روايه موده ورحمه الفصل الخامس عشر بقلم موروو مصطفي 
رواية مودة ورحمة البارت الخامس عشر
روايه موده ورحمه الفصل الخامس عشر
مر اسبوعان بعد اقتراح دنيا لبهاء على مشروع الاستضافة وسعدت به يمني كثيرا وعندما عرضت عليها دنيا العمل رحبت بهذا ولكن دون اجر وبعد محاولات من دنيا وبهاء وافقت على ذلك وداخلها تحمد ربنا على هذا حتى ترفع العبء عن ابيها قليلاً والكل ساهم في تنظيم الحديقة وترتيبها وكان بهاء يرى دنيا وهي تعمل كشعلة نشاط من هنا لهنا وكل هذا وهي لا تؤثر او تهمل في رعاية اولاده في يوم كانوا يجلسون جميعا في الحديقة وبهاء يلعب مع حسين وأمل ورن هاتف يمني ونظرت به فوجدته أخيها فأرتبكت ونظرت لهم فسألها ابيها
- مين يا يمني
- ده ده ياسر يابابا وقبل ان يرد عليها ابيها نظرت لهم دنيا
- يمني مش ح أكرر طلبي لكم مره تانية مش عايزاه يعرف عني اي حاجة خالص ممكن نظرت لها يمني
- حاضر يادنيا
نهضت دنيا وانصرفت تلعب مع الاولاد وشعر بهاء بالضيق لا يعرف لماذا ووقف مقترباً منها وهمس
- دنيا عايزك بعد اذنك وقفت دنيا واتجهت معاه الي مكان بعيد عنهم فنظرت له
- خير يا بهاء في حاجة عايز حاجة اعملها لك
- لا يادنيا عايز أسألك على حاجة بس
- اتفضل يا بهاء
- أيه وجه نظرك ان ياسر مايعرفش انك اتجوزتي لم تتوقع دنيا هذا السؤال من بهاء فنظرت له
- بهاء انا مش قصدي حاجة غير اني فعلا مش عايزاه يعرف عني اي حاجة خالص مش عايزه اسمع سيرته ولا اسمي يجي على لسانه
- للدرجة دي كرهتيه
- لو كرهته يبقى لسه جوايا مشاعر ليه لكن صدقني يا بهاء ياسر انتهى من حياتي مابقاش له وجود خالص بقى هوا بالنسبة لي انت اضايقت اني قلت كده
- لا استغربت بس وقلت افهم
- ماشي ياسيدي واديك فهمت قولي بقى ياريس ح انزل الشغل امتي
- بكرة ياحضرة الباشمهندسة
- ماشي ياحضرة الباشمهندس
بقى الوضع بين بهاء ودنيا كما هو عليه طيلة الايام السابقة يمضون الوقت كله معا يضحكون ويعملون وفي آخر الليل تنام هي مع رحيق وينام هو مع باهر وكان الوضع بينهم هكذا مريح للاثنان كثيرا كما كان محمد و رضا يحضرون لهم يوميا حتى يلعبون مع أحفادهم وكانوا يشاهدون اهتمام دنيا ومراعتها بهم بكل الحب
اما يمني فكانت تعمل مع دنيا دون كلل تراعي ابنتها وأولاد الجيران الذين حضروا وكذلك هناء التي كانت تساعدهم بعمل بعض الاطعمة والحلويات للأطفال واندمج الجميع في عمله
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
يجلس أمير في مكتبه وهو يشعر بصداع فتاك ولا يستطيع النظر الى اي شئ فقط يرغب بضرب رأسه في الحائط فجاءة دخل عليه رئيسة فوقف وهو يترنح من شدة الصداع فنظر له رئيسة
- في أيه يا أمير انت جرالك ايه ليه متغير بالشكل ده وكفاءتك في العمل بقت ضايعة انا لولا عارفك وعارف اجتهادك من اول ما اشتغلت كنت فورا قدمت فيك تقرير يرفدك من الشغل فوق ياأمير وماتضيعش سنين عمرك هباء وخلي بالك كويس قوي المناقصة كمان اسبوع والأرقام اللي معاك في منتهى السرية فاهم
كان أمير يشعر بألم رهيب في رأسه فلم يستطع ان يجادل او يناقش كلام رئيسة فقط هز رأسه في صمت وتركه الرجل وخرج وجلس أمير مكانه وهو يحدث حاله
- ادي آخرة السهر والشرب استفادت ايه ح تضيع سنين عمرك اللي تعبت فيها علشان شوية سهر وخروج وشرب وقرف فوق يا أمير كفاياك خسارة بقي وقام منصرفا الي منزله ودخل فوجد بيري لا تزال نائمة كما تركها في الصباح فأقترب منها وهو يحركها بيده
- بيري بيري انتي لسه نايمة لدلوقتي فدفعته بيري وهي تهمس نائمة
- يووووه يا ميرو سيبني نايمة انا مش قادرة افتح عيني
- بيري العشاء اذنت وانتي لسه نايمة نظرت له بيري
- أمير انا نايمة الضهر سيبني بقى هو ح يبقى حابسة في البيت ومافيش خروج وكمان مش عارفة انام اووووووف
التفت أمير ينظر لها وهو يتحسر على ما فعله في نفسه وماذا عليه أن يفعل حتى يصلح اخطائه
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
مر خمس ايام وتبقي يومان على تلك المناقصة التي تخص الشركة التي يعمل بها أمير وفجاءة وجد مكتبه يفتح بقوة ورئيسة يقف أمامه وهو في قمة الغضب
- حالاً فاهم حالاً يعني ايه تعترف لي اخدت كام في بيع أرقام المناقصة ومين دي اللي وصلتها للشركة المنافسة انطق والا قسما بجلال الله أبلغ عنك حالا وتترحل بفضيحة بعد فترة سجن محترمه
كان أمير ينظر له بذهول وهو يحرك رأسه يمين ويسار وينظر لرئيسه
- والله ياريس ما بعت حاجة ح ابيع شغلي ازاي مش ممكن حتى لو فكرت اعمل كده اكيد ح يتعرف اني انا والله ياريس ماعملت حاجة وفجاءة وقع أمير أرضا وجسده يرتجف بشده فطلب خالد رئيسه في العمل الإسعاف وجاءت وأخذته وذهب معه إلى المشفي وهناك تم الكشف عليه وعمل بعض التحاليل له واخبروهم انه يأخذ جرعات من انواع معينه من المخدرات مع الكحوليات ولولا ان جسده قوي البنيه لكان قد انهار فصعق خالد وكذلك أمير وصرخ
- انا استحاله اخد الحاجات دي اه انا فعلا شربت لكن ما اخدتش حاجة والله هو انا ايه اللي بيحصلي ده
شعر خالد ان هناك خطباً ما يحدث لأمير فجلس بجواره
- أمير فهمني ايه اللي جد معاك خليني اساعدك واضح ان اتلعب بيك وانا عايز افهم علشان اساعدك والا صدقني نهايتك ح تبقى السجن لو اتعرف انك بيعت أرقام الشركة للمنافس
صرخ أمير ودموعه تتساقط
- والله مظلوم يا خالد مظلوم والله
- يبقى فهمني بقى واحدة واحدة كده
- انا ح احكي لك كل حاجة قص أمير عليه كل شئ بداية من ضعفه واستسلامه لاغراء بيريهان وانتهاءً بغضب يمني وتركها البيت وتهديده لها مرورا بزواجه من بيريهان وكيف جعلته يشرب ويبتعد عن كل شئ كان يفعله ليقربه من الله
ضرب خالد كف بكف وهو ينظر له ويكاد يخنقه
- عارف انا متغاظ منك ازاي انا نفسي اخنقك بجد او افضل اضرب فيك لما يبان لك صحاب المهم نحل مشكلة المناقصة الأول وبعدها نفكر في حل المعضلة الهباب اللي حطيت نفسك فيها دلوقتي ورق المناقصة ده كنت بتحطه فين
- والله يا خالد مابسيبه باخده البيت ورجعه معايا الشغل تاني حتى في مره كنت وصمت وهو يتذكر موقف بيريهان وهي تركع أمام الورق وانتفض من الفراش فصعق خالد ووقف وامسكه من يده
- في أيه يا أمير افتكرت ايه
فقص عليه أمير موقف بيريهان والورق فنظر له خالد
- يبقي هي اللي عملت كده باعتك الهانم علشان تروح انت في داهية وهي تلاقيها خدت شئ وشويات من الشركة المنافسة ويبقى كده هي اللي بتحط لك المخدرات علشان تبان خمورجي ومدمن يبقى انت وش
كان أمير يستمع له ويشعر ان رأسه ستنفجر ونظر لخالد
- كل ده ذنب يمني واللي عملته معاها اعمل ايه يارب اعمل ايه سيبت ملاك واتجوزت شيطان ضيعتني وضيعت مني مراتي وولادي بس انا اللي حمار وغبي
نظر له خالد وهو يشعر بأنه يريد أن يهدئ من حالة وفي نفس ذات الوقت يريد أن يفتك به
- اسمع ياأمير الحمدلله اني اما حطيت الأرقام دي كان لسه عندي مساحة العب فيها انا ح اعدل الأرقام دي وحضرتك ح تاخد الفايل ده وتروح بيه لوحد هناك ح يساعدك ح ياخد الفايل منك ويحطه مكان الفايل القديم دلوقتي حضرتك ابعت لي صورة الحيوانة اللي متجوزها دي عايز ابعتها للراجل بتاعي اللي في الشركة يقولي هي دي اللي راحت لحسان ولا لا
وبالفعل ارسل أمير صورة بيريهان لخالد والذي قام بإرسالها الي صديقة ورد عليه فورا انها هي من جاءت الي الشركة وأخذت شيك بمبلغ ربع مليون درهم فشكره وأغلق معه ونظر لأمير الذي كان يستمع له وهو في ذهول
- دلوقتي الدكتور هنا ح يكتب لك حاجة علشان الهباب اللي أخذته ده الحمدلله الفترة مش طويلة وح تروح تعمل اللي قلت لك عليه بكره وبعد بكره ح يتم اعلان اننا اللي فوزنا بالمناقصة ساعتها الهانم ح تموت من الرعب لان حسان مش ح يسبها
- تروح في داهية بس انا لازم أطلقها
- بكره بعد ماتسلم الفايل اطلع على السفارة وطلقها وبعد كده يا أمير ح اديك اجازة شهر تنزل مصر تبوس ايد وراس مراتك وترجعها لأنها لو مارجعتش معاك ح ارفدك فاهم
- فاهم فاهم متشكر قوي قوي يا ريس
- النهاردة كلمها وقولها ان النهاردة ح تبات في الشركة علشان في شغل مهم لازم يخلص واحتمال بكره كمان علشان بعد بكرة نتيجة المناقصة واللي المفروض ان احنا واثقين انها بتاعتنا
- حاضر بس كده ح ابات فين
- ح تيجي عندي بس ح ابعت السواق لها يجيب لك هدوم ده بعد ماتكلمها
قام أمير بفعل ما أملاه عليه خالد وشعر في صوتها بسعادة وفرح كأنها سعيدة انه سيبيت بالخارج او ربما تسخر منه لتوقعه الفوز وبالفعل بعد أن أغلق أمير معها الهاتف ضحكت بصوت عالي
- ابقى قابلني يا سي أمير بقى ووريني الهانم اللي وحشتك لما تعرف انك مدمن وبعت شركتك ح تعمل فيك ايه وكمان الشركة اللي اكيد ح تدخلك السجن أدام خسارتها اللي ح تخسرها دي ياحرام صعبان عليا والله بس الفلوس احلى وأخذت تضحك عليه وهي لاتعرف ماذا يخبئ لها القدر
مضى اليومان وقام أمير بعمل ما طلبه منه خالد واليوم وبعد ظهور نتيجة المناقصة كان يقف أمير على باب شقته وفتح الباب ودخل يتصنت عليها وهي تتحدث مع احد على الهاتف وهي ترتجف وتتحدث
- والله انا صورت الورق زي ما كان في شنطته وانت شفت والله ماضحكتش عليك اصبر بس عليا يا حسان وقبل ان تكمل وجدت أمير يقف أمامها بجبروت فأرتبكت بشدة واغلقت الهاتف ونظرت له وهي تعود للخلف وتحاول التماسك
- أمير جيت امتى حبيبي ضحك أمير على كلمة حبيبي
- جيت وانتي بتقولي له انا صورت الورق اللي في شنطتة بقى انا ياخاينة يا زبالة تعملي فيا كده كنتي عايزة تبيعيني بعد كل اللي عملته علشانك فعلا حية غدارة انا مش قادر أصدق ضحيت بملاك وولادي علشان واحدة حقيرة زيك ياترى بقى لما فهمتيني ان حصل بينا حاجة وانا مش في وعي وفهمتيني اني اول راجل في حياتك كان فعلا ده حصل ارتبكت و تمسكت بيريهان بيد أمير
- أمير ارجوك انقذني وبعدها اعمل اللي عايزه فيا ضحك أمير بقوة وهو ينظر لها ودفع يدها عن يده
- ردي علي سؤالي يا بيريهان انطقي
- أمير ارجوك ليه بتفتكر حاجة حصلت من فترة خلينا في دلوقتي
- يبقى زي ماتوقعت انتي لا كنتي بنت ولا نيلة روحي ياشيخه ربنا ينتقم منك دنيا وأخره خربت بيتي بسببك بس خلاص بقى كل حاجة خلصت انتي انتهيتي من حياتي صرخت بيريهان وهي تتمسك بأمير
- لا يا أمير اوع تسيبني حسان مش ح يسيبني ضحك أمير
- وانا مالي روحي يا شاطرة رجعي له الشيك اللي اخدتيه ظلت بيريهان تضرب على ساقها
- مابقاش ينفع يا أمير مابقاش ينفع انا صرفت الشيك واتصرفت في الفلوس نظر لها أمير بذهول
- اتصرفتي في ربع مليون درهم ياجبروتك ياشيخة عملتي ايه في الفلوس
- كنت مديونة لناس وسددتهم ضحك أمير حتى كادت عيناه تدمع ونظر لها
- اتصرفي استلفيهم انا مالي تخصيني في ايه انتي
- انا مراتك يا أمير هز أمير رأسه يمين ويسار وهو يضحك
- خلاص يا شطورة انا طلقتك من امبارح انا بس جي اخد حاجتي
صرخت بيريهان بقوة وهي تحاول التهجم على أمير فدفعها أمير ودخل غرفته ليحضر متعلقاته وجاء ليخرج فوجد باب البيت يكسر ويدخل منه بعض الرجال ومعهم حسان وهو ينظر لبيريهان شذرا
- بقي انتي تضحكي على حسان يازبالة عارفة انا مش مهم عندي الفلوس ولا مهم المناقصة عادي في داهية بس مش انتي اللي تضحكي عليا انا ياشاطرة
وقف أمير يضحك بقوة فنظر له حسان وتحدث أمير
- اتفضل يا شيخ اهي عندك خدها ولا تلزمني انا ماليش، في الخونة ضحك حسان بقوة ونظر لها
- حتى جوزك رماكي تعالي بقى ياحلوة وانا ح اخليك تندمي انك تفكري تضحكي على حسان المهدي نظر له أمير
- مش مراتي ياشيخ انا طلقتها صرخت بيريهان وهي تحاول أن تتمسك بأمير
- أمير علشان خاطري ساعدني وحياة حبنا انقذني وح اعيش معاك خدامة
- اسف يامدام بيري حب ايه اللي بتكلمي عنه اللي بيحب مابيخونش مابيغدرش شيخ حسان حسابك مع الهانم عن اذنكم وتركهم وهو يستمع لصرخات بيريهان وحسان يسحبها خلفه وذهب الي خالد وقدم طلب الاجازة وغادر الي القاهرة في محاولة لإصلاح ما أتلفه مع زوجته وأولاده
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
في الصباح الباكر ذهب بهاء ودنيا الي العمل وقام كل واحد منهم بالذهاب بسيارته حتى تستطيع دنيا العودة وقتما تريد وكانت دنيا قد ذهبت مع بهاء ورحيق من قبل تكثر من مره فكان الكل يعرفها بالفعل وسعدوا جدا بانضمامها للعمل معهم وجلس بهاء ومعه دنيا مع اصطاف المهندسين يتناقشون في خطة العمل وكيف سينجحوا في إدارة الثلاث مشاريع الموكله إليهم واستطاعت دنيا اقتراح العديد من النقاط التي تساعد في ذلك فكان بهاء ينظر لها وهو يبتسم حتى انتهوا وذهب الكل الي مكان عمله وظلت دنيا مع بهاء في مكتبه واخذوا يتحدثون قليلاً في العمل وبعد قليل وقفت دنيا سريعاً فانتفض بهاء من مكانه
- في أيه يادنيا
- مش عارفة انا مروحه
- يابنتي مالك ماكنتي كويسة
- معرفش معرفش انا عايزة اروح حاسة ان في حاجة في الاولاد
- حاجة ايه يادنيا اهدي يابنتي ما ماما هناء و يمني هناك وممكن كمان ماما رضا تبقى هناك
- لا لا انا مروحه
وأخذت مفاتيح سيارتها وتركت حقيبتها واللاب الخاص بها وجرت للخارج فشعر بهاء بالقلق ونظر فوجد اشياؤها فأخذها وانصرف خلفها ولكنه لم يلحقها فقد طارت بالسيارة للمنزل وبعد قليل وصل خلفها فلم يجد سيارتها فدخل الحديقة ووجد الكل في حالة ارتباك هناء ورضا فالتفت حوله
- فين دنيا وباهر ياجماعه فنظرت له رضا وعيونها تتساقط منها الدموع ففزع بهاء واقترب منها وهو يشعر بالقلق في ايه يا امي فلم تستطع رضا الرد فنظرت له هناء
- بهاء يابني اهدي باهر أصله كان طالع يجيب حاجة من شقتكم وهو نازل السلم وقع وقعد يصرخ جرينا عليه لقينا وشه بيجيب دم وايده بيصرخ منها بس قبل ما نعمل حاجة لقينا دنيا داخله زي المجنونة وبتصرخ ولادي فين واول ماشافت باهر كده سحبته جري في حضنها ورمت المفاتيح في ايد يمني وطلعوا جري على المستشفى
شعر بهاء بقلبه يؤلمه بقوه فأمسك هاتفه وقام بالاتصال بـ يمني فدنيا تركت حقيبتها معه وردت يمني
- ايوة يا بهاء
- انتم فين يا يمني
- في المستشفى يا بهاء انا مش عارفة اسمها هي بعد البيت بشارعين
- انا في الطريق يا يمني
وخرج بهاء سريعاً وهو ينظر لهم
- اهدوا ان شاء الله خير خدوا بالكم من الأولاد لحد يطلع
صرخت هناء وهي تحتضن رضا
- طمنا يابني بالله عليك
- حاضر يا أمي
ذهب بهاء سريعا للمشفى ودخل يجري فلمح يمني تقف امام غرفة فذهب لها سريعاً
- فين باهر ودنيا يا يمني التفتت له يمني وهي تبكي واشارت له على غرفة
- في الأوضة دي يا بهاء دخل بهاء سريعاً
وجد باهر في أحضان دنيا وهو يبكي وهي تبكي معه وتحتضنه بقوة وهم يقومون بتجبير يده بعد أن قاموا بتعقيم رأسه ووضعوا بلاستر على الجرح ونظرت دنيا له وعيناها كأنها ترجوه الاقتراب منها حتى تشعر بالأمان وهو لم يشعر سوي بقدمه تتحرك ليقترب منهم وينحني محتضن دنيا وباهر ونظر للطبيب
- خير يا دكتور انا باباه
- الحمدلله ان مامته اتصرفت صح ومحركتش ايده خالص والا كان ممكن تنضر بقوه جرح رأسه مافيش منه قلق خالص مجرد جرح طهرناه وحطينا له بلاستر اما ايده فالحمدلله ان تصرف مامته كان صح فـ يادوب بنعمله جبيرة بس علشان مايحركهاش والحمدلله انها في الشمال النهاردة بس ح يكون في شوية ألم بس ح ياخد يومين على مايتعود عليها حضرتك بس خلي المدام تهدي لاني واثق انه بيعيط على عياطها هو دلوقتي مش حاسس بحاجة لأنها صممت نحط له بنج علشان مايتألمش
فنظر بهاء لدنيا وقبل رأسها بحنان
- اهدي يا دنيا مش كده الحمدلله هو كويس
- صعبان عليا قوي بتوجعه يا بهاء
- لا يا دودو مش بتوجعه ونظر بهاء لابنه بتوجعك يا بيبو نظر باهر لوالده
- لا بابا
- طيب بتعيط ليه حبيبي
- دودو عيط بابا نظرت له دنيا وهي تمسح دموعها بيدها كطفلة صغيرة وابتسمت له
- لا يا روح دودو انا مش بعيط اهو انت كويس
- اه دودو
نظر بهاء للطبيب وهو ينهض من على ساقه
- طيب المطلوب ايه دلوقتي يادكتور
- ولا اي حاجة دي روشتة بالأدوية واسم حقن لو اتألم نديله منها سم واحد بس وطبعا بلاش يحرك ايده خالص وعلشان كده ح نعلقها له من اول مايصحي لغاية ماينام علشان يبقى مجبر مايحركهاش واشوفه بعد ٣ اسابيع
- متشكر قوي يادكتور عن اذن حضرتك يالا يادنيا تعال ياباهر اشيلك انا
- لا بابا دودو فنظرت دنيا لبهاء
- سيبه يابهاء ان ح اشيله
- خايف تقعي
- لا ماتخافش انا كويسة
خرج بهاء ودنيا وهي تحمل باهر فوجدوا يمني تنتظرهم بالخارج فنظر بهاء لها
- تعالي معانا يايمني وسيبي العربية ح ابقى اجي اخدها مع بابا حسين وانصرف الثلاثة يعودون الي المنزل
للتواصل 👇👇👇😘
يُمكنك الانضمام لقناتنا على التليجرام
تعليقات
إرسال تعليق