع رحمة وآسر.....
سليم:: والتلاتة التانين....
سيف بتوتر:: عادي يعني يا بابا مش فيهم حد وعشان نبقا كلنا مع بعض....
ماسه بشك:: امممم تمام....
سيف حس انها شكت فيه وقال:: هتعرفي قريب اوي يا حبيبتي اي اللي انا مخبيه.....
ودخلوا الكوخ وعجبهم جدا...
يوسف:: بدون مبالغة انت زوقك عالي جدا بصراحة....
سيف:: تسلم يباشاااااا...عجبك الكوخ يا ماستي..
ماسه:: حلو جدا يا سيف....
سيف:: طب يلا يا جماعة نرتاح شوية ونبقا نتفسح بعدين....
الكل:: تمام....
عند آسر ورحمة.....دخلوا الكوخ.....
آسر:: هييييح اي القمر ده...
رحمة بكسوف:: انت اللي عينك حلوة...
آسر بحب:: عدا سنة علي جوزانا وان شاء الله سنين كتير واحنا مع بعض ومنتفرقش ابدا ابدا واوعدك اني هفضل اسعدك طول عمري ومش هزعلك ولا اظلمك لانك حته مني....انا مش بحبك انا عديت مرحلة الحب والعشق انا بقيت بدمنك بكل معني الكلمة....انتي بقيتي الدم اللي بيجري في عروقي...الهوا اللي بتنفسه....انتي النور اللي نورلي حياتي....انتي اللي هاخد بأيديه ونعمل كل حاجة ترضي ربنا عشان تبقي معايا دنيا وآخرة....انتي دنيتي وجنتي وفرحتي..انتي قلبي وروحي وعقلي وكل ما ليا في الدنيا... اوعي تبعدي عني في يوم اموت من غيرك...
رحمة بمقاطعة:: بعدالشر عليك متقولش كده... انت بالنسبة ليا ابويا وامي واخويا واختي وكل عيلتي وابني كمان...وانت عارف انا بحبك قد اي يا آسر...انا مش بس بحبك لالا انا بعشقك..... مقدرش اعيش ثانية من غيرك....بحبك اوي...
آسر:: بعشقك يا قلب آسر....يلا نتوضأ ونصلي...
رحمة بأبتسامة:: يلا بينا....
عند سيف.....بعد ما كله خد دش وناموا....
ماسه معرفتش تنام وطلعت تقعد قدام البحر وهكذا سيف.....
سيف:: اي دا يا حبيبتي انتي منمتيش ليه....
ماسه:: مش جيلي نوم.....
سيف:: مالك....
ماسه بصتله:: سيف انت مخبي اي....
سيف بتوتر:: هكون مخبي اي يعني ولا حاجة...
ماسه بشك:: ماشي يا سيف مش هضغط عليك...
سيف:: انتي مكبرة الموضوع ليه عادي يعني...
ماسه:: طيب....
فون ماسه رن....
ماسه:: ازيك يا ياسين....
ياسين:: الحمدلله يا ماسه وانتي....
ماسه:: الحمدلله بخير....
ياسين:: ماسه انتي لازم تيجي القاهرة....
ماسه بأستغراب:: ليه يا ياسين....
ياسين:: عشان بقيت الاجراءت بتاعت ورق الكلية بتاعك عشان يتنقل اسكندرية....
ماسه:: هو مينفعش نستني شوية....
ياسين:: لا مينفعش انتي كده ورقك لسه مرحش كلية اسكندرية والامتحانات خلاص قربت....
ماسه:: خلاص هاجي بعد بكرة....
ياسين:: ماااسه بكره عشان بعد بكرة انا مسافر فتعالي وخلينا نخلص....
ماسه:: طيب ماشي....بس ثواني بكره الجمعه...
ياسين:: ماسه ده هو ورق هتمضي عليه واحنا قاعدين في الكافيه وترجعي علطوال....
ماسه:: طيب بكره بعد الظهر هبقا عندك....
ياسين:: تمام....
وقفلوا.....
سيف:: مين ده....
ماسه:: ده زكيل ليا بيخلصلي ورق الكلية عشان اتنقل اسكندرية....
سيف:: طيب عشان نبقا علي نور مفيش انك تكلمي ولاد تاني مفهوم....
ماسه بصتله:: وده ليه ان شاء الله.....
سيف:: هو كده....
ماسه:: سيف اهدا.....
سيف بنرفزة:: بصي يا ماسه انتي حبيبتي انا تمام وبتاعتي انا ماشي ومينفعش تكلمي ولا تسلمي حتي علي حد غيري فاهمه....
ماسه بضحك:: اهدا طيب....
سيف:: مأنا هادي اهو شايفاني بشد في شعري....
ماسه:: طيب...
سيف:: واه كمان ممنوع تحضني بابا....
ماسه:: لا زودتها....
سيف:: مزودتهاش واللي اقول عليه يتسمع.....
ماسه:: انا هقوم انام....
سيف:: اعملي حسابك هروح معاكي بكره....
ماسه:: تصبح علي خيررررر....
سيف بحب:: وانتي من اهلي.....
ماسه بصتله بحب وراحت تنام....
تاني يوم الصبح.....كلهم قاعدين بيفطروا....
سيف:: انا رايح مع ماسه القاهرة هتخلص شوية ورق تبع الكلية وهنرجع علطوال....
سليم:: طيب هتروحوا ازاي....
سيف:: هتيجي الطيارة تاخدنا وترجعنا عشان ماسه متتعبش.....
سليم:: طيب خلي بالكوا من نفسكوا.....
سيف:: حاضر...هي فين ماسه....
ماسه:: انا هنا حد ناقصه حاجة....
سيف:: انتي مقعدتيش تفطري ليه....
ماسه:: مش جعانة هبقا اكول بعدين....
سليم:: لا مينفعش لازم تفطري قبل ما تمشي....
ماسه:: لا يا بابا مش جعانة هطلع البس لغاية ما سيف يخلص فطار....
سيف:: هتفطري الاول....
ماسه:: لو اكلت غظ من عني هتعب اول ما اجوع هكول....
قمر:: سيبها يا سيف عشان متتعبش....
سيف:: ماشي....بس اشربي لبن علي الاقل....
ماسه:: سييف بجد هتعب طالما مش جعانه خلاص....
سيف بصلها وسكت.....ماسه عرفت انو زعل....
طلعت لبست ونزلت كان هو خلص والطيارة وصلت....وركبوا....
ماسه:: سيف انت زعلان....
سيف:: وهزعل ليه يعني....
ماسه:: انت عارف اني لو اكلت غظ من عني هتعب وصدقني اول ما اجوع هقولك علطوال...
سيف بتنهيدة:: ماشي...بس صحتك كده غلط يا حبيبتي انا خايف عليكي....
ماسه بحب:: عارفه يا حبيبي ربنا يديمك في حياتي....
سيف بحب:: ويديمك ليا.....وبعدين سرح
قال في سره:: انا مالي قلبي مقبوض كده ليه ربنا يستر....
وصلوا القاهرة وقابلوا ياسين وطبعا من دون كلام خااالص عشان سيف محذر مضت الاوراق وياسين مشا وهي كانت طلبت فطار...سيف فونه رن...
سيف:: حبيبتي هطلع ثواني ارد علي الفون وراجع تمام....
ماسه:: ماشي يا سيف وانا هروح الحمام عقبال الاكل ما يوصل.....
سيف:: ماشي يا حبيبتي....
وطلع سيف فضل نص ساعة بيتكلم في الفون ودخل لقا الاكل محطوط زي ما هو واستغرب انو ماسه لسه مرجعتش.....فراح عند الحمام وشاف العاملة اللي هناك....
سيف:: لو سمحتي خطيبتي بقالها نص ساعة جوا ممكن تشفهالي....
العاملة:: طب ممكن توريني صورتها....
سيف طلع صورة لماسه وورهالها....
العاملة:: انت متأكد انها خطيبتك....
سيف بقلق:: ايوا ليه....
العاملة:: اصل هي اغما عليها من شوية وكان معاها بنت...ولما سألتها مالها....قالتلي انها حامل وساعدتها تطلع معاها وكان في واحد مستنيهم وبيقول انو جوزها....
سيف بصدمة:: لا مش معقول....
العاملة:: زي ما بقول لحضرتك....
سيف طلع يجري علي مدير المطعم....
سيف بعصبية:: عوز اشوف الكاميرات اللي عند الحمام بسررعة....
المدير:: مين حضرتك وازاي تدخل كده....
سيف بعصبية زيادة:: انا سيف سليم المنشاوي وخطيبتي اتخطفت وعوز اشوف الكاميرات حالا...
المدير بخوف من عصبيته:: طب اهدا حضرتك والكاميرات هتبقا عندك حالا.....
وفعلا جابوا الكاميرات وفرغوه وشافوا بنت وهي ماسكه ماسه وبتديها لشاب بره وبيخرجوها من الباب الخلفي للمطعم.....
سيف بعصبية:: يا كلاب ده انا مش هسيبكوا.....
المدير:: اهدا يا سيف باشا احنا هنبلغ الشرطة وحالا هنعرف مكان الانسة....
سيف بهدوء نوعا ما:: انا هعرف ازاي ارجعها محدش يتدخل.....
وطلع من المطعم....وراقب فون ماسه لانوا فتح الGps للفون بتاعها....
(لما سيف قلبه اتقبض خد فون ماسه وفتحه)
وفضل بتتبعه لغاية ما وصل للمكان ولاقا قدامه حراسه كتير.....فكلم الحارس الشخصي بتاعه وبعتله المكان اللي هو فيه...وفي الوقت ده فون سيف رن....
سيف:: ايوا يا بابا....
سيلم:: احنا هنرجع شرم لانوا الوفد بتاع الصفقة عوز يتكلم في شوية حاجات تاني فأبقوا تعالوا علي هناك....
سيف:: ماشي سلام...وقفل....
وفونه رن تاني برقم غريب.....
سيف:: السلام عليكم....
الشخص:: وعليم السلام...
سيف:: مين...
الشخص بضحكة شريرة:: معرفتش صوتي ولا اي.....
سيف:: يا حقير ده انا هندمك....
الشخص:: تؤتؤ براحة علي نفسك كده عشان اي غلطة حبيبة القلب هتدفع تمنها.....
سيف بعصبية:: لو لمست شعره منها هدفنك حي....
الشخص:: لو عوز ترجعها تسمع الكلام بالحرف الواحد....
سيف:: عوز اي....
الشخص:: تنازل عن كل ممتلكاتك وفلوسك وكل حاجة تخصك او تخص والدك والا قول علي حبيبتك يا رحمان يا رحيم.....
سيف:: ماشي بس اهم حاجة متلمسهاش....
الشخص:: انتظر مني مكالمة تانية اقولك هنتقابل فين....وقفل...
وجه الحارس بتاعه....
سيف:: جبتهم....
الحارس:: ايوا يا سيف باشا....
سيف:: تمام....دلوقتي انا هروح عشان اتأكد انو ماسه جوا.....وابعتلك رسالة عشان تهجم وانا اطلع بيها تمام....
الحارس:: تمام....
عند ماسه.....فتحت عينيها وشافت مكان غريب وحاسه انها دايخة....وبدأت ترجع لوعيها لغاية ما فتحت عينيها بس حاسه بألم في دماغها جامد....
ماسه:: ياللي هنا انا فييين....هو مفيش حد هنا وسكتت لما لاقت حد بيفتح الباب....ودخل شخصين....
ماسه:: انا فين.....
الشخص1:: انتي عندي....
ماسه:: انت مين وعوز مني اي.....
الشخص1:: انا مين فأنا روؤف عبدالمجيد وعوز منك اي فقرصة ودن صغيرة لحبيب القلب...
ماسه:: وانت مالك ومال سيف....
روؤف:: لا ده انتقام قديم بس مازال بينا ومش هينتهي غير يا بموته يا بموتي واكيد بموته....
ماسه بشجاعة مزيفة:: انت مش هتقدر تلمس شعره من سيف وهو اكيد هيجي ينقذني منك...
روؤف بضحكة شريرة:: هو لو جه ونفذ اللي طلبته هيبقا جه للموت برجليه.....
ماسه بخوف متداري:: وانت طلبت منه اي.....
روؤف:: حاجة صغيرة خالص....تنازل علي كل ممتلكاته وممتلكات والده.....
ماسه بصدمة:: ايه....
روؤف:: يلا انا اروح استنا حبيب القلب بقا سلام يا قطة....وخرج...
ماسه:: مش معقول سيف لا بلاش....
عند سيف.....عرف يدخل الفيلا من غير ما حد يحس وطلع يدور في الاوض لغاية ما سمع صوت ماسه ولما حس انو حد بيفتح الباب استخبا.....وشاف روؤف وهو طالع.....
روؤف:: حط عينيك عليها لانوا سيف مش سهل...
الحارس:: تحت امرك يافندم.....
ومشوا.....وسيف دخل لماسه.....
سيف:: ماستي....
ماسه بصدمة:: سيف.....
سيف راح عليها وفك ايديها ورجلها واخدها في حضنه:: انتي كويسة حد عملك حاجة....
ماسه بعياط:: انت جيت ليه....
سيف بأستغراب:: جيت عشان انقذك...
ماسه:: هيقتلك يا سيف....
سيف اخدها في حضنه لغاية ما هدت:: اهدي محدش هيقدر يقرب مننا قومي يلا....
ماسه قامت معاه....وهو حس بحد جي فبعت رسالة للحارس بتاعه.....وقال....
سيف:: ماسه اقعدي زي ما كنتي قاعدة تمام....
ماسه:: تمام.....
وقعدت ودخل حارس ليها....
الحارس:: انتي كنتي بتكلمي مين.....
ماسه:: مش بكلم حد....وعينيها بيتجي علي سيف....
الحارس لسه بيبص راح سيف ضربه بالمسدس علي دماغه وخد ماسه وطلعوا.....
وهما نازلين روؤف شافهم.....
روؤف:: اهلا اهلا مكنتش اعرف انو انت هتوصلها بسرعة كده.....
سيف:: ابعد عن وشي عشان حسابك تقل اوي....
روؤف:: تصدق خوفت....انت هنا في مكاني ورجالتي ماليه المكان.....
سيف:: ابعد يا روؤف......
روؤف:: كان نفسي ابعتهالك ميتة زي ما بعت امك....
سيف اتعصب جامد وعينه احمرت لدرجة انو ماسه خافت منه.....
سيف قرب منه وراح ضربه بوكس وقعه علي الارض....
وبدأت بينهم هما الاتنين معركة عنيفة....وماسه خافت وبدأت تدوخ....وروؤف ضرب سيف علي دماغه بالفاظة...واتفحت....وماسه اول ما شافت الدم اغما عليها.....
سيف بصراخ:: مااااااسه....
وراح ضرب روؤف لغاية ما اغما عليه.....
وراح علي ماسه شالها وطلع بيها...وكانوا حراسه فضوا الطريق ليه...وركب عربيته وطلع بيها علي المستشفي.....
في المستشفي....
سيف:: طمنيني يا دكتورة هي كويسة....
الدكتورة:: متقلقش هي بس مكلتش حاجة واغما عليها بس ياريت تخدبالك منها كويس عشان هي ضعيفة جدا....
سيف:: متشكر لحضرتك....
الدكتورة:: علي اي ده واجبي....اتفضل حضرتك نعقملك جروحك....
سيف:: لا مش هسبها لوحدها....
الدكتورة:: خلاص اتفضل هنا...
والدكتورة خلصت تعقيم لجروحه وطلعت...
وماسه فاقت وكنت بتعيط....
سيف:: هشششش انتي كويسة.....
ماسه بعياط:: انت كويس حصلك حاجة....
سيف:: انا كويس يا قلبي متقلقيش....
ماسه:: بجد....
سيف:: اه والله قدامك اهو....
ماسه:: مين ده يا سيف وعوز منك اي وانتقام اي اللي بيتكلم عنه وماما رغد اي اللي حصل معاها....
سيف بهدوء:: ماسه هعرفك كل حاجة قومي تعالي معايا....
ماسه:: طيب....حد عرف حاجة....
سيف:: لا هما رجعوا شرم عشان الوفد....
ماسه:: احنا هنرجع علي شرم....
سيف:: لا....هوديكي مكان هيبقا الاجابة علي أسئلتك....
ماسه:: طيب....
واخدها وطلع بيها بالطيارة علي مكان بعييييد كل البعد عن مصر....
ماسه:: سيف احنا رايحين فين....
سيف:: هعرفك كل حاجة لما نوصل.....
ماسه:: طب احنا رايحين فين.....
سيف:: رايحين جزيرتي....
ماسه:: طيب بس احنا بعدنا تقريبا....
سيف:: هنروح الجزيرة في المانيا....
ماسه بصدمة:: نععععم....
سيف:: ماسه بصي انا بثق فيكي جدا بس الموضوع اللي هتعرفيه هناك اوعك يا ماسه حد يعرف عنه حاجة.....
ماسه:: حاضر بس احنا هنلحق نروح ونيجي هيقلقوا علينا.....
سيف:: متقلقيش.....
وبعد ساعات وصلوا الجزيرة....ونزل سيف من الطيارة ووراه ماسه....
ماسه:: سيف هو في اي احنا وصلنا اهو ممكن تقولي....
سيف:: تعالي معايا....
واخدها وراح علي ڤيلااا كانت وسط الاشجار لو طيارة فوقيها متشوفهاش ومحدش يقدر يوصلها بسهولة.....
ودخل بيها الڤيلااا....وطلع بيها علي اوضة ووقف قدامها.....
سيف:: ماسه دلوقتي توعديني انك كل اللي شوفتيه هنا واللي هتشوفيه واللي هحكيهولك ميتقلش لحد حتي بابا....
ماسه:: سيف انا بتقلقني ليه في اي.....
سيف:: هندخل دلوقتي وهتشوفي....
وفعلا دخلوا الاوضة.....
سيف:: تعالي يا ماسة....
ماسه دخلت واتصدمت من اللي شافته......
~~~~~~~~~~~~~~~~~~~~~~~~~
يارب تكون الحلقة عجبتكم
تعليقات
إرسال تعليق