قصة محاكاة القدر بقلم الكاتبة رنيم العشري
- كل يوم خناق، كل يوم مشاكل، كل حاجه وحشة مفيش حاجة عدلة، البيت مفيهوش حياة، وكإن الواحد عايش لوحده الدنيا، بقت سودة أوي .. ولا كأننا منعرفش بعض ولا حبينا بعض فيوم أصلًا .. للأسف دي النهاية لا أنا عارف أكمل ولا أنت عارفة تكملِ والحمدلله مفيش حاجة تربطنا ببعض ودا أحسن حاجة .. بصي يا بنت الحلال روحي شوفي أهلك وحالك وأنا كمان نفس الشيء كفايا أوي لحد كدا .. "منى " انت طالق .. دي اخر حاجة عاوز أقولهالك انت طالق وكل واحد مننا يشوف حاله ... سلام يا بنت الحلال.
«وهذا كان النقاش الأخير بين مصطفى ومنى، ومن بعده لم يحاول أي طرف منهم أن يتواصل مع الطرف الأخر، أو حتى يعلم كيف أحواله، تمر الأيام وبالفعل منى بدأت ترى أحوالها، وتعيش بعالمها الخاص، تاركة خلفها ماضيها كله، ذهبت منى إلى أهلها ومسقط رأسها بمحافظة مطروح.»
فى يوم من الأيام..
- لازم ألحق شغلي، أنا متأخر جدًا.
«يركب عدنان سيارته كعادته اليومية ليذهب إلى دوامه، ولكن مع شديد الأسف وعلى غير العادة يتأخر على موعده، لا نعلم أكان حقًا للاسف، أم أنها أجمل محاكاة للأقدار!»
- يارب متأخرش أكتر من كدا أحسن شكلي هتبهدل .. لعله خير يارب.
- احيييه .. يالهوي إيه اللي أنا عملته دا! هو يوم باين من أوله اقسم بالله .. اللهم لا اعتراض يارب... متنزل يا متخلف تشوف اللي مرمي على الأرض دا هتفضل تبرطم وخلاص!
« نزل عدنان من سيارته»
واحد فى الشارع : متخلي بالك يا ابني، شوف الست دي إيه اللي حصل فيها خدها، وديها على المستشفى بسرعة.
- !!!!؛ ست كمان ... ربنا يستر
- انت يا أستاذة ..يا مدااااام .. يا ست الكل ردي عليا أبوس إيدك... حد يجيب ماية يا جماعة اي حاجة فوقوها معايا.
«بدأت السيدة تفيق، بعد أن لامستها قطرات المياه، ولكن بدون القدرة على التحرك»
- يا ستي ردي عليا بقي .. يا ادي اليوم الأبيض ردي أبوس ايدك.
= انا كويسه تمام انا تمام «حاولت السيدة أن تتحرك ولكن مع شديد الأسف خذلها جسدها، وبدأت بالصراخ؛ بسبب آلامها»
(وبكل هدوء) .. =ممكن توديني مستشفى انا مش كويسة وديني مستشفى متقلقش مش هعملك مشاكل.
- يا ستي مشاكل ولا غيره نروح مستشفى المهم تبقي كويسه.
= شكرًا ... بس بس حد يشيلني مش قادرة أقوم.
- تمام تمام يلا بينا بس.
«حملها عدنان، ومعه سيدتان عابرتان بالشارع، من ثم أخذوها إلى المستشفى»
- دكتور لو سمحت انا ضربت الست دي بالعربية من شوية وعاوزين نطمن عليها.
الدكتور : الله عليك والله بتقولها بالسهولة دي إنك ضربتها ومش خايف من اللي هيحصل .. دي فيها محضر وقسم وحكومة يا استاذ.
قصة محاكاة القدر بقلم الكاتبة رنيم العشري
- يا عم انت مالك اتحبس ولا اتنيل المهم نشوف اللي مرميه دي.
الدكتور : !!!!!!!!!!
- اسف اسف بس شوف الست دي مالها.
الدكتور : تمام.
»فحص الطبيب السيدة، ووجد أنها مصابة بكسرين بالقدم، وكسر أيضًا بيدها اليمنى»
الدكتور : استاذ .....
- عدنان يا دكتور
الدكتور : تمام يا عدنان .. هي عندها كسرين فى رجلها وكسر في ايدها اليمين .. الضربة كانت جامدة اوي عليها وهي شكلها صغيرة وضعيفة جدًا فمستحملتش الضربة.
- طب راسها يا دكتور مفيهاش حاجة اصل هي اغم عليها فترة.
الدكتور : لا دا من الخضة بس .. الحمدلله راسها مفيهاش حاجه شوية كدمات بس.
- تمام يا دكتور ... اكيد لازم نقولها على اللي فيها.
الدكتور : دا شيء اكيد.
«دلف عدنان إلى الغرفة المتواجدة بها»
_بجد بجد اقسم بالله والله العظيم والله تاني وحياة أمي وحياة كل حاجه غااا...
= اهدى اهدى .. اهدى خالص كدا انا عارفة ان اكيد مكنش قصدك بس اللي حصل .. الحمدلله على كل حال دي خبطة وخلاص اكيد مش اكتر من اللي حصل فى حياتي .. الحمدلله والشكر ليك يارب.
قصة محاكاة القدر بقلم الكاتبة رنيم العشري
- !!!!!!!
- حصل والله العظيم مكنش قصدي ودا معرفش حصل ازاي بس انا كنت متأخر على شغلي ومستعجل اوي .. بجد بجد انا حقيقي اسف سامحيني
- بصي عشان أبقي صريح معاكي انت عندك كسرين فى رجلك وايدك اليمين فيها كسر تاني.
= الحمدلله انها جت على كدا وبس .. الحمدلله لله ..طب اي يا استاذ انا موجوعة اوي مش هتجبسوني ولا ايه؟ ( ولطفت البنت الجو شويه عشان حست انه خايف اوي)
- طبعا طبعا.
( جبسوها وادوها ادويه ومسكنات كتير عشان الوجع طبعا جبار )
الدكتور : المفروض دلوقتي يا بنتي نعمل محضر.
= لا معلش انا مش هعمل حاجة هو كان خايف ومستعجل وانشاء الله يكون اتعلم من غلطته .. بس انا مسامحاه ومش هعمل حاجة.
«عدنان متصلب فى مكانه، لا يستطبع ابداء أي تصرف أو رد فعل، ومن صدمته، وكيف لشخص أن يكون لكل هذا الكم من القبول، والقناعة.»
= يا استاذ غامض .. تقدر انت تروح وتشوف شغلك وانا هتصل بأهلي يجوا ياخدوني.
- لا مش مهم لازم اوصلك لحد البيت.
= بس.....
- مبسش انا السبب فى اللي انت فيه ولازم اوصلك واعتذر لأهلك كمان.
«خرج عدنان، وتحدث مع الطبيب؛ ليعلم بعقاقير السيدة، وكيفية التعامل معها أثناء فترة علاجها، ومواعيد زيارتها الطبية، مدة العلاج كاملة بكل تفاصيلها... ثم خرج عدنان لشراء العقاقير »
- اديني العنوان بقي لو سمحتي عشان اوصلك
= تماام (واخبرته بعنوان منزلها)
- كدا وصلنا اهو يلا بقى عشان ادخلك.
= مبلاش ... هتزعل اهلي عصبيين اوي.
- عادي دا حقهم لو هيكسروني يبقى حقهم.
«طرقوا الباب، وصاحب فتحه صدمة من الجميع، وتوبيخ هنا وهناك، وحدث ما كان بالحسبان، ولكن مع كل هذه التوبيخات، كان عدنان وجهه حيث قدماه، لا تعلو رأسه بعين أحد من أهلها»
= اهدوا يا جماعة ... الحمدلله علي كل حال وهو مغلطش .. هو مسابنيش خالص وفضل دايمًا معايا وعملي كل حاجه ودفع رسوم المستشفى كلها .. وانا مسامحاه ... شكرًا جدا ليك على كل حاجه تقدر تمشي عشان محدش يزعلك تاني وانا اسفة.
- اسفة على ايه يا استاذه دا حقهم يكسروني اصلا ... انا بجد اسف ليكوا كلكم ... السلام عليكم.
«خرج عدنان من منزلهم، لكن التفكير لم يتوقف، وكأن هناك حرب برأسه، وكيف لهذه الانسانة أن تكون بهذا الشكل من الطيبة والقناعة، شخصية حامدة وشاكرة»
- ياربي، دي مش بتبطل تقول الحمدلله، انت ازاي كدا يااا..... ! ، ايه دا صحيح انا معرفتش اسمها ولا حتى هي عرفت اسمي... كنا مع بعض طول اليوم وحتى مسألتهتاش على اسمها ... يلا مش مهم ... بس لا يالهوي انا هتجن هي ازاي كدا ازااااااااي ياربي بقى هتهبل انا، "مش هيبقى اكتر من اللي حصل فى حياتي" ايهدا... ايه الجملة دي يا ترى ياربي البنت دي ايه اللي حصل فى حياتها يخليها كدا ... مع إن هي عندها قناعة كبيرة جدًا وراضية وحامدة ربها علطول إلا ان انا حاسس ان البنت دي مكسورة، فى حته جواها مش مفهومة ... البنت دي رغم ثباتها اللي من برا بس انا حاسس انها تايها من جوا .... مكسورة كسرة كبيرة اوي .... ياربي بقي البنت دي ايه ..... اووووووف انا ليه عمال افكر كتير اوي كدا .. نام يا عم عدناان يلا يا دونا .. عدنونه الحلو نام بقى .. اتخمد يا عم زفت ( هههه كل دا عدنان عمال يكلم نفسه ... عدنان اتهبل )
«مر ستة أيام على يوم الحادث، لم يبقى سوى يوم واحد فقط على رؤية الطبيب، ولكن خلتل كل هذه الأيام عدنام لم يتوقف بالتفكير بها، وبكل يوم تفكيره وفضوله يزيد؛ ليعلم سر هذه البنت»
باليوم السابع باب منزا الفتاة يدق، ليفتح الوالد ويقف مستغربًا
- السلام عليكم يا حاج .. ايه اخبار حضرتك
الاب : انت .. ويش عملك هنا، ليش جاي!
- ولا حاجه بس النهاردة استشارة بنتك عند الدكتور وهي متعرفش ... اه والعلاج اللي ادتهولها كان ناقصه حاجات مكنتش فى السوق وكان لازم تاخدها عشان تخف وانا وصيت دكتور اعرفه انه يجيبه وجابهولي . اتفضل يا حاج العلاج اهو.
الاب : علاج ايش يا سيد شكرا احنا نجدر نجيب لبنتنا كل شي تخصها.
- والله انتوا ناس طيبين وانا عارف ان اكيد انتوا مش هتنقصوا بنتكم حاجة بس دا واجبي انا لازم اعمله ... علاج بنتك عليا لحد مترجع طبيعية تاني وكل استشاراتها عليا ومش هسيبها تروح لوحدها.
الاب : هاد ما يصحش يا سيد، هي بنتنا وبنعرف نجوم فيها.
- والله يا حاج انا عارف بس انا اخدت وعد على نفسي اني هتابع مع بنتك لحد متخف ... معلش يا حاج خليها تجهز باقي ساعة على معاد الدكتور ولازم نروح الوقت بالثانية عشان منتأخرش.
( وقف الوالد متعجبًا)
_اه يا حاج اكيد انت متعرفنيش ولا تعرف عني حاجه ... شوف مين هيجي معانا عشان تبقى مطمن على بنتك.
الاب: امممممم تمام انا جاي معكم
«دلف الحاج غفران إلى منزله، وأخبر ابنته بما حدث، وأن تستعد للخروج، كل ذلك وابنته مصدومة بما تسمع»
الحاج غفران : بسرعه يا بنيتي الراجل مستني برا مش عاوزين نعطله.
= وهو كتر خيره انه بيفكر .. بس لي يجي يوديني ويجبلي العلاج.
الحاج غفران: انا جولتلك يا حبيبتي.
= واحنا نقدر نجيب كل حاجة مش محتاجين مساعدة من حد كتر خيره اوي ... لو على التوصيلة احنا عندنا بدل العربيه تلاتة ونقدر نروح عادي.
الحاج غفران : كتر خيره نبجي نكلم بعدين يلا جهزي حالك بسرعة يا بنيتي.
= اللي تشوفه يا ابوي بس دي اخر مره ولازم تتكلم معاه يا حاج.
الحاج غفران : حاضر بس شهلي يا بنيتي.
= حاضر يا حاج ...
(جهزوا ومن ثم خرجوا إلى الطبيب)
شافها الدكتور وقالهم ع تطور حالتها وكدا ... بس وهما راجعين البنت دي مكنتش زي اول مره عدنان شافها فيها في الاول كانت كويسه وبشوشة جدا غير النهارده خالص .. يا ترى مالها.
- يا جماعه ان شاء الله الاستشارة الجاية بعد اسبوعين .. هاجي اخد بنتك الاستاذة...... اممم هو حضرتك اسمك اي؟؟!
= معلش بس مش عاوزه اقول اسمي لحد، اااه كمان معلش كتر خيرك بس انا هروح لوحدي بعد كدا.... كتر خيرك اوي يا استاذ عملت اللي عليك وزيادة الف شكر ليك.
- معلش يا حاج على كلامي .... بس انا مش باخد رأيك ولا أذنك يا استاذة انا بقولك على اللي هيحصل وبسكات كمان منغير كلام ... تمام عشان تبقي عارفه بس.
= لا بجد ... معلش يا استاذ كتر خيرك ... بس سوري هو مش لوي دراع وبعدين انت اللي خبطتني ووصلتني للحالة دي يبقي انت اللي تسمع مني.
- حلو اوي اديكي قولتي انا اللي خبطتك وانا اللي غلطان وانا برضو مخدتش رايك قبل ما اخبطتك واوصلك للحالة دي ... يبقي كمان هتابع حالتك وهفضل معاكي وشايل مسؤليتك لحد مترجعي زي الاول واحسن كمان.
= انت اي يا اخي اي دا انت مين طلعتلي منين بس.
الحاج غفران: اهدي يا بنيتي مش كدا اخجلي شويه.
= اوامرك يا حاج...
- اقولك انا هرد على سؤالك ... انا عدنان يعقوب .. من الواحة قريب منكوا مش بعيد واعرف الحاج غفران سمعت عنه كتير وعن طيبته وكرمه الكبير ... اها كمان انا شغال مدير تنفيذي فى شركة السياحة الكبيرة طبعا عارفينها .. بس يا ستي هو دا انا.
الحاج غفران : تشرفت بيك يا ولدي.
- الشرف ليا يا حاج غفران كان نفسي اقابلك واتعرف عليك فى وقت احسن .. بس الظروف لعله خير.... وصلنا بالسلامة يا حاج غفران، اااه يا استاذه كمان اسبوعين الساعه ١٢ هكون مستنيكي هنا عشان الدكتور.
= شكرا كتر خيرك .
نزلوا وطلعت البنت على اوضتها وراح الحاج غفران يشوف مالها لي اتصرفت كدا ... اي اللي بيحصل معاها.
الحاج غفران : مالك يا بنيتي ليش اتعاملتي مع الرجال بهي الطريجة ومش عادتك انك تجعدي بغرفتك مع حالك كدا.
= مفيش حاجه يا حاج بس متضايجه شويه مش عاوزه اتعذب واحس باللي حسيت بيه تاني
كفايه كدا انا تعبت
قصة محاكاة القدر بقلم الكاتبة رنيم العشري
تعدي الايام وبرضو عدنان عمال يفكر في البنت المتقلبه اللي هو شافها.
- اي يا اخوانا اللي بيحصل دا تكونش واحدة تانية دا انا قابلت واحدة يوم الحادثة غير بتاعه الاستشارة خالص اي اللي بيحصل .. البنت الراضية الكيوت اللي شوفتها اول مرة مش زي اللي شوفتها من يومين خالص .. ياربي بقي انا مش فاهم البنت دي شكلها عنادية ومتقلبة جدًا وشكلي هتعب معاها جدًا لحد ما نخلص من الدكاترة وترجع كويسة وسليمة تاني.
( في نفس ذات اللحظه البنت دي قاعدة في اوضتها وعماله تكلم مع نفسها وتفكر كتير)
= ياربي الحادثة دي شكلها هتتعبني جدًا وتغير حياتي .. انا قاعدة كافية غيري شري وقاعدة ساكتة وراضية وحمداك يا رب .. اللهم لا اعتراض
ياربي هو لي الراجل دا طلع فى طريقي مره واحده كدا .. يارب لو هشوف منه حاجة وحشة او قربه مني دا وانه يروح معايا للدكتور هيتعبني ويأذيني تاني يارب يارب ابعده عني .. انا مش عاوزة حاجه ياربي غير اني ابقي هادية ومرتاحة وبعيدة عن المشاكل .. الحمدلله يارب على كل حاجه حصلت معايا وعلى كل حاجة بتحصل الحمدلله يارب على كل اللي انت مخبيه ليا يارب الحمدلله ... اكيد اللي هيحصلي مش اكتر من اللي حصلي قبل كدا يارب .. الحمدلله يارب على كل حال اكيد انا احسن من غيري كتير يارب ... الحمدلله الحمدلله الحمدلله.
( يخبط باب اوضته البنت )
= مين ؟؟!
الحاج غفران : انا يا بنيتي ابوك.
= اتفضل يا حاج.
الحاج غفران : انا چيت اطمن على صحتك وحالتك يا بنيتي.
= انا كويسه الحمدلله على كل حال انا كويسة يا حاج متشغلش بالك .. المهم انت وصحتك يا حاج.
الحاج غفران: والله يا بنيتي اهم شي عندي اني اشوف بنيتي واحبابي بخير وانا هبجي بخير دايما يا بنيتي.
= ربنا يخليك ليا يا حاج ويديك الصحة وطولة العمر وميحرمناش منك ابدًا يارب .. يارب متوريني اي حاجه وحشة فى اهلي وحبايبي يارب.
الحاج غفران: الله يسعدك يا بنيتي وتجومي بالسلامة وترجعي تجعدي وتحكي معنا متل الأول يا بنيتي، انا جايم لغرفتي يا بنيتي .. محتاچه مني شي.
= سلامتك يا حاج.
الحاج غفران : صحيح يا بنيتي الرچال ياللي خبطك بسيارته اتصل وسأل على صحتك .. ايش اسمه... ايوا ايوا عدنان يعجوب .. مع ان طريجتك معه كانت چاسيه چدا إلا انه طلع رچال صالح يا بنيتي ويفهم بالاصول چدًا، يلا يا بنيتي تصبحي على خير.
= وانت من اهل الخير يا حاج.
( رجعت البنت وفضلت تفكر وتكلم نفسها تاني)
= اي الراجل دا هو ازاي كدا ... لا لا دا شكله بجد طلع راجل طيب بجد .. غريب اوي دا فضل كتير يوم الحادثة بيفوقني . حتى لما فوقت مترددش ابدًا انه يوديني للدكتور وغير كل دا مترددش لحظة انه ممكن يتحبس او يتعمله محضر كان عاوز يطمن عليا وخلاص لا لا بجد دا شكله حد جدع وطيب اوي .. حتى مع اني هزقته واتكلمت معاه بطريقه وحشة جدًا الا ان هو كان ثابت على موقفه واصر انه برضو يوصلني ويفضل معايا لحد ما اخف .. يارب بقي ...
لا لا انا هنام احسن من التفكير دا.
( بعد ساعتين) = اووووووووف مكفايا تفكير يا ست هانم بقى اتخمدي اي دا ... اوووف
لما اقوم اشوف لارا نايمة ولا اي ... اوووف وانا هقوم ازاي بمنظري دا بقي مش هعرف اقوم انا كدا .. ياربي بقى عاوزة اشوف لارا ...
( تلاقي مرة واحده باب الاوضة بيترزع )
لارا : قطتييييي يا قطتي الحلوة يا توتيييي انا جيت.
= لولو حبيبة قلبي انا ... عاملة اي يا روحي انت.
( تدخل بنت كبيرة مرة واحدة بتجري )
سلفتي اسفه والله البنت چرت مني وما راح تسكت حتى تشوف جطتها .. اسفه والله يا خيتي.
= تماره .. كفايا اسف يا حبيبتي . انا مش عارفة انام وكان نفسي اشوف لارا بس مكنتش عارفه اقوم وكنت قاعدة متضايقة جدًا والله .. الحمدلله انها جت عشان كنت هبقى متضايقة اني معرفتش اشوفها.
تماره : تمام يا خيتي انا هجعد معكم لچل لارا متضايجيش ولا تخبطك.
= اقعدي يا تماره عادي... اه تماره صحيح هي لارا اكلت عشان تنام ؟!
تماره : ايوا يا خيتي لسه واكلة وتخلص جعدتها معاكي وتروح تنضف سنانها وتروح عالنوم بسرعة.
= تمام يا تماره .. انت عاملة ايه والنونو اللي بيلعب جوا عامل اي؟؟!
تماره : الحمدلله يا خيتي والله صاير يرفص فيا كل شوي ومتعبني كتير.
= ربنا معاكي يا حبيبتي .. خلاص روحي انت نامي واستريحي وسيبي لارا معايا شوية .. صح يا لولو ؟! .. يوه دي نامت حبيبة قلبي ... خلاص يا تماره غطيها وسيبيها نايمة جمبي النهارده.
تماره : اللي تشوفيه يا خيتي .. تصبحي على خير.
= وانت من اهل الخير يا تماره .
( طلعت تماره من الاوضة .. قعدت البنت تلعب فى شعر لارا لحد ما راحت فى النوم )
تصحى تاني يوم البنت على اجمل حاجه تخليها تفصل ضحك ...
صحت ولقت لارا ماسكه الالوان ومش سايبه حتة فى الجبس إلا وملونه عليها.
= ايه دا يا لولو بتعملي اي يا قمري انت!
لارا بصتلها وضحكت ضحكة كدا جميلة جدًا.
= يا قلبي انت احلى صباح عليكي ياروحي ...
خبط الحاج غفران واحمد اخو البنت على باب الاوضة ودخلوا
احمد : صباح الخير يا جمرات .. كيف احوالكم ؟!
الحاج غفران : صباح الخير يا بنيتي .. كيف صحتك ؟!
= الحمدلله يا حاج.. صباح النور يا احمد
( احمد شال لارا )
احمد : لولو جمر الدار ... صباحك فل يا جلبي ( فضل يبوس فيها ويشيلها يحدفها ويلقطها كتير والكل بيتفرج ومبسوط)
= خلي بالك يا احمد .. ربنا يخليك للارا ويخليك لينا كلنا يارب.
احمد : ويخليكي ليا يارب ... يلا يا حبيبتي الفطور مستني ( سندوا البنت وحطوها على الكرسي بتاعها واخدوها واخدوا لارا عشان يفطروا مع بعض )
الحاجة سامية : هلا هلا بدور الدار هلوا علينا .. هلا هلا بيكوا ... لارا جلب ستها صباحك فل يا بنيتي .. كيفك يا بنيتي كيف صحتك ؟؟!
= الحمدلله يا امي انا بخير الحمدلله .. الحمدلله
تماره : صباح الخير يا خيتي .. اخبارك؟!
= صباح الفل يا تماره .. الحمدلله انت اي اخبارك والنونو اللي جاي عامل اي
تماره : الحمدلله يا خيتي . ...
اعطوني الصغيره لولو .
( قعدوا زي العاده عشان ياكلوا كلهم مع بعض ... وخلصوا فطارهم .. التلفون بيرن ....)
احمد : انا هرد يا چماعه .. السلام عليكم .
- وعليكم السلام .. معاك عدنان يعقوب ... ممكن اكلم الحاج غفران.
احمد : يا هلا والله باستاذ عدنان .. معاك احمد ابن الحاچ غفران
( البنت فى اللحظه دي اتفجعت ... عدنان يعقوب ... ياربي بقي بيتصل ليه دا )
- اهلا احمد اتشرفت بمعرفتك .. عامل اي ؟!
احمد : بخير الحمدلله يا استاذ
عدنان .. كيف احوالك انت!؟
- الحمدلله بخير ...
احمد : اتفضل الحاچ غفران معك.
الحاج غفران : السلام عليكم يا ولدي .. اخبارك!
- وعليكم السلام يا حاج غفران .. انا تمام الحمدلله انت ايه اخبارك ؟!
الحاج غفران : الحمدلله يا ولدي انا بخير.
- حبيت اطمن عليك وعلى بنت حضرتك اي اخبارها دلوقتي وبالمرة ااكد عليكم معاد الدكتور بكرا الساعة ١٢ الضهر بإذن الله انا هعدي اخدكم.
الحاج غفران: الحمدلله بخير يا ولدي .. انا فى انتظارك يا ولدي.
( قفل الحاج غفران مع عدنان وراح لبنته وقالها...)
الحاج غفران: يا بنيتي بإذن الله تعالى بكرا معاد الدكتور الساعه 12 الضهر.
= اللي تشوفه يا حاج
( عدى اليوم الحمدلله .... تاني يوم)
الحاج غفران على باب اوضه بنته : صباح الخير يا بنيتي چهزتي حالك ولا لسه؟!
= صباح الخير يا حاج ادخل انا خلصت.
( دخل الحاج غفران)
تماره : صباح الخير يا حاج غفران ... انا چهزت خيتي وهي چاهزة عشان تروح الدكتور.
الحاج غفران : صباح النور يا غالية .. تشكري يا حبيبتي.
( وصل عدنان ... وطلع احمد لاوضه اخته )
احمد : يا حاچ الاستاذ عدنان واجف تحت.
الحاج غفران: دخله يا ولدي وسوي معه واجب الضيافة.
احمد: والله يا حاچ انا اصريت على انه يدخل بس هو يرفض.
الحاج غفران : انا هنزل اشوفه .. وانت نزل اختك يا ولدي
احمد : اوامرك مطاعة يا حاچ.
الحاج غفران : تسلم يا ولدي...
( نزل الحاج غفران لعدنان )
الحاج غفران: يا هلا فيك يا رِجال يا طيب.
- يا هلا بيك يا حاج غفران ...
الحاج غفران : تعالى معي يا ولدي خد واجب ضيافتك.
- مفيش وقت يا حاج غفران يدوب نلحق معاد الدكتور.
الحاج غفران: والله مايصير يا ولدي انت فى دار الحاچ غفران ولازم تاخد واجبك.
- بس يا حااا....
الحاج غفران: خلص الكلام يا رجال .. الحاج غفران جال كلمته ... يلا.
- ههههه اللي تشوفه يا حاج
( دخلوا البيت واخد ضيافته وطلعوا ركبوا العربيه ورايحين على الدكتور )
= اسفه يا استاذ عدنان على اللي حصل اخر مره ... بس بجد مكنتش عاوزه اتعبك معايا.
- لا تعب ولا حاجة يا استاذه تعبك راحك..
الحاج غفران: صحيح يا ولدي انت لهجتك ليش تشبه الاسكندرانية.
- اقولك يا حاج .. انا والدي ووالدتي منفصلين من وانا صغير .. وابويا اخدني وسافرنا على السعوديه فضلنا قاعدين هناك لحد ما انا خلصت دراستي واشتغلت هناك في شركه السياحه اللي انا فيها دلوقتي بس فرع السعوديه .. ولما حبينا ننزل نزلت على اسكندرية عشان الشركة نزلتني انتداب فى اسكندرية بس قعدت سنتين بس ووالدي نزل على هنا عشان احنا اصلنا هنا فى مطروح الواحة .... ولما ولدي تعب في اول السنادي رجعت مطروح عشان اقعد معاه بس الله يرحمه بقي.
الحاج غفران: الف رحمه ونور عليه يا ولدي ربنا يرحمه.
= الله يرحمه ويجعل مأواه الجنة يارب.
- بس هي دي حكايتي.
الحاج غفران : وانت متعرفش طريق امك يا ولدي معندكش اخوات ؟!
- لا اعرف وعلى صله كمان بأخويا الكبير وساعات بنتقابل ... كل واحد فى حته بقي يا حاج وكل واحد مشغول بحياته.
الحاج غفران: ربنا يهديكم يا ولدي للطريج الصواب.
- امين يا حاج.
الحاج غفران : منى بنيتي برضو يا ولدي عاشت سبع سنين فى اسكندرية درست واشتغلت هناك فترة كبيره عشان كدا لهجتها برضو غير لهچتنا.
- ايوا يا حاج اخدت بالي ان طريقتها اسكندرانية.
- اتشرفت بيكي يا استاذة منى.
= الشرف ليا .. تسلم.
_ وصلنا بالسلامة يا حاج غفران.
الحاج غفران : الحمدلله يا ولدي يلا يا ولدي الغدا چاهز ومنتظرك.
- لا والله مش هينفع .. انا يادوب اروح قبل الليل.
الحاج غفران : مايصير يا ولدي انا چولت لنسوان الدار يحضروا الغدا وهو چاهز الحين ... يلا يا ولدي الغدا هيبرود .. ودارك چريب يا ولدي .. لازم ناكل عيش وملح مع بعضنا.
- اللي تشوفه يا حاج غفران.
الحاج غفران : احمد يا احمد ... فينو احمد ....
- عاوز حاجه يا حاج غفران.
الحاج غفران: لا يا ولد بس محتاچ احمد يساعدني ننزل خيته.
- انا موجود يا حاج غفران بعد اذنك انا هنزل الاستاذة معاك.
الحاج غفران: لا يا ولدي كتر خيرك ما بدي اتعبك.
- تعبك راحة يا حاج غفران... ودا واجبي انا قولت اني هساعدها بكل حاجه لحد ما ترجع كويسه تاني.
قصة محاكاة القدر بقلم الكاتبة رنيم العشري
الحاج غفران: اللي تشوفوه يا رچال يا طيب ... بسم الله يا ولدي نزل الكرسي معي.
- حاضر يا حاج... بسم الله
( نزلوا مني ودخلوا البيت )
الحاج غفران: السلام عليكم.. فينكم يا اهل الدار
تماره: الف حمدلله على سلامتكم يا حاچ ...
الحاج غفران: الله يسلمك ياالغالية.
تماره: كيفك يا خيتي .. تعي انا باخدك تغسلي يدك.
= الحمدلله يا تماره .. يلا ببنا بس خلي بالك على اللي في بطنك.
تماره : ربنا معنا يا خيتي .. خلينا نروح.
= تمام
تماره : استاذ عدنان بعد اذنك.
- اتفضلي .
الحاج غفران: يا ام احمد .. وينك يا ام احمد؟
الحاجه ساميه : السلام عليكم .. حمدلله علي سلامتك يا حاچ ... كيفك يا عدنان يا ولدي
- الحمدلله بخير يا حاجه .. اخبارك اي؟!
الحاجه ساميه : الحمدلله يا ولدي .. ما توخذني على التأخير يا ولدي... كنت بحضر الچاعده للغدا.
- ولا يهمك يا حاجه.
الحاجه ساميه: بينا يا چماعة الغدا هيبرود.
الحاج غفران: يلا يا ولدي.
( راحوا وقعدوا زي عادتهم)
الحاج غفران : وينوا احمد يا حاچة.
الحاجه ساميه: احمد مع لارا بالغرفة فوج .
الحاج غفران: خير خير
الحاجه ساميه: تماره يا بنيتي چيبي احمد وخيتك منى وتعي يا بنيتي.
تماره : حاضر يا حاچة.
( بعد 5 دقايق)
احمد: السلام عليكم يا حاچ.
الحاج غفران: وعليكم السلام يا ولدي.
احمد: السلام عليكم يا استاذ عدنان .. كيفك.
- وعليكم السلام يا استاذ احمد .. الحمدلله انت اي اخبار صحتك؟!
احمد : بخير الحمدلله.
تماره : چينا يا حاچة.
الحاج غفران: فينا حبيبة چدها يا احمد يا ولدي.
= ايوا صحيح فين لارا مشوفتهاش من ساعه موصلنا البيت.
احمد: لا تچلچم يا چماعه .. لارا نايمه، نامت ونحنا بنلعب.
الحاج غفران: نوم العافية لچلب چدها الچمر.
= يا قلبي شكلها تعبت النهارده.
الحاجه ساميه: بسم الله يا چماعة.
( اكلوا كلهم وخلصوا وتماره عملت الشاي وكل حاجه تمام )
- شكرا يا جماعة ..شكرا يا حاج غفران على اليوم الجميل دا والاكل كان جميل جدا تسلم ايدك يا حاجة وتسلم ايدك يا استاذة تماره على الاكل والشاي ... بجد النهارده اليوم كان جميل ومليان هزار وضحك بقالي سنين معشتش اللمه الحلوة دي ... بجد شكرًا.
الحاج غفران: الشكر لله يا ولدي .. انا سعيد جدًا لمعرفتك.
- طيب استأذن انا بقى الوقت اتأخر جدًا.
احمد : لا يا استاذ عدنان الوچت مو متأخر ... خليك معانا نلعب شطرنچ.
- اوووو لا مسكتني من الحتة اللي بتوجعني .. انا بعشق الشطرنج .. بس مش النهارده نعوضها فى قاعدة تانية بإذن الله انا يدوب الحق اروح دلوقتي انام شويه عشان شغلي بكرا ... اه يا احمد اديني بقول احمد اهو عادي .. بلاش استاذ عدنان دي .. حلوة عدنان بس.
احمد : تمام يا عدنان نلعب فى وچت تاني.
( روح عدنان البيت وعمال يفكر كتير في اليوم)
- ياربي على اليوم والناس الطيبة جدًا دي ولا بنتهم دي بجد بجد هبلتني اوي .. احيه دي شكلها عندها انفصام فى شخصيتها انا لحد دلوقتي شوفتها 3 مرات كل مرة بشكل وشخصية مختلفة جدًا .. ياربي بقى .. بس برضو انا مصمم ان البنت دي فى كسرة كبيرة وعقدة فى حياتها معرفش لي بس حاسسها فيها حاجة غريبة جدًا غريبة اوي ... مع انها طول الوقت فرفوشة وبتهزر مع كل العيلة
الله بجد على دي عيلة ربنا يزيد المحبه والاحترام بينهم بجد ماشاء الله عليهم
عدناااااااااان انت كل يوم على كدا يا اخي متنام بقي يا دونا بقي الله والله كدا ميصح نام بقي فى شغل بكرا ( عدنان بيكلم نفسه)
عدي شهر ونص على الجبس بتاع منى .. بدأت منى تنزل مع عدنان عشان تروح للدكتور منغير الحاج غفران .. خلاص بقى عدنان بقى يعتبر واحد من العيلة
في يوم وهما رايحين للدكتور
- هو انا ممكن اقولك منى منغير استاذه؟
= ايوا طبعا ممكن ومنغير متسأل كمان.
- تمام يا منى
- تصدقي ان الايام بتجري بسرعة جدًا ومش بنحس بيها ابدًا .. هي الأيام الحلوة كدا .. بقالك شهر ونص بالضبط عاملة الحادثة واهو الحمدلله النهارده هتفكي جبس ايدك.. اسف يا ستي على الشلفطة اللي انا عملتهالك دي.
= اسف على ايه بس انا اللي المفروض اتأسفلك اني معطلة حياتك ومعطلاك جامد كدا ... اهو هانت كلها حبه ايام انشاء الله وتستريح مني.
- ايه ... هانت !!!!
= اها هانت خلاص وتستريح مني.
- ( بيوشوش نفسه) قال استريح قال دا انا اكسرها تاني واريح نفسي احسن بقي هه دي شكلها هابلة.
= بتقول حاجه؟
- ايه. .. لا لا بقول مفيش تعب انشاء الله تخفي وتقومي بالسلامة.
= الله يسلمك يارب.
- يلا يا ست منى ادينا وصلنا للدكتور.
=تمام
( دخلوا للدكتور وطمنهم وشال جبس ايدها وقالها اسبوع مع التمرينات وترجعي كويسة تاني بس شرط لمدة اسبوعين متسنديش عليها جامد ابدًا .... وباقي اسبوعين وتفك جبس رجلها وتمرينات اسبوعين كمان وترجع بخير)
بعد ما عدنان سمع كلام الدكتور
عدنان : اوووووف شهر واحد بس اللي باقي ياربي بقى لازم افكر كويس.
= هانت يا عدنان باقي اسبوعين وافك الجبس وتخلص مني بقي هههه.
- لا وانت الصادقه باقي شهر يا استاذة
.
= شهر !!!! شهر اي كمان انا مصدقت.
- ايوا شهر الدكتور قال اسبوعين وتفكي الجبس وبعدين اسبوعين تمارين .... طابق على نفسك كمان شهر والله شكلك مش طيقاني وانت اللي عاوزة تخلصي مني بسرعة وخلاص.
= هاااااا !!!؟ انت بتقول اي الله!
- هههههههه بهزر معاكي.
= ماشي يا عدنان.
- ايه رأيك فى اكله سمك دلوقتي من اللي قلبك يحبها.
= سمك ... واكل؟!!
- اه سمك ... مش بتحبي السمك ولا اي؟!
= انت بتهزر دا عشقي السمك بس..
- بس ايه؟!
= اكل ايه دلوقتي احنا مروحين خلاص.
- يا ستي مره من نفسنا.
= لا لا بلاها ( واتغير شكل مني)
- بس ليه انا دخلت بيتكوا واكلت معاكوا وانت مش راضية.
= معلش معلش مش هينفع ..اه صح الحاج مش عارف فمش هينفع ( وهي متلجلجه فى الكلام)
- خلاص تمام .. نخليها وقت تاني
روحها ودخل البيت عشان يسلم على الجماعة.
قصة محاكاة القدر بقلم الكاتبة رنيم العشري
- يا حاج غفران احوالك؟!
الحاج غفران : يا مراحب بيك يا رجال يا طيب... كيف احوالك يا ولدي؟!
- الحمدلله يا حاج بخير.
الحاج غفران: يا رب دايما يا ولدي تكون بخير وصحتك عال.
- انا وانت يارب ... ربنا يخليك يا حاج غفران ويديك الصحة وطولة العمر.
الحاج غفران: تسلم يا ولدي.
- عندي طلب يا حاج غفران ومش عاوزك ترفض لو سمحت ...
الحاج غفران: اتفضل يا ولدي.
- الاستشاره الجايه عند الدكتور هنفك جبس رجل مني ... ف.....
الحاج غفران: الحمدلله على سلامتك يا بنيتي .... كمل يا ولدي طلبك.
- كنت عاوز اعزم منى برا نتغدا واهو نبقي احتفلنا بسلامتها تاني.
الحاج غفران: طبعا يا ولدي ... بدون اذن انت تاخد منى وتروح متل ما بدك لوين ما بدك يا ولدي .. انت رجال صالح والكل يعرف هاالشي.
- تسلم يارب يا حاج غفران..... طيب استأذن انا بقى عشان شغلي الصبح.
( مني واقفه مصدومه من اللي بيحصل ومرة واحدة قالت )
= ليه كدا يا حاج؟! .. ليه توافق انت عارف اني مش عاوزة ومش بحب كدا ابدا .... ليه عملت كدا انا يستحيل اخرج معاه فى اي حته، مستحيل تماره تماره تعالي معلش خديني من هنا.
تماره : حاضر يا خيتي.
( طلعت اوضتها وتماره سابتها)
= ليه كدا يا ربي لي بيحصل فيا كدا ... انا مش عاوزة اقرب من حد انا لأهلي وبس، مستحيل اروح معاه في حته بعد اسبوعين مستحيل، لازم ادور على حجة عشان اتهرب منه .. الحمدلله يارب على كل حال الحمدلله يا رب على كل اللي فات واللي جاي واللي انا فيه يارب الحمدلله الحمدلله.
الحاج غفران: يا بنيتي يا منى.
= نعم يا حاج، اتفضل ادخل.
الحاج غفران: انا تركتك لحالك تهدي يا بنيتي بس انا بدي اعرف مِتى ينتهي تعذيبك هاد لحالك يا بنيتي؟!
= عذاب، انا مش بعذب نفسي يا حاج غفران.
الحاج غفران: انسي الحاچ غفران هاي يا بنيتي، ارچعي اتذكري اني ابوكي يا بنيتي من تلات سنين راحوا وانا مشتاچ لكلمه بابا الحنينة يلي بتچوليها يا بنيتي ( وبكى الحاج غفران) .... والله يا بنيتي مشتاچ لمنى الملاك الصغير چلب ابوه ... اشتچتلك يا بنيتي.
( مني مصدومة ومبرقة)
الحاج غفران: تعي بحضني يا بنيتي مشتاچلك ومشتاچ لحضنك، انت رچعتي صحيح بس ما انت بنيتي يلي انا بعرفها، تعي بحضني يا بنيتي سمعيني كلامك الحلو ... مشتاجلك يا بنيتي.
( اخد منى فى حضنه براحة واتفتحوا فى العياط هما الاتنين)
الحاج غفران: انسي يا بنيتي ... ابكي يا بنيتي ابكي ابكي وانسي الماضي يا بنيتي ... ارچعي متل الاول بنيتي.
فضلوا قاعدين والحاج غفران عمال يكلم منى وهي تعيط لحد ما تعبت ونامت فى حضنه زي الاطفال.
الحاج غفران: نمتي متل الاطفال الصغار يا بنيتي ... غرچتي بنومك واحلامك متل عادتك وانت صغيرة وانت بحضني يا بنيتي ... بحبك يا بنيتي .. تصبحي على ألف خير يا جلب ابوك.
( راح الحاج غفران اوضته)
الحاج غفران: نفسي بنيتي ترچع متل الاول يا ام احمد.
الحاجه ساميه : مسيرها ترچع يا حاچ وندر عليا وبرجبتي اذا بنيتي رچعت متل عادتها جبل تلت سنين والله والله وحلفان يحاسبني عليه ربي اني رح ادبح دبايح بيدي وافرجون على الخلج.
الحاج غفران: ادعي يا حاجة وربنا يتجبل دعائك.
( تاني يوم يصحى الكل الفجر على صويت جامد من تماره )
الحاج غفران: بسم الله الرحمن الرحيم ...
الحاجه ساميه : ايش يصير يا ولاد.
احمد بيصوت: الحچوني يا چماعة تماره بتولد ...
الحاجه ساميه: بسم الله الرحمن الرحيم .... چاية يا ولدي.
( الحاج غفران راح جاب منى من اوضتها )
=في ايه يا حاج؟
الحاج غفران: تماره بتولد يا بنيتي.
= بس لسه معادها..
وصلوا عند احمد
= فى اي يا احمد دي لسه معادها.
احمد : مابعرف يا منى.
= اطلب الاسعاف يا احمد هتفضل تصوت وخلاص.
احمد: عندك حچ يا خيتي ...
( اتصلوا بالاسعاف وولدت ولد)
احمد : سمي يا حاچ امسك يا حاچ اذنله.
الحاج غفران: بسم الله الرحمن الرحيم.... بسم الله ماشاء الله تبارك الله ( واذن فى ودن الولد)
= هتسميه اي يا احمد.
احمد: سَليم يا خيتي.
= بسم الله ماشاء الله اسم جميل جدًا ربنا يباركلك فيه ويتربى فى عزك يا رب.
احمد: تسلمي يا حبيبتي.
الحاج غفران: عاشت الاسامي يا ولدي..... سليم احمد غفران
طلعت تماره طبعا من المستشفى ومعاها سليم .. اصغر حفيد فى العيلة وروحوا البيت وبدأ خبر ولادة تماره يتنشر فى الواحه وكل الأهل والأحباب بدأوا يعلموا بالخبر المفرح دا .... بعد يومين راح عدنان بيت الحاج غفران عشان يبارك.
- السلام عليكم يا جماعة.
الحاج غفران: وعليكم السلام يا ولدي .. والله نورت الدار بچيتك هي.
- دا نورك يا حاج غفران.
= وعليكم السلام يا عدنان.
- منى اخبارك ايه؟
= الحمدلله بخير.
- اخبارك يا حاج غفران ليك واحشة والله.
الحاج غفران: الحمدلله بخير يا ولدي انت كيفك يا ولدي.
- الحمدلله تمام
- امال فين احمد عاوز اباركله.
الحاج غفران: بغرفته يا ولدي.
- تمام ..... اه صحيح خدي الورد دا يا منى لمرات احمد دا ليها.
الحاج غفران: مكلف نفسك يا ولدي والله.
- مفيش تكلفة ولا حاجة.
( جه احمد وقعد معاهم، واخد عدنان قعدته ومشي ...... تعدي الايام يوم ورا التاني ويجي معاد الدكتور.... ومنى رايحة مع عدنان)
- اخبارك ايه يا ست منى؟
= الحمدلله وانت.
- الحمدلله بخير.
( راحوا للدكتور وخلصوا معاه وراجعين)
- تحبي نروح انهي مطعم .. تحبي تتغدي ايه؟
= غدا ايه انت متعرفش ان النهارده عقيقه سليم ولازم ابقي معاهم فى البيت.
- بس انت اصلا مش هتعرفي تعملي معاهم حاجة.
= ولو بس برضو لازم ابقى موجودة معاهم وابقى وسط العيلة.
- اه ...... تمام
= انت كدا كدا جاي النهارده وهتبقى معانا .... اديك جاهز اهو تعالى اقعد معانا بقيت اليوم.
- تمام بس لسه مجبتش الهدية.
= لا هدية ايه مفيش داعي.
- لا طبعا ميصحش انا هروحك واروح اغير واجيب الهدية واجي.
= تمام ... انت حر
- تمام
( روحوا وراح عدنان ورجع تاني عند الحاج غفران)
- السلام عليكم يا جماعة.
الحاج غفران : وعليكم السلام يا ولدي.
احمد: وعليكم السلام يا عدنان.
الجماعه اللي قاعدين : وعليكم السلام.
الحاج غفران : تعي يا ولدي اعرفك على الرجال..
الحاج غفران : هاد اخوي سعيد
واخوي محمد
واخوي موسي
والحاچ مصطفي والد تماره
و تامر اخوها لتماره
وعامر اخو تماره الصغير
و ... و... و... و...
- اتشرفت بيكم يا جماعة والله.
الجماعه : الشرف لينا.
الحاچ سعيد: عرفنا على الرجال الطيب يا حاچ غفران.
الحاج غفران: هاد عدنان يعجوب .. چارنا وهو اللي خبط منى بنيتي بالسيارة بس والله رچال طيب وابن اصول والله وما تركنا دجيجة واحدة ومتحمل مسؤلية منى كاملةً لترچع بخير من چديد.
الحاج سعيد: الرچال الطيب بيبان على چبهته طيبته والله يا حاچ غفران وها الرچال وشه سمح وترتاح العين متى تشوفه.
الحاج غفران: كلك حج يا اخوي والله.
- تسلموا يا جماعة والله انا مش عارف اقولكم اي كلامكم دا على راسي من فوق والله.
الحاج موسي: كلك ذوج يا ولدي
( ينادوا على الستات وعلي تماره عشان يقعدوا معاهم ويشوفوا المولود)
- احمد اتفضل دي هدية سليم
احمد: علي ايه كل دا يا اخوي يكفي جيتك هي وتشريفك.
- حبيبي .... ألف مبروك ليك ..... لو ممكن ادي تماره الهدية بتاعتها.
احمد: طبعا يا اخوي انت صرت واحد من العيلة ... اتفضل.
( راح لتماره وهي قاعدة جنب منى )
- ام سليم الف مبروك وحمدلله على سلامتك وسلامة سليم يارب ... اتفضلي دي هديتك عشان قومتي بالسلامه وجبتيلنا سليم الجميل ربنا يحفظه يارب.
تماره : الله يسلمك يا اخوي ما كان فى داعي للتكلفه والله.
- مفيش تكلفه والله .. المهم سلامتكم، طبعا مكنش ينفع انسي عمة سليم ولارا القمر كمان.
- اتفضلي يا منى الورد دا عشانك.
= بس دا لي؟
- اقولك انا ...
= قول.
- اصل انا قولت اعمل حاجة جديدة بقي بما ان كلكم تعبتوا مع تماره يبقى لازم تتكافؤا كلكوا.
= نتكافئ اي بس دا انا لازم اكافئ تماره واشكرها علطول عشان اللي عملته معايا طول الفتره اللي فاتت
... تماره دي اختي اللي مجابتهاش امي.
تماره: يا خيتي والله كلامك بيخچلني كتير.
= بصي يا تماره انا جبتلك حاجة كدا ويارب تعجبك.
تماره: مافي داعي يا خيتي.
= تعالي البسهالك ( وطلعت سلسلة دهب ولبستها لتماره ) يارب تعجبك.
تماره : ماشاء الله يا خيتي هي چميلة والله چميلة.
= حبيبتي الحمدلله انها عجبتك ... اه والخاتم دا لليمو الحلو بتاعنا.
تماره: والله هيك كتير يا خيتي والله
= مفيش حاجه تغلى عليكوا يا تماره.
= وشكرا يا عدنان علي الورد ... تسلم.
- اتفضلي دا هديه مجي سليم بالسلامه هديه سلامتك انت بقي هتاخديها بعد اخر استشاره للدكتور بإذن الله.
= هههههههه كتير اوي كدا والله.
- لا كتير ولا حاجه.
- لولو القمر بتاعتنا خدي دي ليكي.
= خديها يا لولو وقولي لعمو شكرا.
لارا: شكرا.
- العفو يا قلب عمو.
( عدت الايام وباقي يوم علهي اخر استشارة للدكتور)
- ياربي ايه انسب هدية ممكن اجيبها لمنى، انا فكرت كتير بس لا برضو محتاج حاجه احسن، فكر يا عدنان فكر فكر ..... اهو لقيتها خلاص هو دا اللي انا هعمله.
( مني فى بيتها قاعدة تفكر )
= الحمدلله يارب انها عدت ومخرجتش معاه ... الحمدلله اهي جت من عند ربنا وجت عقيقة سليم مخلتنيش روحت معاه فى حته الحمدلله برضو انه مطلبش اننا ننزل في اي وقت .... مش عارفه حساه فيه حاجه غلط انا خايفه والله.، اهو الحمدلله هانت بكرا اخر مره اشوفه
تاني يوم ::::::
- السلام عليكم يا احمد ... انا جيت اخد منى
احمد: وعليكم السلام، ثواني انادي عليها.
( جت مني وراحت معاه للدكتور وكدا خلاص راجعة طبيعية تاني ويمكن احسن من الاول كمان )
- الحمدلله علي سلامتك يا منى
= الله يسلمك يارب
- يلا بينا بقي حجزت حته مكان الاكل فيه تحفة
= مكان اي انت بتقول ايه!
- لا لا زهايمر مش عاوز ... انا استأذنت من الحاج غفران من زمان قالي اروح بيكي اي مكان ومعرفناش نروح يبقي النهارده نروح وانا رتبت كل حاجه خلاص واهو كمان اديكي هديتك.
= بس.....
- منغير بس، حسم الامر خلاص
= ياربي بقي انا كنت عماله احمدك بليل عشان مروحتش معاه فى حتة يجي النهارده يحصل كدا لي كدا يارب .....
( راحوا المكان اللي قالها عليه)
- تحبي تاكلي ايه؟
= شوف انت انا عادي اي حاجه.
- تمام
( طلبوا الاكل وخلصوا شربوا عصير والدنيا كلها تمام واليوم زي الفل )
- بصي يا منى الحته اللي هناك دي بتبص على البحر وشكلها حلو اوي تعالي نروح نقف.
= تمام يلا بينا ... تصدق شعور حلو اوي ان الواحد بيمشي من غير كرسي ولا حتى مساعدة.
- انا اسف.
= لا اسف على ايه ... يعني انا غلطانة اني بتكلم معاك يعني.
- لا يا ستي اتكلمي عادي.
( راحوا ووقفوا فى المكان دا)
= الله ... الهوا هنا جميل اوي والجو تحفه ما شاء الله، اي الشعور الجميل دا ... يااااااه بقالي سنين محستش بيه.
- هتحسي بيه كتير اصبري بس.
= الله الحمدلله يارب ( وفتحت ايدها للهوا )
- استني كدا ( ونزل عدنان على الارض وفى فإيده حاجة )
= نعم ... انت نزلت فى الارض ليه كدا؟!
( طلع خاتم ) - تتجوزيني؟!
( مني وقفه مبلمة ومش بتتحرك)
- منى تتجوزيني ؟! .... منى انت سمعاني ... تتجوزيني يا منى؟!
( قام وقف ) منى .. هههههههه منى اي الصدمه دي ... تتجوزيني!
= أ أ أ أ
- بتلقلقي لي هههههه تتجوزيني؟
= انت اتهبلت يا عدنان اتجوزك ايه انت مجنون ... انت مين انت عشان تكلمني كدا ولا تطلب مني حاجه زي دي.
- اي .... مجنون انت بتقولي ايه!
= لا اقول ايه ولا تقول ايه... انت متعرفنيش اصلا..... اوعي كدا خليني اتنيل اروح.
- تعالي هنا واسمعيني للأخر.... انا بحبك .. حبيتك واتعلقت بيكي ومكنش ينفع اخليكي تمشي كدا ودا يبقي اخر يوم اشوفك فيه، بحبك وعاوز اتجوزك.
= سمعنا الكلام دا كتير ... بص بقى انت متعرفنيش انساني خالص .. ولا كأنك تعرفني وابعد عني خالص
- اي متعرفش عني حاجه دا انا اعرف عنك كل حاجة.
= لا متعرفش ... لو كنت تعرف مكنتش زمانك واقف دلوقتي وبتقولي الكلام دا، سلام يا ابن الناس الطيبة.
( مشت منى وعدنان مش عارف ينطق)
روحت منى البيت وطلعت على اوضتها من غير محد يعرف انها روحت اصلا .... طلعت منغير محد ياخد باله خالص
= ياربي انا قولت خلاص هبدأ استقل بحياتي واعيش مع اهلي مش هعرف حد يوجعني تاني، لي كدا ياربي اللهم لا اعتراض يا رب الحمدلله اللهم لا اعتراض، دا اكيد اتجن عشان عاوز يتجوزني وقال يعرفني قال دا بيحلم ... الحمدلله يارب الحمدلله.
(فضلت قاعده كتير وبعدين لقت نفسها مخنوقة طلعت على سطح البيت وكل دا محدش يعرف انها فى البيت..... الوقت عمال يجري ساعة تعدي ساعة والتانية تجر التالتة...)
- استغفر الله العظيم .... هو انا كل ما اقول فهمت البنت دي تحصل حاجه تعرفني العكس .. كل ما اطلع خطوة ترجعني عشرة ورا لا عشرة اي دي بترجعني ألف خطوة لورا ..... ايووو عليكي يا منى انا بجد مش فاهمك بجد .. وانا اللي قولت هعملها مفاجأة وكنت متأكد انها مش هترفض طلبي وهتوافق على الجواز مني... ياربي بقي، ايه دا صحيح هو ايه اللي معرفش عنها حاجه دي هابلة دي اقسم بالله هه قال انا معرفش عنها حاجه دا انا عرفت العيلة واحد واحد، ديي.... ( يقطع كلام عدنان مع نفسه رنه موبايله )
- الله لو طلعت هي الله، لا دا طلع الحاج غفران.
- السلام عليكم يا حاج غفران.
الحاج غفران : وعليكم السلام يا ولدي ... كيفكم ... اعتجد كفايا ارجعوا للدار يا ولدي.
- مين اللي يرجعوا يا حاج.
الحاج غفران: انت ومنى يا ولدي.
- ايه!!!!!!! انا ومنى... هي لسه مرجعتش!
الحاج غفران: هي مو معك يا ولدي؟
- لا انا سايبها من أربع ساعات يا حاج تقريبا او اكتر.
الحاج غفران: وينك يا بنيتي يارب جيب العواجب سليمة يارب.
- انا جاي يا حاج ... سلام.
الحاج غفران: تعال يا ولدي.
( وصل عدنان عندهم والبيت مقلوب خالص)
- ايه يا جماعة هي ازاي مرجعتش
احمد، تركت خيتي وحدا كيف؟
- احنا اتخانقنا وهي مشت.
الحاج غفران: اتخانجتوا كيف؟
- نلاقيها ونتكلم يا حاج.
- طب دورتوا عليها في البيت.
تماره: لا.
- طب دوروا كويس.
(بعد فتره بيدورا)
احمد: ما لجيناها.
- طب وبعدين.
لارا: قطتي قطتييييي .... عاوزة قطتي ( وهي بتتنطت وقعت وكل العيله قامت تصوت ولارا بتعيط)
= ايه الصوت والصويت دا .... احيه دا الوقت شكله اتأخر ... لما انزل بقى.
( نزلت )
= بسم الله في ايه اي اللي حصل؟
- انت كنتي فين يا استاذة.
= على السطح وانت ايه اللي جابك هنا انا قولت مش عاوزة اشوفك.
- انت تخرسي خالص مش كفايا القلق اللي عيشتينا فيه انت ايه انت؟ مصنوعه ازاي ... اي الجبروت والبرود دا .. خوفتيني جدا حرام عليكي يا شيخة.
= انت مين انت اصلا عشان تخاف عليا؟
- هو اي اللي مين وبعدين من حقي اخاف عليكي لو كان حصلك حاجه كنت مت.
= وتموت لي؟
- بحبك بحبك ولو حاجة حصلتلك اموت انت مجنونة انا بعشقك.
= انا قولتلك ابعد عني انت متعرفش عني حاجة.
- هو اي ابعد دي انا بحبك وهتجوزك وعارف عنك كل حاجة.
= ابعد وانت اهبل كدا ... قال يعرف قال.
( كل البيت متنح مش فاهم حاجه .... قامت لارا جرت عليها )
لارا : قطتي قطتي.
= مالك يا قلبي .. سلامتك ... تعالي يا روحي تعالي .
( طلعت على اوضتها وسابتهم)
الحاج غفران: ايش يصير يا ولدي؟
- يا حاج غفران: انا عاوز اتجوز بنتك وقولتلها و......... ( حكاله عن كل حاجة حصلت )
الحاجه ساميه : دا يوم المنى يا ولدي.
الحاج غفران: انت حجيجي متعرفش عنها حاچه يا ولدي اطلع اتكلم معها.
- انا اعرف كل حاجة يا حاج بس ماشي.
( الحاج غفران اخده وطلع اوضتها)
الحاج غفران: اتكلموا بهدوء شوي
( وسابهم ومشي )
- انت اكيد اتهبلتي عشان بتقولي اني معرفكيش انا اعرف حياة كل واحد فعيلتك.
= انت تعرف اللي احنا بنظهره بس.
- غلطانة.
= هنشوف، قول انت تعرف ايه.
- اسمك منى وجميلة جدًا ماشاء الله بنت محترمة ومتربية ومش مفهومة ابوكي راجل طيب كل الناس بتحبه وهو يتحب اصلا واخوكي شاب جميل ومراته طيبه ولاده ربنا يبارك فيهم وكل العيله محترمه .... انا لو اتكلمت من هنا للسنه الجايه مش هكفي كلام عنكم .... انت بجد اطيب واحن واجمل حد انا شوفته .... انت بجد مش عارف عملتي فيا اي ازاي حبيتك كدا ... انا بجد بعشقك.
( مني بتعيط )
- بس ابوس ايدك بتعيطي ليه!
= انت تعرف عني ان انا بنت الراجل الطيب واني محترمة وبنت وكويسة وكل حاجه وتعرف عن اهلي الطيبة والمحبة، انت متعرفش عني انا حاجة حياة الماضي بتاعي انت متعرفش اي حاجة ( وعماله تعيط)
- ابوس ايدك اهدي مش قادر ... احكيلي لو هترتاحي.
( بتعيط) = خلاص لازم تعرف عني كل حاجة ... اه معاك حق اني بنت الراجل الطيب بس متعرفش انا كنت اي قبل 8 سنين .. زي اي بنت عاوزة ادخل كلية كويسة واعيش حياة حلوة عاوزة اشتغل واستقل بنفسي ... سافرت اسكندرية ودخلت الكليه واشتغلت وانا فى الكلية اشتغلت فى شركه هناك ... تعدي السنين وانا متعلقة بشغلي واخلص كليتي ولسه شغالة معاهم للأسف احب واحد ... عشنا قصة حب محدش عاشها كنت بحبه بجنون بجد كان كل حياتي ... جهه اتقدم لأبويا ووافق اتخطبنا ... هب اتجوزنا ويارتني مكنت عرفته اصلا ولا شوفته فيوم من الايام( وبتعيط جامد) اكتشفت انه مش بيحبني بجد وبدأت مشاكل كتير هو بيسمع لأمه ولكلامها واتجوزنا سنتين وانا مخلفتش وامه تذن يلا الحمدلله ... تعدي الايام ورا بعض علطول خناق ... لحد ما يجي يوم ٢٨ مايو الساعه 6 المغرب ههه انا فاكرة التاريخ والساعة دا يوم ميتنساش جهه اتخانق معايا وقالي بالنص انا لسه فاكرة ... قالي كل يوم خناق كل يوم مشاكل .. كل حاجة وحشة مفيش حاجة عدلة حياتي مش حياة ولا كأننا حبينا بعض فى يوم ولا كأننا نعرف بعض يوم .... جاب كل الحق عليا واني وحشة جدًا ... قالي للاسف دي النهاية ومش هينفع نكمل والحمدلله ان مفيش حاجة تجمعنا .... الكلمه دخلت قطعت قلبي ...دا بيعايرني .. بصي يا بنت الحلال كل واحد مننا في طريق روحي شوفي اهلك وحالك انت طالق .. ايوا ايوا قالي كدا ربنا يسامحه بجد من كل قلبي ربنا يسامحه عشان انا كنت بحبه بجد ومش بتكلم وسيباه بيظلم فيا كتير كتير اوي ... الحمدلله .. طلقني بكل سهولة ومحاولش يدور عليا انا حاولت اوصله بس معرفتش غير كل دنيته ... رجعت لأهلي
اه صحيح انت طبعا مفكر اني مخلفتش بس لارا بنتي بنتي انا مش بنت احمد ... بعد ما روحت لأهلي اكتشفت اني حامل في شهر. وحاولت اوصله بس للأسف منغير فايده ... ولعل دا احسن ليا ولبنتي كتير الحمدلله على كل حال يارب ... اهو يا عدنان اديك عرفتني تقدر تمشي ابوس ايدك انا مش قادرة ( وعماله تعيط بشكل متخلف) امشي معلش ابوس ايدك، امشي يا عدنان معلش امشي.
( فتح عدنان الباب ومشي )
الحاج غفران: اتكلمتوا يا ولد عرفت كل حاچه؟!
- اه يا حاج اتكلمنا.... انا هستأذن دلوقتي ( مشي عدنان روح بيته)
= الحمدلله يارب على كل حال الحمدلله ... مكنتش عاوزة اتكلم فى سيرته تاني مكنتش عاوزة افتكره ... كان نفسي اكمل منغير محد يفكرني بيه .. انا حبيته بجد ومن كل قلبي حبيته انا عشقته ياربي دا كان حياتي كان كل حاجه بالنسبالي وفى الاخر عمل فيا كدا .... مكنتش عاوزة حد يفتحني ويفكرني باللي حصل هو كان صفحة سودة واتقفلت بقالي سنين بحاول اعدي امشي واكمل حياتي لوحدي انا وبنتي واهلي وبس ... جه عدنان فتحني وفكرني تاني .. لي كدا لي يارب... اللهم لا اعتراض يارب الحمدلله على كل حال بس انا نفسي استريح نفسي انسى، اطلعه من عقلي وقلبي امشي وارميه ورا ضهري زي ماهو عمل انا نفسي اكمل حياتي منغير ذكريات وحشة وايام قاسية وظالمة ... الحمدلله ( وبرضو عمالة تعيط جامد بشكل رهيب)
( الحاج غفران دخل اوضه منى)
الحاج غفران: كفي بكي يا بنيتي ... انسي اتچاوزي هالفتره انسي يا بنيتي.
= مش قادره انا بجد موجوعة جامد ... انا مكسوره بشكل متخلف .. نفسي استريح.
الحاج غفران: انسي يا بنيتي.
= انا كنت قاعدة وساكتة كاتمة كل حاجه جوايا ومتعايشة مكنش نفسي الموضوع دا يتفتح تاني، عدنان سمعني ومشي وانا متأكدة انه مش هيرجع تاني .... كانت حادثة اه بس حسيت انه شخص مميز ومحترم غير حياتي فترة والحمدلله خلاص دي نهاية طريقه معايا... كانت صدفة يارب يفتكرني بالخير .. بس مكنتش اتمنى انه يفكرني بالماضي الحمدلله ....
( روح عدنان بيته دخل رمى مفاتيحه ودخل البيت)
- ياااااااااااه ..... كل دا مخبياه جواها .. كل دا شيلاه وساكته ومش بتتكلم خالص .. بتبين فرحة وسعادة وبس مع ان فى كسرة في عنيها بس بتبين العكس ... كل دا حصل فيها وهي .. هي بنت اصول هي ملاك بجد ساكتة ومش بتشتكي ... ااااااه يا منى انت طلعتي حماله أسية... يا الله
انا بجد مصدوم وانا اللي طلعت مفكر نفسي عارف كل حاجه عنها طلعت معرفش غير نقطة في بحر اسرارها وحياتها اللي كلها متاعب ... بجد بنت اصول عايشة وشاكرة ربها .... ياااااااه عليكي يا منى.
( قعد فتره عدنان مختفي يجي اسبوعين تقريبا وهو مختفي ومش بيسأل خالص ) ... يجي يوم وعدنان يروح للحاج غفران فى البيت
- السلام عليكم يا جماعة.
الحاج غفران/احمد/ تماره / ام احمد : عدنااان.
- اه عدنان يا جماعة في ايه!... المهم عاملين اية؟!
الحاج غفران: الحمدلله يا ولدي بخير.
- كنت عاوز اتكلم معاكم شويه ... بس ياريت لارا ومنى يكونوا موجودين.
( جت مني ولارا وقعدوا )
- يا جماعه انا قولت قبل كدا اني عاوز اتجوز منى واني متعلق بيها ومكنتش اعرف عنها حاجة خالص وهي قعدت وقالتلي على كل حاجه ... تشكري طبعا لو حد مكانك كان احتمال ٩٩ فى الميه انه ياخدني على خوانة بس انت محترمة وبنت اصول ومعملتيش كدا ....وانا لسه عند قراري وعند طلبي وارجوكم توافقوا.
= وانا اسفه انا مش مستعدة اني اتجرح ويحصل نفس الشيء معايا تاني.
- انت لي عشان جربتي مرة وتجربتك منجحتش ودا مش غلطك دا غلط من شريكك اللي مكنش بيفهم يبقى تحكمي على الكل بنفس الشكل وتظلمي الكل!
- انا بجد غيره بلاش اتكلم عن نفسي بس انا بحبك بجد .... عشان متقوليش اني اخدك عمياني وعشان تعرفي اني فكرت ودورت كويس انا سافرت اسكندرية وقابلت نورا صحبتك قالولي فى الشركه انها كانت اقرب حد ليكي كلمتها وقالتلي كل حاجه واللي كان بيحصل قدام عنيها .... انا معملتش كدا عشان مش مصدقك انا عملت كدا عشان انت تعرفي اني عاوزك بجد وبتأكد وانا حتى مش محتاج دا .... انا دورت كتير وانت بجد بنت حلال وطيبة وانا بحبك .. انا بعشقك بجد.
= ابوس ايدك بلاش الكلام دا.
- انا مش زي غيري انا لما قولتلك بحبك كنت قد الكلمة دي بجد انا بحبك وهصونك وهحب بنتك وهقدرها، بنتك هتبقى بنتي انتوا الاتنين مش انت بس هتشاركوني حياتي انا بجد بحبكوا وبعزكوا جداا..... فكري فيها يا منى لي ربنا خلاني اشوفك واقدي مع عيلتك كل الوقت دا .... الحادثه مكانتش صدفة الحادثة كانت مقدرة ومكتوبة عشان اقابلك واتعرف عليكي واحبك عشان تبقوا نصي التاني انت ولارا .... وهقولها وهفضل اعيد وازيد فيها انا بحبك يا منى بحبك.
( تعدي الايام والعيله كلها عمالة تقنع في منى وعدنان محتاج ومستني الرد وعمال يدعي ربه انها توافق )
بعد اسبوعين........
= بابا ... كنت عاوزة اكلمك فى حاجة.
الحاج غفران: احكي يا بنيتي.
= الصراحه انا طول الاسبوعين دول فكرت كتير وانشاء الله اكون حسبتها كويس وفكرت فى كلامكم وصليت استخارة كتير والحمدلله ويارب يكون خير ليا ... بس انا مستريحة للموضوع .. بابا انا موافقه ( وضحكت ضحكة مليانة راحه وكأن في هم وانزاح من على قلبها وهي استريحت)
الحاج غفران: انشاء الله ظنك فى ربك ما بيخيب يا بنيتي ... توكلي على ربك.
الحاج غفران: زغرطي يا ام احمد .... زغرطي يا تماره.
( البيت اتملي زغاريط كتير والفرحة رجعت ملت كل ركن في البيت)
الحاج غفران: السلام عليكم يا عدنان.
- وعليكم السلام.
الحاج غفران: اخبارك يا ولدي.
- الحمدلله يا حاج وانت
الحاج غفران: الحمدلله يا ولدي..... كنت عاوز اتكلم معك.
- اتفضل.
الحاج غفران: زغرطي يا ام احمد.
- ( عدنان قلبه بيدق جامد). هو انا فهمت صح يا حاج.
الحاج غفران: صح الصح يا ولدي .
- الحمدلله الحمدلله يا رب .... يوم الجمعه اكون عندك يا حاج انا وامي واخويا عشان نقرأ الفاتحة بإذن الله.
الحاج غفران: انشاالله يا ولدي.
( تعدي الايام ويجي يوم الجمعة يوم قراءة الفاتحة)
الكل : الف مبروك يا عروسة.
= الله يبارك فيكوا يا جماعة .. . انا هروح اصلي عقبال ما يجوا.
( دخلت اوضتها وصلت )
= الحمدلله يارب يارب يكون هو عوضي الصالح يارب مشوفش يوم وحش معاه يارب ولا يجرحني ... ياااا رب....
تماره : الچماعة على الباب يا خيتي.
( كانت من عادات العيله ان العروسه هي اللي تفتح للعريس الباب .....)
( نزلت عشان تفتح الباب .... اول ما تفتح الباب تتفجع تفضل لدقيقة واقفة مبلمة ... وبعدين يغم عليها...... البيت كله مستغرب واول ما شافوا اللي على الباب يتخضوا جامد)
يفوقوا منى والكل مخضوض ... وعدنان هيموت ويعرف فى ايه... واخو عدنان وامه واقفين على جنب مش بيتكلموا ..... فاقت منى)
عدنان : الحمدلله... مالك ايه اللي حصل في ايه؟
= (بتبص منى وتشوف اخو عدنان تعيط وتنهار تستخبى فى ابوها وتصوت ابعدوه عني ) ابعدوه طلعوه برا مش عوزاه ( وبتعيط جامد)
- هههههه في ايه يا جماعة مقلب دا صح.
= ابعدوه.
- في ايه يا منى نبعد مين ههه؟
=( تشاور على اخوه ) طلعوه برا ابوس ايدكم.
- دا مصطفى يطلع ليه؟
= هو ايه دا، مصطفى يطلع ليه؟
_هو دا السبب في كل اللي حصل معايا هو دا اللي بهدلني وديه امه اللي بوظت كل حاجة.
- ايه ..... انت بتهزري صح .. دي امي ودا مصطفي اخويا من امي ... هههههه اكيد بتهرجي.
= مشوهم بقى مش عاوزة حاجة تبوظلي حياتي تاني.
عدنان في سره عمال يقول: انا دلوقتي عرفت لي مصطفى مكنش عاوز يدخل وكل شويه يقولي احنا رايحين فين واي اللي جايبنا هنا! حتي واحنا على الباب فضل يسأل كتير انت متأكد من البيت ؟! ولما سألته في ايه قال بيشبه على المنطقه ..... ااااه يا ربي ايه الدايره اللي انا فيها دي !!!!
( الاحداث كتير وعماله تحصل ورا بعض ومشوا من البيت ومنى تعبت ... روح عدنان اخوه وامه اتكلموا معاه وقالوا ان اخوه ظلمها كتير ... وعدنان قاله ان لارا بنته .... والدنيا عماله تتعقد وتتعقد ..... لحد ما يجي يوم )
( عدنان ومصطفي فى بيت غفران)
قصة محاكاة القدر بقلم الكاتبة رنيم العشري
مصطفى : جماعة انا جيت النهارده احط النقط على الحروف واوضح كل حاجه واتأسف للكل ... اولا انا اسف يا منى على كل حاجة حصلت بجد انا ظلمتك ... حبيت اقول اني عرفت كل حاجة وعرفت ان عندي بنت ... بس خلاص انا مش عاوزك ومش عاوز ابوظ حياتك اكتر من كدا ... انت مش ليا انت لعدنان، انا خلاص خاطب وبحب خطيبتي وفرحي الشهر اللي جاي ومش عاوز حاجة تانية ... وكدا كدا هسافر ومش هضايق حد ... انت اتجوزي عدنان زي ما كان مترتب ولا كأني ظهرت تاني امي ندمانة على اللي عملته وهتسافر معايا .... عدنان اخويا مش شقيق وانا مش هسمح لنفسي ابوظ حياتكم ... ولارا بنتي من صلبي بس هي بنتك انت وهتبقي بنت عدنان انشاء الله وانا مش هتدخل في حياتكم واسف كمان مرة على كل حاجة.
( تعدي الايام والاسابيع وتوافق مني...... ويتخطبوا واتجوزا وعايشين في سعادة مع بعض بقالهم سنين وبيحبوا بعض.... اه وكمان مصطفى وامه حضروا الفرح والدنيا كانت تمام.
.ولسه منى كل يوم تحمد ربنا ولسه علطول عدنان يقولها ... شوفتي اني بحبك ولما قولتلك بحبك كنت قد كلامي ..... بعشقك )
_مكنتش صدفة، كانت قدرنا.
By : Ranim Elashry
من الأرشيف، كتبت عام 2020
كاتبه مبدعه من زمان بتعلم منك حجات كتير اوي
ردحذفالقصه تحفه 🥰
اشكرك على ذوقك وكلامك الجميل ❤
حذف