روايه موده ورحمه الفصل التاسع عشر بقلم موروو مصطفي
رواية مودةورحمة البارت التاسع عشر
روايه موده ورحمه الفصل التاسع عشر
حمل بهاء دنيا ووضعها على الفراش واحضر زجاجة العطر واخذ يحركها امام انفها وهو يهمس
- فوقي يا قلبي اخص عليكي ياديدي يعني اقولك حبيبتي يغم عليكي
بدءات دنيا في الأفاقة فوجدت نفسها على الفراش وبجوارها بهاء يمسك يدها فأعتدلت سريعا
- هو حصل ايه
- اغم عليكي حبيبتي قولي لي حاسة بأيه دلوقتي
- حاسة اني مخبوطة على دماغي كنت بتقول عايز تكلم معايا خير يابهاء بس الاول لو سمحت روح البس حاجة بدل ما انت واقف ادامي كده زي هرقليز
ضحك بهاء بقوة واقترب منها يهمس لو انا هرقليز تبقى انتي زينة بس انتي دنيا دنيتي انا بس عموما ح اريحك ووقف بهاء وسحب تي شيرت وقام بارتداءه وجلس بجوارها
- كده كويس كانت دنيا في عالم أخر بعد أن استمعت لكلامه فكرر بهاء كلامه مره اخرى دنيا انتي روحتي فين نظرت له دنيا وهمست بخفوت
- موجوده بس شكل مخي فوت وبقي بيسمع تخاريف المهم قول عايز تكلم في ايه ارتبك بهاء قليلاً ولكن اخذ نفس عميق وامسك بيدها وهو ينظر لها
- دنيا انا تعبان قوي حاسس ان جوايا حرب بقى لي يمكن ٣ شهور على كده بس خلاص بقى مابقتش قادر نظرت له دنيا بحنان
- حرب ايه يا بهاء في ايه فهمني
- دودو انتي عارفة رحيق ح تفضل جوه منا وعمرها ما ح تطلع وح يفضل لها مكان جوه قلبي اكيد بس انا بني آدم يا دنيا قلبي غصب عني دق حاربته كتير قوي وعنفته فوق ما تتخيلي
كانت دنيا تستمع له وتشعر انها ستنهار باكية فهي احبته دون أن تقصد فـ زواجهم وحياتهم معا جعلت قلبها يدق له بقوه وكانت تحارب ذلك بقوة حتى لا يشعر بها احد تنهدت ونظرت له بعيون دامعه
- قلوبنا مش بأيدينا يا بهاء وانا عارفة وواثقه انك ان حبيت عمرك ما ح تنسي رحيق لكن بترجاك ماتبعدش ولادي عني ولا تبعدني عنهم
شعر بهاء للمرة الثانية بالذهول فنظر لدنيا
- دنيا انتي فاهمة ايه انتي فاكرة اني بحب حد تاني
- مش انت لسه قايل كده مخولتني يا بهاء ضحك بهاء
- دنيا انا بحبك انتي ولو اغم عليكي ح اسيبك وامشي ماشي
نظرت له دنيا وعيونها مفتوحة وايضا فمها وظلت هكذا حتى شعر بهاء انها لا تتنفس فأقترب منها ووضع يده على وجهها
- دنيا حبيبتي اتنفسي هنا شعرت دنيا ان أنفاسها تعود لها
- بهاء انت قصدك انك بتحبني انا
- ايوة يا دنيا انتي اللي قلبي دق لها غصب عني قاومتك كتير بس فشلت بقيت حاسس انك بتتوغلي جوايا بشكل معرفتش اسيطر عليه معاملتك مع الاولاد حنيتك هزارك دلعك رقتك شغلتي عقلي وقلبي فضلت اقاوم واقاوم وكنت مبسوط بوجودنا بالشكل ده مع بعض
همست دنيا بخجل
- طيب ايه اللي خلاك تغيير رايك
- المهندس الغبي اللي جه النهاردة نظرته ليكي جننتني وبعد ما مشي جالي المهندس يسري دراعي اليمين
فلاش باك
- اهلا يا يسري تعال مالك حاسك قلقان ليه
- ابدا يا بهاء بس انا جي في مهمة مش عجباني بس من كتر ما تحايل عليا شادي جيت
نظر بهاء ليسري باستغراب ووقف واقترب منه وابتسم
- طيب اقعد يا يسري وقولي في ايه
- بصراحة المهندس شادي طلب مني اجي اطلب منك انه عايز يتقدم للهندسة دنيا
وقف بهاء مكانه وهو ينظر ليسري
- مهندسة دنيا مهندسة دنيا بتاعتنا
- ايوة يا بهاء صرخ بهاء
- ايوة يابهاء انت جي تقولي أن شادي عايز يتجوز دنيا يعني شادي عايز يتجوز مراتي
وقف يسري ونظر بذهول لبهاء
- مراتك مراتك يعني انت متجوز دنيا يا بهاء
- امال يعني بنيجي كل يوم مع بعض وساكنين في مكان واحد ايه اخوات
- يا بهاء محدش يعرف الكلام ده انا نفسي اول مره اعرف انا كنت متخيل انكم جيران واصدقاء زي ماكنت طول عمركم
قص بهاء ليسري الحقيقة فهو صديقه الصدوق ولكن وقف حين ذكر له انهم تزوجوا لرغبة رحيق وشعر حينها ان قلبه يؤلمه فاقترب منه يسري
- تقبل كلامي ونصيحتي يا بهاء
- قول يا يسري انت عارف غلاوتك
- انت بتحبها يا بهاء لا هو غلط ولا حرام اللي انتم عاملينه ده هو الحرام ايوة ماتستغربش انتم بتموتوا احاسيسكم يابني انت صغير وهي كمان ليه تموتوا مشاعركم رحيق كانت مراتك اه وح تفضل لها جزء جوه قلبك وكانت تؤام دنيا وح تفضل لها نفس المعزة والحب جوه قلبها بس ده مش معناه تقفلوا حياتكم على كده عيشوا يابني اللي بتعملوا ده هو الحرام بجد
باك
- ده كل اللي حصل يا دنيا ساعتها لقيت نفسي خلاص باعترف أدام نفسي انا بحبك
- بهاء انا
- دنيا انا مش عايز اضغط عليكي انا قلت لك مشاعري وانتي فكري فأحمرت دنيا خجلاً وارتبكت واكمل بهاء ممكن بقى تعرفيني اتأخرتي كل ده ليه كنتي فين ابتسمت دنيا برقه وقامت بإخراج شيك من جيب بنطالها واعطته لبهاء فنظر به بهاء فوجد الشيك باسمه بمبلغ ٣ مليون جنيه فانتفض واقفا وهو ينظر لها
ايه ده يا دنيا انا مش فاهم فأمسكت دنيا يده بخفه وجذبته ليجلس مره اخرى ونظرت له بخجل وهمست
- لما اتكلمنا على المشروع اللي ح يعمل ناقله كبيرة للشركة عندنا قعدت افكر نتصرف ازاي لغاية ما افتكرت ان انا كان عندي حته أرض صغيرة قلت اشوف نظامها كلمت النهاردة الراجل المسئول عنها فوجئت بيه بيقولي ان عنده مشتري موجود وفلوسه جاهزة وهو كان لسه ح يتصل بيا روحت وخلصت كل حاجة ظل بهاء ينظر لها بذهول ثم عاد وجلس بجوارها
- اولا صعب قوي اقبل الشيك ده بس خليني أسألك الأول عملتي كده ليه يا دنيا وعايز اجابه صريحة ارتبكت دنيا فماذا تقول ولكنها استجمعت شجاعتها
- أيه اللي يخليني معملش كده يا بهاء جوزي وفي ايدي اساعده في مشكلة هو فيها اتأخر عليه ليه
- بس كده يادنيا فهمست بخجل
- بهاء
- نعم يادودو انا قلت لك عايز الصراحة تنهدت دنيا
- بهاء انا كمان مش ح اقدر انكر ان مشاعري غصب عني انا كمان اتحركت ناحيتك انا كمان قلبي دق لك كنت بقاوم انا كمان بقوة وعنف لكن مقدرتش يا بهاء كنت بحاول امنع مشاعري بس فشلت وامبارح اول ما تكلمنا فكرت في الارض دي وعملت اللي عملته
- يعني انتي كمان بتحبيني يا دنيا
خجلت دنيا واخفضت وجهها أرضا فرفع رأسها بيده ونظر لها بحب
- ارفعي راسك حبيبتي دنيا احنا مش بنعمل حاجة غلط
- انا مكسوفه وخايفة ومرعوبة كمان ابتسم بهاء بحنان وربت على وجهها
-طيب ناخد واحدة واحدة مكسوفة ده طبيعي منك لازم طبعا لكن خايفة ومرعوبة ليه
- خايفة ومرعوبة من رد فعل باهر وكمان بابا محمد وماما رضا بنتهم هي اللي راحت وانا حليت مكانها رد فعل اللي حوالينا كلهم يا بهاء
- اهدي يادنيا اولا انتي شفتي كلامهم معانا اول ماتجوزنا ثانيا باهر انا واثق انه ح يطير من الفرح
- طيب ورحيق يا بهاء رحيق ازاي.... ح اقولها ايه لما اشوفها ح اقولها اخدت ولادك ومكانك وجوزك كمان
- دنيا رحيق هي اللي مجوزانا وانا واثق انها قالت لك حاولي تدي جوازنا فرصة دنيا رحيق ح تفضل جوه قلبي وقلبك ليها مكانها واحنا لنا حياتنا
- بهاء انا مش قادره اصدق حاسة اني بحلم
- لا حبيبتي مش بتحلمي نرجع بقى لموضوع الشيك انا مش ح اقدر يا دنيا اخده فدمعت عيونها وهي تنظر له
- منين بتقول انك بتحبني ومنين بترفض
- دنيا دي فلوسك حبيبتي ازاي اخدها
- بهاء علشان خاطري خدها وكبر الشركة اكبر واكبر وانا جانبك ومعاك
- يا دنيا
- علشان خاطري يا بهاء ظل يفكر قليلاً ثم نظر لها وابتسم
- خلاص موافق بس على شرط
- شرط ايه بس المهم انك وافقت
- لا لازم الشرط ده
- طيب ياسيدي هو ايه الشرط ده
- بصي ياستي انا موافق اخد الشيك وشرطي ان الشركة تكتب بالنص بيني وبينك
نظرت له دنيا بذهول ووقفت مكانها بحزن
- ده شرط يابهاء
- دنيا هو ده اللي عندي ح توافقي عليه ح اخد الشيك
- يابهاء وايه لازمته وكل حاجة في الاخر ح تكون لولادنا احنا الاتنين معندناش غيرهم خصوصا انا يعني في الاخر كله لهم
- معلش يادنيا كده ح اكون مرتاح نظرت له وهمست
- ماشي يا بهاء لو ده ح يريحك ماشي موافقة
- خلاص حبيبتي بكره نخلص الاجراءات
-خلاص كلم صاحبك بقى ووافق على المشروع
- حاضر يادودو ربنا مايحرمني منك
- ولا يحرمني منك حبيبي
صرخ بهاء بسعادة وهو يدور بها
- اخيرا نطقتي لقد هرمنا من اجل هذه اللحظة
وضمها مقرباً اياها لصدره وهي تتشبث به وتضع راسها على قلبه تستمع لدقاته وهو يضمها فيسمع دقات قلبها أيضا فرفع رأسها وظل الاثنان ينظران لبعضهم البعض حتى اغمضت دنيا عيناها خجلاً منه فأقترب بهاء مقتنصاً شفتيها في قبلة طويلة لم يفصلها سوا لشعوره بحاجتهم للهواء فأبتعد والاثنان يعلو صدرهم من قوة انفاسهم وشعرت دنيا ان قدماها لا تتحمل جسدها فتشبثت به بقوة فأجلسها وجلس بجوارها وهو يضمها لصدره وهمس
- دودو من النهاردة اعملي حسابك ح ننام في اوضة واحده
ارتبكت دنيا قليلاً وشعر بجسدها وهو يرتجف فضمها بحنان وقبل رأسها
- دنيا انا مش قصدي حاجة ولا مستعجل على حاجة لكن خلينا نقرب من بعض ممكن ح انقل سرير رحيق مع باهر وبكرة ان شاء الله نغيير أوضة النوم ونجيب أوضة تانية ايه رايك
- اللي تشوفه يا هوبا انا موافقة عليه
- ربنا مايحرمني منك يا دودو
وقفت دنيا وهي تنظر له
- يالا بقى ننزل لهم زمان ماما قالت اننا قتلنا بعض ضحك بهاء ونظر لها وهو يقف
- ويمكن تكون قالت زمانهم بيحبوا في بعض
- بهاء انا مكسوفة قوي اقترب بهاء منها واحتضنها بقوة وهو يهمس
- دنيتي اوعي تكسفي يالا بينا ياستي ننزل لهم
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
تجلس هناء بالحديقة ومعها حسين وكان أمير يقوم بإصلاح ارجوحة موجودة بعيدا عنهم وشعر حسين بأن هناء ليست معه فأحتضنها هامساً
- مالك حبيبتي سرحانة في ايه نظرت له هناء وابتسمت
- عايزة اقولك حاجة ياحسين
- قولي يا قلب حسين
- حاسة كده ان بهاء ودنيا كده قربوا يعترفوا لبعض بحبهم فشعر حسين بذهول ونظر لها
- هو بهاء ودنيا بيحبوا بعض
ضحكت هناء بقوة وهي تميل براسها على كتف حسين
- كل واحد فيهم حب التاني بس كل واحد خايف يعترف انا حاسة بيهم خايفين من اللي حواليهم خايفين على الأولاد
- ربنا يوفقهم يا هنونتي دنيا تستاهل كل خير وكمان بهاء الاتنين مافيش أطيب واحن منهم
- يارب يا حبيبي يارب
خرجت يمني من شقتها تحمل رحيق وباهر بجوارها وجرى على حسين وجلس على قدمه
- جدو هو بابا ودودو لسه ماجوش
َاتت دنيا وبهاء قد هبطوا للأسفل وجرت دنيا على باهر وحملته وهي تحتضنه بقوة وتدور به وهو يتعلق برقبتها
- انا جيت ياقلب دودو انت وحشتني وحشتني وحشتني
- وحضرتك كمان وحشتيني اتأخرتي عليا قوي
- معلش ياقلبي حقك عليا
اقترب بهاء منهم وقبل راس ولده
- مافيش اهلا لبابا حبيبي القى باهر جسده على والده الذي حمله واحتضنه
- وحشتني بابا قوي
كانت رحيق تتحرك على يد يمني بقوة وعندما اقتربت منها دنيا ألقت نفسها في احضانها ونطقت اول كلمة في عمرها
- ما ما ما ما كان الكل ينظر لها بذهول ودنيا تترقرق الدموع في عيونها وهي تحتضنها بقوة
- قلب ماما من جوه ياعمري انت شفت يا بهاء نطقت اقترب بهاء واحتضن ابنته بحنان
- سبحان الله العلي العظيم قالتها من غير اي حاجة
اقترب باهر من دنيا ونظر لها وعيونه تترقرق فيها الدموع فخافت دنيا ان يكون قد غضب من قول رحيق لها ماما فجلست أمامه واحتضنته تقبل رأسه وقبل ان تتحدث وضع رأسه على صدرها بحب
- هو انا ينفع قول ماما كمان زي روكا انا عارف ماما هي ماما رحيق بس انا عاوز قولك ماما انا كمان ممكن
ضمته دنيا بقوة كانت تحتضن الاثنان بقوة وتقبلهم الاثنان معا ودموعها تتساقط حتى اقترب منها بهاء وامسكها موقفاَ اياها وحمل ولده أيضا وضم دنيا الي صدره فوضعت رأسها على صدره وهمست
- مش ح تزعل يا بهاء فهمس لها وهو يتحرك بها لتجلس
- لا طبعا حبيبتي تعالي نقعد بس
جلس الاثنان وكان قد اتي أمير وحمل اولاده مجلساً اياهم على ساقه وجلسوا جميعا معا كان بهاء يحمل باهر على قدمه ورحيق على قدم دنيا ونظر لولده بحب
- باهر حبيبي انت عايز تقول لدنيا ماما
- ايوة بابا انا حب دودو قوي ونفسي تكون ماما انا عارف ان ماما رحيق راحت عند ربنا رد بهاء وهو يقبل راس ابنه بحنان
- حبيبي مافيش مشكلة تقول لدنيا ماما هي دلوقتي مكان ماما فعلا ليك ولرحيق ولازم تسمع كلامها وتحبها زي ماما
- انا حبها قوي بابا وح اسمع كلامها على طول مش ح ازعلها مني خالص خالص
- شاطر حبيب بابا
أمسكت دنيا يد باهر وقبلتها بحب ونظرت له
- انت احلى ابن في الدنيا كلها انا بحبك قوي انت ورحيق ياقلب ماما ربنا مايحرمني منكم ابدا حبيبي
- احنا كمان حبك قوي ماما
- ياروح وقلب ماما انت
نزل حسين من على ساق والده وامسك يد امل اخته واقترب من باهر وهو يبتسم
- يالا بقى باهر علشان نلعب فنظر باهر لأمه وامال رأسه مثلما تفعل معه وابتسم لها
- ماما ممكن روح العب فأحتضنته دنيا وهي تقبله
- طبعا ياروح ماما يالا روحوا بس خلوا بالكم من بعض ماشي
قفز باهر من على قدم ابيه واقترب يمسك يد حسين وهو ينظر لدنيا
- حاضر ماما
اخذ حسين يد باهر وأمل وذهب حتى يلعبوا سويا معاً كانت هناء تنظر لدنيا وبهاء وتشعر ان هناك شئ مختلف فعيونهم تلمع فوقفت ونظرت لدنيا
- دودو تعالي معايا حبيبتي عايزاكي عن اذنكم يا حلوين خمسة وراجعين فنظر لها حسين بحنان
- هنونتي مش ناويين تغدونا النهاردة احنا كده ح نتعشى
ضحكت هناء ونظرت له بحب
- حاضر يا سي حسين ح نحضر الاكل ونيجي يمني حبيبتي ممكن تحضري السفرة
- حاضر يا مامتي هنا ولا جوه
- لا خلونا هنا الجو حلو ومنعش كده وريحة الزهور جميلة قوي
- حاضر ياقمر وانتم اما تخلصوا تجهيز نادوني اخرج معاكم
- ماشي ياقلبي
اخذت هناء دنيا للداخل واقتربت منها بحنان
- دنيا حبيبتي ايه الاخبار بينك وبين بهاء انا حاسة ان في تغيير بينكم
خجلت دنيا وارتمت في أحضان هناء وقصت عليها كل ماحدث فكانت هناء تضحك كلما تذكرت إغماء دنيا وبعد أن هدات اخذت تقبلها
- كنت واثقه ولسه كنت بقول لابوكي وقصت على دنيا ما قالته لحسين فخجلت دنيا ونظرت لهناء
- ماما انا مكسوفة قوي وخايفة قوي من رد فعل ماما رضا وبابا محمد اكيد ح يزعلوا علشان رحيق ماما انا مش عارفة اعمل ايه خايفة قوي انا بحبهم قوي ومش عايزاهم يزعلوا
- حبيبتي ماتخافيش رضا اكيد ح تزعل شوية دي أم برضه وبنتها فجاءة بقت تحت التراب لكن صدقيني هي بتحبك وبتحب بهاء ومش ح تكرهه لكم الخير ياقلبي سيبي موضوع رضا عليا انا ح اتكلم معاها بكره لما تيجي الحضانة وان شاء الله خير
- طيب وبابا حسين يا ماما
- ماله يابت بابا حسين ده اول واحد ح يفرح لك ياقلب ابوكي
- يا ماما انا برضة كنت وقبل ان تكمل نظرت لها هناء
- اديكي قلتي كنتي يعني كان فعل ماضي وبعدين هو دايما بيقول بنتي دنيا وبعدين لعلمك هو موافق لما مهدت له ان انتم شكلكم بتحبوا بعض انبسط وفرح
- بجد الحمدلله يا ماما ربنا يكمل الباقي على خير
- ان شاء الله حبيبتي تعالي بقى نحضر الاكل احسن زمانهم وقعوا كلهم من الجوع
وفجاءة وجدت بهاء يدخل لهم
- اتأخرتم كده ليه يا ماما نظرت له هناء وفتحت له ذراعها فارتمي في احضانها وهي تقبل راسه
- مبارك ياحبيبي بهاء انتم الاتنين ولادي حبيبي علشان كده بقولك دنيا تبقى في عينك وبقولك يا دنيا بهاء يبقى في عينك سامعين انتم الاتنين اللي ح يضايق التاني انا ح اعلقه
ضحك بهاء وهو يقبل راس هناء
- ماتخافيش يا امي دنيا في عيوني وهمست دنيا بحب
- وانا كمان يا مامتي بهاء والأولاد في عيوني
نظرت لهم هناء بحنان وحب وهي تحتضن الاثنان معا
- ربنا يهنيكم ويسعدكم ياولاد وتفرحوا وتتهنوا وايامكم تبقى احلي واجمل ايام يالا يا سي بهاء اطلع انت واحنا ح نطلع وراك وصحيح يابهاء دنيا كانت خايفه على زعل رضا ومحمد وانا قلت لها انا ح اكلم رضا بكره لما تيجي الحضانة وانتم ح تكونوا في الشغل وان شاء الله خير
- ان شاء الله يا امي انا عارف انها ح تزعل شوية ده اكيد برضه رحيق الله يرحمها بنتها لكن واثق انها مش ح تطول
- ان شاء الله حبيبي
خرج بهاء و ذهب للخارج وبعدها جلسوا جميعاً يأكلون سويا وبعد أن انتهوا استأذن بهاء منهم قليلا وصعد للأعلى وبعد مرور بعض الوقت عاد لهم وجلس بجوار دنيا وقام بمسك يدها وهو يتحدث كان دنيا خجلة للغاية وحاولت سحب يدها ولكنه رفض ونظرت لها يمني وابتسمت بحزن فهي سعيدة لها ولكنها باتت متأكده ان أخيها انتهى بالفعل من حياة دنيا
للتواصل 👇👇👇😘
يُمكنك الانضمام لقناتنا على التليجرام
تعليقات
إرسال تعليق