روايه ماسة حياتي الفصل السادس بقلم موروو مصطفي
رواية ماسة حياتي البارت السادس
عادوا الاثنان الي القاهرة وكان في استقبالهم ابوه فأخذهم وعاد بهم للفيلا فوجدوا الجميع في انتظارهم واستقبلوهم استقبال حافل وكانوا فرحين بهم للغاية وشعروا جميعاً بتغير رعد الجذري وأصبح شخص اجتماعي يضحك ويداعب الجميع
أصبحت علاقة مايسة ورنا علاقة قوية للغاية فدائما سوياً طالما رعد ليس بالمنزل وفور ان يأتي رعد تصبح مايسة ملكية خاصة له فقط
مرت الأيام والاسابيع وكلهم يجتمعون معا في الليل بالأسفل وبعدها يصعد رعد ومعه ماسته لشقتهم وكذلك تصعد فيروز لشقتها الصغيرة وكل اسبوع ياخذهم رعد ويذهب بهم الي بيتهم يجلسون مع جيرانهم ويمضون يومين معهم ويعودون مره اخرى للفيلا وفي يوم قررت مايسة ان ترسم حماها وحماتها
- ياماماااااااا يا سوووووووووولي انتي فين يا مزه يا باباااااااااااااااا ياحماده انت فين ياحماده شكلك خطفت المزه بتاعتك واستفردت بيها كان محمد يخرج من المكتب أمامها وسلوان تأتي من خلفها فضربتها بخفه على رأسها
- داخله بغارتك كالعاده عايزة ايه ياست مايسة
- مامتي ياحلوة سولي هانم كعب الغزال والتفتت تنظر لمحمد تعال تعال يابابا أصل انا قررت قرار مهم خالص رد عليها محمد
- أيه هو بقى القرار المهم خالص ده يا ست مايسة
- قررت ارسمك مع ماما صورة رومانتيكية
ضحك الاثنان معا ونظرت لها سلوان
- بتعرفي ترسمي يا ست مايسة
- طبعا ياماما على قدي يعني تعالوا بقى اقعدوا هنا
واجلستهم مايسة بوضع احترافي تنظر سلوان للأمام وتستند بجسدها على صدر محمد الذي يحتويها وهو يمسك يدها وينظر لها بحب وبداءت في الرسم وبعد قليل ضحكت سلوان
- ياخوفي منك يا ست مايسة ترسمي رسمة عجب
ضحكت مايسة وردت عليها
- ح تشوفي ياماما ماتستعجليش
دخل رعد وهو يراها تجلس ووقف خلفها فشاهد الرسمة وصعق من جمالها فنظر لأمه
- ح تعجبك قوي ياماما
- لا ياحبيبي متزعليش مني يامايسة مهما كان حلاوة رسمتك مش ح تطلع زي الفنانة اللي بعشق رسمها جوهرة هنا وقعت الفرشاة من يد مايسة ووقفت تنظر لها
- حضرتك تعرفي جوهرة
- شخصياً لا طبعا نفسي بس اشتريت لوحاتها اللي بتقع ادامي بنت ايدها تتلف في حرير وبيقولوا صغيرة في السن
نظرت لهم مايسة وهمست
- عن اذنكم ثواني وراجعه
نظر رعد لأمه بعتاب
- احرجتيها ياماما دي الرسمة روعه اللي يشوفها يفتكرها حقيقة
- ياحبيبي انا مش قصدي والله
وقبل ان تكمل كلامها وجدت مايسة تعود وعيونها تلمع واقتربت منها واعطتها ألاسكتش الخاص برسوماتها التي دائما ما ترسم به البدايات
- بصي ياماما كده في ألاسكتش ده وقلبي فيه
اخذت سلوان ألاسكتش وظلت تقلب له وهي في حالة ذهول فأكثر من لوحة شاهدتها كانت من لوحات جوهرة كانت تنظر في ألاسكتش وتنظر لمايسة حتى لفت انتباهها توقيع على لوحة منهم باسم جوهرة فوقع ألاسكتش منها ووقفت تنظر لمايسة بذهول
- انتي جوهرة صح يامايسة معقول انتي جوهرة
- ايوة يا ماما انا جوهرة رعد عارف اني برسم بس ماجتش مناسبة اني اقوله اني رسامة محترفة ببيع لوحاتي في معارض بس محبتش اكتب اسمي الحقيقي وقليل جدا جدا اللي يعرف شكلي لاني مابظهرش كتير في المعارض
اقتربت منها سلوان واحتضنتها بقوه وهي تقبلها
- انتي عارفة انا بحب جوهرة دي ازاي واكتشف ان جوهرة هي مايسة مرات ابني وحبيبتي
- ربنا مايحرمني منك يا ماما
اقترب رعد منها ونظر لها وهو يرفع حاجبه
- اممممم بقى حضرتك رسامة محترفة ياست مايسة وانا معرفش
- حقك عليا حبيبي ماجتش مناسبة اقولك وبعدين لو مضايقك ده خلاص ح ارسم لنفسي وبس
- اضايق ايه انا يشرفني حبيبتي ان مراتي تكون مشهوره كده ولا ايه يابابا
- طبعا حبيبي شرف لأي راجل ان مراته تكون ست محترمه رسامة بيعجب برسمها ناس كتير زي ما شرف لأي ست ان جوزها يكون راجل مشهور ربنا يحفظكم حبيبي نورتينا ياحضرة الفنانة المشهورة حماتك قبل كل معرض ليكي بتاكل دماغي يالا الحمدلله اهي المرة دي تاكل دماغك انتي بقي
- انا عيوني لماما
- طيب قوليلي بقى يازوجتي الحبيبة ناوية المعرض الجاي امتى
- انا لغاية دلوقتي عامله حوالي ١٢ لوحة لسه شوية لما اكملهم عشرين ده لو انت حبيت انزل بيهم لو ماحبتش خلاص
- لا ياروحي احب طبعا كملي وانا معاكي بس المره دي المعرض لازم يكون في قاعة كبيرة جدا وعلى أعلى مستوى وانا اللي ح اعمله لك بس اول ماتقربي تخلصي اديني فكره
- بجد حبيبي بجد
- طبعا ياروحي ده انتي معاكي انا و المعجبة الأولى ليكي كمان
- ربنا مايحرمني منكم ابدا
نظرت لها سلوان بحب وحنان
- بصي بقى طول ما رعد مش في البيت ماتشليش هم حاجة واول ماتحبي تقعدي ترسمي عندك الجنينه بره تحت التكعيبة اقعدي وعيشي حياتك فيها واي حاجة عايزاها قولي لي وانا اعملها لك
- حبيبتي ياماما تسلمي لي يارب
🌹🌹🌹🌹🌹
عدت فترة من الوقت وشعرت مايسة انها ليست على ما يرام فقررت دون ان تخبر احد الذهاب للطبيب حتى تطمئن بالفعل ذهبت للطبيب وقام بالكشف عليها وعمل التحاليل اللازمه وبعد فترة من الوقت ظهرت النتيجة ودخلت مره اخرى للطبيب الذي أخبرها بسعادة انها حامل في الشهر الثاني شعرت مايسة انها تطير من السعادة فشكرت الطبيب وخرجت وقررت الا تبلغ احد قبل أن تبلغ رعد أولاً وذهبت لمحل أطفال وقامت بشراء حذاء صغير ووضعته في صندوق ووضعتهم ب حقيبتها وعادت للمنزل وعيناها تلمع من السعادة والفرح فقابلتها سلوان ورنا وفيروز ولاحظوا بريق عيناها فنظرت لها فيروز
- أيه ياقلب ماما شكلك مبسوط قوي ربنا يفرح قلبك دائما فرحينا معاكي
- ابدا يامامتي مافيش بس جت لي فكرة لوحة جديدة حلوة قوي ردت سلوان
- خلاص ياروحي يالا روحي اشتغلي فيها على طول
- ان شاء الله بس تكمل الأول في دماغي
هنا دخلت الخادمة وقالت لمايسة
- اتفضلي يا مدام مايسة في حد جه وساب لحضرتك الجواب ده ومشي
- ميرسي يا نعمات بس ممكن تعملي لي كوباية لمون
- عيوني يامدام
- تسلم عيونك
نظرت فيروز لابنتها باستغراب
- مين حبيبتي بعت لك الجواب ده
- معرفش ياماما ح افتحه واشوف
قامت مايسة بفتح الجواب والذي وجدت بداخله مجموعه من الصور تخص زوجها وسيدرا بين احضانه وبعض الصور وهو عاري الصدر يضمها وهي ترتدي مايوة بيكيني ويقبلان بعضهم البعض ومع الصور جواب يخبرها انه فاعل خير يرغب ان يريها حقيقة زوجها ظلت تنظر في الصور والجواب ووجهها تغيرت ملامحه وبعدها وضعت كل شئ مكانه ونظرت لهم وعيونها اختلفت عما دخلت وبعدها نظرت لهم وحاولت الابتسام
- مافيهوش حاجة ده حد بعت جواب فيه صور لوحاتي اللي اشتراها عن اذنكم انا طالعة انام شوية حاسة ان كابس عليا النوم
نظروا لها في ذهول كيف تحولت هكذا وصعدت مايسة سريعاً لشقتها ودخلت مغلقه الباب خلفها ومنها لغرفتها ابدلت ملابسها ونامت في الفراش وهي تشعر بألم في صدرها
بعد قليل وصل رعد ووجدهم يجلسون وعلى وجههم قلق فأقترب منهم
- سلام عليكم مالكم في ايه وفين ماستي
نظرت له سلوان ووقفت تقترب منه
- اطلع يارعد شوف مايسة كانت كويسة قوي خرجت راحت مشوار ورجعت شكلها مبسوط قوي ولما سألناها قالت لقت فكرة رسمة جديدة ومستنية تكمل في دماغها وفضلت تضحك معانا وفجاءة جالها جواب ووشها اتغير ولمعه عيونها انطفت ولما سألتها فيروز قالت حد اشتري لوحه لها وبعت لها صورها واستئذنت وطلعت على فوق طلعت رنا من شوية خبطت عليها مافتحتش اطلع يابني شوف في ايه وطمنا
جري رعد للأعلى وفتح الشقة وهو ينادي عليها و لكنها لم ترد فدخل غرفة نومهم فوجدها تنام علي الفراش فأقترب منها وجلس جوارها وهو يهمس بأسمها
- ماستي مالك ياقلب رعد فيكي ايه
فور ان استمعت مايسة لصوته بذلك القلق استدارت وارتمت في احضانه فضمها بقوه وهو يقبلها وهي تستجيب لقبلاته بشغف حتى شعر بانقطاع انفاسهم فوضع جبينه على جبينها
- مالك حبيبي فيكي ايه
- مافيش حبيبي وحشتني بس
- ماستي احنا متفقين مافيش كدب وماتنسيش اني ضابط واقدر اعرف اللي قدامي صادق ولا بيكدب بالإضافة لأهم حاجة انك حبيبة قلبي وقلبي بيحس بيكي يالا حبيبي قولي لي مالك
- افتح الدرج اللي جانبك ح تلاقي ظرف افتحه وشوفه
أستدار رعد وهو يتحدث
- ده الظرف اللي وصلك وكان يفتح الظرف وفجاءة قفز من الفراش نهار اسود ايه ده وجلس سريعاً بجوار مايسة وهو يمسك وجهها مايسة انا
وقبل ان يكمل وضعت مايسة يدها على فمه
- انا عارفه انه مش انت والصور متركبه واللي ركبها غبي وحمار واللي بعتتها لي غبية لأنها ماتعرفش ان اولا انا عندي ثقة فيك اكتر من نفسي وعارفة كويس ان الجسم ده عمره مالمس غيري تاني حاجة ان اللي بعتها مايعرفش اني واخده كورس فوتو شوب بس انا اتوجعت يا رعدي اتوجعت قوي من حقد الناس لدرجة انهم يهدموا حياه وكمان ضيعت فرحتي الجزمة دي
كان رعد يستمع لها وهو يشعر بسعادة كبيرة لثقتها به
- طيب عايز افهم ليه اتوجعتي رغم انك عارفة انهم فيك
- اتوجعت علشان انادافعت عنهم وفي الاخر وصل بيهم الغل انها عايزة تهدم بيتي تفتكر انا لو اي واحده تانية كنت ح اسكت
- بصراحة لا طبعا بس تعالي هنا انتي بتكلمي على انك واثقة هي مين
- هو في غيرها هي اللي بتفضح نفسها بنفسها سيدرا هانم بوتاجاز
ضحك رعد بقوة
- هي رنا قالت لك الاسم الحركي
- ايوة بس انا مش ح اسكت
وقف رعد ونظر لها
- تفتكري انا ح اسكت ده انا ح اروح اجيبها من شعرها
وقفت مايسة ونظرت له واقتربت منه
- لا يارعد لازم بابا وماما يعرفوا علشان انا عايزة اخد حقي أدام عيني
- ناوية على ايه طيب بس الاول تعالي هنا كنتي بتقولي ضيعت فرحتك فرحة ايه
احمر وجه مايسة ووضعت رأسها على صدر رعد وهمست
- افتح الدرج التاني ح تلاقي بوكس صغير افتحه وانت تعرف
- هو ايه حكاية الإدراج معاكي النهاردة ياحبيبتي
كان رعد يتحدث معها وهو يحتضنها ويفتح الدرج فوجد بوكس صغير فأمسكه ووضعه على الكومود وقام بفتحه فوجد الحذاء الصغير فظل ينظر له بذهول وينظر لها ويعود لينظر له وعيونه تلمع بالدموع ثم نظر لها
- مايسة بجد يا مايسة بجد انتي حامل
هزت مايسة رأسها بالموافقة فحملها واخذ يدور بها وهو يصرخ بسعادة
- انا ح ابقى اب انا ح ابقى اب صرخت مايسة
- يامجنون يامجنون رعد نزلني
فانزلها رعد سريعاً وجلس على الفراش واجلسها على قدمه وهو يقبلها بحب وعشق ودموعه تغرق وجههم الاثنان
- مش قادر أصدق ياماستي ح يكون ليا بنوته شبهك كده
- لا يا رعدي انا عايزة ولد شبهك
- ولد بنت المهم تكوني انتي كويسة والبيبي كويس يااااااااه انا مبسوط قوي
- انا مردتش اقول لأي حد كنت عايزاك تعرف اول واحد
- حبيبة قلبي وعمري تعالي ننزل نفرحهم
- ماشي حبيبي بس اغير هدومي الأول
ابدلت مايسة ملابسها وخرجوا من شقتهم وفجاءة حملها رعد وهي تصرخ
- رعد نزلني يامجنون تقع
- اوعي تخافي وانتي في حضني
فزع الجميع من صرختها وجروا عليهم فوجدوا رعد يحمل مايسة وهي تتعلق برقبته فصرخت فيروز
- في أيه يا رعد مالها مايسة
- مالهاش يا امي ماتخافيش حبيبتي اقعدوا علشان في حاجات عايزين نقولها
نظر له محمد بقلق
- تعالوا اقعدوا وفهمونا
اجلس رعد مايسة على الأريكه وجلس بجوارها وهو يحتضنها بتملك وحنان ثم نظر لهم
- عندنا خبرين واحد وحش وواحد روعه تسمعوا ايه الاول
ردت سلوان سريعاً
- انطق يارعد سيبت ركبنا هات الوحش الأول
قص رعد كل ماحدث واعطي الصور لأبيه الذي نظر فيها واعطاها لسلوان التي شهقت فور رؤيتها وهبطت دموعها وهي تنظر لمايسة
- مايسة والله وقبل ان تكمل ردت عليها مايسة
- ماما اوعي تفكري اني شكيت للحظة ان ده رعد انا عارفة جوزي كويس قوي وواثقه فيه فوق ماتتخيلي
رد محمد
- ربنا يكملك بعقلك يابنتي
- يابابا اللي عمل كده قاصد يخربيتنا ويبعدنا عن بعض بس هي غبية لأنها ماتعرفش انا واثقه في جوزي ازاي والحاجة التانيه اني واخده كورس فوتو شوب واقدر اطلع الصور المضروبه هوا واقدر اقول لحضرتك ان صور الهانم صور حقيقيه يعني هي دي صورتها وده وضعها مع الشخص اللي متصوره معاه كل الموضوع انهم شالوا وشه وحطوا وش رعد
- برافو عليكي يا مايسة والتفت ينظر لسلوان فنظرت له
- اعمل اللي شايفه يامحمد انا عديت كتير لهم لكن المره دي كانت عايزة تدمر ابني المره دي بقولك اعمل اللي عايزة يارب تسجنها حتى
وقفت مايسة واقتربت من محمد
- بابا متهيألي حقي اخد حقي بايدي
- طبعا يابنتي بس ازاي
ابتسمت مايسة بشر فعلمت امها ان عقلها سيطر عليه الغضب فنظرت لها وابتسمت
- مخك راح لفين ياماسة
- اخد حقي يامامي بس والتفتت لسلوان سامحيني يامامي يوم كتب كتابي عملت لي فضيحة وعديتها انا المره دي مش ح اسكت
- اعملي كل اللي شايفاه يا ماسة وانسى انها اختي ودي بنتها
- تمام متفقين قعدوا بقى واسمعوني كويس
قصت لهم مايسة ماتود ان تصنعه فنظر لها محمد وابتسم
- طلعتي مش سهلة خالص ياماسة الرعد وليكي عليا اجيب لك الواد ده لغاية هنا ايه رايك
- حبيبي يابابتي بس عارف احلى حاجة قلتها ماسة الرعد انا فعلا ماسة الرعد وبس
اقترب رعد يحتضنها بتملك
- كده الخبر الوحش عرفتوه وخلاص عرفنا الخطة والتنفيذ نقول بقى الخبر الحلو نظرت له فيروز
- قول يارعد احسن الواحد اكتئب بالخبر اللي قلتوه ده والصور اللي شفناها
نظر لهم رعد وابتسم ابتسامة خلابه ووضع جبينه على جبين مايسة وهو يحتضنها وفجاءه حملها ودار بها وهو يصرخ
- ماسة الرعد حامل انا ح ابقى اب وانزلها ووقف ينظر لهم فوجدهم جميعا يقفون وهم ينظرون لهم والدموع تتساقط من عيونهم والابتسامة تضئ وجههم وانتبهت رنا اول واحده وجرت عليهم تحتضنهم وهي تزغرط وتبكي في نفس الوقت وبعدها توالت عليهم الاحضان والتهنئة من الكل ابتداءً بفيروز وتلاها سلوان وفي الاخير محمد الذي احتضن مايسة مقبلاً رأسها وبعدها وقف أمام ابنه ينظر له والدموع تترقرق في عينه فأقترب منه رعد مقبلاً يده فأحتضنه محمد بقوه والدموع تتساقط من عينه فجعل الجميع يبكي
فشعرت مايسة انها يجب أن تبدل هذا الجو فوقفت
- لا كده غلط علشان تبقوا عارفين عياط كده الواد يطلع نكدي وساعتها ح اديه لكم واجيب واحد تاني بعيد عنكم علشان مايبقاش نكدي اه انا فرفوشة ومابحبش النكد بقولك ياسولي انتي وحمادة ومعاكم فيروزه هانم بالشقلوب دي من هنا ورايح مافيش نكد ماشي
اخذ الجميع يضحك وجلسوا في سعاده وحب يضحكون و يقررون أسماء الأطفال اولاد وبنات وظلوا يناغشون بعضهم بعضا عن رغبه كل واحد في فتاه او فتى حتى انتهى اليوم
🌹🌹🌹🌹🌹
ذهبت مايسة ورعد الي ريهام حتى يطمئنوا عليها ويقومون بابلاغها بحمل مايسة وايضا لتطمئن مايسة على سير العمل مع الفتاة الجديدة التي احضرها رعد لتساعد ريهام واطمئنوا ان ريهام قد تبنت تلك الفتاه واعتبرتها ابنتها وفرحت كثيرا لمايسة وأخذت تطلق الزغاريط وقامت الفتاه التي كانت تدعي ملك بعمل بوكيه ورد رائع هدية منها لمايسة التي احتضنتها وشكرتها كثيرا وقامت بدعوة ريهام وأولادها وملك الي حفلة في الفيلا بمناسبة حمل مايسة وبعدها تركوها وذهبوا الي عم عبدالله الذي فور ان علم بحمل مايسة قام بتوزيع الشربات على المنطقه كلها كما وعدهم بليله لله حين ولاده مايسة وقيامها بخير وكذلك دعت مايسة عم عبدالله وزوجته ومسعد للحفلة ووعدوها بالحضور وبعد ذلك انصرفت مايسة مع رعد بعد أن مرت علي معظم جيرانها حتى تطمئن عليهم وبعدها عادوا للفيلا مره اخرى وحين وصلوا وجدوا محمد يجلس وهو ينظر لهم و الضحكه على وجهه فأقتربت منه مايسة وجلست بجواره واحتضنت يده
- وراك ايه ياشقي فنظر لها محمد وضحك بقوه
- ورايا هدية تجنن تعالوا ورايا
ذهب رعد ومعه مايسة خلف والده حتى وصلوا لغرفة في الحديقة الخلفية وفتحها محمد ودخل خلفه رعد ومايسة فوجدوا شاب يجلس على كرسي وهو مربوط اليد والقدم فعلم رعد ان والده احضر الشاب الذي كان مع سيدرا في الصوره فأقترب منه بغضب فأمسكته مايسة
- رعدي اتفقنا مافيش مد ايد مش كده حبيبي
- ماشي ياروحي بس انا لازم اعرف ح تكسب ايه من اللي عملته ده
نظر له الشاب وكان ينظر لمايسة أيضاً فلم يتحمل رعد وقام بلكمه بقوه اوقعته من على الكرسي فاقتربت مايسة من رعد
- كفاية رعد خلينا نخرج من هنا كانت تشعر مايسة برغبة شديدة في الانصراف من أمام عينه
وقف أمامها محمد وتحولت نظراته لغضب ساحق
- مش عايزه تعرفي يامايسة ليه الحيوان ده اشترك مع الحيوانه التانيه
- الفلوس يابابا اكيد
- لا ياقلب ابوكي مش الفلوس الحيوان ده مش محتاج للفلوس
- امال ايه يابابا
- انتي يامايسة
هنا صرخ رعد
- يعني ايه يابابا يعني ايه هي دي
- الحيوانات اتفقوا مع بعض انهم يفرقوا بينكم بالصور دي وبعدها البيه ياخد مايسة لأنها عجبته في الفرح ما البيه كان في الفرح علشان ينقل للهانم كل حاجة وطبعا الصور دي علشان يبقى برضه عاش مع التانية شوية
أستدار رعد وهو يحتضن مايسة بقوة تكاد تؤلمها فهمست باسمه
- رعد كتفي
انتبه رعد فخفف قبضته عليها ونظر لها بحب
- حبيبتي ممكن تروحي الفيلا دلوقتي
- ح تعمل ايه يارعد
- ولا حاجة حبيبتي من فضلك روحي الفيلا ووحياة حبيبك بلاش أسئلة او كلام ممكن
هزت مايسة رأسها وضمت نفسها لرعد بقوه وهمست
- ممكن تيجي توصلني رجلي مش شيلاني فحملها فورا ونظر لابيه
- بابا استناني هنا لو سمحت ح وصل مايسة وراجع لك
- ماشي حبيبي في انتطارك
قام رعد بايصال مايسة وهو يحتضنها بقوه ويقبلها حتى ادخلها الفيلا وكانوا جميعا يجلسون فنظر لهم
- ماتقلقوش هي زي الفل انا بس بدلعها شوية وهمس في اذنها حبيبتي اوعي تخافي ماشي ولا تقلقي،
- طول ما انت جانبي لا ح اخاف ولا ح اقلق بس علمه الأدب كويس وخلي بالك يكون وشه ورجله سلام علشان يحضر الحفله ماشي
ضحك رعد وقبلها
- عيوني ليكي حبيبتي تؤمري
وتركها وانصرف عائدا لأبيه ودخل وقد تحول فورا لوحش كاسر فكان يضربه ليستمع لصرخاته ولكن دون وجهه او ساقه حتى صار مطحون من قوة الضرب فاقترب منه رعد وقام بامساكه من تلابيب قميصه ورفعه للأعلى
- بص بقى ياحيوان يومين تشد حيلك وبعدها كل اللي حكيته لابويا ده ح تحكيه تاني بس أدام ناس مخصوص وبعدها ح تطلع على المطار ماشفش وش امك في البلد دي والا قسماً بجلال الله المره الجاية تقع في أيدي ح يكون بموتك فاهم ودفشه بعيدا ونظرا لأبيه بابا ارجوك دور على حد يصلحه
ضحك محمد بقوة
- يصلحه يصلحه ايه يابني ده عايز يترمم من اول وجديد وضحكوا سوياً وخرجوا معا للخارج بعد أن جعل الحارس الخاص بمحمد يأتي بطبيب لمعالجته وطلب منه أن ظل الحارس كالظل لذلك الشخص حتي يوم الحفل
🌹🌹🌹🌹🌹
اقترب يوم الحفل وكانت سلوى مذهوله من طلب سلوان حضورهم الحفل هي وابنتها وزوجها وعندما سألتها سلوى عن سبب الحفله اخبرتها سلوان ان الحفله طلب رعد وعندما سألتها هل مايسة متقبله وجودهم فأخبرتها ان مايسة ليست موجوده شعرت سيدرا بالسعادة عندما اخبرتها امها بكلام سلوان فجرت وقامت بالاتصال بذلك الشاب المدعو ياسر فرد عليها تحت أنظار الحارس
- ايوه يا ياسر
- ايوة يا سيدرا
- بقولك شكل رعد ساب زفته دي لانه عامل حفله وهي مش موجوده دورك بقى يا ياسر تشوف هي فين وتاخدها عايزاك توضبها توضيبه حلوه كده وتصورها فيديو وتبعته لرعد ماشي
- تمام يا سيدرا هي الحفلة امتي
- كمان يومين بعد ماتبعت الفيديو لرعد عايزاك تختفي خالص متفقين
- تمام ما انا خلاص ح ابقى اخدت اللي عايزه منها زي ما أخدته منك ولا نسيتي
- بتفكرني ليه ياغبي كنت حيوان واخدتني بغباء بس ماشي كله في سبيل ان رعد يبقى ملكي
- وهو غبي مش ح يكتشف انك مش بنت
- في عمليات يامتخلف سلام بقى واوع تنسى الفيديو
- تمام يامزه سلام
أغلق الهاتف واخذ الحارس الهاتف الذي كان يسجل المكالمة وبصق عليه
- حقير وواطي وهي ازبل منك جتكم القرف
اتجه الحارس للفيلا واعطي الهاتف لمحمد الذي فتح التسجيل ليستمعوا جميعا المكالمة وهم في حالة ذهول حتى نطق رعد
- قسماً بجلال الله لكون مخليها فرجة الحقيرة دي، بقي كانت عايزة تعمل كده في مايسة سامعه يا امي سامعه اللي كنتي عايزانى اتجوزها شايفه اللي ايدك دائما معاهم انتي وابويا ايه رايك
كانت سلوان تبكي بقهر من اختها مما ترغب بنتها في صنعه بزوجة ابنها ومافعلته أيضا بأبنها وفجاءة وقفت ومسحت دموعها واقتربت من مايسة التي كانت تبكي
- اوعي تعيطي فاهمه اوعي انا ح اسيبك انتي تاخدي حقك وحق ابني ولو معملتيش كده يامايسة قسماً بالله لكون وخداها هي والحيوان اللي بره وح اوديهم القسم
- لا ياماما ماتخافيش على بنتك انا اقدر اخد حقي كويس قوي بس سامحيني على اللي ح اعمله
- معاكي كارت ابيض تعملي بيه كل اللي عايزاه يارب تبلغي عنهم
- لا ياماما انا ح اخليها تندم ندم عمرها
لقراءة أو تحميل رواية ماسه_حياتي الفصل الاخيرمن هنا 👇
لقراءه وتحميل الرواية كامله هنا 👇👇
للتواصل 👇👇👇😘
يُمكنك الانضمام لقناتنا على التليجرام
تعليقات
إرسال تعليق