سلسلة تعاهدنا بقلم حسن الشحات الجلسة الثانية

سلسلة تعاهدنا بقلم حسن الشحات الجلسة الثانية

تعاهدنا 

الجزء الثاني

أول مرحلة هنتكلم عنها في الجزء ده هو. ( لو بتحب هتقدر ) أعزائي القراء من يكتفون بأحزانهم وأوجاعهم  لأنفسهم  ولا يشكون لأحد، من يتحملون اوجاع وشكوي الآخرين ولا يحملو أحد اوجعهم أو شكواهم 

زي ما قلنا في الجزء الاول ان انت تقدر تبقي احسن من احسن شخص في مجاله لو انت عايز خليني اقولك ان لو انت بتحب الطرف الثاني من العلاقة تقدر تكمل تقدر تحارب عشانه لأنك لو بتحبه حب صادق هنا أصبح هو أحد مصادر شغفك القليلة في الحياة لو بتعمل اي عشانها علي قلبك زي العسل إنما دايرة الزهق دي م الشخص اتكلمنا عنها وقلنا ان الطرف في المرحلة القبلها لما كان بيقول انه بيحب الشخص كان هو نفسه مش عارف انه مش بيحبها وصل لمرحلة انه هو كمان موهوم،  بداية بقا دايب في تفاصيل البنت وصفاتها الحلوة وهي ازاي شبهك كده وازاي بتهتم بيا وازاي ، وازاي ،وازاي …….إلخ إنما هنا انا قلت حب صادق انتهت مرحلة البداية والخداع وكل واحد بأن الحلو والوحش فيه والشخص يكمل متقبل ومش بس متقبل يحب العيوب الشخص ، مثلا لو طرف من الطرفين عصبي الطرف التاني ده يحب عصبيته مش يتذمر منها وينهي العلاقة لمجرد أن الشخص عصبي ولو كررت كلمة صادق في كلامي الجاي سامحوني لاني بمجرد كذب أي طرف في مشاعره يعني ان كلامي ملوش اي لازمة لان يتحدث عن الحب الصادق ، عزيزي خليني اقولك الحب مش بس الوقت الحلو البيت قضوه سوا لا الحب اكبر من كدة الحب صدق ولحظات صعبة لازم يكون طرف من الطرفين جنب التاني في اللحظات دي ، مش وقت الفرح مع بعض وتمام ووقت الصعوبات انا معنديش طاقة وتعبت ومش قادر اكمل ، بعدين يعني اي معندكش طاقة المفروض الطرف ال بتحبه يزيد طاقتك مش يخلصها ، اسمحولي اقولكو بيتين شعر مم تأليفي وأنا لا أدعي اني شاعر ، ممكن تعتبروني مجرد شخص بيحكي للورق عشان مش بيثق في الأشخاص 

عجبا لمن يري الحب في تقديم الزهور والورد 

       ويرى أن الحب لعب وهوي

ما الحب الصادق سوي كلمة حنونة تلين وقت الصعاب والعناد

 

      ومساندة الحبيب حبيبه وقت الجد مثل من يعول الكفيف ليتعافى من العمي

ملخص كلامي هنا عشان مطولش اكتر من كدة هو أن هو انت ك فرد في العلاقة حبيت/ ي تمام اتحمل ما الحب مش كله حلاوة وإلا كان اي حد عاش قصة حب أسعد الناس والسعادة في الحب لا تدوم في بعض الأوقات أنت كشاب وهتكلم اكتر عن الشاب لانه فاهمه اكتر مش فهم سطحي زي البنات انت بتحب وعاوز تمشي صح وجواز وتتجمع مع القلبك اختارها هتتعب بس ما هو انت مش مرتاح برضه علي حسب كلامك اتعب اكيد ربنا شايف تعبك وشايفك لو بتحبها بجد فيه يجمعك بيها لكن بحلال مش زي معظم اللي نشوفه فا اتحمل،  أو انتي كبنت بتحبي شخص وشايفة أن حبكم صادق لبعض اتحملي لو اتقدملك حد كظروف أحسن منه استني واستني و استني طالما بتحبي الشخص لذاته مش لما يملك أو لنسبه 

سلسلة تعاهدنا بقلم حسن الشحات الجلسة الثانية

في سؤال اكيد عدي عليك أو علي حد تعرفه أو ربما حد سئلك عليه لتساعده بيها أو ربما أنت تقرأ وفي حاجة إليه

إزاي نعدي / نتعافى علاقة فاشلة؟

ناس كتير أوي فشلت وتفشل في علاقات بس الاختلاف في أنواع التعامل مع الفشل ، فهناك شخص ممكن حياته العافية تقف لسنوات بعد هذا الفشل ، وأخر قد يظهر أنه بخير لمجرد عدم سماع تلك الكلمات التي لا تفيد بلا توجع مثل معلش، ما انت غلطان ، انا ياما حذرتك ، كدة انت بتريحني ؟ كده انا بقيت كويس؟ المشكلة اتحلت؟ 

الإجابة  لا

خلينا متفقين ان مفيش شخص ١٠٠،% ولا شخص وحش ١٠٠% ممكن شخص يكون ال ٦٠% هما المميزات وشخص آخر ال ٦٠% العيوب ، مش شرط يكون خمسين خمسين

بس مبدأ امشي عليه  ( متجمعش ) هو ان مثلا انت كشاب كنت بتحب بنت وكانت غيورة جدا وشكاكة وسبتو بعض ، مش معني كدة انك تقول ان كل البنات شكاكة و غيورة زيادة،  بالظبط زي البنت ال تكوم مخطوبة لولد و تكتشف خيانته مش هقول علاقة حب عادية لان زي ما قلنا الجزء الأول مش مقتنع بحاجة اسمها ارتباط فابتالي الخيانة ده شغل مراهقين زي م بيلعب بيتسلي بيكي بيتسلي مع غيرك ، خلينا هنا لو مخطوبة و اكتشفت انه بيخونها او يعرف بنات كتير غيرها وسبتو متجمعش وتقول ان كل الرجالة خونة ومش كويسين ، قد يكن أنت لم تجد نصفك الأخر الذي يكون بمثابة ماء زمزم وقت قسوة الشمس في الصحاري 

في حاجة عاوز اتكلم عنها منتشرة كثيرا بين أصحابنا واقرابنا وكلنا سمعنا عنها ألا وهي ( Move On ) بمعني التخطي 

فمثلا لو روحتو مكان مشغل اغاني حزينه تلاقي صحبتك تقولك انتي قاصدة ده انا بقالي شهر بحاول اعمل Move on  تتخطى علاقة فاشلة يعني،  لكن خليني اقولك مفيش حاجة اسمها تخطي علاقة فاشلة او تجربة فاشلة لان بكل بساطة اي تجربة ناجحة او فاشلة هتأثر فيك او شخصيتك مثلا انت لو حبيت بنت وكانت كل تفاصيلك معاها ومكملتوش،  ففي الحالة دي اكيد مش هتقدر تتخطى لازم هتفضل فاكرها او انتي كبنت تفضلي فاكره فاكر/ ة تفاصيل ال بينكو ، الأماكن ال بتحبوها ، صوركو، اغنيتكو المفضلة،  الوعود التي كانت بينكو ..

إنما أنت ممكن تتعافي من ده بس متنساش لان محدش بينسي 

عندم مثلا انك/ي تلاقي شخص يكون هو بمثابة الشي الصحيح وسط كل هذه الأخطاء ، اه بالمناسبة الشخص ده هتلاقي بكرة، بعده ، بعد سنة المهم هتلاقي او مش شرط ممكن هو من يعثر عليك لأنكم لبعض نصيب طرف اكيد هيلاقى التاني ، المهم انك متتسرعش عشان متحتارش غلط تاني وترجع تقول ازاي اتعافى وانا حبيت بجد وانا بتظلم …..إلخ انت هنا من يختار وأي اختيار أنت المسؤل عنه الحظ والنصيب في الحالة دي مجرد تبرير لفشلك 

في الجزء الأول اتكلمنا عن مرحلة حلوة البدايات ، هنا هكلمك علي ان في البداية برضه لازم يبان حاجة وحشة المشكلة فيك انت اللى بتعمل مش واخد بالك،  مثلا الشخص يبقى اي حد يشوفه يقول كذاب عليه وواضح اوي ان كداب لكن انت بكل سذاجة تقول أنه مش بيكدب وأن اكيد في سوء تفاهم منك كمان عشان هو صح في كل حاجة العيب فيك ، لو وصلت للمرحلة دي لازم تفوق لان انت مش محتاج حد يقف جمبك انت نفسك مش عاطي دعم لنفسك متستناش دعم من حد ، وإكمال الكلام ان الطرف التاني باين كل حاجة حتي تبريراته المزيفة معاك المشكلة في سذاجتك مسمهاش طيبة 

وجهة نظري الي تعاهدنا سويا من البداية اني اكلمكم بيها هي أن الشخص السليم الي يجمع بين كل ده يعني يكون طيب بس مش ساذج ، يكون بيشك مش بيثق ١٠٠% بس يفهم امتي يعمل مشكلة مش اي وقت ، بيشغل عقله ثم قلبه 

سلسلة تعاهدنا بقلم حسن الشحات الجلسة الثانية

( نفسك أولا ) 

الكلام هنا مش بس عاطفة ، متكملش اي حاجة تستهلكك نفسيا 

بمعني مثلا انت كشاب بتحب بنت طالع عينك عشان يجمعكم بيت واحد بالحلال وهي مش مقدرة ده متكملش ، متكملش ايوة لو روحك فيها اسحب نفسك ولو رجعت وفهمت انك بتعمل كل ده عشانها عشان انت فعلا بتحبها وبتوفي لوعدك معاها مش عشان انت متعرفش تعيش من غيرها وضعيف كدة ممكن ترجع ، غير كدة ثق تمامآ انك هتلاقي الي تحبك اكتر ما مبتحبها وتفهم وتقدر ده ، عمم ده بقا علي اي حاجة مثلا صحابك دايما تدعمهم ومحدش جمبك ، دايما في تنمر على صورة هزار متكملش اسحب نفسك ، مثلا انت مع شلة وحاسس انك مش مرتاح متكملش اسحب نفسك وامشي قول انك مش مبسوط ياعم خايف علي زعلهم ، انت مين خايف علي زعلك يا ساذج ؟ ، المهم راحتك الناس كدة كدة بتكلم عليك مفهاش حاجة لو يتكلمو بس انت تكون مرتاح نفسيا

 

إلي اللقاء في القادم ….

_ حسن الشحات حسن