قصائد مجمعة بقلم الشاعرة رويدا رمضان
قصيدة بيوت بقلم الشاعرة رويدا رمضان
أنا كل شيء جوايا كان قرّب يموت
بس إِنتَ جيتلي فِ وقت كان مظبوط
كان قلبي كُرهه يعيش
و الدمع ضيف ميجيش
وسط الظلام ، وسط البكى
عِز الغياب ، عِز الشتا
و لقيت شعاع قرب كدا
مذهول و واقف عَ الطريق
مستني أعرف جاي منين
و لقيتك بتقولي تعالي
و القلب يقول الهنا جالي
يا مرار أنا رايح للحالي
و الروح بتروح طايرة الأحزان
يمكن عشان حَل الحبيب
يمكن عشان حَل الدفى
يمكن عشان آن الأوان
نثبِت مكان اللي إتنفى!
و لقيتك حلّيت أيامي
و رسمت الورد على خدودي
يحبيب إمبارح و الحالي
يحبيبي أي شيء آخر
دا انا عمري فداك
لو أطول نظره
البُعد هلاك
و القسى كسَرة
يا مالكني و شاغل تفكيري
يا ماليني بشوقك حتى الموت
يا مونّس غُربة أيامي
أنا جوهرة عنيك بيوت.!
رويدا رمضان "شغف ♥
قصائد مجمعة بقلم الشاعرة رويدا رمضان
قصيدة وتر بقلم الشاعرة رويدا رمضان
مستني إيه من جوف مكانك
مستني ضلمه تقيّدك وسط الوجع
فتغفّلك تقتل أمانك
مستني ساعه تحررك و تقول لإني بتوجُع
واقف مكانك سر ، عن دنيتك ضايع
مشغول بدُنيا سراب والعقل بقى بايع
و واقعنا سيف مؤلم و جراحه بتسمم
الدنيا دار فانيه هتعيش بتتعلم
عيشها بقلب طفولي أمه لُه نبع أمان
يمكن فِ يوم هتشوف يوم خالى مِ الاحزان
عيشها بقلب بريء مستهون الأيام
ماعرفش مرة الذم ، ولا شال في يوم الهم
و شعار حياته سلام
دنياك ظلام عمّش
و جروح متتلمش
بعدت الكل بتجازف
سراب ف القصه متهمّش
و الحزن طاغي عليك
و الشوق بيعمي عينيك
و يثير في قلبك نار
الدنيا مش بتدوم
و الكاس صبح دوّار
هنزيل بقايا هموم
و نبدل الأدوار
الدنيا تنهش فيك
و مفيش صحاب جنبك
الحرب قايمه عليك
و الذنب مش ذنبك
كل اللى كان حواليك دول لمّه ع الفاضي
هاديت لناس قلبي و سابوني ع الهادي
كان وعدنا اخوه و مابيننا عيش و حنين
فاتني و ساب ضهري و البُعد طال لسنين
و فاتني العمر مستني وبتكسّر
و شوقك زاد على الغايب و ايامك دي بتمرر
محدش عوّض الغايب
ف عيشت كئيب بتتحسر
و مش بشكي جرح بتزيد
ولا حواديت بتتفسر
انا بشكي لحد قريب والموت حكمله بفراق
كان اخ، اب، حبيب لكن الفراق حرّاق
ولقانا ف الجنه هنبرّد الاشواق
في الآخرة يا غالي تتجمع الاحباب
انت الحياه بقربك بعدك حياتي سراب
بكرا الليالي تروق
و الأرض تصبح مطر
بكرا اللى جيّ شروق
و الفرْح عدّى الخطر
كل اللى مر سراب
ف سلام الى الأحباب
مشبوك في آخر وتَر.!
رويدا رمضان "شغف"
قصائد مجمعة بقلم الشاعرة رويدا رمضان
قصيدة (كان ياما كان) بقلم الشاعرة رويدا رمضان
قلبك و مَل الشيل
و اتهد بيك الحيل
الجيل يوماتي قتيل
و الحرب نار جواك
أشواك تقول أهواك
رغم الفضى وقت الحظوظ
برضوا العشم يملاك
و الحق دين لكن
الدنيا دي ظلماك
بتقول هتحلى ، تروق
بكرا اللي جَي سلام
و الورد يصبَح مطر
و تحقق الأحلام
و الدنيا تفتحلك
و الفرْح يرتاحلك
لكن خلاص اِتهد
كل اللي فات ساحلك
مبقيتش حابب حد
و كل حلم يموت
حتى الأوان بيفوت
اصبح ماليك الرعب
من كل يوم بيمُر
العمر ساعه تحوم
و انا لسه جوايا
خراب و شيء مجهول
انا كنت يوم زيك
مهزوم بشوق مخذول
لكن خلاص عدّي
الوقت مش صالح
نبكي على المسكوب
قوم عدي يومك قوم
متقولش انا مهزوم
و الدنيا كسراني
و تحزن ع اللي فات و تدوق
مرارة طعمه من تاني
الوحده أحسنلَك
و القُرب أحزنلك
قلبك يشيل و يسير
و اليد ناقصه الحيل
نرجَع إلى الماضي
قلبك سليم و جميل
خالي من الأحزان
صوتك دا كان غنوة
بتخف الأوزان
و الضحكة كانت دوا
بتفرّح الإنسان
لكن مرار القول
إن الوجع بينول
فَ تكون حزين و تقول
الفرح كان ياما كان.!
رويدا رمضان "شغف". ♥
تعليقات
إرسال تعليق