سلسلة تعاهدنا بقلم حسن الشحات الجلسة الرابعة

سلسلة تعاهدنا بقلم حسن الشحات الجلسة الرابعة

تعاهدنا ٤ 

                 التعافي من علاقة فاشلة 

أصدقائي من يجدون عقدتهم الأبدية وسط الناس ،وسط الازدحام، وسط الضجيج، وسط الصرصرة، من يلقون السلام النفسي الوحيد في الحياة وسط غلق أبواب غرفتهم وحدهم ،من يحبون الوحدة ويستمتعون بقضاء حوائجهم وحدهم، من لا يبنون سعادتهم على الآخرين 

اتكلمنا مع بعض قبل كدة عن ازاي نتعافى من علاقة فاشلة متكلمناش في تفاصيل لكن اتكلمنا كلام سطحي لكن الموضوع يستحق الدخول في تفاصيلها ،وطبعا با عزيزي مش قاعد تقرأ كلامي وتفتكر زكريات وحشة ليك او بقيت وحشة بعد ما كانت جميلة في بدايتها ،ومستني اقولك الحياة لا تقف علي الأشخاص انت اكير من اني اقولك جملة زي دي ،إنما خليني اقولك ان الحياة بتقف علي اشخاص بتقف في الوقت اللي بيكون بداية الفراق لما الشخص التاني اللي بيكون بمثابة نصك التاني يبعد اللي يكون يومك كبه عبارة عن تفاصيل معاه يبعد في الوقت ده الحياة بتقف لكن اكيد صاحب المقولة كان يقصد في العموم لا تقف ده اكيد فبعد التعافي من الآثار الباقية ممكن الشخص يضحك علي

المرحلة اللي وصلها يقول انه زودها كمان وعطي الانور اكبر لمن المرحلة دي مش اي حد يوصلها ، عاوز اقولك يا صديقي إنك ناضك لدرجة متخلكش تثق قي اي حد وتتخدع كل شوية من جديد وتعلق ده تحت مسمي الطيبة انت مش طيب هنا انت ساذج وغبي وفرق كبير بين الطيبة والسذاجة ،الطيبة مثلا انك تعطف علي حيوان مستحيل يقدر يطلب او يعبر عن جوعه وخد بالك قلت حيوان مش بني ادم الطيبة والسذاجة، واكيد مش محتاج تعرف أن الزمن الي بنعيش في ملوش مكان لأشخاص ساذجين او طيبين زي ما بتحب تتقالك، أو بمعني صح اكيد في مكان العالم كبير لكن ملئ بالجراح والمشقة لهؤلاء الطيبين، أدي كل حاجة حقها اغلط واتكسر وحب وفارق وانجرح بس اي؟ ماذا بعد ؟ العلام من حاجة اتكسرت فيها زي دي هيخليك تفكر ١٠٠ مرة قبل متخش في اي حاجة تاني لأنك مستحيل تدخل اي علاقة غير وانت ملم بكل التفاصيل، ومش بس علاقة حب ،شغل،حياة عموما ،اي شئ ،انت في الفترة فيما بعد انك فارقت اكتر شخص فارقته في الحياة، بتكون مش عاوز تكلم حد ولا نقابل حد ولا تخرج انت عاوز هدوء لدرجة البرود، انت فعلا بارد متجمد مكانك مفيش اي نشاط، مش مستني حاجة من حد لا سؤال ولا اي حد يسأل عليك لأن اي سؤال من دول فبتكون مستني من شخص معين هو السبب في كل الي انت في ،ونيجي للسؤال المهم اصل الموضوع،

ازاي أتعافى من علاقة فاشلة ؟ 

جرب تعمل حاجة كدة وانت مش خسران حاجة ما انت جربت كتير ومجتش معاك جرب تاني مجتش على دى ،انت جواك طاقة سلبية لو اتحولت لمطر قادرة على غرق دولة بالكامل ،جرب تخرج الطاقة السلبية دي لشغل في عز الخنقة دي بدل ما تسمع مثلا تامر عاشور ومحمد سعيد او حتي ويجز ،لا حاول تخرج الخنقة الي محدش حاسس بيها جواك وبيتقال لك معلش عشانها والكبت والعياط الي في قلبك ده مش الي دموعك جفت منه لا الي قلبك بيعيط وانت عمال تضحك قدام الناس ، طلعها عن طريق شغل حط الضغط ده كله في الشغل ،جرب تنجح هتلاقي فرحتك واحساسك بنجاحك احلي ١٠٠٠ مرة من احساسك وفرحتك من الطرف التاني لما قاال انه بيحبك اول مرة،أو براحتك خليك انت كدة والطرف التاني عايش حياته وبيعيش وهيعيش كويس جدا وانت خليك على وضعك من ساعة ما افترقتوا ، بدل ما تعمل سيرش علي الاكونت بتاعه وتطمن عليه أملي الاكونت بتاعك من نجاحك عشان لو فاكرك هو لسة يشوفك ناجح وتكون فخور بنفسك 

انبسط لوحدك 

لازم تكون فاهم ان سعادتك هي سعادة ليك الغرض منها انها تكون ليك انت مش شرط تكون مع صحاب كتير او اهل بيدعموك ، أنت الداعم لنفسك وانت الناجح بنفسك وانت الواثق من نفسك ،لو انت مش مؤمن بنفسك متستناش حد يؤمن بيك لما باجي اسمع او اتفرج علي بعض فيديوهات الخاصة بموضوع التنمية البشرية،اكتر حاجة مستفزة ليا هي البعد عن الواقع، الي هو تلاقي الشخص بيقول اتعب واشتغل وكافح وجيب اخرك …والخ، طب وبعدين هو حضرتك فاكر اني مش بتعب ؟ مش بكافح؟ فاكر اني

أبدا انت عشان يترد لك 

خليني يا عزيزي اقولك متكونش شخص مش بيفتكر عيد ميلاد حد من أصدقائه طول حياته ولا بيروح اي مناسبة علي سبيل المجاملة، ولما يجي عيد ميلادك مثلا ومحدش يفتكر تقول انك وحيد وأن ملكش حد لا مش كدة بس الفكرة انك انت اصلا مش بتعبر حد فأنت مش محور الكون طبيعي محدش افتكر، لكن لو حابب تكون الشخص اللي كله بيفتكر عيد ميلاده ومناسباته تكون مليانة اصدقائه واحبابه أبدأ انت خليك الاول افتكر الباقي عشان حد يفتكرك،هتقول ايه علاقة ده بموضوع الرواية والعلاقات خليني اقولك ان العلاقة آن من الأسباب تساعدك في التعافي من آثار العلاقة الفاشلة هو ان يكون ليك تفاعل مع الآخرين مش قاعد مش مع حد دماغك تلقائي هتعيد المواقف والذكريات اللي نفسك تنساها دي، من الاخر فرح غيرك عشان غيرك يفرحك 

سلسلة تعاهدنا بقلم حسن الشحات الجلسة الرابعة

                      فاشل ومستحيل 

بتكون يا صديقي وصلت لمرحلة انك تتوهم انك فاشل ومتقدرش تحقق اي حاجة خلال الفترة التي تلي الفراق عن الطرف الثاني 

كنت فاكر الطرف التاني اللي بعدت عنه انك مستحيل تفارقه وأنه بالنسبالك كان مصدر طاقتك وقوتك إنما ده غباء محدش مصدر قوة ليك غيرك،  بس طبعا مش هتفهم ده وقتها انت بتكون مطفي جايب اخرك وزيادة ،مش هقولك بقا الكلام اللي بتسمعه من اي حد في وقتك ده زي قوم وشوف نفسك وكلام من ده لان اكيد. انت مش حابب نفسك كدة ،بس هقولك خليك واقعي ازعل ده حقك أدي الزعل وقته ، ووقته ده مش عشان تنسي خلينا متفقين انك مش هتنسي بس علي الاقل تتخطي في الوقت ده بس ،وهي في العموم مرحلة عديت بيها وخلاص وفشلت عادي جدا اتقبل ده الحياة مش حلوة لدرجة انها تكون جميلة وناجحة في جميع مراحلها، برضه في الوقت ده 

                         مرحلة الوهم 

انت تايه، مش عارف راسك من رجلك زي ما بيقولوا، المفروض تتأقلم علي اللي اتت في انت بقا لا تتأقلم ولا تتقبل اللي حصل ولا عارف تتخطى، انت عمال تفتكر ذكريات الماضي بس يا ترى في حاجة بتتغير؟ بلاش، هل في حاجة هتتغير ؟ لا إنما أنت مش عايش في واقع انت عايش في خيالك عمال بقا تبص في صور بتضايقك،تزعل على وقت قضيته وانت متعشم في حاجة كنت فاكرها ليك ومطلعتش ليك،أسئلة كتير بتجيلك زي مثلا سؤال يا تري انا انسيت من الطرف التاني، يا تري الطرف التاني زعلان عليا زي ما انا زعلان عليه؟…إلخ، هنا هفضل أقول متستناش حد يطبطب عليك طبطب علي نفسك ،لم همومك وقوم أقف جنب نفسك عشان مهما تحكي لأي حد محدش هيحس بيك ولا عاش وشاف تعبك غيرك، عزيزي كما تعودت مني فأنا لا أدعي اني شاعر اسمحولي برباعية من تأليفي 

لو كان بكائي على الأطلال يعود ما ذهب لبكيت 

    فأنا والله لم تمر ليلا علي فراقنا إلا وقلبي لفراقك بكي 

ولماذا بعدتي وأنا لكل أخطائك تخطيت

    كنت احسبك ملاك يسمع ويري وجدتك شيطان يسمع ولا يري

سلسلة تعاهدنا بقلم حسن الشحات الجلسة الرابعة

اتعود من غير الطرف التاني 

الغرض من العنوان مش أنك تتعود تعيش حياتك من غير الطرف التاني احنا اتكلمنا كتير في الموضوع ده ولكن الغرض هنا أنك تعمل نفس الحاجات اللي كنت بتعملها ومتعود ان الطرف التاني يشاركك فيها لوحدك وممكن مثلا الأماكن اللي كنتو بتروحها سوا مش كل ماتعدي تضايقك او تكون عقده ليك بالعكس يا عم اعمل فيها ذكريات أحسن مع أشخاص أحسن الاماكن دي متقفلتش يعني ببعاد الشخص ده روح وكمل في نفس الأماكن الصور اللي كل ما تشوفها تتخطاها خليها دافع قدامك ال هو هنجح من غير الشخص ده هتكمل من غيرك موقفتش بعدك الأغاني ال كانت مشتركه بينكو دي افضل اسمعها متوقفش خليها تبقى مجرد كانت ذكري مع شخص كان في مرحلة عندك بس مش أكتر من كده وتأكد أن نصك التاني والشخص

اللي نفسك تلاقي هيجي لوحده مش هيجي لما كل ما تقابل حد جديد تقول هو/هي ده / دي وتقرب منه لا هيجي لوحده في ظروف وصدف وحاجات كتير أنا وأنت منعرفش حاجه عنهم، بالمناسبة لما تروح الاماكن اللي ليك فيها ذكريات و انت مضايق ومخنوق عشان بقيت لوحدك هي فترة بعدين هتتعود تروح وتكون لوحدك من كتر الضيق اللي بيكون هناك وأرجع أقولك يا عزيزي تاني اللي هيعوضك عن الفراق ومدى صعوبته وجرحه ليك هو النجاح وإحساسه مش انك تنعزل الإنعزال حلو بس حلو أمتي؟ لما تكون بتعمل منه حاجه مفيده علي مزاج يعني تنعزل مثل بعيد عن أي حد وتقعد في اوضتك مثلا تخلص شغلك بمزاج أو تنعزل تقرأ كتاب تثقف نفسك.... الخ وأبدأ من جديد وعلي جديد هي كده الدنيا مش محتاج تعرف ان هتقابل وتفارق احنا اكبر من كده وعارفين ده دايما في وقت ودايما عندنا وقت

بس للأسف خليني  أقولك أننا دايما بنضيع وقت زي ما قلت أن أحنا بنكون مش عارفين أول خطوة وإن هي أصعب حاجه ساعات بنكون مش شايفنها بنكون عارفين إن هي دي نقطة وهو البداية نرجع لنقطة الصفر اللي بقيت عرفانا وبقينا صحاب عاوز أقولك يا صديقي إنك ترجع لنقطة الصفر مش عيب خالص بالعكس ممكن تكون هي بدايتك للوصول لنقطة اللانهاية العيب انك ترجعلها بمزاجك العيب انك شايف الخطوة الاولى ومتعملهاش ترجع لنقطة الصفر بناء على اختيارك اللي كنت عارف انه غلط وعملته عمد 

إلي اللقاء لنكمل باقي بنود عهدنا…….🖤