روايه موده ورحمه الفصل السادس عشر بقلم موروو مصطفي 
رواية مودة ورحمة البارت السادس عشر
روايه موده ورحمه الفصل السادس عشر
وصل أمير الي مطار القاهرة واتجه فورا الي منزل حماه وظل يطرق الباب فلم يجد إجابة فأخذ يفكر ماذا يفعل والي ابن ذهبت يمني وأولاده وتفتق ذهنه عن الاتجاة الي عمل حماه وبالفعل ذهب فورا الي مكتب حسين وهو كان مكتب صغير للاستيراد والتصدير وفشل حسين فيه فقرر تحويله الي مكتب صغير للمقاولات وبدء في النجاح فيه مؤخرا وصل أمير الي مكتب حسين وطلب مقابلته فسمح له بالدخول ونظر له نظره احرقته فنكس أمير رأسه للأسفل فهو يعتبر حسين ابوه فهو من تولي تربيته والاعتناء به بعد وفاة اهله وهو الخامسة عشر فتحدث حسين له
- ارفع راسك وبص لي وقولي عملت كده ليه في بنتي يا أمير هي دي حب عمرك
رفع أمير رأسه وكان وجهه غارق بالدموع فأستغفر حسين بصوت مخنوق واقترب منه فأرتمي أمير في احضانه وهو يبكي
- حقك عليا يا بابا سامحني ارجوك غلطة بشعة عارف لكن ضحكت عليا والله
- انت مش صغير يا أمير علشان واحدة تضحك عليك اقعد واحكي لي كل حاجة من الأول للأخر علشان اشوف تستاهل اسامحك ولا
- لا ابوس ايدك يابابا بلاش ولا دي
- خلاص اقعد واحكي وانا ح اسمع
جلس أمير وبدء في قص كل ما حدث معه من اغراء بيريهان له وتصنعها انها قد ضاعت بسببه فقرر ان يصلح خطاءه يتزوجها لفترة ثم يطلقها ولكنها استطاعت باسلوبها الملتوي ان تغرقه معها الي الحضيض حتى اكتشف حقارتها ووضاعتها وطلقها نظر له حسين
- يعني انت بس لما اكتشفت انها خانتك طلقتها وجي ترجع بنتي
- لا يابابا انا من قبل ده من اول ما يمني مشيت يمكن اول اسبوع او اتنين سحبتني لحياة اول مرة اشوفها شيطاني غلبني لغاية ما فوقت لقيت اني ضحيت بملاك علشان واحدة ماتستهلش وكنت ح اخسر شغلي حاولت مع يمني حاولت اكلمها كتير كانت بتخلي الاولاد بس يرودوا عليا وهي رفضت حاولت اعتذر لها كتير رفضت تسمعني عارف ان غلطي فادح بس ربنا غفور رحيم ساعدني يا بابا ارجوك اوع تسبني انا من غير يمني ضايع وفجاءة ارتعش جسد أمير وقارب على الاغماء وهمس بابا الدواء في الشنطة دي
جري حسين واحضر الدواء واعطاه له وبعد قليل هدء أمير وعاد للتنفس من جديد فنظر له حسين بقلق
- في أيه انت تعبان ابتسم أمير بسخرية
- لا يابابا الهانم كانت بتحط لي مخدرات علشان يظهر اني مدمن وخمورجي والبس المصيبة وتهرب هي
- دي شيطان رجيم الحمدلله ربنا خلصك منها بس ايه اللي بيحصل ده
- جسمي يابابا محتاج المخدر والدكتور في المستشفى كان عايز يحجزني علشان يقدروا يسحبوا المخدر من جسمي بس انا رفضت كان لازم ارجع علشان يمني والاولاد
- والله يابني ما عارف اقولك ايه عموما ان شاء الله خير يمني لسه بتحبك يا أمير
- وانا بعشقها وبموت فيها يابابا غلطة ومستعد تعاقبني باي طريقة بس كفاية حرمان بقى
- طيب انت ح تقعد فين دلوقتي
- ح انزل في أقرب فندق لكم انا روحت البيت مالقيتش حد نظر له حسين بألم
- الموضوع كبير قوي يا أمير بس ح احكي لك
قص حسين كل ماحدث منذ ترك دنيا البيت لزواج ياسر عليها وطلاق حسين من الهام وزواجه من هناء ووفاة رحيق وزواج دنيا من بهاء كان أمير يستمع له وكأنه فمن كوكب آخر وعندما انتهى حسين نظر له أمير
- هو اللي حضرتك حكيته ده بجد ولا فيلم هندي ابتسم حسين بحزن
- لا يا أمير جد مش فيلم
- يانهار ازرق كل ده يطلع من حماتي وياسر معقول ده احنا كنا بنحلف بحب ياسر لدنيا يعمل فيها كده
- اهو دلوقتي بيتعذب عذاب الدنيا بس هو اللي عمل في نفسه كده نقول ايه
- طيب خلاص ح اشوف أقرب فندق لكم وانزل فيه
اخذ حسين يفكر وهو في صمت تام ثم ابتسم بخبث ونظر لأمير
- بص ياواد انت علشان انا بحبك ورغم اللي عملته في بنتي وقهرتها لا وببجاحتك بتهددها ياغبي انك مش ح تبعت لها فلوس وانا كنت ح كل ببنتي ياغبي وضربه في صدره فأبتسم أمير وهو يمسك يد حسين ويقبلها
- كنت بهددها يابابا علشان عارف ان يمني نفسها عزيزة قوي وح تكسف تطلب من حضرتك حاجة لكن والله العظيم لو شافت الفيزا بتاعتها ح تلاقي مصروفها ومصروف البيت والأولاد محطوطين فيها وبزيادة علشان تبقى مش محتاجة اي حاجة هي والأولاد وهما هنا
- ماشي يا متخلف اتهبب اسكت وماسمعش حسك فوضع أمير يده على فمه🤐🤐🤐 دليل الصمت
قام حسين بالاتصال بهناء وقص عليها كل شئ واخذوا يتناقشون حتى اقترحت هناء عليه أن يحضر أمير الي المنزل ويقيم في الشقة التي تبيت بها يمني والأولاد ويمني تبيت معهم في الأعلى وهو عليه أن يفعل المستحيل لتسامحه فضحك حسين وقال لها يمني عنيدة وح ترفض فضحكت هناء بقوة وقالت له
- مش على هنونتك يا حسونتي ولا على البت دنيا
ضحك حسين بقوة وهو يهمس لها بصوت منخفض
- وحشتي حسونتك قوي ياهنونتي
وضحك على خجلها الذي ظهر في صوتها المرتجف وهي تهمس باسمه وبعدها أغلق الهاتف وهو ينظر لأمير الذي كان في ملكوت اخر وهو ينظر لصورة يمني وأولاده التي يضعها حسين علي المكتب وانتفض عندما صرخ حسين منادياَ عليه
- خضتني يابابا
- لما انت عينك طايرة عليها كده عملت عملتك الهباب دي ليه فنكس أمير رأسه فأكمل حسين خلاص يازفت ربنا يسهل ونعرف نصالحكم بص ياسيدي وقص عليه اتفاقه مع هناء فأحتضنه أمير بقوة
- ربنا مايحرمني منك يابابا
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
جلست هناء تفكر ماذا تقول ليمني واقتربت منها دنيا
- سرحانة في ايه ياشقية في المز بتاعك اكيد نظرت لها هناء وضحكت بقوة
- لا ياختي سرحانة في المصيبة اللي ح اعملها انا وابوكي
- يالهوي مصيبة أيه يا ماما
- ح احكي لك تعالي اقعدي بس شوفي البت يمني فين بدل ماتيجي تكبس علينا ونروح في داهية أصل المصيبة ح تتعمل فيها 🤣🤣🤣🤣🤣🤣
- يالهووووووووووي ياماما ناويين على ايه قولي قولي يمني فوق عندي بتعمل كيكة بالعسل قال نفسها هفتها عليها وانا عارفة بتعملها علشان الغبي أمير كان بيحبها منها قوي
ضحكت هناء بقوة وشدت دينا تجلسها بجوارها
- حلو قوي ماهو أمير جي على هنا وقفت دنيا ونظرت لهناء وهي تغلق عيناها وتفتحهم
- أمير مين
- أمير جوزها يابت
- جوز مين
- دنيا انتي اتهبلتي ولا ايه أمير جوز يمني
- ياختاااااااااااااااااي يمنى مين
- لا ده انا ح اقوم اضربك بالشبشب
- هناء ياحبيبتي اهدي كده ياختي واعقلي واركزي وفهميني بالراحة الله يرضي عنك
- بت يامجنونة انتي
وهنا كان قد وصل بهاء واقترب منهم
- مين المجنونة دي يا هنوءة
- مراتك ياخويا الهبلة اللي واقفة ادامك دي بقولها أمير جي مع حسين دلوقتي جالها تخلف نظر بهاء لها بذهول
- أمير مين
هنا لم تستطع هناء الصمود فوقفت وامسكتهم الاثنين من مقدمة ملابسهم
- بقولك ايه ياض انت وهي انتم عايزين تجيبوا اجلي جرالك ايه هي الهبلة دي بهتت عليك
- يا ست الحاجة اهدي بس كده انتي بتكلمي جد أمير جوز يمني جي دلوقتي
- الحمدلله فهم اه ياخويا هنا صرخت دنيا وهي تدور حول نفسها
- يالهووووووووووي يالهووووووووووي يالهووووووووووي يمني ح تولع فينا ياختاااااااااااااااااي الحق اخد ولادي واهرب بصي ياست هناء ياعسل انتي انا رايحه مع الاولاد عند ماما رضا سلام بقى وتحركت ليمسكها بهاء من الخلف وكأنه يقبض على حرامي وهو يضحك بشدة عليها
- دنيا مالك يابنتي بس
- سبني بس يا بهاء انت مش فاهم عليا النعمه لو يمني شافت أمير دلوقت لتحط رأسه في الفرن مع الكيكة ياختاااااااااااااااااي اوع ياخويا انا ماليش غير العيال الحقهم بدل ما تلبس حاجة في وشهم ياحزني قال أمير جي قال يالا على البركة جي لقضاه
كان بهاء لا يستطيع التحدث من كثرة الضحك وهو يمسك دنيا كالحرامي وعندما عافرت معه وقع معها فوقعت وهو فوقها وفجاءة صمتوا وتعلقت عيونهم ببعض وانفاسه تعلوا حتى انتبهت دنيا على وجود حسين وأمير فهمست له
- بهاء قوم بابا حسين وأمير وصلوا فهمس لها وهو على نفس وضعه
- بابا حسين وأمير مين
فصرخت هناء بجوارهم فانتبه ونهض فورا وهو يشعر بالتخبط والارتباك ووقف وانتبه لحسين يضحك
- يابني قوم مراتك هو انت وقعتها وقمت وسيبتها فأنحتي بهاء وامسك يدها وسحبها لتقف وهي تشعر بالخجل الشديد فحاول حسين رفع الحرج عنهم فاشار على أمير
- بهاء أمير جوز يمني فاكره أمير ده المهندس بهاء جوز دنيا رد أمير
- اهلا وسهلا ياباشمهندس
- اهلا يا أمير بهاء بس من غير مهندس دي حمدلله على السلامة
- الله يسلمك والتفت الي دنيا ازيك يادنيا عاملة ايه
- اهلا يا أمير حمدلله على السلامه انا زعلانة منك فوق ماتتخيل
- عارف يادنيا عارف وح أصلح كل ده صدقيني وهنا صرخت دنيا
- يالهوي يمني ماتعرفش حاجة وزمانها قربت تخلص رد أمير سريعاً
- كيكة العسل صح شامم ريحتها من اول مادخلت
اتجه حسين وهو يحدثهم الي الداخل
- خليكم هنا كلكم انا طالع لـ يمني فتحدثت دنيا سريعاً
- كنت خليك يابابا وطلع البيه علشان يمني تحط رأسه في الفرن جنب الكيكة
فهمس أمير بحب
- لو ده ح يخليها تسامحني اعمل اللي هي عايزاه التفتت له دنيا ووقفت أمامه بغضب وانفعال وصرخت به
- ولما انت بتتهبب تحبها كده جرحتها ليه وجعتها وهنتها ليه ايه المفروض تجرح وتهين و تعيش حياتك ولما تتعب ولا تزهق ولا تكتشف حقيقة الزفت اللي وقعت فيه تيجي تعتذر وخلاص كده الموضوع خلص ايه انتم بني ادمين واحنا ايه عارف انا لو جت سألتني ح اقولها ترميك وراء ضهرها علشان انت ماتستهلش ضفرها
كان الكل يقف بذهول وهم يشعرون ان دنيا تكاد تنهار ولم يستطع احد التحرك سوا هناء التي اقتربت منها وقامت بصفعها على وجهها ونظرت لها بغضب
- دي تربيتي انا واحلام ربيناكي على كده صوتك عالي وبتزعقي وانا وابوكي وجوزك واقفين ايه خلاص كبرتي
كانت دنيا تضع يدها على وجهها وتنظر لهناء ودموعها تتساقط فلم يستطع بهاء سوي احتضانها بقوه ودفن وجهها في صدره وهو يربت على شعرها بحنان حتى شعر بدموعها تغرق القميص الذي يرتديه اقترب أمير من مكانهم وهمس بحزن وصوته يتهدج من دموعه
- كل كلمة قلتيها صح يادنيا بس الحب والعشرة اللي بينا تسمح انها تديني فرصة تانيه اثبت لها حبي واثبت لها اني غبي وحمار دنيا انتي اكتر واحده عارفة الحب اللي بيني وبين يمني غلط انا عارف وغلطي مش سهل ومستعد استحمل اي حاجة ح تعملها فيا بس ترجع لي ح تساعديني يادنيا ولا ح تتخلى عن اخوكي بعد ماغلط
كانت دنيا تستمع له وهي لازالت في أحضان بهاء فهزت رأسها بالموافقة وهمست لبهاء
- عايزة امشي
نظر لهم بهاء وابتسم
- بابا اطلع حضرتك شوف ح تعمل ايه مع يمني وانت يا أمير مانتاش غريب اقعد مع ماما هناء انا بس ح اخد دنيا تغسل وشها كانت هناء في حالة من الصمت ودموعها تتساقط بغزارة فنظر لها بهاء وأرسل لها قبله في الهواء وهمس اهدي وتحرك بدنيا للحديقة الخلفية وفور ان شعرت دنيا بابتعادها عنهم انهارت في البكاء بقوة فأجلسها بهاء وجلس بجوارها فقط يربت على يدها حتى أخرجت كل مابها واغمضت عيناها وصمتت قليلاً وبعد مرور ما يقرب من نصف ساعة وقفت امام بهاء وجلست على قدميها أمامه وهي تضع وجهها أرضاً
- انا اسفة يابهاء حقك عليا سامحني نظر لها بهاء
- بتعتذري ليه هو انتي غلطي فبداءت دموعها تتساقط مره اخرى وهمست
- ايوة غلط يابهاء غلط اني اتكلمت بالاسلوب ده غلط اني انفعلت على أمير بالشكل ده والأهم اني غلط اني اتكلمت بالطريقة دي ادامك وأدام ماما وبابا سامحني ارجوك
- عارفة يادنيا لولا اني عارفك وعارف دماغك كانت دماغي راحت لحاجات تانية خالص
- لا يابهاء ارجوك اوع تفهمني غلط
- عارف يادنيا صدقيني عارف انتي موجوعة من اللي حصل ليمني وموجوعة من اللي حصل فيكي صدقيني الوضع مختلف أمير ندمان بشكل رهيب وهو بيرد عليكي وبيقولك لو طلبت ده ح اعمله هو فعلا ح يعمله
- عارفة يا بهاء وعارفة هو بيحبها قد ايه بس وجعها قوي
- معلش ح يتصافوا ويتصالحوا واحنا لازم نساعدهم فاهمة يادنيا
- حاضر انا على فكرة ماكنتش ح اقولها كده انا بس كنت متغاظة منه وخبط فيه
- طيب تعالي نطلع ماما هناء منهارة لأنها مدت ايدها عليكي
- اول مره تعملها بس انا عذراها لو ماكنتش عملت كده كنت ح ابقى اسوء بس الاول خلاص مش زعلان مني
- يعني يهمك زعلي
- طبعا يابهاء طول عمري يهمني ومحبش تبقى زعلان مني
- وانا مش زعلان ياستي يالا نطلع لهم
خرج الاثنان فوجدوا أمير يجلس على الأرض ويضع رأسه على ساق هناء وهي تقرء على رأسه بعض آيات الذكر الحكيم فاقتربت منهم دنيا واحتضنت هناء من الخلف وقبلت رأسها
- اسفة ماما متزعليش مني فأحتضنتها هناء بقوة
- ازعل انتي اللي متزعليش مني ياقلب امك
- مقدرش ازعل منك ابدا ياماما وانت يا اخ أمير ده مكاني بس يالا ح اسيبك علشان شكلك تعبان واقتربت منه انت مالك يا أمير فيك ايه ياخويا فأبتسم أمير على تحولها
- اخوكي اتلعب بيه قوي يا دنيا بس بعدين بعدين احكي لكم كل حاجة
- حقك عليا يا أمير انا اسفة على انفعالي كده
- ولا يهمك يادنيا انا عارف انك زعلانه عليها بس اوعدكم اعمل كل طاقتي علشان تصالحني اعتدلت دنيا ونظرت لهم وهي ترفع أكمام الترنج التي ترتديه وابتسمت بشر
- اسيبكم بقى واروح اغسل دماغ الست اللي فوق دي محدش ح يعرف يفوقها غيري بعون الله دعواتكم علشان متحوطنيش انا في الفرن بدل الأخ ده وضحكت وانصرفت من أمامهم ثم التفتت تنظر لبهاء معلش يابهاء ممكن تطلع تاخد الاولاد ينزلوا يلعبوا هنا ادامكم
- حاضر انا جي معاكي
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
صعدت دنيا للأعلى واخذ بهاء الاولاد جميعا ونزل بهم مره اخرى ودخلت دنيا ليمني فوجدتها تجلس في أحضان ابيها وتبكي ونظرت لأبيها فهز رأسه لها بمعنى عنيده فاقتربت دنيا منها وجلست أمامها
- يمني ارفعي وشك وكلميني زي مابكلمك فرفعت يمني وجهها لدنيا
- دنيا انتي اكتر حد ح يحس بيا
- عارفة وعلشان كده طلعت لك محدش ح يحس بيكي زي يا يمني فنظر حسين لدنيا بقلق فأبتسمت بصي يادنيا أمير غلط وغلط جامد جدا وكلنا بنغلط واسمعيني للآخر بس اسمعيني بعقلك اكتر من قلبك
يمني أمير غلط وداري غلطة عنك علشان يحافظ على مشاعرك واحاسيسك ده من حبه فيكي لما تنرفز عليكي في المطار انا واثقه انه ماقصدش كلامه هو كان بيضغط عليكي علشان ترجعي بصي يا يمني قرني بين أمير وياسر وشوفي ياسر جرح فيا قد ايه وسامحته قد ايه اسئلي بابا مره واتنين وتلاته اتجوز في شقتنا فاهمة يعني ايه رماني بالشهور ويرجع ويعتذر واسامح رماني وعاش مع مراته وبس وانا كنت هوا في حياته قالي انه سيبني على زمته شفقة وفي الاخر طلقني على يد محضر تفتكري اللي عمله ياسر ولا اللي عمله أمير
- لا طبعا مافيش وجهه للمقارنة ياسر ده مايستهلش
- طيب كويس أمير ندمان قوي يا يمني قوي فوق ماتتخيلي شكله يصعب عليكي جسمه بيترعش وعيونه داخله لجوه ومنهار بجد سامحي وفهمي ان دي اخر فرصة وحطي شروطك اي شروط وضمانات عايزاها بس سامحي واغفري وعيشي وسط حبيبك واولادكم الحياة مش طويلة اديكي شفتي رحيق راحت في لحظة بلاش تعندي يا يمني العند وحش حبيبتي
وقفت يمني ونظرت لهم
- انا موافقة على كلامك بس ليا شروط ينفذها
نظرت لها دنيا
- ياخوفي منك يابنت الناس الطيبين ادخلي اغسلي وشك ويالا ننزل زمان ولادك طايرين بابوهم وانا كمان ولادي وحشوني ياختي وقفوا جميعا وذهبت يمني للحمام واقتربت دنيا من ابيها وارتمت في احضانه حقك عليا يابابا انا اسفة على اللي حصل مني تحت
- حبيبتي ولا يهمك بس انتي اوعي تزعلي من امك
- انا ازعل من هنوءه تؤ تؤ تؤ مقدرش يا بابا دي مامتي حبيبتي بس حضرتك ماتزعلش من كلامي
- انا مش زعلان حبيبتي
خرجت يمني ونظرت لهم
- انا جاهزة
هبط الثلاثة للأسفل َكان حسين وأمل يجلسون على ساق أمير الذي يجتضنهم ويقبلهم ولكنه ما أن رأي يمني وقف وانزل اولاده على الأرض واقترب خطوات صغيرة ووقف أمام يمني وعينه تأكلها من شوقه وافتقاده لها وظل هكذا حتى شعرت يمني انه يسرق الهواء من حولها فامسكت بيد دنيا التي نظرت لهم
- تعالوا نقعد سونسن ياصغنن
- نعم دودو
- خد امل وباهر وقعدوا اتفرجوا على الكارتون بس اوع باهر يحرك ايده
- ماتخافيش دودو يالا باهر يالا امل
انصرف الاولاد وجلس الكبار معا ولكن وقف أمير واتجه الي مكان يمني وجلس على ساقه ونظر لها وهو يبكي
- وحشتيني وحشتيني وحشتيني قوي يايمني حقك تعملي فيا اللي انتي عايزاه انا غلط وغلطي كبير قوي عارف بس انتي قلبة كبير
- قلبي الكبير انت دوست عليه
- ولا عمري اقدر ادوس عليه يمني وحياة كل لحظة حلوة بينا سامحيني انا مستعد اعمل اي حاجة انتي عايزاها حتى لو موت بس اموت وتكوني سامحتيني ورجعتي لي
- انت كسرتني يا أمير وكسرة جامدة
- ماعاش اللي يكسرك حبيبيتي
- انت عملتها دبحتني يا أمير لمست واحدة غيري
- غلطة والله غلطة اعملي فيا اللي عايزاه بس بلاش تبعديني يا حبيبتي موني حبيبك بيموت
- بعد الشر تموت ليه علشان بعيدة طيب ما انت بعدت
- غبي وحمار سامحيني بقي
- انا ح افكر بس على شرط
- بلاش ح افكر دي وانا مستعد اقبل كل شروطك
- انت وجعتني قوي يا أمير واني ارجع زي ماكنت معاك ده صعب
- بس مش مستحيل حبيبتي قولي شروطك
- اولا مش راجعة دبي تاني
- خلاص مش مهم انا ح ارجع اخلص كل حاجة واسيب الشقة وابيع العربيات واقدم استقالتي واخد مستحقاتي وارجع
- ح تسيب شغلك ومكانك
- اسيب الدنيا كلها واكون معاكي بكت يمني
- ولما هو كده عملت فيا ليه كده يا أمير
- غلطة وضحكت عليا وانا انسقت وراء عالم جديد مالوش غير طريق واحد النار والحمدلله اتنجدت
- ح نعيش سوا لكن ماتتوقعش اني ح ارجع زي ماكنت مش ح اقدر انا مش عارفة ازاي ح تقبل لمستك ليا
- مش مستعجل يا يمني كفاية تكوني جانبي كفاية اقدر اخدك بالحضن الباقي بقى ح افضل معاكي لما تقبلي وجودي معاكي زي الاول
- مش ح اقدر ابعد عن هنا انا بشتغل مع دنيا وماما هناء في الحضانة ومش ح اقدر اسيبهم
- وماله حبيبتي ادور على شقة قريبة من هنا ونسكن جانبهم المهم حبيبتي ونور عيوني تكون راضية
رفعت يمني رأسها وشاهدت دموعه التي تتساقط على وجنته فرفعت يدها تزيلها فامسك يدها وقبلها فبكت بقوة بعد أن كانت تتماسك بشدة وهمست
- ليه عملت فينا كده يا أميري ليه وجعتني كده قلبي بيوجعني قوي
فأوقفها أمير واحتضنها بقوة وهو يقبل راسها ويدها
- حقك علي راسي ياقلبي انا اسف اسف اسف غصب عني والله انا ح اعمل كل اللي انتي عايزاه يا مونيتي رفعت راسها ونظرت له
- يااااااااااااااااااه بقى لك قد ايه ماقلتش مونيتي
- اسف ومش ح ابطل اقولها
- رغم الألم والوجع اللي جوايا لكن وحشتني
ضمها أمير بقوة وهو يدور بها
- وانتي وحشتيني قوي يا قلب اميرك
صرخت دنيا بسعادة وصاحت بهم
- وانا عندي اقتراح مايبعدناش عن بعض
نظر لها الجميع بذهول في انتظار تكمله حديثها ولكن فجاءة وقعت دنيا أرضا مغم عليها
للتواصل 👇👇👇😘
يُمكنك الانضمام لقناتنا على التليجرام
تعليقات
إرسال تعليق