روايه موده ورحمه الفصل العاشر بقلم موروو مصطفي 
روايه موده ورحمه البارت العاشر
روايه موده ورحمه الفصل العاشر
استيقظت رحيق من النوم بعد نزول بهاء الي العمل وهي تشعر بتعب شديد فتحملت على نفسها و ذهبت إلى الدولاب الخاص بها واخرجت ٣ اظرف كانت قد خبئتهم من بهاء وبعدها قامت بالاتصال على هناء والتي اجابتها فورا
- صباح الفل يا رورو عامله ايه حبيبتي طمنيني عليكي
- صباح النور ياماما فوجئت هناء بصوتها
- مالك يارحيق انتي تعبانة انا جاية حالا
- تعالي لوحدك الأول ياماما
- حاضر حاضر حالا حبيبتي ماتقوميش ح افتح انا
- ماشي ياماما
ذهبت هناء سريعاً لرحيق و توجهت فورا لغرفة النوم فوجدتها تستند على الفراش بتعب شديد
- في ايه يا رحيق خلاص ولاده
- ماما اسمعيني ارجوكي قبل ماحد يجي امسكي ال ٣ اظرف دول خبيهم معاكي اوعي حد يشوفهم دلوقتي ان ربنا أراد وخرجت من العمليات ح اخدهم منك اما ان ربنا استرد وديعته فاسكتتها هناء
- بطلي الكلام الأهبل ده انتي سامعه
- ماما ارجوكي اسمعي بس ان ربنا استرد وديعته ادي كل ظرف لصاحبه في حاجة كمان عايزة اقولها لك
كانت هناء تبكي بشدة فنظرت لها واقتربت منها تحتضنها بقوة
- كفاية كلام بقى وخليني اكلم دنيا وبهاء
- ماما انا بحبك قوي والله اعتبرتك امي يمكن اكتر من امي نفسها انتي مافيش ام زيك حبيبتي ادعيلي ياماما
- دعيالك يابنت قلبي ياعمري انتي ارتاحي بقى ح اكلمهم
قامت هناء بالاتصال بدنيا التي كانت تبيت في شقتها ومعها باهر واخبرتها كما قامت بالاتصال ببهاء واخبرته انهم سوف يتوجهون للمشفى وهو يلحق بهم كما اتصلت بحسين واخبرته فأبلغها انه سوف يتجه للمشفى فورا
وجاءت دنيا ومعها باهر واسندت رحيق بقوة وهناء تحمل حقيبتها وتمسك بيد باهر واتجهوا للسيارة ومنها للمشفى كانت دنيا تحاول التماسك
- بت يارورو اجمدي كده اه بقولك اهو بلاش الضعف ده يابت انتي قوية
- مافيش قوة خلاص يا دنيا انا مش قادرة تعبانة قوي.. دنيا بالله عليكي خدي بالك من بهاء وباهر حطيهم في عينك صرخت دنيا بها
- بس بطلي الكلام ده فاهمه انتي اللي ح تخلي بالك من الكل وانا معاهم فاهمة.... رحيق بالله عليكي بلاش الكلام ده واجمدي كده كلنا جانبك ومعاكي
- قولي يارب
وصلت دنيا الي المشفى وخلفها بهاء وحسين والذين جروا سريعاً عليهم وحمل بهاء زوجته وهي تتعلق برقبته وتقبله بحنان اشعرته وكانها تودعه فنظر لها والدموع تترقرق في عينه
- رحيق وحياتي عندك بلاش نظرتك دي خليكي عارفة انا من غيرك مش ح اعرف اعيش اجمدي حبيبتي
- قول يارب يا هيبا بس انت اعرف اني بحبك قوي حبيبي
- وانا بحبك قوي يا قلبي
وضع بهاء رحيق على الفراش وحضرت الطبيبة وقامت بالكشف عليها وبعدها خرجت وخرج خلفها بهاء وكان بالخارج حسين أيضا فنظرت لهم الطبيبة
- مش ح اخبي عليكم الوضع مش حلو قلبها تعبان قوي ما اعرفش ازاي تعب بالشكل ده يظهر انها كانت تعبانة وماقلتش احنا ح نعمل كل اللي نقدر عليه ودعواتكم معانا نظر لها بهاء بذهول
- ارجوكي مش مهم البيبي المهم هي
- صدقني ح نعمل كل اللي في طاقتنا اوعدك
- متشكر قوي
عاد بهاء لرحيق فوجدها قد ارتدت زي العمليات وابتسمت له فور ان راءته فجري عليها واحتضنها بقوة وهو يبكي
- كنتي تعبانة وماقلتيش ليه يا رحيق ليه حبيبتي
- ماحستش بالتعب الا من شهر بس يا هيبا كنت فاكره انه من الحمل حقك علي قلبي
جاءت الممرضات لاخذها فأحتضنت بهاء وقبلته وهمست له
- ان ماما هناء اديتك حاجة ارجوك اسمع الكلام فاهم حبيبي من غير ماتسئل عن حاجة اوعدني
- اوعدك حبيبتي بس انتي اتماسكي وحياتي عندك
- قول يارب حبيبي
- ربنا يخرجك ليا بالسلامه ياقلب حبيبك
التفتت رحيق الي دنيا التي تتساقط دموعها بغزارة وهي تحتضن باهر وكأنها تستمد قوتها منه واشارت لها فأقتربت دنيا منها سريعا بعد أن أعطت باهر لهناء
- رورو اجمدي يابت انا بقولك اهو
- دودو مافيش وقت بالله عليكي تسمعي الكلام اللي ممكن تشوفيه من ماما هناء اوعديني
- اوعدك حبيبتي وقاموا باحتضان بعض بقوة
بعدها التفتت رحيق الي هناء وحسين
- ماما انا قلت لك انا بحبك قد ايه حبيبتي ادعيلي يا امي بابا حسين يمكن ماقربناش الا من فترة مش كبيرة بس بجد انا حبيتك قوي وحبيت حنيتك علينا كلنا خد بالك من الاتنين دول وحياتي عندك دنيا وبهاء في رقبتك
- بس يابنت بطلي الكلام ده ح تدخلي وتخرجي لنا بالف سلامة ومعاكي دنيا الصغيرة زي ماقلتي اجمدي يابت فاهمة
- ادعولي استودعكم الله الذي لا تضيع ودائعه فردوا جميعاً
- لا اله الا الله فردت عليهم رحيق وهي تنظر لهم جميعا وكأنها تودعهم
- محمد رسول الله
ذهبت رحيق من أمامهم وهم خلفها حتى باب العمليات وبعدها انهار بهاء ودنيا وهناء وفي تلك اللحظة وصل والدها ووالدتها ووالد بهاء ووالدته وجلسوا جميعا يقراءون القراءن ويدعو لها وكانت دنيا تصلي أمام غرفة العمليات وجلست على سجادة الصلاة تدعو ربها ان تخرج لهم بالسلامة وبعد فترة قليلة خرجت ممرضه تجري
- محتاجين دم بسرعه وقفت دنيا سريعاً انا فصيلتي زيها
- تعالي معايا بسرعة ارجوكي
ذهبت دنيا معها وبعد فترة طويلة جعلتهم يموتون قلقاً فتح باب العمليات وخرجت الطبيبة وهي تحمل فتاة رقيقة جميلة ودموعها تترقرق في عيناها فوقف الجميع ينظرون لها واتجه لها بهاء وهو يشعر انه لايستطيع الوقوف
- رحيق عاملة ايه يادكتوره نظرت له الطبيبة وتساقطت دمعه منها
- حاولنا بكل طاقتنا لكن للأسف النزيف كان قوي ورغم ان احنا اخدنا دم كتير من مدام دنيا الا ان قلبها ماستحملش وعطتك بنوته قمر شكلها بالضبط
وقف الجميع في ذهول وانهارت دموع بهاء وكاد يقع لولا أن امسكه حسين بقوة
- اجمد يا بهاء اجمد امر الله ونفد... اللهم لا اعتراض قول اللهم أجرني في مصيبتي واخلفني خيرا منها
- اااااااااااه ياعمي اااااااااااه رحيق سبتني روحي سبتني ومشيت ياررررررررررررب ياررررررررررررب ساعدني
وفجاءة وجدوا سرير يخرج وعليه دنيا وهي غائبة عن الوعي فانهارت هناء وهي تصرخ
- بناتي يااااااااااااارب بناتي صبرني يارب
انهار الجميع وحاول حسين التماسك حتى يلحق الجميع وكان الكل في حالة انهيار وذهب حسين لتخليص الإجراءات وبعد أن انتهى ذهب لهم وبدء بهاء في التماسك قليلاً ونهض حتى يكرم حبيبته الي مثواها الاخير
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
وصلت يمني الي القاهرة وقامت بالاتصال بياسر الذي ما أن شاهد رقمها قام بالرد فورا
- سلام عليكم يايمني وحشاني
- وعليكم السلام ورحمه الله يا ياسر بقولك يا ياسر انا في مطار القاهرة ممكن تقولي اجي لكم فين
- مطار القاهرة ايه المفاجأة الحلوة دي يا يمني استنيني انا ح اجي لك ساعة واكون عندك استنيني في الكافية
- ماشي حبيبي لما توصل رنلي بس وح اطلع لك
- ماشي حبيبتي
جلست يمني واجلست بجوارها أولادها وأخذت تفكر فيما حدث ماذا فعلت حتى تكون هذه هي النتيجة وأخذت تفكر في حياتها مع أمير وكيف وقفت بجواره ودائما ما كانت تدفعه للأمام وتقف خلفه بقوه فهي طوال حياتهم لك تطلب منه أن يشتري لها شيئاً كانت تفضل ان يشتري لنفسه ملابس تليق بعمله بدلا ان تشتري لنفسها اي شئ كيف انها لم تطلب منه يوما قطعة ذهب او اي ملابس من ماركات معروفة كانت تنتظر دائما التخفيضات التي تحدث حتى تنتقي منها ملابسها وملابس أولادها كانت تتذكر كل شئ و دموعها تتساقط منها غصباً وعندها نظر لها ابنها
- مامي مالك في ايه وليه جينا هنا من غير بابي نظرت له يمني وهي تحتضنه
- معلش حبيبي انا تعبانة شوية وكان لازم انزل انت مضايق انك مع مامي
- لا يا مامي انا بحبك قوي ومقدرش اسيبك وحدك
- وانا بحبكم قوي حبيبي وفجاءة استمعت لهاتفها ونظرت به فوجدته أمير فوقفت بعيدا قليلا عن أولادها وعيونها عليهم وقامت بالرد سلام عليكم
- وعليكم السلام ايه اللي عملتيه ده يا يمني انتي بتستهبلي ايه الكلام الفاضي ده
- ياريت تكلم بطريقة احسن من كده يا أمير واللي عملته مش هبل اللي عملته بحافظ بيه على كرامتي ومشاعري ومشاعر أولادي
- نعم ايه اللي بتقوليه ده كرامة ايه ومشاعر ايه كل ده علشان انشغلت شوية زياده في الشغل خيالك صورلك اني اتجوزت ضحكت يمني ودموعها تتساقط
- خيال وصورلي والخيال ده صورلي انك كنت واخد اجازة من الشغل اسبوع مش في مأمورية وخيالي برضه صورلي انك نزلت من شغلك جري روحت الشقة اللي جايبها للهانم مراتك في برج تاج الإمارات كل ده خيال يا أمير
صعق أمير وشعر ان كيانه ينهار بمعرفة حبيبته كل ذلك ولكن عنجهيته وتجبره جعلوه يصرخ بها
- بتراقبيني ياهانم هي دي التربية والأخلاق بتراقبي جوزك شعرت يمني انها سوف تنهار فهمست
- انا متربية كويس قوي وانت اكتر واحد عارف ده كبرياءك طبعا صورلك انك تهني وتجرحني كتر خيرك يا ابو العيال وبراقبك اه كان لازم اعمل كده لما الاقي حبيب عمري وجوزي وابو ولادي ناسيني وناسي عياله وكل حاجة فيه اتغيرت وكفاية انك لأول مره في حياتنا كلها تكدب بقى لك خمس ست شهور بتكذب عليا وانا زي الهبلة مصدقة وعماله اقول لنفسي معلش الشغل الله يكون في عونه وفي الاخر طلع البيه متجوز طيب حتى داري على مصيبتك وخليني ماحسش بس زي ماتقول ربنا عارف بظلمك ليا ففضحت نفسك بنفسك صرخ امير
- ماشي يا يمني ماشي اه متجوز وبحبها وانتي يومين وترجعي فاهمة صعقت يمني من رده
- ده اللي ربنا قدرك عليه طيب مش راجعه يا أمير فاهم مش راجعه وخلينا ننهي اللي بينا لغاية كده كان نفسي حتى لو ح ينتهي الحب ده كله ينتهي بشكل متحضر من غير تجريح لكن معلش كتر خيرك مره تانية طلقني يا أمير لو سمحت
- مافيش طلاق يا يمني وخليكي كده بقى زي البيت الوقف وانا ح اعيش حياتي هنا وكمان دوري مين ح يصرف عليكي وعلى ولادك انا مش ح ابعت لك فلوس ضحكت يمني
- فاكر انك بتلوي دراعي بالفلوس عايز تذلني وتهني وفاكر بعد ده كله ح ارجع غلطان يا أمير واغلط اكتر واكتر علشان تنهي كل حاجة جوايا ليك ولو على الفلوس ماتقلقش ابويا سداد زي ما كان سداد زمان لو فاكر سلام يا.... يا ابو حسين
اغلقت يمني الهاتف وبعدها وجدت أخيها يتصل فخرجت باولادها للخارج وفور ان رأت اخاها انهارت في البكاء فأحتضنها ياسر بقوه وهو يهمس
- اهدي يا يمني اهدي حبيبتي في ايه كانت يمني تتحدث من بين شهقاتها
- مش قادره اتكلم يا ياسر روحني
- حاضر حاضر حبيبتي تعالي
اخذ ياسر اخته وأولادها بعد أن احتضنتهم بحب وركبوا السيارة وطوال الطريق هي تبكي وهو فقط يربت على يدها وابنها يحتضن اخته وهم لا يفهمون شيئاً
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
في المشفى كانت هناء تجلس بجوار دنيا الغائبة عن الوعي مرة أخرى بعد أن افاقت وعلمت بوفاة رحيق انهارت وظلت تبكي بانهيار فاضطر الطبيب لإعطاءها حقنة مهدئة وكان حسين وبهاء قد أنهوا كل الإجراءات وقد شارف الوقت على المغرب فتم تأجيل الدفن للصباح ودخلوا جميعا لغرفة دنيا وجلس بجوار هناء حسين وهو يحمل باهر على قدمه ويحتضنه بقوه وامامهم بهاء بجوار والده ووالدته وهو يحمل طفلته الصغيرة فقد انهارت والدة رحيق وذهب بها ابيها الي البيت وبعد قليل بدءت دنيا في الأفاقة وبعد أن تنبهت ونظرت لهم جميعاً وقف بصرها ناحية بهاء ودموعها تتساقط
- بهاء رحيق سبتنا بجد انتم بتضحكوا عليا صح انا ح اصدقك انت علشان انت مش ممكن تكدب وتقول انها انها مشيت صح رحيق فين يا بهاء
كان الكل يبكي وبهاء دموعه لا تتوقف ونظر لها بحزن ونهض وهو يحمل صغيرته
- راحت يادنيا سبتنا انا وانتي وراحت شفتي دنيا الصغيرة صرخت دنيا
- لا مش دنيا مش دنيا
- ليه يا دنيا هي كانت عايزة تسميها دنيا
- بس هي راحت يا بهاء يبقى مش اسمي انا ما انا لسه عايشة اهو ياريتني روحت انا وهي لا يا ريتهم ادوها روحي اااااااااه يا قلبي ليه يا رحيق تمشي وتسبيني ليه اقترب منها والد بهاء وربت على رأسها
- استغفري يابنتي استغفري حرام اللي بتقوليه ده ميعادها وكان لازم تروح كل واحد لازم يروح في ميعاده
- استغفر الله العظيم سامحني يارب سامحني بص يا بهاء عارفة ان رحيق كانت عايزة تسمى دنيا لكن هي دلوقتي راحت منا يبقى يفضل اسمها موجود سميها رحيق يا بهاء ارجوك اسمها لازم يكون موجود في بنتها هاتها يا بهاء
أعطاها بهاء الصغيرة التي كانت تتثاءب وأخذت دنيا تقبل يدها وراسها ودموعها تغرقها
- شبه رحيق قوي يا بهاء
- فعلا كأنها نسخه منها
- اه ياقلبي عليكي يابنتي امك سابتك ومشيت غصب عنها بس انا اوعدك ح افضل جانبك لغاية ما ربنا يأذن مش ح اسيبك ياقلبي والتفتت تنظر لباهر الذي كان يبكي وفتحت ذراعها له فحمله حسين واعطاها اياه فضمته بقوه لصدرها وهي تبكي وهو يبكي حتى رفع نظره ونظر لها
- دودو مامي فين حاولت دنيا التماسك وظلت تقبله
- فاكر يا باهر العصفور الصغير اللي لاقيناه في الجنينة من فتره مش بيتحرك
- اه دودو انتي قلتي هو راح عند ربنا وقلتي اننا ح نسمع صوته دايما
- اه ياحبيبي اهي مامي كمان راحت عند ربنا
- يعني باهر مش شوف مامي تاني
- ح تشوفها حبيبي في أحلامك ح تشوفها في صورها الموجودة في البيت يمكن احنا مش ح نقدر نشوفها زي ما احنا بنشوف بعض كده لكن هي ح تبقى شايفانا وسمعانا ووقت مانحب نتكلم معاها ح تسمعنا يمكن مش ح تعرف ترد علينا بس ح تسمعنا كل يوم ح نقعد انا وانت ورحيق لما تكبر نتكلم معاها ونحكي لها عملنا ايه طول اليوم
- دودو مش سيبي باهر صح احتضنته دنيا بقوه
- لا ياقلبي مش ح اسيبك ابدا حبيبي
كان الكل يبكي من كلامهم سوياً حتى همس باهر لدنيا
- دودو باهر نام دودو
- نام ياقلب دودو
ظلت دنيا تهدهد باهر وهي تبكي حتى ذهب في النوم وكانت هناء قد أخذت رحيق منها فالتفتت لـ بهاء ونظرت له برجاء
- بهاء عايزة اشوفها ارجوك
- صعب يا دنيا مش ح تستحملي صعب
- ح استحمل بس اشوفها يا بهاء أودعها علشان خاطري وحياة رحيق يابهاء
- حاضر يادنيا ثواني ح اروح اشوف
ذهب بهاء الي الطبيب المسئول وطلب منه أن يروها فأخبرهم انه سوف يترك لهم خبر بذلك وعاد بهاء لدنيا واخبرها فنهضت من الفراش بخفه حتى لا توقظ باهر وخرجت وخرج معهم حسين وذهبوا الي الثلاجة وبالفعل شاهدت رحيق وكأنها نائمة ووجها مثل الملائكة وعليها ابتسامة هادئة فظلت تتحدث معها وتقبل يدها ورأسها وهي تبكي حتى شعر بهاء انها ستزهق روحها هي أيضاً فأوقفها
- كفاية يا دنيا علشان خاطري كفاية كده
وأغلق الطبيب الموجود الباب على رحيق وهنا انهارت دنيا وكادت تقع أرضا فأحتضنها بهاء بقوه وهو ينادي حسين الذي دخل فورا واحتضن دنيا فوجدها غابت عن الوعي فحملها بهاء وعاد بها للغرفة ووضعها على الفراش بعد أن حملت هناء باهر ووضعته على الأريكه وجاء طبيب خلفهم لأفاقتها وبالفعل افاقت وهي لا تزال تبكي ونظرت لهناء فأتجهت لها واحتضنتها بقوه وظلت تربت على ظهرها حتى نامت فأراحتها على الفراش وعادت تجلس بجوار حسين الذي احتضنها بقوة وهمس والد بهاء
- يا الله دنيا منهارة قوي ردت هناء
- دنيا ورحيق كانت روحهم في بعض ربنا يصبرنا كلنا يارب
انقضي الليل وجاء النهار وكانت هناء قد ذهبت في الليل مع حسين الي البيت وابدلت ثيابها الي الأسود واحضرت كذلك ملابس لدنيا وباهر وبهاء وقاموا جميعا وابدلوا ثيابهم استعداداً لذهابهم لإكرامها وقامت دنيا وهناء بالدخول على غسلها وبعد أن تم كل شئ حملت للمسجد للصلاه عليها وبعدها ذهبوا الي المقابر وبعد أن انتهى كل شئ عادوا جميعا الي البيت وطلبت منهم هناء ان يجتمعوا جميعا عندها وبالفعل ذهبوا جميعا الي بيتها اهل رحيق وأهل بهاء وامضوا الوقت معا يتفقون ماذا سيفعلون واين سيقومون بعمل العزاء وبعد أن اتفقوا على كل شئ ذهبوا جميعا وظل فقط بهاء وباهر ورحيق مع هناء وحسين ودنيا
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
ذهب ياسر بيمني وأولادها الي منزله وصعدت معه وفوجئت امها بها وبحالتها فصرخت بها
- في أيه يا يمني حصل ايه يابنتي انطقي يابت اتكلمي نظرت لها يمني بحزن وسخرية
- انا تعبانة ومش قادرة اتكلم ياسر في مكان ابات فيه انا وولادي ولا اشوف فندق علشان ماضيقش عليكم
- انتي مجنونة فندق ايه وبيت اخوكي موجود قومي تعالي معايا
وقام ياسر بأخذها الي الغرفة الإضافية والتي كانت رانيا تخطط لجعلها غرفة الألعاب لابنها فهي اكبر غرفة ودخلت يمني الي الغرفة هي وأولادها وطلبت من ياسر ان يبلغ والدتها الا تزعجها وأنها عندما ترغب في التحدث ستتكلم وحدها كما طلبت منه شراء خط هاتف لها وجاءت تعطيه أموال فنظر لها بحزن
- بتشتميني يا يمني ينفع يعني
- حقك عليا يا ياسر مش قصدي بس انا عارفة ظروفك عموما ولا تزعل ياسيدي خلاص مش ح أديك حاجة
- ايوة كده شاطرة ناموا دلوقتي وارتاحوا وبعدين نتكلم
- ربنا مايحرمني منك حبيبي
خرج ياسر وتركها وأغلق خلفه الباب فوجد والدته تنتظره هي ورانيا
- في أيه اختك مالها يا ياسر
- معرفش ياماما ماتكلمتش ولا كلمة بتعيط وبس ارجوكي سيبيها تهدي وبعدين نعرف فيها ايه بلاش تضغطي عليها ممكن
- يعني ح نسيبها كده طيب كلم لي المعدول جوزها صاح بها ياسر
- ياماما ارجوكي بلاش تتدخلي بينهم سامعه كفاية بقى ارجوكي
- قصدك ايه
- قصدي كفاية بقى ياماما كفاية سيبي كل واحد يحل مشاكله لوحده ادخلتي مره خربتي بيتي وبيتك كفاياكي بقى ارجوكى
كانت الهام تنطر له بغضب وكذلك رانيا وتركهم ودخل غرفته وأغلق خلفه الباب ودخلت وراءه رانيا
- قصدك ايه بقى ان شاء الله ببيتك اللي اتخرب هو مش ده بيتك اتخرب فين
- من زمان من ساعة ماسمحت لأمي تدخل وتخرب عليا انا ودنيا هو ده مش كان بيتي واتخرب ولا انتي نسيتي ولا تكوني افتكرتي انك انتي الزوجة الأولى لا يا رانيا فوقي دنيا كانت ملكة قلبي ولا زالت صاحت به رانيا
- ولما هي ملكة قلبك وما زالت اتجوزتني ليه نظر لها
- انتي عارفة كويس اتجوزتك ليه ولولا تدخل امي كان زماني قدرت اقنع دنيا وتفضل مراتي لكن للأسف مشيت وراء كلام امي و كلامك وحركاتك نسوني حب عمري وراحت مني وبعد اللي عملته فيها عمرها ما ح توافق ترجع لي ولا على جثتها حتى... دلوقتي سيبيني ولا عايزة حاجة تانية
- اه يابيه اختك اللي جبتها بيتي من غير ماتقول وان شاء الله ح تقعد قد ايه
نظر لها ياسر بغضب ونهض من مكانه متجهاً لها وامسكها من ذراعها بقوة
- عيدي كلامك تاني كده بيت مين ياحلوة لا بلاش تنسي نفسك يا رانيا البيت ده بيتي فاهمة واختي تقعد زي ماتقعد وحسك عينك سامعه حسك عينك اعرف انك قلتي لها كلمة كده ولا كده ولا ضايقتيها هي ولا ولادها قسما بالله يا رانيا اكون مطربقها على نافوخك سامعه
هزت رانيا رأسها وتركت الغرفة وخرجت للخارج فوجدت الهام تجلس وكأنها على صفيح ساخن فنظرت لها وتركتها وفتحت التلفاز وتركتها مع نفسها
لقراءة أو تحميل رواية مودة ورحمة الفصل الحادي عشر من هنا 👇
لقراءه وتحميل الرواية كامله هنا 👇👇
للتواصل 👇👇👇😘
يُمكنك الانضمام لقناتنا على التليجرام
تعليقات
إرسال تعليق