روايه موده ورحمه الفصل الثامن بقلم موروو مصطفي
رواية موادة ورحمة البارت الثامن
روايه موده ورحمه الفصل الثامن
تجلس دنيا بجوار رحيق التي دخلت شهرها الخامس وكان التعب قد تمكن منها بقوة وبجوارهم هناء ويجلس على قدمها باهر
اما دنيا فهي تجلس بجوار رحيق ولكنها تعمل على لوحة خاصة بعمل بهاء فهي عندما وجدته يسهر كثيرا في العمل وبعدها يأتي ليجلس بجوار رحيق عرضت عليه مساعدته في العمل ولكن من البيت حتى تكون بجوار رحيق وباهر في البداية رفض ولكن بعدها وافق وكانت رحيق تنظر لها بحب فشعرت دنيا بها فنظرت لها
- مالك يا ورو بتبصي لي كده ليه
- انتي ملاك يا دنيا انتي فعلا دنيا لوحدك انا لو ليا اخت عمرها ما ح تعمل ربع اللي بتعمليه معايا ربنا ما يحرمني منك ياحبيبتي
- ولا يحرمني منك يا روحي وبطلي كلام اهبل ماشي ح اقوم بقى اجيب لك شوية عصير
- لا يادودو مش قادرة
- معلش حبيبتي اشربي شوية بشوية على مهلك يعني
انصرفت دنيا وقامت بإحضار عصير لهم جميعا وبعد قليل سمعت الجرس فنهضت لتفتح فوجدته حسين
- اهلا يا يابابتي تعال ادخل ح اجيب لك شوية عصير بقى إنما ايه تحفه لغاية ما يجي بهاء علشان نتغدي
- تسلم ايدك يابنتي وذهبت بتحضر العصير فاستمعت للباب مره اخرى ولكن حسين ابلغها انه سيفتح فأحضرت العصير وخرجت وهي تحدث ابيها
- عارف يابابا بهاء مبسوط قوي بشغلي عارف لو كنت وقبل ان تكمل
وجدت ياسر أمامها فتجهم وجهها بشده واغمض عيناها تاخذ أنفاسها بقوة حتى تهدء وبعدها نظرت له
اهلا يا باشمهندس خير في حاجة نظر لها ياسر فهو توقع حتى أن يرى نظره شوق في عيناها كما هو مشتاق لها ولكنه لم يجد اي تعبير
- باشمهندس ايه يا دنيا انا ياسر
- ما انا عارفة طبعا باشمهندس ياسر اؤمر
- دنيا انا ياسر ايه باشمهندس دي ممكن نروح شقتنا نتكلم
ضحكت دنيا بقوة ونظرت له
- شقتنا شقتنا ايه يا ياسر شقتنا فيها مراتك إنما دي شقتي انا
- تمام يادنيا ممكن نروح نتكلم هناك
- ليه هنا زي هناك مش فارقه اتفضل قول اللي عايزة بعد اذنك ياماما ح نقعد في الجنب هنا
- حبيبتي بيتك نظرت دنيا لياسر واشارت له بيدها وجلسوا بعيدا قليلاً عنهم وهمست دنيا
- خير يا ياسر
- دنيا انا عارف اني غلطان بس كان غصب عني والله أصل ماما كانت تعبانه قوي الفترة دي نظرت له دنيا شذرا
- بص يا ياسر لو ح نبدها كدب يبقى مالهاش لازمه القاعدة نظر لها ياسر وهو مذهول من كلامها
- كدب
- ايوه كدب يا ياسر ماهو لما تكدب وتقولي ان مامتك تعبانه والسبب هو أن مراتك حامل ومعتقدش يعني أنك خايف على مشاعري علشان كده مش عايز تقولي ويمكن تكون خايف احسدكم مثلا عموما احب اقولك وتقدر تسئل بابا اول ماعرفت قلت ربنا يهنيه ويسعده يعني عمري ما ح احسدكم ولا ح ادعي عليكم
خجل ياسر من نفسه فكل مره يحاول ان يداري مصيبته يكتشف انها تعلم الحقيقة فأخفض رأسه للأسفل وهمس
- حقك عليا يادنيا انا عارف اني غلطان بس بجد ربنا العالم انا طلعان عيني وكل يوم تعبانه تعبانه انا اسف يا دنيا
- ربنا يقومها لك بالسلامة وتفرح بابنك او بنتك
- دنيا من فضلك ممكن نروح شقتك عايز اقعد معاكي لوحدنا عايز اضمك لصدري وحشتيني قوي يا دنيتي
- مابقتش دنيتك يا ياسر دنيتك بقت ناس تانية غيري
- ماتصعبيهاش علينا يا دنيا
- انا! انا اللي صعبتها يا ياسر انا
- دنيا انا عارف اني غلط بس انتي قلبك كبير
ضحكت دنيا بقوة حتى التفتوا جميعا إليهم وظلت تضحك حتى انهارت دموعها ونظرت له
- قلبي الكبير ده انت دمرته بأيدك ومش بس كده سمحت لمامتك تدوس عليه بالجزمه يبقى خلاص انسى قلبي الكبير لانه مات وانت اللي قتلته بايدك
اقترب حسين من دنيا واحتضنها مقبلاً رأسها وهمس في اذنها ببضع كلمات فهزت رأسها له فنظر لابنه
- ياسر جي ليه يابني
- جي لمراتي يا بابا
- مراتك اللي هنتها وجرحتها وسمحت لوالدتك تعمل اللي عملته فيها
- يا بابا انا غلط عارف اني غلط غلط كبير قوي بس الحب اللي بيني وبين دنيا يشفع لي غلطي
- الحب اللي انت رميته بطول دراعك اتجوزت عليها بعد ما هنتها انت وامك بيومين وتيجي يوم وعشرة لا واليوم اللي كانت خلاص بتراجع نفسها تسامحك عملت ايه قلت ح توديهم للدكتور وترجع روحت وغبت تقريبا شهر مافكرتش حتى ترفع سماعة تليفون وتعتذر ودلوقتي متخيل انك اول ماتقول اسف تترمي في حضنك
- يابابا انت بتزودها هي ناقصة
- اخرس انا بقول كلمة حق ولعلمك انا ممكن قوي اقولك دلوقتي ماعنديش بنات ليك وطلقها منك
وقف ياسر بغضب ونظر لوالده
- وانا مش ممكن أطلقها يابابا دنيا دي حبيبتي مقدرش استغني عنها
نظرت له دنيا
- واضح فعلا يا ياسر انك ماتقدرش تستغني عني نظر له والده
- بص يا ياسر لما تثبت فعلا ان دنيا دي حبيبتك وماتقدرش تستغني عنها ساعتها تبقى تفكر ترجع لك
- ماشي يابابا وانا ح اعمل كل اللي يخلي دنيا تتأكد انها دنيتي انا وبس
ظل ياسر يجلس معهم حتى اتي بهاء وعندما راءه شعر انه سوف يفتك به ولكن اقتربت منه هناء
- اهدي عمك خلاه لف بايده الحبل حوالين رقبته وسيبه له يشده واحده واحده
- ايوه يا امي بس دنيا ح تستحمل
- ح تتعب شوية وبعدها ح تبقى زي الفل
- ماشي حاضر لما نشوف
جلسوا جميعا وكان ياسر يحاول ان ينتهز اي فرصة ويلمس يد دنيا ولكنها كانت تبتعد سريعا حتى مضى الليل وفي ذلك الوقت كانت الهام ورانيا يقومون بالاتصال به كل نصف ساعة ولكنه أغلق صوت الهاتف وعندما قرر الانصراف قام بالسلام علي الجميع حتى توقف امام دنيا فأمسك يدها وقبلها بحب ثم رفع رأسه ونظر لها وامسك رأسها مقبلاً اياها وهمس لها
- ح توحشيني لغاية ما اجي لك تاني وحشني حضنك قوي يا دنيتي بس الصبر حلو حبيبتي سلام عليكم
- وعليكم السلام ورحمه الله
انصرف ياسر وجلسوا جميعا ونظر لها حسين
- دنيا من غير لف ودوران حسيتي بأيه لما باس ايدك وحضن راسك بايده
ابتسمت دنيا بحزن
- اقولك يابابا وماتزعلش مني
- قولي حبيبتي
- كنت قرفانة قوي يابابا حسيت اني عايزة اقوم اغسل أيدي ودماغي مكان لمسته قرفانة منه قوي يابابا
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
هبط ياسر وهو يشعر بخواء داخلي بعد تركه لدنيا وجلس في السيارة يحدث نفسه هل كان تأخير حملها يستحق كل هذا هل زواجه من رانيا وحملها يستحق تضحيته بدنيا شعر انه بين شقى الرحي ولكن ماذا يفعل فهو الان بالفعل بين شقى الرحي ويجب عليه أن يفعل المستحيل حتى ترضى عنه دنيا تحرك ياسر بالسيارة متجهاً لمنزله وفور ان وصل وجد والدته اصرخ في وجهه
- انت مافيش فايدة فيك كل ده قاعد عندها ايه ناسي مراتك الحامل ورايح تلزق للزفته التانية هنا لم يتحمل ياسر كلام والدته فصرخ بها
- كفاية بقى كفاية عايزة مني ايه حرام عليكي دمرتي حياتي وهدمتي بيتي هديتي سعادتي مع مراتي وكل ده ليه عنده حق بابا حقدك خلاكي بتدمري كل حاجة حواليكي ارحميني بقى ارحميني مش حققت لك اللي عايزاه وح يجي لك الولد سيبيني بقي
نظرت له الهام بذهول فهو لأول مره يصرخ بها هكذا
- انت بتزعق فيا انا بالشكل ده وعلشان مين علشان الهانم طيب ايه رايك بقى اني مسيري اخليك تطلقها وترميها زي الكلبه وأما اشوف انا ولا هي
- مش ح يحصل عارفه يعني ايه مش ح يحصل وتركها ودخل الي غرفته فوجد زوجته نائمة فتأفف منها وابدل ملابسه ونام معطياً اياها ظهره
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
في صباح يوم الجمعة يقوم حسين بالاعتناء بالحديقة كعادته أسبوعيا وترافقه هناء وهي تجلس أمامه وتقوم بعمل القهوة على السبرتايه وهم يضحكون و يتذكرون الايام الماضية وكلا يحكي عن ذكرياته وضحكاتهم تعلو الي عنان السماء فقد اقتربوا من بعضهم بسبب ماحدث مع دنيا وأصبحوا دائما ما يمضون اوقاتهم سوياً فقد شعرت هناء ان حسين يقف كالجدار الحامي لدنيا أمام ابنه واحست انه شخص حنون لأقصى الدرجات وسند لهم جميعا اما حسين فقد شعر بأمومة هناء وحنانها عليهم جميعا وشعر انها انسانة رقيقة وجميلة من الداخل والخارج كما انها تتحول إلى وحش كاسر عندما يقترب احد من أولادها الثلاثه
وفي الأعلى تجلس دنيا ورحيق وهم ينظرون لهم بحب وفجاءة تضحك دنيا وهي تنظر لرحيق وتشير الي من هم بالأسفل
- بت يارورو شايفة جوز الكناريا دول فتضحك رحيق بقوة
- ياختاااااااااااااي ده الحب ولع في الدره بس هما مش دارين بقولك ايه يابت يادودو ماتيجي نعملهم مؤامره ونجوزهم لبعض قبل فضيحتهم ماتكبر واهو يابخت من وفق راسين في الحلال فيضحك الاثنان بصوت عالي فيلتفت لهم حسين وهناء ويتحدث حسين
- أيه يابنات قاعدين كده ليه وبتضحكوا على ايه فتصيح دنيا
- مافيش ياحجوج احنا بنعمل مؤامره على اتنين حبايبنا علشان ح نلبسهم في الحيطة تشترك معانا
- يامجرمة انتي وهي بتتأمروا على مين ياعيال فتضحك رحيق وتنظر لهم
- لم تكبروا شوية ياحجوج ح نقولكم انتم لسه صغنتاتين
فتشعر هناء بالخجل من كلامهم وتنظر لهم ووجهها يتحول للون الأحمر فتضحك دنيا بقوة وتنظر لها
- هنوءه احبك وانتي محمره كده فيلتفت حسين وينظر لها فيشعر بخجلها وكأنها فتاه في مقتبل العمر فيتنفس بقوة وهو يهمس لها
- ماشاء الله عليكي يا هناء كأنك أصغر من العيال دي وكانت تلك اول مره ينطق فيها حسين باسمها منفرداً فيزداد خجلها وتتركه وتصعد للأعلى
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
مضت الايام وكان ياسر يذهب كل يومان الي دنيا محاولاً استمالتها له حتى ترضى عنه وكان كعادته كل شهر يعطي لها ظرف بالمصروف حتى مر ثلاث اسابيع على تلك الحالة كانت دنيا اول مرتان ثلاثه تقابله بفتور يفوق الوصف ولكن بعد مرور اكثر من اسبوعان بداءت تبتسم في وجهه تصنع الطعام الذي يحبه بدء يشعر مره اخرى بدفء الأسره رغم عدم سماحها له بالاقتراب منها حتى مر ثلاث اسابيع وكانت الهام ورانيا يحاولون ان يشتتوا انتباهه الي دنيا ولكن هيهات حتى تأمروا سويا ومعهم طبيبة صديقة لرانيا جعلوها تخبر ياسر ان رانيا مهددة بالسقوط لعدم راحتها النفسية فعاد ياسر مره اخرى لأهمال دنيا وبعد أن كان يذهب بنفسه ليعطيها مصروفها ارسل لها في ذلك اليوم ساعي من عنده بالظرف ومرفق معه خطاب يعتذر لعدم الحضور لظروف قاهرية فأخذت الظرف ووضعته مع رفقاءه فهي لم تصرف يوما من ماله منذ تركته مضى على تلك الحالة مايقرب من شهران كانت تتفنن فيهم رانيا برسم الدلع الشديد على ياسر فجعلته ينسى تماما دنيا حتى انتبه في يوم انه مر مايقرب من شهران لما يراها وقليلا مايتحدث لها فاستاذن باكرا من عمله حتى يذهب لها دون معرفة رانيا وفور ان صعد لها وفتحت ووجدته أمامها نظرت له نظرة شعر منها ان كل شئ انتهى بينهم وعندما حاول التحدث وجدها تتحدث له دون أن تغلق الباب عليهم
- جي ليه يا ياسر عايز مني ايه تاني ممكن تفهمني
- دنيا انا انا مش عارف اقولك ايه بس
- من غير بسبسه يا استاذ ياريت تقصر وتقولي جي ليه هنا
- يعني ايه يادنيا ليه طريقتك دي انتي ناسية انا مين ولا ايه انا جوزك ياهانم ضحكت دنيا بقوة وهي تنظر له
- جوزي من امتى يابيه قال جوزي قال شكلك فاهم الجواز غلط يابيه انا مش قاعدة حطه أيدي على خدي ومستنية حضرتك تتكرم عليا بزيارتك لا يا ياسر انا نسيت خلاص ان ليا جوز جوزي اللي اتجوزته وكان حياتي وكنت حياته انتهى مات زي كل حاجة حلوة بينا ما ماتت وانت السبب انت اللي موت كل حاجة ليك عندي انت خلاص مابقتش فارق ولا بقيت بفتكرك
شعر ياسر بالإهانة من كلامها وهي تصرخ به بتلك الطريقة فوجعته كرامته ورغب ان يكسرها مره اخرى علها تفيق
- ماتفتكريش اني جي علشان سواد عيونك لا انا بس جي اديكي المصروف علشان تمشي امورك انا اصلا مش فاضي لأنزحتك الفارغة دي ولولا انك متعلقه في رقبتي ماكنتش جيت مراتي وابني اولا باهتمامي اخيرا ح ابقى اب محتاج وقتي لهم نظرت له دنيا وهي تبتسم ظاهزياً ولكنها بداخلها تشعر بالموت البطئ واقتربت من الكونصول الموضوع بجوار الباب واخرجت منه كل الاظرف التي كان يعطيها اياهم والقتهم في يده
- لو انت فاكر اني محتاجة فلوسك تبقى غلطان لو انت فاكر اني متعلقه في رقبتك علشان ياحرام ح اشحت لولاك تبقي غلطان وبتحلم وخيالك وسع منك قوي ولا نسيت نفسك ياباشمهندس ونسيت انا مين وعملت ايه معاك لا يابيه انا مش محتاجة منك حاجة ولا محتاجاك اصلا انت وجودك عندي زي عدمه فاهم
شعر ياسر برغبة في الفتك بها لاهانته بتلك الطريقة فهي دائما ما كانت تتعامل معه دون تجريح او اهانه وعندما اقترب منها استمع لصوت والده يأتي من خلفه
- فكر تعمل حاجة كده ولا كده و ح تشوف مني اللي عمرك ماشفته ماشي دلوقتي خليك راجل لمره واحده في حياتك وطلق دنيا انت ماتستهلش ضفرها خليك مع اللي اخترتها سامع يا ياسر شوف انا كنت بقول لدنيا من اول ماسابت البيت يابنتي بلاش انتي تطلبي الطلاق خليكي باقية للآخر لكن دلوقتي يا ياسر لو مطلقتش دنيا ح اخلي اللي ما يشتري يتفرج عليك وابقى فرجني ح ترفع راسك في الشغل ازاي غور من هنا يالا مش عايز اشوف وشك غور
انصرف ياسر من أمامهم ودخل سيارته وهو لا يعرف ماذا يفعل فقد اهانته زوجته واهانه والده واتصلت والدته فقص عليها كل شئ فابتسمت وانتهزتها فرصة
- ماتزعلش نفسك ياضنايا انت فين حبيبي انا في الشارع بشتري طلبات انت فين وانا ح اجي لك وبالفعل ابلغها ياسر ابن هو وذهبت له فورا وظلت تتحدث معه حتى اقنعته بالفعل بتطليق دنيا فبما انها اهانته هكذا فستسحيل العشره بينهم مرة أخرى وبيته الان أولى بأمواله وظلت توسوس له حتى ذهب معها للمأذون وقام بتطليق دنيا غياباً وطلب من المأذون ان لا يرسل لها قسيمة الطلاق على يد محضر ولكن هو سيأتي بنفسه لإستلامها واعطاءها لها وخرج سريعاً ونظرت الهام للمأذون وعطته مبلغا من المال وطلبت منه فور صدور القسيمة ان يبلغها هي ووافق المأذون وتركته وخرجت خلف ابنها
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
تجلس رحيق مع دنيا وهم يتهامسون سويا ماذا يفعلون حتى يستطيعوا الجمع بين حسين وهناء فتحدثت دنيا
- بقولك ايه يا رورو انا ح اكلم حجوج وانتي كلمي هنوءه ايه رايك
- والله فكره يا دنيا
- طيب بصي هو دلوقتي تحت جه من الشغل ح يغير اكيد ويطلع ح الحقه قبل مايطلع وانتي اتكلمي مع ماما ماشي
- ماشي يالا انزلي قبل ماتقفشك وتفتح لك محضر تحقيق
- اوك سلام مؤقت
نزلت دنيا الي الطابق الأسفل وقامت بطرق الباب ففتح لها حسين فهو كان يستعد للصعود لهم وعندما وجد دنيا أمامه فزع ونظر لها بقلق
- مالك يادودو فيكي حاجة يابنتي
- لا يابابتي بس عايزة استفرد بيك على انفراد
- ماشي ياستي تعالي استفردي براحتك انا مستعد اهو
- بابا اتكلم بصراحة ودوغري ولا الف وادور
- ومن امتى انا بحب اللف والدوران يا مجرمة
- بص يابابا ياحبيبي دون مقدمات كده ح اسألك وانت تجاوب
- اممممممم ده تحقيق بقي
- لا يا بابتي مش تحقيق ولا حاجة بابا هو حضرتك ممكن ترجع طنط الهام في اي وقت تجهم وجه حسين
- ليه السيرة الهباب دي يا دنيا انتي جاية تعكنني عليا
- لا ياحبيبي ابدا انا جاية في مصلحة حلوة يس لازم اطمن الأول
- ماشي يا دنيا لا ياستي مش ناوي ارجع الست ام ياسر هي بالنسبة لي انتهت من زمان ومن قبل طلاقها بكتير بس كنت مستحمل واقول ربنا يهدي لكن خلاص بقى انتهى
- طيب حلو عظيم ميه ميه
- هو ايه اللي حلو وعظيم وميه ميه ماتنطقي يابت
- بص ياسي بابا انا والست رورو هانم كعب الغزال ملاحظين كده والله اعلم ان في عصافير كده بتحلق فوق راسك انت وماما هناء
ارتبك حسين قليلاً وبعدها نظر لدنيا
- قصدك ايه يابنت
- بصراحة بقى يابابا احنا شايفين ان طالما حضرتك لوحدك وماما هناء كمان لوحدها وبما انكم مندمجين مع بعض ليه لا لما تعيشوا سوا الباقي من عمركم ونس لبعض وصحبة حلوة ابتسم حسين ابتسامة جميلة تدل على موافقته فنظرت له دنيا ايه رايك يابابا
- دنيا يا بنتي شرف ليا طبعا ان الست هناء ترضى تتجوزني لكن تفتكري ح توافق ابتسمت دنيا
- زمان رورو فوق عامله عليها حصار ماهو انا استلمتك وهي استلمت هنوءه ودلوقتي ح ابعت لها إشارة انك موافق ونستني نشوف رائ العروسة الحلوة ياختاااااااااااااااااي انا مبسوطة قوي ضمها حسين لأحضانه وقبل رأسها
- ياحبيبتي يا دنيا ربنا يسعدك ياحبيبة ابوكي
ارسلت دنيا علامة 👍 لرحيق دليل موافقة حسين
جلست رحيق هي أيضا مع هناء وأخذت تتحدث معها مثلما تحدثت دنيا مع حسين في البداية اعترضت كيف تتزوج بعد هادي فأخبرتها رحيق ان الحياة لا تقف على شخص وانها رفضت الزواج فترة طويلة جدا ولكن الآن هما يحتاجان فقط الونس والصحبة الحلوة وعادت تعترض هل يصح زواجهم في مثل هذا العمر فأخبرتها رحيق ولما لا فهم لا يفعلون حرام وتحت إلحاح رحيق وافقت هناء فهي كانت تشعر بميل ناحية حسين ولكنها كانت تقاوم ذلك الاحساس وعندما وافقت ارسلت رحيق لدنيا 👍 دليل موافقتها وفور ان رأت دنيا موافقة هناء قامت بإطلاق الزغاريط واتصلت ببهاء واخبرته حتى يحضر معه المأذون بعد أن أخبرته بكل شئ فضحك عليها وعلى رحيق ومافعلوه سويا واخبارها انه سيحضر حالاً حتى يهندم العريس ويبلغ المأذون ان يحضر في المساء
وبالفعل اخذ بهاء حسين للحلاق وصعدت دنيا الي هناء ومعها رحيق وظلوا يضحكون وهم يطلقون الاغاني والزغاريط حتى حل المساء وتم عقد قرانهم ولأول مره يبيت حسين مع هناء وتتركهم دنيا وتذهب لشقتها رغم الحاحهم للبيت معهم ولكنها رفضت وانتهت الليلة بسعادة طاغية ولكنهم لا يعرفون ماذا يخبئ لهم الغد
لقراءة أو تحميل رواية مودة ورحمة الفصل التاسع من هنا 👇
لقراءه وتحميل الرواية كامله هنا 👇👇
للتواصل 👇👇👇😘
يُمكنك الانضمام لقناتنا على التليجرام
تعليقات
إرسال تعليق