روايه موده ورحمه الفصل العشرين بقلم موروو مصطفي
رواية مودة ورحمة البارت العشرين
روايه موده ورحمه الفصل العشرين
صعد بهاء ودنيا للأعلى وقامت دنيا لتدخل رحيق الي فراشها فوجدت بهاء ينادي عليها
- دنيا حبيبتي دخلي رحيق عند باهر انا نقلت سريرها هناك
نظرت له دنيا بخجل وهزت راسها بالموافقة ودخلت الي غرفة باهر ووضعت رحيق بالفراش ودثرتها جيدا ثم خرجت ونادت باهر الذي جري عليها
- نعم ماما
- تعال حبيبي علشان اغير لك هدومك وننام احنا اتاخرنا قوي دخل باهر الغرفة فوجد فراش اخته بجواره ففرح ونظر لدنيا
- ماما هي روكا ح تبات معايا هنا
- اه حبيبي مبسوط ولا مضايق
- مبسوط قوي قوي ماما... روكا نام معايا زي امل وحسين ماما باهر حب روكا قوي
- وانا بحبكم انتم الاتنين ياقلب ماما
- ماما روكا لما تعيط اعمل ايه
- بص حبيبي لو روكا عيطت حرك السرير بالراحة خالص كده وحركت فراش رحيق بخفه لو فضلت تعيط تعال خبط عليا في الاوضه ماشي حبيبي
- بس كده بابا اصحى
- لا حبيبي ماتخافش
- حاضر ماما انا مبسوط قوي
- حبيبي يارب دايما مبسوط يالا ادخل بقى السرير علشان تنام تصبح على خير حبيبي
- وحضرتك من اهله ماما بس روح قول لبابا كمان
- بابا دلوقتي ح يدخل يقولك تصبح على خير حبيبي
تركت دنيا غرفة الاولاد بعد أن جعلت بها إضاءة خفيفة وقامت بفتح التلفاز على القراءن بصوت منخفض وخرجت فوجدت بهاء يجلس وهو يرجع رأسه للخلف مغمض العين وعلى وجهه ابتسامة ساحرة فأقتربت منه وهمست
- ياترى سرحان في ايه قام بهاء بفتح عيونه ونظر لها
- فيكي حبيبتي وفي حياتنا
- بهاء بالراحة عليا الله يكرمك قوم بقى ادخل لباهر قوله تصبح على خير
- حاضر ياستي وانتي ح تعملي ايه
- ح ادخل اغير وأخرج اعمل لنا حاجة نشربها
- ماشي ياقمر
دخلت دنيا الي غرفتها فوجدت بهاء قد قام بضم السريران الموجودان بالغرفة فأحمر وجهها خجلا لأنها سوف تنام بجواره واخذ قلبها يدق بقوه فأخذت تتنفس حتى تهدء من روعها وأخذت بيجامة من الستان ودخلت الي الحمام وأخذت حمامها وارتدت ملابسها وخرجت فوجدت بهاء يقف أمام الدولاب وقد نزع عنه نصف ملابسه ويقف فقط مرتدي بنطاله فشهقت وهي تضع يدها على وجهها استمع لصوتها بهاء فالتفت لها وهو يبتسم ثم تحرك ناحيتها وهو هكذا وابعد يدها عن عيناها ففتحت عيناها وعندما وجدته يقف أمامها هكذا اغلقت عيناها بقوة وهمست
- بهاء من فضلك البس
ضحك بهاء بقوة وهو يضع يده حولها
- فتحي عيونك يا دودو
- لا روح البس الأول
- دنيا لو مافتحتيش عينك ح اكمل الباقي واخدك في حضني وانيمك كده فتحت دنيا عيونها على وسعها
فضحك بهاء مره اخرى وهو يحرك رأسه
انتي مالكيش حل ياااااااه يا دودو رجعتيني سنين وراء فاكره كنتي مجنناني بحركاتك دي
- بهاء ممكن تروح تلبس حاجة مش معقول ح تقعد كده يعني
- اكيد مش ح اطلع بره الاوضه كده انا كنت لسه بدور على حاجة البسها
وسحبها في احضانه فأرتعش جسدها فرفع وجهها له وهمس دنيتي انتي خايفة مني فهمست
- لا مش خايفة اكيد بس مكسوفة فشدد على احتضانها وهمس بجوار اذنها
- تاني مش قلت لك اوعي دنيا احنا من النهاردة بقينا واحد حبيبتي
حاولت دنيا ان تتجرء قليلاً فحاوطت جسده بيدها الاثنان وهي تحرك رأسها على صدره وكان بهاء يشعر بجسدها وهو يتحول لكتلة من الحرارة فشعر انه سيفقد سيطرته على نفسه فتحرك بها وهي لا زالت في احضانه وهمس بصوت اجش اربكها
- تعالي يالا نقي لي حاجة البسها على ذوقك
ابتعدت دنيا قليلاً عنه فشعر الاثنان ببرودة تسري في جسدهم وأسرعت دنيا الي ملابسه واختارت له بيجامة أيضا واعطتها له وتحركت وهي تحدثه
- البس بقى وحصلني لغاية ما اروح اعمل لنا نسكافية
وخرجت سريعا من الغرفة واغلقت الباب خلفها ووقفت تلتقط أنفاسها وهي تحدث نفسها
- جرالك ايه يا دنيا مالك عامله زي ما يكون أول مره حد يلمسك ليه احساسك ده يالله مش ممكن انا كنت حاسة قلبي ح يخرج من مكانه وهو كمان كنت حساه زي هو في ايه ما كل واحد فينا كان متجوز قبل كده ياااااااا ربي انا حاسة اني تايهة وملخبطة الأحسن اسيب كل حاجة على ربنا ونشوف ح نوصل لايه وتحركت للمطبخ
اما هو بالداخل كان يشعر مثلها وجلس على الفراش وهو مبتسم ويحدث نفسه
- مالك فيك ايه عامل كده ليه زي ماتكون اول مره تلمس واحدة ست حصلك ايه اول مالمستها ليه اتكهربت كده وبقيت حاسس كانك عايز تخليها في حضنك معقول حبيتها قوي كده يا بهاء طيب ما انت كنت بتحب رحيق وكنت بتعشق تلمسها وتلمسك بس ماكنتش كده يمكن لانك لسه مكملتش علاقتكم لا انا ماكانش مهم عندي ده انا بس كنت عايزها في حضني يوووووووه شكلك ح تتجنن باين قوم البس وأخرج بدل ماتيجي تلاقيك زي ما انت كده وربك يحلها من عنده
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
يجلس ياسر مع والدته فهي منذ أيقنت ان حسين قد نفاها من حياته تماما وتزوج اخرى أصبحت لا تقوى على فعل شئ فقدت كل شغفها في الحياة فهي تخيلت ان حب حسين لها لن ينتهي مهما فعلت به نظرت لابنها
- اخبار ابوك ايه يا ياسر
- كويس يا امي انسيه بقى وبلاش تحطيه في دماغك بابا انتهى من حياتك زي ما انا انتهيت من حياة دنيا
نظرت الهام الي ابنها بحزن وعيون دامعة
- لسه بتحبها يابني
- بحبها الله يسامحك يا امي انا قلبي مادقش الا لها يالا الحمد لله على كل حاجة ربنا يسعدها ويديها انسان يعوضها عن حقارتي معاها
حاولت الهام الدفاع عن نفسها
- يابني انا كنت عايزة افرح باولادك
وقف ياسر وهو ينظر لها بغضب وحزن
- يا امي حرام عليكي اعترفي بغلطك بقى انتي ايه محرمتيش عايزة يحصل ايه تاني دمرتي حياتي وحياتك ناقصك ايه عارفة مين اللي رجع بنتك لجوزها هي دنيا كل اللي عملتيه فيها ده ووقفت جنب بنتك واقنعتها ودلوقتي هي كمان عايشة معاها هي وولادها يا امي فوقي لنفسك بقى وارحميني انا كل ما اقول خلاص ح تستغفر عن غلطها الاقيك زي ما انتي يا الله عن اذنك يا امي
- رايح فين يا ياسر
- خارج يا امي خارج
ترك ياسر امه في فراشها وخرج وجد رانيا كعادتها تجلس على هاتفها ولا تهتم بشئ فنظر لها
- فين سيف
- نايم
- طيب ياريت تاخدي بالك منه وتسيبي القرف ده من ايدك
- رايح فين يا ياسر
- خارج يا رانيا خارج مع اصحابي عايزة حاجة وحسك عينك تقولي عايزة فلوس فاهمة
- هات معاك بامبرز ولبن لسيف
- ماشي يا رانيا ماشي
خرج ياسر وهو يشعر انه يرغب في البعد عن الكل ولكن ماذا يفعل لن يستطيع ترك ولده معها
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
خرجت دنيا وهي تحمل كوبان النسكافية فوجدت بهاء يجلس على الأريكة وهو يشاهد التلفاز ولكنه كان في عالم أخر وعندما شعر بدنيا اعتدل وهو يبتسم لها فأحمر وجهها خجلاً عندما تذكرت انها كانت بين احضانه منذ قليل
- تعالي يادودو
- اتفضل النسكافية
- تسلم ايدك يا ديدي
- ميرسي ياهيبو فيلم ايه اللي شغال ده
- ده فيلم رعب
وقفت دنيا مكانها ونظرت له وهي تحرك رأسها
- لا ياعم رعب سلام عليكم انا داخله جوه فأمسك بهاء بيدها وجذبها لتجلس بجواره
- اقعدي يا ديدي انا جانبك
- لا يا بهاء ماتهزرش انا بترعب مش ح اعرف انام
- ح تترعبي وانا جانبك مش عيب
- بهاء بليز
- طيب اقعدي وجربي يالا بقي
جلست دنيا بجوار بهاء وبدء الفيلم وكانت دنيا تحاول التماسك حتى اتي مشهد لم تستطع فأرتمت تخبأ رأسها في صدر بهاء وهي تتمسك به فشعر ان كل شئ حوله قد توقف وهي في احضانه وتنبه لصوتها وهي تترجاه ان يغلق الفيلم فأقترب من اذنها وهمس بصوت أجش
- حاضر ولو اني مبسوط كده كانت دنيا لا زالت في احضانه حتى شعرت انه أغلق الفيلم فنهضت من مكانها وحينها شعر بهاء بخواء داخلي فنظر لها
- دنيا قفلته اهو بس خليكي جانبي
- بهاء المفروض ننام عندك شغل كتير بكره
- عندنا ياهانم انتي ح تيجي معايا علشان بعدها ننزل نجيب الأوضة الجديدة
ارتبكت دنيا ونظرت لبهاء بتوتر
- بهاء ما انت ضميت السريرين جانب بعض
- لا حبيبتي مش زي سرير واحد
- ماشي حبيبي زي ماتحب المهم كلمت صاحبك علشان المشروع
- اه ياستي كلمته وان شاء الله بكره عايز اتفق مع يسري يعمل اعلان عن طلب مهندسين وعمال
- طيب والمعدات يا بهاء
- لا الحمدالله المعدات ح تروح على المشروع الجديد ان شاء الله في خلال اسبوع ح يبقى عندنا شغل من نار بس قبل الطحن ده يا دنيا عايز اخدك ونسافر اسبوع او عشر تيام لوحدنا
- ح نروح فين يا بهاء
- شرم الشيخ الغردقة بره لو تحبي
- طيب ليه السفر في حاجة
- دنيا احنا بنبدء حياة جديدة مع بعض
- بهاء يعني مش لازم السفر دلوقتي علشان الشغل
- الشغل ح يبدء لما نرجع
- طيب خلاص بس مش لوحدنا الاولاد لازم يكونوا معانا مقدرش اسيبهم يا بهاء
- دنيا ح نسافر شهر عسل مع الاولاد
- بهاء ان شاء الله حياتنا مع بعض ح تبقى كلها ايام حلوة وبعدين علشان خاطري خليهم معانا مش ح ابقى مبسوطة من غيرهم
- ماشي ياستي حاضر يومين تلاته ونسافر
- ان شاء الله حبيبي
- يالا بينا نقوم ننام
- يالا
دخل الاثنان الي غرفة النوم وكلا منهم يشعر بالارتباك حتى استجمع بهاء شجاعته واقترب من دنيا ودخل بها إلى الفراش
- يالا يادودو ح تفضلي واقفة كتير يالا حبيبتي ادخلي علشان اقفل النور
- حاضر
دخلت دنيا الي الفراش واستلقت على جانبها وأغلق بهاء الإضاءة ودخل جوارها واقترب منها ساحبا اياها الي احضانه
- ممكن ماتقلقيش ولا تتوتري دنيا حبيبتي احنا مش صغيرين
- بهاء انا انا
شعر بارتباكها فضمها حتى وضع رأسها على صدره
- انتي ايه قولي وبلاش ترتعشي كده دنيا لو انتي مش عايزة اننا نقرب بالشكل ده فهميني
- بهاء انا مراتك وانت جوزي بقى لنا شهور متجوزين ومن الأول كنا متفقين اننا أصدقاء دلوقتي وبعد ما اتفقنا نكمل جوازنا انا يعني عايزة قصدي يعني قبل بهاء رأسها وهمس
- بالراحة وواحدة وواحدة فهميني وانا معاكي
- بهاء انا هدومي هنا هي اللي شفتها دي اي حاجات تانية خاصة رمتها او وزعتها انا قصدي يعني اني محتاجة انزل اشتري حاجات عايزة حياتنا تبدء صح فاهمني
احتضنها بهاء بقوة وهو يقبل وجنتيها بحب
- فاهمك حبيبتي فاهمك ادامك يومين ماشي
- ماشي انا مش عايزة اكتر من كده
- ماشي ياستي نكملها اخوات اليومين دول كمان
انتفضت دنيا تجلس على ركبتيها وتنظر له بغيظ
- اخوات ايه ياعم الحاج وانت من اول العصر وانت نازل بوس واحضان هو في اخوات كده ده انت عجيب قال اخوات قال وهو طول الوقت نازل امووووواه امووووواه ايه الأخوات قللات الأدب دول
كان بهاء ينظر لها بذهول ثم اخذ يضحك بقوة
- ح اجي في يوم واعلقك من عمايلك دي نامي يادنيا نامي
- مش انت اللي بتقول حاجات عجيبة يا هوبا الله
- طيب ياستي حقك عليا تعالي يالا علشان ننام
اقتربت دنيا من بهاء وهمست
- بهاء عايزاك قبل ما تبقي لي حبيب تبقي لي اب واخ وصديق احس معاك بالامان والثقة في نفسي مش عايزة يجي يوم وتجرحني او تهني وانا اوعدك اكون لك السند والحنان والدفا
فأحتضنها بحنان وهمس
- وانا اوعدك اكون لك كل دول وعمر ما في يوم ح افكر اجرحك او اهينك
فابتسمت دنيا ووضعت رأسها علي صدره وذهب الاثنان في النوم حتي استيقظت دنيا قبل أذان الفجر بقليل فنهضت من جوار بهاء وذهبت لتتوضأ وصلت ركعتان قيام الليل واخدت تدعو ربها ان ينير لها الطريق وعندما اذن الفجر ايقظت بهاء وصلي الاثنان سويا وبعدها عادوا للنوم مره اخرى
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
اتي الصباح وذهب كلا الي عمله وقام بهاء باخبارهم بما فعلته دنيا فأيدوها جميعا وتمنوا لهم التوفيق وانصرف بهاء مع دنيا الي العمل ودخل الشركة وهو ممسك بيدها أمام الكل بعد أن أخبر يسري الجميع بأن دنيا زوجة لبهاء وجلس بهاء ودنيا مع يسري وأخبره كل شئ وتمني لهم يسري السعادة وهناءهم بالمشروع الجديد فنظر له بهاء
- بص يا يسري دلوقتي احنا ح نسافر ١٠ تيام كده في الفترة دي انت مسئول تعمل الانترفيوهات كلها تعين المهندسين المطلوبين وكمان رئيس العمال المطلوب كل السلطات في ايدك عايزين نرجع ندخل في الشغل على طول
- ماشي يا بهاء ماتقلقش كله ح يكون اندر كنترول
- عارف يا يسري وعلشان كده سلمتك كل حاجة وان شاء الله لما نرجع نبدء المعمعه
- ان شاء الله حبيبي المهم اتفسحوا وانبسطوا علشان الفترة الجاية ح تكون مطحنة
- ربك يسترها يا يسري يالا ح نسيبك احنا ونشوفك كمان اسبوعين و ح نبقى على اتصال مع بعض دائما
- تمام حبيبي مع الف سلام
خرج بهاء ومعه دنيا وذهبوا ليشاهدوا غرف النوم وبالفعل أعجبت دنيا بغرفة في نفس الوقت مع بهاء فضحك الاثنان واختاروها بالفعل وجاء بهاء ليتحرك فوجد دنيا واقفة فعاد لها
- دنيا واقفة كده ليه
- عايزة اطلب منك طلب ممكن
- اؤمري حبيبتي
- عايزة الأوضة دي لباهر ورحيق
- اشمعني يا دودو ممكن نجيب أوضة باهر من الشقة التانية
- لا يا بهاء علشان يبقى لهم أوضة جديدة زينا ممكن ولما يكبروا شوية ونحتاج نفصلهم نبقى نجيب أوضة شكلها ممكن... عارفة اني بضغط عليك في الظروف اللي احنا فيها بس معلش ممكن مانسافرش
كان بهاء ينظر لها بحب وامسك يدها وهو ينظر لها بحنان وسعادة
- حبيبتي ولا يهمك مش للدرجة دي خلاص طالما عجباكي الأوضة دي نجيبها
- بجد ميرسي حبيبي ربنا مايحرمنا منك ابدا
- ولا يحرمني منك ومنهم قوليلي بقى تحبي نعدي نشتري طلباتك كمان
وقفت دنيا وهي مذهولة مما قاله وهزت راسها
- لا طبعا قصدي يعني ح ابقى انزل مع يمني او ماما هناء
- طيب وانا ما نفعش ردت دنيا فورا بارتباك
- لا طبعا ماتنفعش
ضحك بهاء عليها وعلي ارتباكها وهمس
- خلاص خلاص اهدي تعالي بقى نروح نتغدى انا وانتي في اي مكان ممكن همست دنيا بخجل
- ممكن طبعا يالا بينا
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
تجلس هناء مع رضا ويمني والأولاد وحضرت لهم بهيرة أيضاً وبعد أن أحضرت يمني لهم القهوة ذهبت هي لتلعب مع الأطفال وجلست هناء امام رضا وبهيرة وتحدثت
- رضا عايزة اتكلم معاكي
- اتفضلي يا هناء خير ياختي في حاجة و لا ايه بهاء ودنيا كويسين
- الحمدلله يا رضا كويسين واديكي شايفة الاولاد كمان زي الفل
- امال في ايه يا هناء حاسة انك عايزة تقولي حاجة
- فعلا يارضا بصي حبيبتي انتي عارفة ان بهاء ودنيا الاتنين رحيق كانت ومازالت عندهم غالية قوي وهما اتجوزوا بناء على طلبها يارضا وكنتي شاهدة ان الاتنين رفضوا في الأول
- عايزة تقولي ايه ياهناء حاسة انك عايزة تقولي لي انهم قرروا يكملوا جوازهم ويبقى بجد صح
صعقت هناء من كلام رضا ولكن نظرت لها رضا وابتسمت ودموعها تتساقط
- ماتستغربيش يا هناء انا ام وحاسة بيهم مش ح يقدروا يعيشوا حياتهم مترهبانين وهما لسه صغيرين صحيح بنتي بقت تحت التراب بس دي ارادة ربنا اللهم لا اعتراض مش ح احرمهم يعيشوا حياتهم علشان هي راحت للي خلقها بلغيهم ياهناء اني مش ح ازعل ولا ح اضايق اهم حاجة عندي ولادها واديني شايفة باهر وروكا متعلقين بيها ازاي وعارفة ان دنيا ح تفضل تحكي لهم عن امهم وعمرها ما ح تخليهم ينسوها
كانت رضا تتحدث وهي تبكي وتبكي معها بهيرة وهناء وبعدها قامت هناء تحتضنها بقوة
- عارفة يا رضا دنيا كل يوم تحكي لباهر عن رحيق حتى روكا كمان دايما توريها صور رحيق وتقولها دي مامي حبيبتي عارفة ان روكا بتقول لدنيا ولرحيق مامي حتى باهر بس هو فاهم طبعا
- قلت لك يا هناء عارفة ان دنيا ح تحافظ على ذكرى رحيق
- يعني مش زعلانه يا رضا
ابتسمت رضا بحزن
- ازعل لا والا يبقى اعتراض على قضاء الله لكن حزينة مهما كان رحيق بنتي ياهناء حزينة عليها يا ختي لكن اللهم لا اعتراض راضية يارب والله راضية
- ربنا يصبرنا كلنا يا رضا
- يارب ياهناء يارب يالا ح اسيبكم انا وامشي بقى احسن محمد زمانه على وصول
- ماشي ياحبيبتي طمنيني لما توصلي
- حاضر حبيبتي سلام عليكم
ردت هناء وبهيرة عليها وتحركت رضا لتذهب الي بيتها وعندما تحركت لتخرج وجدت بهاء ينزل من السيارة وهو يبتسم ويمسك بيد دنيا وعندما شاهدتها دنيا سحبت يدها سريعا من يد بهاء ووضعت وجهها أرضا فأقتربت رضا منهم وهي مبتسمه وامسكت يدها ووضعتها في يد زوجها ونظرت لهم
- ياولاد انتم ولادي زي رحيق خليني افرح بيكم يمكن يخف وجعي على بنتي اوعي تسيبي ايد جوزك يا دنيا وانت يابهاء اوع تسيب ايد مراتك حبيبي ربنا يسعدكم ويحلي ايامكم
ارتمت دنيا في أحضان رضا وهي تبكي فراق رفيقتها وشعرت بها رضا فظلت تربت على ظهرها
- هي كمان وحشتني يا دودو بس ح نعترض اللهم لا اعتراض خدي بالك من نفسك ومن جوزك والأولاد في عيونكم ولادها واولادكم امانة في رقبتكم
اقترب بهاء منها وقبل رأسها بحنان وهو يحتضنها
- ولاد رحيق امانة في رقبتي ورقبة دنيا يا امي
- عارفة حبيبي عارفة ربنا يسعدكم حبيبي يالا خد مراتك وادخل انا كنت ماشية خلاص
نظر بهاء لدنيا وابتسم
- ادخلي انتي يادنيا انا ح اوصل امي وارجع على طول
- ماشي يابهاء مع السلامة ياماما وماتنيسش تسلمي على بابا محمد
- يوصل حبيبتي هو بيسلم عليكي والله
- الله يسلمه يارب
ذهب بهاء مع رضا واخذ يتحدث معها وهي تبكي وهو أيضا حتى وصلوا الي البيت فنظرت له واحتضنت وجهه وهي تبتسم
- صدقني يابهاء انا مش زعلانة ان انت ودنيا ح تكملوا حياتكم يا بني انتم لسه صغيرين وده حقكم ربنا يهنيكم كل الموضوع اني حزينة على بنتي يا بهاء انا عارفة انها في مكان احسن بس انا ام يابني بدل ماتسلمني هي للقبر انا اللي سلمتها بس ح اقول ايه امر الله روح يابني يالا وبارك لدنيا ربنا يسعدكم حبيبي
صعدت رضا للأعلى وفور ان دخلت وجدت محمد جالس فانهارت في البكاء تبكي ابنتها ففزع محمد وجرى عليها وقصت عليه كل شئ فأخذ يحاول تهدئتها وهو يحتضنها بحنان ويدعو لأبنته بالرحمة ولبهاء ودنيا بالسعادة
للتواصل 👇👇👇😘
يُمكنك الانضمام لقناتنا على التليجرام
تعليقات
إرسال تعليق