روايه موده ورحمه الفصل الثالث والعشرين بقلم موروو مصطفي
رواية مودة ورحمة البارت الثالث والعشرين
روايه موده ورحمه الفصل الثالث والعشرين
بعد مرور اسبوع كانت دنيا تجلس مع بهاء ويسري في المكتب ووجدوا السكرتير يدخل ليبلغهم بوجود منار بالخارج فسمح لها بهاء بالدخول وبالفعل دخلت وقامت بالسلام على الكل
- صباح الخير انا جيت حسب اتفاقنا يابهاء فنظر لها بهاء
- صباح النور يا انسه منار هنا انا باشمهندس بهاء هنا كل واحد له لقبه مش قاعدة في النادي انتي
- انا اسفة ياباشمهندس
- تمام اتفضلي مع المهندس يسري ح يوريكي فين شغلك
- أيه ده هو انا مش ح اشتغل معاك هنا
وقف بهاء ونظر لها بغضب
- منار ماتخلنيش اغير رأي واقولك روحي فاهمة
- انا اسفة انا بس عايزة اشتغل مع حد اعرفه
- والله اللي عايز يشتغل بيشتغل في اي مكان بكررها لك تاني يا منار هنا كل واحد له احترامه انتي هنا موظفة زي اي حد تتعاملي بأدب اي تجاوز ح يكون رد فعلنا مش حلو فاهمة كلامي كويس
- فاهمة عن اذنكم
انصرفت منار مع يسري الذي أخذها وذهب بها إلى قسم العلاقات العامة وكان معها اثنان فتاة ورجل وعاد بعدها يسري الي بهاء ودنيا طرق الباب ودخل وعلى وجه ابتسامة شريرة يعرف معناها بهاء فنظر له وابتسم
- وراك ايه يا يسري ضحكة عادل أدهم دي وراها ايه ضحك يسري بقوة
- دائما كده قفشني
- انطق يابني وراك ايه
- ولا اي حاجه بس علمت لك على شادي لما خليته خلاص
نظرت له دنيا
- كفاية يا يسري خلاص سيبه بقى يشوف شغل
- كان يستاهل اللي عملته يادنيا كان لازم اخليه يندم ويتعلم الأدب ويعرف ان الله حق وكتاب الله انا لولا والده كلمني وقالي انه حكي له كل حاجة وانه هبده قلم معتبر وطرده من البيت لانه خاض في شرفك ولولا والدته اللي اتحايلت عليه انه يسامح ابنه ويرجعه البيت هو كلمني واتحايل عليا اني اسيبه يلاقي شغل وبصراحة هو صعب عليا بس قلت له لازم ارجع لأصحاب الشأن اللي خاض فيهم وجيت اخد رأيكم كفاية عليه كده
رد بهاء
- خلاص يا يسري اعتقه بقى ووصي عليه في اي شركة بعيد عنا
- تمام خلاص كده يعني انتم الاتنين متفقين ردت دنيا
- طبعا يا يسري خلاص كده زي ما بهاء قالك
- ماشي ياستي حاضر عونيا سلام بقى ياحلوين
خرج يسري من مكتب بهاء وقام بتنفيذ ما اتفقوا عليه واستمر العمل على قدم وساق في الشركة واصبحت منار تعمل في العلاقات العامة وكلما سمحت لها الفرصة تحاول التحدث مع بهاء والتقرب منه ولكنه دائما ما يصدها ولا يسمح لها بذلك
مر علي وجودها ٣ شهور اخرى وكانت دنيا تحاول دائما التحكم في اعصابها حتى لا تفقدها عليها وفي يوم اتت حلا لدنيا تطلب التحدث معها فذهبت معها دنيا الي خارج الشركة حتى يتحدثون بأريحيه
- خير يا حلا في ايه ليه حساكي متوتره كده
- دنيا بعيد عن انك رئيستي انتي عارفة انك صديقة ليا وانا في حيرة مش عارفة اعمل ايه
- اتكلمي يا حلا انا سمعاكي حبيبتي
- انتي عارفة ان اعمام كريم قرفني في عشتي علشان اتنازل عن ورثه من ابوه الله يرحمه او اتجوز اخوه اللي متجوز اتنين
- دول مفترين وربنا مش ح يسيبهم
- دنيا انا في حيرة ومعنديش غيرك اشكي له وعارفة ان الكلام ده ممكن يضايقك
- كلام ايه يا حلا اتكلمي يابنتي
-المهندس ياسر ابتسمت دنيا بحب
- معجب وعايز يتقدم صح صعقت حلا ونظرت لها
- أيه ده هو اتكلم معاكم
- لا حبيبتي بس من يوم عيد ميلاد روكا وانا شايفه ان هو عينه عليكي
-طيب قوليلي اعمل ايه هو بيقولي اتنازلي عن ورث كريم وانا أن شاء الله اعوضه مقابل انهم ماياخدوش كريم مني لو اتجوزت بس انا مش عارفة خايفة قوي يادنيا يعني ياسر كان متجوزك وبعد كده اتجوز واحده تانية ودلوقتي عايز يتجوزني
ابتسمت دنيا وهي تربت على يد حلا وقصت لها لماذا انفصلت عن ياسر وحكت لها عن حياته مع ام ابنه
- ها بعد اللي قلته ده ايه رايك وبعدين ح اقولك حاجة كمان لو انتي موافقة سيبيني اعرف منه نظامه ح يكون ازاي لو اتجوزتم بصي يا حلا ياسر كويس المشكلة كانت ضعف شخصيته بينه وبين مامته وأعتقد على ما اعرف انها اتهدت خلاص ها اتكلم معاه واعرف ايه النظام
هزت حلا رأسها بخجل فأحتضنتها دنيا وهمست لها مبارك مؤقتا وعاد الاثنان مره اخري للعمل وهم لا يعرفون ماذا ينتظرهم
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
تجلس منار وهي تتأكل غيظاً من دنيا فهي لا تستطيع أن تجذب بهاء لها فقررت ان تفعل اي شئ حتى تحاول أن تأخذه منها وهي تفكر مع نفسها استمعت لرنين الهاتف وعندما ردت كان مدير البنك يبلغها انه يرغب في التحدث مع دنيا لأمر هام وتصنعت هي انها تحول الخط لها وقامت بالرد عليه بعد تغيير صوتها وكانت هناك مشكلة ويجب على دنيا الذهاب للبنك فورا والا توقفت أوراق الصفقة تماما وابلغته هي انها ليست متفرغة اليوم وليفعل ما يفعل فالف بنك يرغب في التعامل معهم واغلقت الهاتف في وجه وهي سعيده للغاية متصوره انها هكذا اضرت بدنيا والعمل ولابد هنا أن تحدث مشكلة بين دنيا و بهاء وتناست ان دنيا لها نصف الشركة فكيف لها أن تفعل ذلك وكانت منار لا تعرف ان دنيا ليست موجوده بالعمل فقد تصورت انها بالدور الثاني
عادت دنيا للعمل ودخلت لبهاء وقصت له حديث حلا وطلبت منه أن تتحدث مع ياسر في وجوده فابلغها ان ياسر في الموقع وبعدها سيذهب لأخذ ولده و يذهب لايصاله لحسين وهناء واستمعوا لدقات على الباب فسمح بالدخول فوجده يسري ووجه ينم عن مصيبةفنظر له بهاء
- في أيه يا يسري
- مصيبة يا بهاء ورق الصفقة اللي في البنك كان فيه مشكلة ومدير البنك اتصل وطلب يكلم دنيا لأنها المسئولة ودنيا وصمت
فنظرت له دنيا بذهول
- دنيا مالها يا يسري والكلام ده كان امتي
- بيقول انك رديتي عليه بقلة ادب وقلتي انك مش فاضية وان الف بنك عايز يتعامل معانا وقفلتي السماعة في وشه
- نعم انت بتهرج انا ماحصلش مني الكلام ده خالص ولا كنت هنا من اصله
- انا واثق ان في حاجة غلط بس مش قادر افكر دي مصيبة والراجل لولا انه صديق ليا قالي انه كان ممكن يعمل رفض التعامل مع شركتنا بس كلمني واداني مهلة ساعتين اعرف في ايه وتكلميه بشكل شخصي تعتذري منه وانا عارف انه دماغه سم واكيد ح يسمعك كلام زباله
كان بهاء في حالة من الصمت حتى وقف وخرج من المكتب وقام بإستدعاء منار و زميلها فالفتاه الأخري اجازة ودخل بهم الي المكتب وكانت دنيا تجلس في توتر وكذلك يسري
- عايز اعرف مين اللي رد على مدير البنك اللي سأل على دنيا ارتبكت منار فهي لم تحسب حساب ان ينكشف الموضوع سريعا هكذا ورد زميلها سريعا
- ياريس انا النهاردة مردتش على اي تليفونات لان كان معايا شغل في الأرشيف ومنار هي اللي كانت على التليفونات
- تمام ياجاسر روح انت ها يا منار انتي اللي رديتي
- ايوة يا ريس انا اللي رديت وحولت التليفون لدنيا صرخ بهاء بغضب
- مهندسة دنيا
- اسفة مهندسة دنيا
صرخت دنيا وهي تقف تنتفض
- حولتي التليفون لمين انتي بتستهبلي
- ايوة انا حولت لحضرتك التليفون وكنتي في الدور اللي فوق انتي ح تتبلي عليا ياباشمهندسه
- انتي بني ادمه كدابه بص يا باشمهندس بهاء انا ماشية ولما تعرف الهانم دي عملت كده ازاي انا ح ابقى منتظره حقي تمام عن اذنك وانصرفت دنيا سريعا وكان بهاء يصرخ
- دنيا استنى
ولكن دنيا لم تنتظر وانصرفت سريعا وهنا توجه بهاء الي منار وقام بمسكها بغضب
- انتي بني ادمه حق يره وبقولها لك اهوانا واثق ان انتي عملتي كده و ح اجيب الدليل وساعتها ح افرمك فاهمة يعني ايه غوري على مكتبك
خرجت منار سريعا خوفا من بطش بهاء والتفت بهاء ينظر إلى يسري
- ساكت كده ليه
- مش قادر افكر الزفته اللي بره دي عملت كده ازاي هو حبها ليك عماها للدرجة دي
- حب ايه انت كمان
- يبقى انت أعمى يا بهاء البت دي عينها منك بص انا ح اكلم مدير البنك ح اخليه يأجل الموضوع لبكره لغاية ماتروح لدنيا وتصالحها وتخلص من البت دي والصبح ح نروح البنك احنا التلاته وتليفونات البنك بتتسجل ونشوف مين رد عليه ولا اقولك انا مش ح استنى لبكرة انا ح اكلمه حالا واخليه يبعت لي تسجيل المكالمة وح نعرف ساعتها بالدليل
- ماشي يا يسري
وفجاءة رن هاتف بهاء وكان ياسر
- ايوة يا ياسر
- الحقني ياباشمهندس
- في أيه انت فين
- انا في البيت عند بابا وفجاءة مدام دنيا دخلت واول مادخلت اغم عليها ماما هناء ويمني دخلوها عند يمني وبعتوا يجيبوا دكتور وانا مش عارف اعمل ايه بابا وأمير مش هنا وهما اتلخموا فيها وطبعا محدش ح يكلمك قولي اعمل ايه امشي ولا اعمل ايه
- انا في الطريق يا ياسر خليك عندك ماينفعش دكتور يجي وهما وحدهم ربع ساعة واكون عندك
كان بهاء قد تحرك فور سماعه باغماء دنيا ووصل الي البيت سريعا وهو لا يعرف كيف وصل ونزل من السيارة سريعا فوجد ياسر يقف على باب شقة يمني من الخارج
- الدكتور جه
- اه جوه
اندفع بهاء الي الغرفة فوجد الطبيب يكتب شيئا فجري ناحية دنيا يحتضنها دون أن يهتم بمن يقف
- مالك ياقلبي فيكي ايه انتي كويسة نروح مستشفى اتكلمي يادنيا
كانت دنيا في حالة صمت فقط تستند على صدر بهاء فنظر الي الطبيب
- في أيه يادكتور فهمني مالها
فابتسم الطبيب ونظر لهم انا مش عارف ليه هما التلاته مسهمين بالشكل ده ودموعهم نازله كده انتم مش فرحانين ان بنتكم حامل نظر بهاء للطبيب
- بنتهم مين حضرتك تقصد دنيا مراتي دنيا حامل بجد
- ايوة ياسيدي حامل بجد مش عارف ازاي هي ماحستش المهم دي روشته فيها شوية تحاليل لازم تعملها وبعدها بقى تتابع مع دكتور نسا عن اذنكم والف مبروك
- الله يبارك فيك يادكتور ايه ياماما مافيش زغروطه دي دنيا حامل يا امي حامل
هنا انتبهت هناء فقامت بإطلاق الزغاريط هي ويمني وهم يبكون ويقتربون من دنيا يحتضنوها وقام بهاء بالذهاب مع الطبيب للخارج فوجد ياسر مازال ينتظر فقام بحساب الطبيب ونظر لياسر
- متشكر يا ياسر قوي متشكر كتر خيرك انك فضلت معاهم
- حضرتك مافيش داعي للشكر ده واجب المهم المدام كويسة نظر بهاء لعيون ياسر وهو يخبره حتى يرى ردت فعله
- كويسة يا ياسر كويسة قوي دنيا حامل فوجئ بهاء بياسر يبتسم وهو يرفع يده للأعلى
- اللهم لك الحمد والشكر اللهم لك الحمد رضيتها يارب زي مارضيتني ونظر لبهاء ربنا يكملها بخير ياباشمهندس الف مبروك ياريت تبارك لها عن لساني نظر له بهاء
- اولا من هنا ورايح بهاء وبس يا ياسر وبعدين ثانيا تيجي تبارك لها بنفسك هي عايزاك بس استسمحك عشر دقايق محتاج اصفي خلاف حصل بيني وبين دنيا وبعدها تدخل تبارك وتهني ونادي بهاء على يمني
- يمني يا يمني
- ايوة ايوة جيت يالهوي ياسر انا اسفة ياخويا اتلخمت في دنيا ونسيت انك هنا يالهوي الولاد
ضحك بهاء وياسر بشده ونظر لها بهاء
- روحي ياختي شوفي الولاد فين وضيفي ياسر يابخيلة عشر دقايق بس وادخل يا ياسر
- لا معلش حضرتك ناديني بعد ماتخلص
- ماشي ياسيدي عن اذنكم
دخل بهاء فوجد هناء تحتضن دنيا والاثنين يبكون فاقترب من هناء وقبل رأسها
- ماما بليز كلمي بابا حسين وخليه يجي
- حاضر ياحبيبي الف مبروك ياقلب امك
- الله يبارك في حضرتك ومن فضلك ياماما قولي ليمني تعمل لدنيا عصير
- عيوني ده انا اللي ح اعملها حالا
خرجت هناء واقترب بهاء من دنيا يحتضنها بقوة ويقبل سائر وجهها وهو يبارك لها بين القبلة والقبلة حتى ذابت بين احضانه
- يعني انا دلوقتي اعمل فيكي ايه تجري بالشكل ده من الشركة افرضي كان حصلك حاجة كنت ح اعمل انا ايه
- كنت مضايقة قوي يا بهاء وحسيت اني لو قعدت شوية كمان ح امسكها ارنها علقه
- تقومي تعملي كده يا دنيا كنتي اضربيها وانا ح اساعدك حبيبتي... المهم انا ذنبي ايه؟ انتي فاكرة اني صدقتها
- لا طبعا بس كان لازم امشي واسيبك انت تتصرف مهما كان بنت خالتك حبيبي
- الله على احلى حبيبي دي سيبك من الزفته دي دلوقتي انا طاير من السعادة
- بجد يابهاء مبسوط بجد
- طبعا ياقلب بهاء عندك شك
- كنت خايفه تزعل علشان الاولاد وكمان ماما رضا ح تعمل ايه انا خايفة على زعلها قوي
- اوعي تفكري في حاجة تزعلك كل حاجة ح تعدي فاهمة ياخبر ابيض انا نسيت ياسر بره
- ياسر هو لسه بره
- انا لما كلمني قالي.. طلبت منه يستنى ما هو اللي اتصل بيا
- عرف
- عرف و قص عليها مافعله عندما علم ثواني اندهه قادرة تكلمي معاه دلوقتي
- اه تمام ناديه حبيبي
- عيون حبيبك
قام بهاء بالنداء على ياسر فدخل وهو يضع راسه ارضا
- الف مبروك مره تانية ياباشمهندس
- تاني ياياسر قلت لك بهاء وبس ودنيا وبس انت بقيت واحد من العيله خلاص
رفع ياسر رأسه وعيونه تلمع بدموع الفرح
- شرف ليا اكون وسطكم ربنا يسعدكم ويفرحكم كمان وكمان الف مبروك يا مدام دنيا من قلبي فرحت لك الحمدلله ربنا رضاكي زي مارضاني بسيف
-اولا دنيا زي ماقال بهاء ثانيا الله يبارك فيك يا ياسر متشكره قوي لذوقك ثالثا بقى ربنا رضاك بسيفو العسل وكريم كمان ولا ايه
نظر ياسر لدنيا بسعادة تنطق من عينه وهمس بصوت مرتجف
- وفقت! حلا وفقت يا دنيا بجد
- بص يا ياسر اقعد بقى كده علشان محتاجين نتكلم بجد
- خير يارب
نظرت دنيا لبهاء
- حبيبي تكلم انت ولا اكلم انا
- لا اتكلمي انتي طبعا انتي اللي قعدتي مع حلا مش انا
- بص يا ياسر حلا غلبانة واعمام كريم قرفنها في عيشتها
- قلت لها والله قلت لها اتنازلي عن أي حاجة لهم وانا أن ربنا أراد ح اعوض كريم
- كلام حلو يا ياسر وان شاء الله تقدر بس دلوقتي انت متجوز و عايز تتجوز تاني
- بدون قطع كلامك يادنيا انا مش متجوز
- مش قصدي يا ياسر بابا قالنا على اللي فيها بس برضه واحدة متعلقه في رقبتك ح تنظم نفسك ازاي
ضحك ياسر بقهر وحزن ونظر لهم
- مافيش حد متعلق في رقبتي انا طلقتها شهقت دنيا ونظر بهاء له
- ليه التسرع يا ياسر و ابنك ده لسه صغير
وقف ياسر وهو يدور حول نفسه
- ح احكي لكم بس افهموني صح انا اخدت اكبر قلم في حياتي على رائ يمني بعت الغالي بالرخيص عارف يابهاء انا قلت لامي حتى لو كانت دنيا خلفت مني وانا اسف على كلامي بس عندي احساس انكم فاهمين صح قلت لها كنتي برضه ح تعملي اي حاجة علشان تبعدينا واهي نجحت والحمدلله ان دنيا بقت مراتك يا بهاء انت أحق بيها راجل بجد صونتها ربنا يسعدكم ويفرحكم و والله من قلبي المهم اتجوزت رانيا ولما انفصلت عن دنيا قلت خلاص قدري ونصيبي واعيش معاها خصوصا انها حامل وروحت وسمعت اللي عملوه حرمتها عليا ومظلمتهاش والله خيرتها تتطلق بس رفضت ولما اشتغلت في الشركة واتعرفت على حلا كنت بقاوم احساسي بيها وبكريم وقلت خلاص ادي لرانيا فرصة علشان اقدر ابعد تفكيري عن حلا اليوم ده روحت بدري البيت لقيت جواب من البنك باسم رانيا استغربت لاني عارف انها معندهاش تعاملات بنكيه بصيت فيه انصدمت صدمة عمري لقيت عندها رصيد فوق النص مليون جنيه صعقت دنيا
- يالهوي نص مليون جنيه جبتهم منين
- هنا كانت الصدمة فضلت ادور وراها لما عرفت ان الهانم اخدت فلوس جوزها الاولاني كلها اللي كان بيبعتها لها علشان تبني له بيت علي حته الأرض بتاعته والهانم اخدت الفلوس كلها لنفسها اشترت دهب والشقه اللي كانت قاعدة فيها والباقي في البنك الراجل لما عرف اتصدم وطلقها بعد مافوض أمره لله لما عرفت كنت خلاص بقى جبت أخرى ورحت وقلت لها اني عرفت كل حاجة مانكرتش طلقتها قالت لي ح اخد ابني وابقى قابلني بقى وح اقرفك علشان تشوفه وح اقوله انك واطي وندل ضحكت قوي وقلت لها بالسلامة الولد لسن معين وح اخده بالقانون خديه بقى دلوقتي وشيلي وربي وح اخده بعد كده على الجاهز حتى اعيش حياتي واتجوز بدل الرهبنه اللي انا فيها دي ساعتها بصت لي وقالت لي لا ياحبيبي خليلك ابنك مش عايزاه قال وانا كنت فاكره اني ح اعيش واتهني معاك
بس ده كل اللي حصل ساعتها اخدتها للمحامي الأول عملت تنازل عن ابنها في مقابل عربيتي وبعدها على المأذون وطلقتها وخلاص
كان بهاء ودنيا ينظرون له وهم في حالة من الذهول وهو ينظر لهم وهو مبتسم
- ايه مالكم متنحين كده ليه رد بهاء
- انت بتكلم جد اتنازلت عن ابنها مقابل عربيتك
- اه والله هنا ضحكت دنيا وفجاءة أطلقت زغروطة طويلة ونظرت لـ ياسر
- مبارك يا ياسر الف مليون مبارك ياخويا بس خلي بالك ح تعمل حاجة كده ولا كده لحلا ح تلاقينا في وشك انا وبهاء
- لا ماتقلقوش والله
هنا دخلت يمني وهناء وهم يتساءلون عن سبب الزغروطة ودخل خلفهم حسين وهو يندفع لدنيا يحتضنها ويقبل رأسها
- مبارك يا قلب ابوكي مبارك يابنتي ربنا يكملك على خير يارب حبيبتي مبارك يا بهاء مبارك ياولادي الحمدلله عشت لغاية ما اشوف ولادك ياقلبي
- حبيبي يابابا ربنا يديلك طولة العمر ويحفظك لنا يارب ومش تبارك لياسر كمان
- ليه حامل ولا ايه
نظر الجميع له وانهاروا في الضحك وقف ياسر واقترب من ابيه
- الله يسامحك يابابا حامل برضه
- والله يابني طلعت كده المهم قولي ابارك ليه
- حلا وافقت على الجواز يابابا
- الف مبروك ياحبيبي يارب تكون دي جوازه العمر يابني
- ان شاء الله حبيبي ان شاء الله انا ح استأذن انا بقى يادوب اروح اخلص شوية حاجات في الشركة وبعدين ح ابقى اعدي اخد سيف
- صحيح فين عربيتك مش شايفها بره
وضع ياسر رأسه أرضا وهمس
- اتنازلت عنها لرانيا مقابل تنازلها عن حضانة سيف
وقف حسين بغضب
- هي وا طية للدرجة دي لا اله الا الله اتنازلت عن ابنها علشان عربية وانت ماقلتليش ليه
- مش ناقص اشيلك همي يا بابا انا قريب ان شاء الله ح اجيب عربية بالقسط
اخرج حسين مفاتيح سيارته واعطاها لياسر
- خد عربيتي حبيبي انا اصلا بروح وبرجع مع أمير مش بحتاجها ولما تبقى تجيب عربية ابقى رجعها
- ايوة يا بابا بس
- مافيش بس امسك وسيبني افرح ببنتي حبيبتي
ضحكوا جميعا ووقف بهاء ونظر لهم
- بص يا ياسر انا عايزك بلاش شغل دلوقتي وبعدين دلوقتي نبعت نجيب غداء نتغدى كلنا سوا وبعدها عايزك يابابا انت وأمير وياسر ردت هناء
- وتجيب غداء من بره ليه هو انا ح اخلي بنتي تاكل من بره برضه الاكل جهز خلاص ياحبيبي
- ربنا مايحرمنا منك يا امي يالا بقى حضروا الاكل على ما اطلع دنيا تغيير هدومها ونرجع
- ماشي حبيبي اطلعوا انتم على ما أمير يرجع يكون الاكل جهز تتغدوا وتشوف ياخويا عايزهم في ايه
- ماشي يا امي وانتم بقى حضروا لي دماغكم انا عايزكم صاحيين على الآخر وكلموا أمير يجي بسرعه
لقراءة أو تحميل رواية مودة ورحمة الفصل الرابع والعشرين من هنا 👇
للتواصل 👇👇👇😘
يُمكنك الانضمام لقناتنا على التليجرام
تعليقات
إرسال تعليق