سكة سفر بقلم ريم عبدالعال

سكة سفر بقلم ريم عبدالعال

1 ديسمبر 2016.

كُنت ماشية زي التايهة بدور على مكاني فى القطر لحد ما لقيته، ولمحتك صدفة فى الكرسي الى قدامي إنت راجع لأهلك بعد ما نزلت أجازة من الجيش وأنا رايحة ازور قرايبي، كُنت وقور بشكل مُلفت وسيم، فضلت اخطف منك نظرات طول السكة وانت بتتفرج على الشتا فى وسط غيوم الـ سحابة ولحظة افتراقنا نهاية الطريق كان عندي امل ولو بسيط أقابلك تانى، عدت السنين لكن ملقتش حد شبهك. 

1 ديسمبر 2019.

سكة سفر بقلم ريم عبدالعال

واقفة فى المحطة مستنية معادي لركوب قطر الساعه 6 وبعد ما ووصل وركبت واستقريت اتفاجات بيك زي ما شوفتك من 3 سنين بنفس الوقار، كأنك حالف ما تخليني أركب القطر غير فى وجودك وللصدفة إنك طلعت فاكرني وأنك دورت عليا بين وشوش الكل وبتركب القطر كل أجازة على أمل انك تشوفنى، بصيتلك وابتسمت معرفتش اداري انبهاري بالتغيير الى بان عليك، نفس بدلة الجيش الشتوية بإختلاف الملامح الصلبة الممزوجة بالوسامة الخاصة بيك ملقتش حد يشبهلك ولا شوفت حد ليه ابتسامتك، وللعبة القدر نزلت فى نفس المحطة بتاعتى المرة دى، ويا للصدفة طلعت تعرف قرايبي وإنك من الفروع الأساسية فى العيلة فى المحافظات التانية ولولا المسافات كان زماني شوفتك من زمان. 

1 ديسمبر 2021.

سكة سفر بقلم ريم عبدالعال

تفكيرك يشبهني، وطريقة تفكيرك مماثلة لطريقة تفكيري، نفس طموحي وجناني والفرق انك حكيم وهادي، بينا مزيج غريب شكلى حبيتك معرفش، بس الأكيد إنك قريب لقلبي بشكل مبهم، حبيت السفر والطريق والقطر والمزيكا وبياع العسلية وصوت صفارة القطر، ولسة بحب اخطف نظرات ليك من تحت نضارتي وانا بقرا رواية إشتريتها معاك، ديسمبر جمعنا وربط قلوبنا ببعض والأكيد إن قلبك لقى قلبى، وفى سكة السفر وبدل ما كنت بتقعد قدامي دلوقتي راسي علي كتفك بتشاركني القهوة والمزيكا فى السكة. 

ريم عبدالعال".

سكة سفر.