روايه موده ورحمه الفصل الثاني والعشرين بقلم موروو مصطفي
رواية مودة ورحمة البارت الثاني والعشرين
روايه موده ورحمه الفصل الثاني والعشرين
اليوم يمر عام على وفاة رحيق الكبيرة وميلاد رحيق الصغيرة والكل يعمل على قدم وساق فقد أصرت رضا جدة الاولاد على عمل عيد ميلاد كبير لحفيدتها ولذلك قامت دنيا بالتعاقد مع شركة متخصصة وحضرت لتزيين الحديقة بشكل جميل كما اتفقت مع محل حلويات كبير وصنعت لرحيق تورتة كبيرة على شكل سندريلا والكثير من الكب كيك الخاص بالاطفال
استيقظت دنيا صباحا وبعد أن قامت بكل ما تصنعه يوميا ارتدت ملابسها هي و باهر ورحيق و معهم بهاء وذهبوا الي رحيق وجلسوا يقراءون لها الفاتحة وماتيسر من القراءن واخذ باهر كما اعتاد من دنيا ان يتحدث مع أمه ويقص عليها مغامراته مع اخته وبعد فتره ة تحركوا ليعودوا للمنزل وصعد بهاء والأولاد للأعلى اما دنيا فذهبت لهناء حتى يكملوا ما يحتاجون عمله فقامت بعمل الساندويتشات وبعض المخبوزات والبيتزا الصغيرة كما صنعت العديد من العصائر وبعد أن انتهت من كل شئ ذهبت الي شقتها وبداءت في إعداد رحيق فساعدتها لارتداء الفستان الذي احضرته لها وكانت قد أحضرت لها فستان يشبه سندريلا أيضا فكانت رحيق سعيدة جدا وتجري لتقبل امها كل قليل كما أحضرت لباهر ملابس جديدة لكي يرتديها في عيد ميلاد اخته وبعد أن ساعدتهم في ارتداء ثيابهم ذهبت لترتدي ثيابها هي أيضا ووجدت بهاء قد شارف على الانتهاء فأحتضنها بقوة وهمس لها بحب
- معقولة كل التعب ده يا ديدي هلكتي روحك وعامله حاجات كتير قوي ابتسمت دنيا ونظرت له
- حبيبي انا لو أطول اجيب لها الدنيا كلها انا ح ادخل اخد شاور سريع وأخرج البس وننزل على طول ولا تحب تسبقوا
- لا حبيبي ح ننزل احنا الأربعة سوا ياقلبي
- ماشي حبيبي مش ح اتأخر
وبالفعل انتهت دنيا من ارتداء ملابسها وكانت ترتدي فستان من لون الشمبين وترفع شعرها من جانب واحد وبهاء يرتدي بدلة من اللون الكحلي وقميص من نفس لون فستان دنيا وهبط الاثنان وهم يمسكون يد بعضهم وبهاء يحمل باهر ودنيا تحمل رحيق وفور خروجهم الي الحديقة كان هناك مصور يقوم بتصويرهم عدة صور فنظرت دنيا لبهاء بحب وتم التقاط صورة لهم كانت رائعة الجمال وانزلوا الاولاد وكانت هناء ورضا يدورون حول الكل ليطمئنوا على كل شئ وكان بهاء قد قام بعزيمة مجموعة كبيرة من الموظفين ومن ضمنهم ياسر احتراما لحسين وبعض الزملاء والزميلات باولادهم كان الاولاد يلعبون معا وكان باهر وحسين يهتمون برحيق وأمل والكل سعيد حتى فوجئ بهاء بدخول والدته ووالده ومعهم فتاه فور ان دخلت جرت وقامت باحتضان بهاء وهي تقبله من وجنتيه وتحتضنه فصعق بهاء وشعر بالاحراج وابعدها عنه بهدوء ووجهه يتحول للون الأحمر من الاحراج والغضب والكل ينظر له حتى دنيا والتي حاولت التماسك حتى لايظهر عليها خاصة مع اقتراب امه منها
- اسفة يابنتي اوعي تزعلي دي بت طاقه بنت اختي وجاية زيارة حقك عليا هي أصلها مش عايشة هنا نظرت دنيا لبهيرة ورسمت ابتسامة
- ولا يهمك يا ماما نورتم عن اذنك حبيبتي اشوف الاولاد وابتعدت عنهم واقترب بهاء من أمه وهو ينزع يد منار بقسوة عن يده
- امي فهمي البني ادمه دي ان اللي بتعمله غلط منظري ايه أدام مراتي ولا الكل اللي بيتفرج على الهانم وهي داخل تاخذني بالحضن بالطريقة دي
- خلاص يابهاء معلش حبيبي روح شوف مراتك حقها تزعل
وهنا ردت منار بغيظ
- انت ح تسبني وتروح وراها ايه ماوحشتكش يا هوبا وبعدين هي تزعل ليه نظر لها بهاء وهو يحاول التحكم في اعصابه
- منار اول واخر مره تعملي الحركة دي وبعد كده احترمي نفسك فاهمة انا اسمي بهاء مش بلعب معاكي انا عن اذنكم
انصرف بهاء يبحث عن زوجته فوجدها تقف بعيدا وكأنها تنظر إلى الاولاد وهم يلعبون فأقترب من خلفها وضمها ففزعت وتحركت ولكنه شدد من احتضانها
- اهدي حبيبتي ده انا فصمتت ولم تتحرك ولم ترد دنيا حبيبتي عارف انك زعلانه معلش حبيبتي بنت مطيوره وانا وقفتها عند حدها حقك علي قلبي يا روح قلبي
زفرت دنيا بهدوء
- بهاء من فضلك سيبني اروح اشوف الاولاد
- لا يا دودو مش قبل ماتقولي انك خلاص مش زعلانه
- يبقى ح اضحك عليك وانا ماتعودتش اضحك عليك
-دنيا حبيبتي انا ذنبي ايه وبعدين انا اديتهم لها أدام امي خلاص بقى حبيبك ذنبه ايه
فاستدارت دنيا ترفع اصبعها في وجهه وهي تتحدث بغضب طفولي
- عارف يا هيبو لو عملت كده تاني ح اعلقك على باب الفيلا ماشي
- وذنب هيبو ايه بس هو واد حليوه والبنات بتجري عليه
فأقتربت دنيا منه وهي تتصنع الغضب
- بقى ذنب هيبو ايه طيب ايه رايك اطيرلك راس هيبو
فأقترب بهاء منها وهو يضع جبينه على جبينها وهمس بصوت اجش
- ويهون عليكي هيبو يا دودو
فأرتمت دنيا في احضانه وهي تضع رأسها على صدره
- عمره مايهون ابدا
- طيب يالا حبيبتي وخلي ايدك في أيدي اوعي تسيبيها سامعة
- ماشي حبيبي
عاد بهاء وهو يمسك يد دنيا بتملك وحنان وهم يدورون حول الضيوف حتى وصلوا الي سيف الذي ما ان استمع لصوت دنيا حتى ظل يتحرك على يد جده وهو يحاول الوصول إلى دنيا التي اقتربت منه وحملته وهو يلقى بنفسه في احضانها ويحرك رأسه على صدرها وهي تقبله وحاولت إعادته لهم فلم يرضخ سوا عندما حضرت حلا وهمست له فالتفت وذهب لها بهدوء وعاد يضع راسه على كتفها فابتسمت دنيا
- حلا بقولك ايه شكله عايز ينام حبيبتي لو نام ادخلي حطيه عند يمني هناك انتي عارفة المكان
- ماشي يا دنيا حاضر
وابتعدت دنيا وذهب معها بهاء بعد اعتذاره لياسر وحسين واكملوا جولتهم حتى وصل إلى امه وأبيه وكانت تجلس معهم منار التي وقفت فور ان رأتهم ونظرت لبهاء بابتسامة
- أيه يا بهاء هو انا ماوحشتكش مش مفروض كنت تقعد معايا نظرت دنيا الي بهاء ووضعت رأسها على صدره وابتسمت برقه
- معلش يا سوري هيبو معلش قولي تاني اسمها ايه
- منار حبيبتي
- معلش يامنار النهاردة عيد ميلاد روكا لازم نكون معاها عن اذنكم احنا ماما معلش حضرتك عارفة
- عارفة حبيبتي عارفة روحوا يالا هو احنا غرب
وبعد تحرك دنيا وبهاء وجهت بهيرة نظرها لمنار بغضب وهمست
- ياريت تحترمي حالك يامنار واسلوبك ده بلاش منه لأنك انتي اللي ح تندمي بعد كده
- ليه ياخالتو هو انا عملت ايه وبعدين مش، شايفة الهانم بتتعامل ازاي معايا قال قولي اسمها ايه يعني ايه مش فاهمة
نظر لها سعد ووجه يتحول للون الأحمر من الغضب
- عارفة يامنار انا لو منها اول مادخلتي وجريتي على بهاء حضنتيه وبوستيه أدام الناس كنت عملت ايه كنت هبدتك قلم يعرفك مقامك بس هي علشان بنت أصول سكتت ياريت بقى تلمي روحك
- ياعمو بهاء كان واحشني انا مش قصدي حاجة وحشه
- تمام خلصنا بقى
مضى العيد ميلاد والكل سعيد ولم يترك بهاء يد دنيا من يده واحتفلوا مع روكا وباهر وكان حسين ينظر إلى حلا التي تحمل سيف وياسر الذي يلعب مع كريم ابن حلا ذو الاربع أعوام وكان مبتسم حتى اقتربت منه دنيا وبهاء
- أيه يابابا سرحان في ايه وفين المزه بتاعتك
ضحك حسين وهو يسحبها لتجلس بجواره هي وبهاء
- مزتي راحت تعملي قهوة وسرحان في الجوز اللي هناك ده
التفتت دنيا وبهاء فوجدت ياسر يجلس بجوار حلا وكلا منهم يحمل ابن الاخر والاثنين منسجمان معا فتغيرت ملامح دنيا ونظرت لحسين
- يابابا يابابا هو ماحرمش يابابا هي البنات والستات بقت لعبه في ايده
نظر لها حسين بحزن
- اخص عليكي يادنيا انتي شايفة اني زباله قوي كده
ارتمت دنيا في أحضان ابيها
- انا اسفة يابابا مش قصدي والله
- دنيا حبيبتي المفروض انكم شايفين ياسر معاكم في الشغل عامل ايه هنا رد بهاء
- فعلا يا بابا ياسر بيشتغل من نار لدرجة انه يوم مابيروح بدري بيروح ١١ بالليل
- ايوة يا بهاء ياسر من يوم ماعرف لعبه امه ومشاركه رانيا معاها في طلاق دنيا و اهانتها وجرحها من يوم ما عرف ده و هو عايش معاهم زي الضيف بيهتم بسيف وبس امه رقده في السرير مابتتحركش الا للشديد القوي لما تيقنت اني خلاص استحاله ارجعها اما رانيا ف من يومها وهو محرمها عليه وقالها يطلقها رفضت يعني ياسر عايش من غير زوجة
كانت دنيا وبهاء يستمعون له وهم في ذهول
- ياااااااه يابابا معقول طيب حضرتك ماقلتش ليه
- ماكانش ينفع يا بهاء وضع ياسر معاكم حساس ردت دنيا
- يابابا ربنا يوفقه ويسعده يارب
- يارب حبيبتي
- عموما حلا انسانة جميلة قوي هي ارمله وأهل جوزها قرفنها علشان مش عايزنها تورث
- الله المستعان يابنتي يعمله الخير يارب
انصرف بهاء ودنيا وهي تمسك بيده وتميل على كتفه فشعر بهاء بها فهمس
- مالك يا ديدي
- بحبك ياهيبو
- وهيبو بيحبك يا ديدو
هيبو قريبتك دي شكلي كده ح اروح اخرج لها عينها من مكانها هو في ايه دي عينها منزلتش من عليك اووووف
اخذ بهاء يضحك وهو يضم دنيا لأحضانه
- حبيبتي مافيش حد في القلب والعقل غيرك
-ربنا مايحرمني منك حبيبي يالا تعال نروح نقعد معاهم بقي
انصرف الجميع وتبقى فقط الضيوف وكانوا يتحدثون ويضحكون حتى استمعوا لمنار وهي تحدث بهاء
- بهاء معلش ممكن اطلب منك طلب انا عايزة انزل الشغل عندك في الشركة
ارتبك بهاء ونظر لدنيا وتحدث
- عايزة تنزلي عندنا تشتغلي ايه يامنار ده مش تخصصك خالص
- اي حاجة يابهاء في الحسابات ان شالله حتى في العلاقات العامة
- طيب ربنا يسهل يا منار ح اتناقش مع دنيا ونشوف نظرت له منار وهمست بسخرية
- هو انت ماتعرفش تاخد قرار لوحدك في شركتك وقف بهاء ونظر لها بغضب
- اولا يا محترمة الشركة شركتي وشركة دنيا
- أيه ده يعني ايه
- يعني دنيا شريكتي في النص في كل حاجة لها حق الإدارة وكل حاجة دنيا تملك نص الشركة رغم ان مالكيش انك تعرفي بس عادي علشان تتهدي يالا يا دنيا علشان نطلع الاولاد اللي ناموا دول
- يالا حبيبي عن اذنكم ياجماعه ربع ساعة وننزلكم
وقف سعد ونظر لزوجته ومنار
- لا حبيبتي خليكم بقى طول النهار مجهود عليكم احنا ح نمشي قاعد يامحمد
- لا يا سعد يالا بينا معاكم كل سنة وانتم طيبين جميعا
انصرف الكل وصعد الاخرون الي شققهم ودخل بهاء ودنيا الي بيتهم وقامت دنيا بروتينها المعتاد من نوم رحيق وباهر وبعدها توجهت الي غرفتها حتى تبدل ملابسها وهي أمام الدولاب تختار ماذا تلبس وجدت من يحتضنها من الخلف
- حبيبتي عارف انك مضايقة
- لا ابدا حبيبي مش مضايقة ولا حاجة لكن البنت دي انا بجد مش مرتاحة لها يا بهاء
- ماتقلقيش منها حبيبتي دي بيت طقة
- ماشي ياروحي دلوقتي ح تعمل ايه في موضوع شغلها
- اللي انتي عايزاه ياروحي
- لو انت رفضت ح تقولك دنيا اللي بتمشي كلمتها وانا استحاله أحطك في الموقف ده بص شغلها ونشوف وفهمها الغلطة بفوره
- عيوني ياقلبي ايه مش ح نحتفل احنا كمان ولا ايه
تصنعت دنيا الهبل
- نحتفل بأيه حبيبي
- بت يا دودو ياحلوه انتي سيبيني انا اختار القميص فضحكت دنيا وهي تتمايل على زوجها بدلع
- لا ياخويا انت شقى وبتنقي حاجات غريبة كده ومالهاش لازمة
ضحك بهاء بقوه واقترب وهو ينظر إليها وهمس
- وهذا هو المطلوب ياقلب حبيبك
وذهب الاثنان الي عالمهم الرومانسي الذي ادمناه هما الاثنان فأصبح بهاء لا يستطيع النوم سوا ودنيا في احضانه يحتويها بين يديه وكذلك دنيا لا تستطيع النوم سوا في أحضان بهاء
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
مر يومان بعد عيد ميلاد رحيق الصغيرة وكانت دنيا في العمل مع بهاء وكانوا في اجتماع مع باقي المهندسين لمتابعة سير العمل وكان شادي قد علم من بحثه خلف دنيا ان ياسر طليق دنيا وكان يحمل داخله ضغينه من بهاء انه تزوج من دنيا التي احبها فبعد انتهاء الاجتماع وقبل خروج الجميع نظر شادي بخبث لدنيا ومال هامسا وهو متخيل ان بهاء لا يستمع لهم
- بس ٩٩حكوالله برافو عليكي يا دنيا جوزك وطليقك في نفس الشغل ياترى بهاء مكفكيش فجبتي ياسر طيب ما انا كنت موجود
كانت دنيا تسمعه وهي في حالة ذهول ولجل حظه الاغبر كان بهاء قد استمع لكلماته فالتفت له ولطمه بقوة جعلته يكاد يقع لولا أن اسنده ياسر واقترب بهاء مره اخرى منه وامسكه من ملابسه وظل يضربه بقوه حتى اقترب منه يسري وياسر وهم يحاولون منعه والآخر كان أرضا فوقف وهو ينظر بغل لهم فهو لم يتصور ان يسمعه بهاء
- أيه زعلان قوي اني قلت الحقيقة الهانم جايبه طليقها يشتغل في الشركة بتاعة جوزها وعامله الست الطاهرة ما كنت موجود وقبل ان يكمل كان ياسر قد ترك بهاء واتجه لشادي واكمل عليه ضربا والكل في حالة ذهول حتى استمع لصوت دنيا
- سيبه ياباشمهندس أصل الو سخ اللي زي ده مايعرفش يعني ايه علاقه نظيفة وسوية انت بتكلم في شرفي ياحي وان وبكل جراءة و وقاحة عارف انا لو ماكنتش متجوزة بهاء كنت برضه استحاله ابص لواحد زيك وهنا اقترب بهاء من دنيا محتضنا اياها بقوة ونظر لياسر وابتسم
- سيبه يا ياسر ح تودي نفسك في داهية علشان كل ب ولا يسوي يسري حضر للبيه جواب فصل من الشركة وسلمه كل مستحقاته انا كان ممكن اطلعك من هنا من غير مليم وكمان كان ممكن اوديك في داهية بس مش ح انزل بمستوايا لمستوى حق ير زيك بس برضه مش ح اسيب حق مراتي ولا حقي مالكش عندي اي شهادة بالعكس اعرف كويس اني ح افضل وراك لما توريني ح تعرف تشتغل فين برررررررررره وخليك عارف اني وراك يا شادي وح اخليك في يوم تقول حقي برقبتي
كان الكل يقف في حالة ذهول حتى وقف ياسر أمام بهاء ودنيا
- اسف ياباشمهندس اسف ياباشمهندسة عمري ماتصورت ان وجودي يعمل المشكلة دي انا فورا ح اقدم استقالتي نظر له بهاء
- ياسر انا سبق وقلتها لك ادام يسري لما رجعنا من السفر ولقيناك هنا احنا أكبر من كده وانا عندي ثقة في مراتي تفوق الحد وبعد ما اشتغلت معانا وشفت شغلك ومعاملتك مع الناس ومع دنيا اتأكدت ان كلامي صح ومش كل ب زي ده اللي ح يخسرك شغلك ويخسرني مهندس كفء شغال ب٣ مهندسين واللي شايف ان كلامي غلط ومش عجبه الباب موجود مع الف سلامه
قام بالرد مهندس يعمل بجوار ياسر يدعي محمد
- بصراحة ياباشمهندس انا بشتغل مع ياسر من ساعة ما وصل وزي ماحضرتك قلت عمري ماشفته بص كده ولا كده ومتعاون مع الكل وشغال من نار حتى لو صدفت والمهندسة دنيا كانت بتوجه لنا أي كلام عمري ماشفته بص لها الشهادة دي لله اتحاسب عليها لكن اللي زي شادي ده بني ادم وا طي وخس يس وبصراحة مافيش مهندسة ولا اي واحده شغالة معانا ماسلمتش من غلاسته عليها وادي مهندسة حلا تشهد ان في يوم مسحت بكرامته الأرض ولولا اني هددته يومها اني ح أبلغ حضرتك كان فضل يضايقها بصراحة حضرتك عملت الصح واحنا لنا الشرف اننا شغالين عند حضرتك
ابتسم بهاء وهو يضع يده على كتف محمد وياسر
- انتم شغالين معانا مش عندنا احنا هنا كلنا اهل وعمري ما اتعاملت معاكم على انكم شغالين عندنا لا كلكم أهلنا يالا كل واحد يروح يكمل اللي وراه يسري اعمل اعلان تاني اطلب مهندس مكان الحيوان اللي مشي
ابتسم ياسر ونظر لبهاء
- مالوش لزوم يا باشمهندس انا ح اشيل شغله
- كده كتير عليك يا ياسر ومجهود يفوق القدرة على التحمل
- صدقني انا معنديش مشكلة
- خلاص سلم باقي شغل جمال لدنيا تكمله هي وانت استلم شغل الزفت ده انا مش حمل انك توقع منا انت شايل شغل كتير
- وانا اده ياباشمهندس ماتقلقش عليا ولو حسيت اني تعبت ح اسلم الشغل للمهندسة دنيا
- يا ياسر اسمع الكلام
- والله ياباشمهندس ماتعب كل الموضوع اني الصبح بدل ما اجي على هنا ح اعدي على العمال اشوف الشغل وانظمه وبعدين حضرتك عارف رجالتنا يعتمد عليهم وفاهمين كويس ولو حسيت اني ح اقصر ح اسلم فورا المشروع للمهندسة دنيا وكمان مهندسة حلا بتساعدني ومحمد معايا احنا كلنا ايد واحدة يمكن انا جديد عليهم بس كلنا مع بعض وبنشيل بعض ماتقلقش وراك رجالة تأكل الزلط
ضحك بهاء ونظر له وهو يربت على كتفه
- عارف ومتاكد ان معايا ناس تفوت في الحديد انتم ضهر وسند للشركة ياشباب يالا اتفضلوا على شغلكم
خرج الجميع عدا يسري الذي كان يشعر ان صديقه يغلي وفور ان أغلق الباب قام بهاء بضم دنيا لصدره بقوه مقبلا راسها
- حقك عليا حبيبتي عارف انك موجوعة
- ماكنتش متصوره انه حقير للدرجة دي
هنا تدخل يسري وهو ينظر لهم
- ماتفتكريش يادنيا اني ح اسيبه وديني وما اعبد لخليه يندم على كل كلمة قالها بهاء أصله مالوش في الشر ده تخصصي يبقى يفرجني ح يلاقي شركة تشغله ازاي والله لعلم عليه تعليمه تخليه يمشي مطاطي راسه الواطي ده انا عديت اه كتير وحاولت معاه بدل المره عشره لكن خلاص بقى وحياة امي لخليه فرجه لكل من هب ودب
نظرت له دنيا بامتنان
- سيبه يا يسري ده مايستهلش
- لا ياختي انا مش طيب زيكم انا بقى حطيته في دماغي وانتي اوعي تزعلي ولا تضايقي نفسك ده حمار وغبي وجابه لنفسه يستحمل بقى لو راجل سلام انا علشان مش فاضي عندي حفله وح اقلب شرير وبفكر اخد الواد ياسر معايا اهو يطلع غله منه شويه
وخرج وتركهم ينظرون له وفجاءه ضحك الاثنان بقوة واقترب بهاء من دنيا ووضع جبينه على جبينها
- حبيبي زعلان
- لا يا حبيبي ازعل ازاي بعد حقي ماجه من الكل بس بليز يا هيبو قول ليسري بلاش يتقل قوي في الاذيه علشان برضه يلاقي شغل
- حبيبي الطيوب ابو قلب ابيض ده يا ناس اعمل فيه ايه
- ضحكت دنيا ومالت براسها تنظر له لما نروح ح اقولك
لقراءة أو تحميل رواية مودة ورحمة الفصل الثالث والعشرين من هنا 👇
للتواصل 👇👇👇😘
يُمكنك الانضمام لقناتنا على التليجرام
تعليقات
إرسال تعليق