روايه عذابي تمن غلطتي كامله بقلم هويدا زغلول
عذابي ثمن غلطتي
قصه كامله
بقلم هويدا زغلول
أنا نيره كانت حياتي مستقره اوي لحد ما
في يوم روحت لأختي عزه وانا عامله اعيط وفتحت ليا الباب
عزه
اي ده فيه اي تعالي ادخلي مالك يا حبيبتي
اوعي تقولي حماتك زعلتك وانا دخلت
واقعد علي الكنبه وقولت ليها
نيره
أنا في مصيبه ومش عارفه اقولك اي بس انتي
اختي حبيبتي ولازم تعرفي
عزه
يابنتي هو احنا لينا غير بعض قوليلي مالك بس
وانا اكيد هقف جمبك
نيره
الشيطان ضحك عليا وخلاني عملت حاجه
غلط والله العظيم ندمانه بس انا في مصيبه كبير اوي دلوقتي
عزه
ماتقولي يا بت فيه اي وكل حاجه وليها حل
نيره
أنا كنت عرفت واحد وغصب عني غلط معاه
ودلوقتي حامل ومش لاقيه دكتور ينزله وعزه
انصدمت شويه وبعدين قالت
عزه
طيب واي يعني فيها أي
نيره
انتي بتقولي اي أنا حامل من حد غير جوزي
وانا مش عارفه اتصرف ازاي وانزله
عزه
ومين قالك اننا هنزله احنا هنكمل الحمل
ده اسمعي يا بت انتي هتكلمي الحمل ده
نيره
مش فاهمه كلامك انتي عارفه انتي بتقولي
واي ولا المصيبه اللي أنا فيها بقولك أنا
حامل وجوزي مسافر من سنه يرجع
من السفر اقولوا كنت عاملها ليك مفاجاه
ولا اي
عزه
مين قالك اننا هنقول الحمل ده منك انتي
عارفه أن جوزي قايل لو مخلفتش الولد
اللي نفسه فيه هيطلقني وانا بصراحه
كدبت عليه وقولت اني حامل
نيره
اه يعني عايزه اي مش فاهمه كلامك وفي الوقت ده فضلت تعيط وتقولي
عزه
ارجوكي كملي الحمل وبعدين انا هاخدو
واهو ابنك يكون قدام عنيكي برضه
نيره
انتي شكلك اتجننتي وبعدين يعني هو انتي
واثقه منين ان انا هخلف ولد ما يمكن يكون
بنت
عزه
يا شيخه حرام عليكي انا حاسه انه ولد
نيره
طيب انا لو سمعت كلامك هنعمل اي يعني
ما بطني أنا اللي هتكبر
عزه
انتي جوزك مسافر وانا كمان جوزي مسافر
هتصل بيه واقولوا أن أنا حامل وبعدين
يعني انتي كده كده عايزه تنزلي لو طلعت
بنت هوديكي لدكتور ينزله ولو طلع ولد
أنا هاخدو اربي
نيره
مش عارفه اقولك اي لا لا انا خايفه وفي الوقت
ده عزه قامت وقفت وقالت
عزه
خلاص برحتك
بس بقي متزعليش لو جوزك عرف انك حامل
نيره
اي ده انتي معقول تعملي فيا كده معقول
تروحي تقولي لجوزي علي اللي أنا فيه أنا مش قادره اصدق ان اختي تقولي كده
عزه
ولا إنا كمان اصدق ان اختي تسلم نفسها
كده خلينا ساكتين بقي
نيره
ده انا ممكن اموت فيها انتي عارفه
رؤوف ممكن يعمل فيا اي ده قليل لما طلقني بفضيحه وهي ردت وقالت
عزه
مانتي عايزني أطلق يبقي يا حلوه نطلق احنا
الاتنين بقي
نيره
مش قادره اصدق والله انك ممكن تعملي كده
أنا ماشيه وبعدها مشيت من عندها وروحت
بيت حماتي واول لما دخلت قالت
حماتي
اهلا ياختي كنتي فين كل ده اه مهو جوزك
سابك تتسرمحي علي كفيك صح
نيره
أنا كنت عند اختي وتقدري تتصلي تساليها
حماتي
اسمعي يا بت انتي البيت ده ليه قواعد وقوانين
انتي سامعه ولا لا يعني لازم تحترمي الست
اللي موجوده في البيت د
نيره
وهو انا مش بحترمك ازاي بس وبعدها
حسيت ان تعبانه اوي اااه مش قادره
بعد اذنك انا داخله انام وهي قامت وقفت وقالت
حماتي
شوفي البت عامله ازاي والله انا هيكون
ليا كلام مع جوزك لما يرجع ونبقي نشوف
بقي هيعمل اي وبعدها دخلت وكنت بصلي
وانا عامله اعيط وبستغفر ربنا وسمعت
صوت عزه اختي وكنت مرعوبه وخرجت
ب إسدال الصلاه
عزه
اي ده من امتي وانتي بتصلي اقصد يعني
حرما يا حبيبتي
نيره
ربنا يهدينا جميعا يا عزه وبعدها عزه بصت لحماتي وقالت
عزه
ازيك يا طنط عامله اي وحشاني والله
حماتي
ازيك ياختي غريبه يعني انك جايه مش اختك
كانت لسه عندك راحت بصه ليا وقالت
عزه
اه اصل انا عملت اكل وقولت لازم اجي
ناكل سوا انتي عارفه أن أنا عايشه لوحدي
ومليش حد خالص وياريت تكون ليا حماه زيك كده والله كنت شلتها فوق راسي
حماتي
ماشي ياختي وانا خرجت وانا مرعوبه ل عزه
تقول حاجه لحماتي
نيره
خير يا عزه فيه اي جايه ليه
حماتي
معقول قله الذوق دي معقول تقولي لأختك
اي اللي جابك
نيره
مش اقصد والله اصل انا كنت عندها ومستغربه
بس انها جت تنور طبعا البيت بيتها وقعدنا ومش مصدقه موضوع الاكل ده مانتي طول عمرك عايشه لوحدك يعني
عزه
وبقولك زهقت وبعدها قعدت جمب حماتي
وقالت ليها
عزه
اسكتي يا طنط الجاره اللي فوقي لقيتها
عامله تصوت وبعدين فتحت الباب وطلعت
ليها لقيت جوزها موتها ضرب وحماتي طبعا
بتحب الكلام ده وقالت ليها
حماتي
ليه عملت اي يابت قوليلي
عزه
بيقول تعبت شويه راح جاب ليها دكتور
يقوم اي بقي يلاقيها حامل وهو راجل
تعبان يعني هههههه فهماني طبعا
وبعدها أنا بصيت ليها بصه خوف وحماتي
قالت
حماتي
اخس عليها واطيه المهم عمل معاها اي
قليل ما يكون موتها
عزه
شلنها من تحت ايدو بالعافيه والله كان
حالف ما يسبها
حماتي
وليه عملتي كده كنتي سبتي يخلص منها
ونرتاح من الأشكال دي
عزه
مانا برضه بقول اي واحده تخون جوزها تستاهل
القتل وانا في الوقت ده قولت
نيره
بعد اذنكم انا عايزه انام لأن تعبانه شويه ومش قادره اقعد البيت بيتك يا عزه
عزه
معقول أنا جايه اقعد معاكم تقولي كده
خليكي معانا السهره هتحلو أنا هقولكم
بقي حماتها لما عرفت جت وعملت اي
وانا قولت ليها
نيره
بقولك أنا هبقي أكلم رؤوف علشان
اقولوا إن هاجي اقعد معاكي زي ما قولتي
وفرحت عزه وقالت لحماتي
عزه
بجد اصل انا حامل يا طنط والحمل تعبني اوي
استأذنت نيره تيجي تقعد معايا بس
حماتي
ومالو يا ختي عقبالها هي كمان قولت
ليها كام مره سافري مع جوزك يا بنتي
وهي مش راضيه عجبها العيشه هنا لوحدها
عزه
علشان الجو يا طنط اصل اللي يجرب
جو مصر ميقدرش يبعد عنه خالص هههههههههههه
وبعدها أنا دخلت الاوضه وفضلت اعيط ولقيت
مراد اللي كنت اعرفه بيرن عليا ورديت وقولت
نيره
انت عايز مني اي بقي حرام عليك ابعد عني
الله يخليك
مراد
والله العظيم انا بحبك ومقدرش اعيش من غيرك
وياريت تطلقي أنا عارف انك مش بتحبي
نيره
ملكش دعوه بقي أنا بحبه ولا لا حاجه
متخصكش افقل السكه واياك تتصل تاني
وبعدها قفلت معاه ورنيت علي رؤوف جوزي
رؤوف
والله العظيم كنت لسه بفكر اكلمك وحشتني
اوي وبقالك اسبوع مش بتكلمني
نيره
حقك عليا أنا اسفه اوعدك من هنا ورايح هكلمك
عالطول المهم عزه حامل
رؤوف
اه ما سامي قالي عقبالنا نفسي اوي اكون
اب والله ياريت تيجي هنا. وحتي ترتاحي
من امي مش انتي بتقولي بتعملك وحش
وأنا قولت ليه
نيره
باذن الله يا حبيبي انا بس باعرفك ان انا هاقعد عندها شهور الحمل ده كلها عندها مامتك
لما عرفت انها حامل كل شويه بتكلمني وأنا مش عايزه كده
رؤوف
تمام ماشي لحد ما ارجع انا كده كده ممكن كام شهر وهارجع لانك وحشتيني قوي بصراحه واول مره اشوفك بتكلميني بالطريقه دي وبجد حاسس ان انا محتاجك جنبي دلوقتي
وانا انصدمت لما لقيته بيقولي كده وقولت
نيره
ايه معقول هتيجي مش انت برده كنت قايل ان انت هتقعد سنتين ولا ايه احنا محتاجين فلوس كثيره
رؤوف
الفلوس مش هتكون اهم منك يا نيره والله العظيم النصره في وشك مش عارفه بتعمل في ايه بجد انا بحبك ونفسي تحبيني زي ما انا باحبك بالضبط وطبعا انا سمعت كلامه ده وفضلت
اعيط هو أنا ليه كنت وحشه معاه كده وروحت
عند عزه
عزه
انا مش عايزاك تزعلي مني يا نيره والله انا غصب عني مشكلتي ان انا نفسي اجيب الولد اللي سامي نفسه فيه وقال ليا هيتجوز على يرضيكي يعني ان هو يتجوز علي ويطلقني
نيره
عمري ما كنت اتخيل ان اختي تعمل في كده معقول انت بدل ما تقفي جنبي تذليني بالطريقه دي
عزه
حبيبتي انا مش ذليتك انا بس عرفتك ان انا اقدر اعمل اي حاجه وعلى العموم بقى حصل خير ادعي بس انه يكون اللي في بطنك ده ولد مش بنت
وطبعا انا اتمنيت من ربنا ان يكون بنت علشان
اخلص وقولت ليها
نيره
ولو طلعت بنت هتعملي اللي في دماغك برده وهتروحي تقولي لرؤوف وحماتي على اللي حصل ولا هتعملي ايه
عزه
لا طبعا انا مش هاعمل كده هو بيدك يعني ان يكون ولد ولا بنت ساعتها هاقول له ان انا ما حصلش نصيب والجنين نزل
نيره
هو انت ازاي كده ازاي عايزه تخلي عيل يشيل اسم جوزك وهو مش ابنه يعني
عزه
لا بقول لك ايه اللي بيته من ازاز ما يحدفش الناس بالطوب وانت كنت بتكوني جوزك ليه وجوزك بيحبك وبيتمنى تراب رجليكي خليني ساكته احسن
نيره
تمام ماشي خليني ساكته المهم حد من
اهل جوزك بيجي هنا علشان مش عايزه
حد يشوف بطني لما تكبر
عزه
متخافيش محدش بيجي هنا خالص حماتي ومتوفيه وأخواته مش بيجوا الا لما
اخوهم يجي
وعدا
5 شهور وروحت نشوف الجنين وكانت
عزه في البيت وانا روحت وكان شكلي زعلان
عزه
ايه مالك شكلك عامل كده ليه اوعي تقولي انك جنين طلعت بنت والله العظيم هزعل اوي
نيره
لا ولد بس ارجوكي فكري في شويه وفكري في جوزك ما ينفعش ان انت هتعمليه ده يا بنتي جربي يمكن باذن الله المره الجايه تخلفي ولد
عزه
هو احنا مش كنا قفلنا الكلام ده وخلاص بقى الف الف مبروك يا حبيبتي والله العظيم مش عارفه اقول لك انا فرحانه ازاي وجابت مسكت التليفون واتصل بسامي جوزها
سامي
عامله ايه يا حبيبتي وحشاني جدا ها طمئنيني الجنين طلع ايه ارجوك فرحي قلبي وقولي لي ان انا خلاص هاشيل ولي العهد وهاجيب الولد
عزه
مبروك يا حبيبي الف الف مبروك انا حامل في ولد فعلا
سامي
والله العظيم مش قادر اصدق بجد دعواتي في صلاتي جاب النتيجه باقول لك ايه انا هاحجز تذكره وهانزل مصر حالا وعزه خافت اوي وقالت
عزه
لا لا يا حبيبي تيجي فين انت عارف ان احنا الفتره دي محتاجين لكل قرش خليك عندك الولاده
وبعدين.يعني نيره اختي معايا متخافش عليا
سامي
ازاي يعني يا حبيبتي ده اكثر وقت انت محتاجاني جنبك فيه وبعدين بقي كفايه انك هتجيبي ليا
الولد
عزه
معلش يا حبيبي بس محتاجين الفلوس برضه
اسمع الكلام لأن عايزه اعمل عقيقه كبيره
ده الولد يتربي في عزك
سامي
اللي تشوفي يا حبيبتي وعدا شهرين وكنت
صاحيه تعبانه اوي
نيره
حاسه يا عزه قومي الحقيني انا مش قادره خالص انا تعبانه جدا شكل الطلق ولا ايه
عزه
اي الطلق ازاي يعني ده لسه بدري بس
الحمد لله انك هتولدي دلوقتي قبل ما
حد يعرف حاجه وهي كانت بتفكر في نفسها وبس وانا كنت تعبانه اوي
نيره
طيب ارجوكي وديني مستشفى بسرعه انا مش قادره انا تعبانه قوي
عزه
حاضر حاضر وفعلا قومت وروحت معاها المستشفي ومكنتش قادره وكانت الصدمه
لما فتحت عيني ولقيت مراد
مراد
الف مبروك مقولتيش يعني انك كنتي حامل
وبعدين هتخلي الولد ده ازاي وجوزك
هتقولي ليه اي
نيره
ايه ده مراد انت ايه اللي جابك هنا وعرفت مكاني ازاي ودخلت عزه
عزه
لا مهو مش جاي علشانك يا حبيبتي ده جاي
مع مراته مش اللي وافقه برا دي برضه مراتك يا استاذ هو انت بقي اللي عملت معاها كده
مراد
مين دي وانتي ازاي متقوليش انك حامل
أنا أبو الواد ده ومش هستغني عنه
عزه
ده اللي هو ازاي يعني ناوي تقول لمراتك
اللي برا دي اي
مراد
أنا جاي اعمل حقن مجهري لأن مراتي مش بتخلف ومن حقي اخد الولد ده لو هقول أن
متبني
نيره
ثواني هو انت كنت متجوز لما كنت تعرفني
طيب ازاي وليه عملت كده
مراد
وانتي اي مكنتش متجوزه أنا لا يمكن اسيب
ابني يروح مني ودخل الدكتور
الدكتور
والولد ضعيف اوي ومحتاج يدخل حضانه
شكل الام مكنتش بتتغذا كويس وفي الوقت
ده عزه قالت
عزه
ابني والنبي يا دكتور أنا عايزه اطمن عليه خليني
اشوفه بس
الدكتور
ابنك ازاي يعني هو مين أمه وبعدها خرجت
عزه والدكتور
مراد
أنا لسه لحد دلوقتي بحبك والله ونفسي
ترجعي ليا تاني
نيره
استغفر ربنا وعيش مع مراتك احسن وإنساني
أنا لايمكن اعمل شي غلط تاني
مراد
أنا مش بحبها وانتي كمان مش بتحبي
جوزك
نيره
مين قالك أنا بقيت بحبه لانه يستاهل الحب
هو مش بيعمل اي حاجه في الدنيا غير أنه
بيحاول يفرحني وانا كنت مفتريه وظالمه
مراد
طيب وابني
نيره
عايزه اقولك لو ربنا بيحبه ياخدو لأن ولا هينفع
اربي ولا ينفع اختي تاخدو ولا ينفع انت تاخدو
وفعلا ربنا استجاب لدعوتي لقيت عزه
داخله منهاره
عزه
مات مات أنا مش هسيبك يا نيره انتي
السبب حرام عليكي ليه تعملي فيه كده
نيره
عملت اي هو صعبان عليا بس مكنش ينفع
لانه غلطه وكان لازم يحصل كده
عزه
أنا كان نفسي في. ولد اوي
نيره
من جوزك اتمني يكون عندك ولد من جوزك
ومالها البنات احمدي ربنا علي اللي انتي فيه
وخلصنا الورق وتصريح الدفن ونزل سامي
ورؤوف
رؤوف
مالك يا حبيبتي شكلك عامل ليه كده انا
حاسس انك تعبانه
نيره
ارجوك يا رؤوف أنا عايزك تطلقني مش هينفع
نعيش مع بعض
رؤوف
أنا عملت ليكي اي أنا مقدرش اعيش من غيرك
والله شوفي أنا مقصر معاكي في اي
وانا هتغير
نيره
عمرك ما قصرت بس انا اللي قصرت أنا
اللي غلط ارجوك طلقني مش عايزه اعيش
معاك وبعدها روحت بيت بابا الله يرحمه
وعدا اسبوع وعزه جت
عزه
ارجعي بيتك يا نيره جوزك بيحبك اوي
نيره
مينفعش بعد اللي عملته أنا خاينه
عزه
كنتي وإنا واثقه انك توبتي ل ربنا وكنت بسمعك
وانتي بتصلي بتدعي ربنا أن الجنين ينزل
نيره
كنت خايفه عليكي. والله انتي كنتي ماشيه
في سكه غلط ومينفعش تعملي كده
عزه
انتي غلطتي وانا غلط وانا بقولك ياريت تسامحني
وترجعي بيتك
نيره
للاسف انا ما استاهلش رؤوف هو انسان
كويس يستاهل وحده بنت حلال وكانت
الصدمه لما لقيت رؤوف داخل
رؤوف
واحد مكاني كان غسل عاره وقتلك والله
نيره بس انا مش هعمل كده
نيره
اي ده هو انت هنا يا رؤوف والله العظيم
أنا بدعي ربنا كل يوم ان أموت علشان
علشان ارتاح من الذنب اللي دائما حاسه به من ناحيتك ومن ناحيه ربنا اولا
رؤوف
ربنا غفور رحيم بسامح بس احنا البشر للاسف ما بنقدرش نسامح
نيره
وعلشان كده انا طلبت الطلاق منك يا رؤوف ارجوك سيبني وربنا يرزقك ببنت الحلال اللي تستهالك
رؤوف
بجد مش عارف اقول لك ايه بس بجد مش
قادر اسامحك علي اللي عملتي معايا
اسمعي يابت الناس م ما حدش هيعرف باللي حصل ولك مني مصروف كل شهر انا برده ما اقدرش اشوفك محتاجه حاجه وما اقفش جنبك وعارف انك مش هتعرفي تشتغلي
نيره
والله العظيم يا رؤوفه انا ندمان ان انا ضيعتك من يدي وعدا كام شهر واختي كانت حامل
وجت بيت بابا
عزه
انا لسه جايه من عند الدكتور حالا وانت اول واحده تعرفي ان انا حامل في ولد
نيره
الف الف مبروك يا حبيبتي والله العظيم فرحانه بك جدا شفت ان ربنا عمره ما بينسى عباده
عزه
وكمان مش ناسيك انا جايه اقول لك ان رؤوف هيرجعك
نيره
هو انت بتقولي ايه انت جبت الكلام ده منين وازاي هيوافق يرجعني بعد اللي عرفه
عزه
هو عارف انك انت ندمانه على اللي عملتيه وفعلا
الغريبه أنه رجعني ليه تاني بس كنت دائما بحس
أنه مش مديني الامان اوي بس كنت بحاول
اثبت ليه أن مليش غيره وفعلا كانت حقيقه
وكنت دائما بدعي ربنا أنه يغفر ليا الذنب
اللي عملته
وبكده تكون خلصت قصتنا
تعليقات
إرسال تعليق