المشهد الاخير من سلسلة من مسميات الحب بقلم ريم عبدالعال

المشهد الاخير من سلسلة من مسميات الحب بقلم ريم عبدالعال

المشهد الأخير

من مُسميات الحُب 

خديجه..هنا..ملك..بسملة.

المُتعارف عليه إن القلب الي إتجرح مبيجرحش ومبيحبش يخلي الي قصاده يدوق من نفس الكاس..

مش بيحب يوجع زي ما اتوجع،مش بيحب يتسبب في دموع زي ما نزل هو دموعه، بيتكسر!

خديجه:

"حلمي كان أحب وأتحب زي كل الروايات الى قريتها والافلام الي شوفتها جه ادهم خطفني،عرف يعلقني بيه، عرف يشغل تفكيري وحياتي،عرف يخليني أسلمله قلبي وحياتي فوق البيعه، مطلبتش منه غير إنه يحبني! مكانش صعب بالعكس كنت عارفه ان مسيره يحبني أصل ده لو حجر وإتقدمله كل الحب ده هينطق! هيفضل السؤال بسأله لنفسي لحد دلوقتي هو ليه محبنيش!طيب هو أنا مستاهلش الحب؟هو أنا وحشه؟!هو الى كان عنده نقص، ساب الدهب وبص للفضه مكانش يستاهل حبي وقلبي كانو أغلى منه ، منتقمتش ومخدتش تار قلبي الي اتكسر بس انا واثقه ان ربنا جابلي حقي في كل مره اتأذي فيها في حياته وانا مش ندمانه اني مشيت بالعكس انا صعبان عليا الي بعدي!"

هنا:

"كنت دايما عايزه حد يعوضلي مشاعر ال ابويا معرفش يدهالى، عدا سنين كتير وانا شايفه يوسف ابويا فى كل مشاعر الناقصه ال بيعوضهالى كسند وضهر وامان،لحد ما حبيتو ويارتني ما حبيتو ربنا اختار افضل طول عمري ناقصه مشاعر الامان ،لحد ما عقلت وفهمت أن الامان مستحيل يبقي فى راجل اصلا"

ملك:

"متآثرتش بغيابه أوي كأني كنت متوقعه الي هيحصل!أصل يعني ازاي علاقه سوشيال هتدوم أنا مزعلتش بس أنا اتضايقت انه علقني!أنا مش عيله زي ما هو قال والله كل الفكره اني بتعلق بالحنيه وهو أحتواني!"

بسمله:

"مكانش في دماغي اي حب او ارتباط كنت شايفه ان مفيش علاقه بتكمل شايفه ان الناس كلها فترات في حياه بعض واني لو اتحبيت هضيع وقتي في حاجه فارغه وهتجرحني وبس.

منكرش اني لما عرفته كنت بقول لا يمكن نرتبط واستحاله ارتبط او احب او كل ده بس هو قدر يخليني اغير رأيي في كل ده وفي وقت قصير جدا كمان .كنت بحس دايما اننا مش هنكمل بس في نفس الوقت هنكمل من بدايه علاقتي بيه وانا متناقضه في مشاعري وف اني احدد طبعه هنكمل تلت سنين كمان شهر واقدر اقول اني عرفت احدد طبعه من سنه بس ويمكن اقل.

المشهد الاخير من سلسلة من مسميات الحب بقلم ريم عبدالعال

الخوف والتوتر لي عامل كبير اوي ف اي علاقه. يمكن احساسي بالامان حاليا انه مش فتره ف حياتي مطمني  ومخليني مرتاحه وواثقه فيه وفي نفسي وفي علاقتنا وده الاهم.

بس ده ميمنعش أن دماغي تهدي يعني أفكار نص الليل قادره تهد كل ده والزكريات الحلوه اللي بتزيد بتزود من فرحتنا وفي نفس الوقت من خوفنا ان ف يوم وليله الزكري دي تتحول وتبقي نقطه سوده ف حياتنا وبس...

الحب عموما شئ جميل ومريح واللي بيخلي اي علاقه تكمل هو الامان والراحه مش الحب.

اقدر اقول اني مطمنه اني مع الشخص الصح حاليا يمكن عرفت ده متأخر بس المهم اني عرفته".

المشهد الاخير من سلسلة من مسميات الحب بقلم ريم عبدالعال

ريم عبدالعال:

وجهة نظري للحب عمرها ما كانت سطحيه بالعكس، انا بدور علي أخ وحبيب وإبن وأب، بدور علي الإحتواء بس مش حد يحتويني بس لأ انا كمان أحتويه دايما بكون فخوره بعلاقه حب ناجحه رغم المشاكل، الحب هو انك تسند عليا واسند عليك من غير استغلال لمشاعر بعض انا ليك وانت ليا من غير اي اذي!لا انانيه ادهم ولا بُخل يوسف ولا استهتار أدم ولا حتي طبع أحمد ، مفيش حد كامل بس فيه واحد بيحاول يكملك متطلبيش الحب لو مجاش خبط علي بابك انتي اعلي وارقي من كل لعب العيال سواء في اعدادي او ثانوي"

تمت سلسله من مُسميات الحُب 

وكل الشُكر لأبطال القصص الحقيقيه الي وافقو يصارحو مشاعرهم ويحكوهالي!

ريم عبدالعال ..