القائمة الرئيسية

الصفحات

روايه ماسة حياتي الفصل الأخير بقلم موروو مصطفي

روايه ماسة حياتي الفصل الأخير بقلم موروو مصطفي 

رواية ماسة البارت الأخير 
روايه ماسة حياتي الفصل الأخير بقلم موروو مصطفي



مر اليومان وكانت مايسة ورنا يتابعون تنظيم كل شئ واحضر رعد فستان رائع لمعشوقته من لونها المفضل البيبي بلو وارتدي هو رابطة عنق من نفس اللون كما احضر لها حذاء من اللون الفضي منخفض الكعب تماما خوفاً على حملها كما احضر لها و لرنا ميكب ارتيست وجاء الموعد وطلب رعد من مايسة ان تكون اخر شخص يظهر مع تلك المفاجأة التي صنعوها الاثنان معاً بطلب خاص من مايسة على ان يهبط رعد قبلها بدقيقتين وسوف تكون رنا المرسال الخاص لهم بأن الجميع حضروا وبالفعل بداءت الحفله وبدء الضيوف في الحضور فكان الحضور كل عائلة سلوان ومحمد ومن ناحية مايسة أيضا عائلتها وجيرانها كلهم اما رعد فاستضاف فقط من زملاءه أشرف مع معتز وبعد أن اكتمل حضور الجميع كانت سيدرا تتلفت تبحث عن رعد حتى وجدته يهبط من أعلى بطلته الخاطفه حتى وصل للأسفل فجرت عليه بسعادة ونظرت له فنظر لها وابتسم ابتسامه لم يعلم مغزاها الا محمد وأشرف بحكم عمله معه فنظر لمعتز 


- معتز استعد شكل رعد ح يعمل جريمة النهاردة ربنا يستر

- ليه ياعم ايه القلق ده ما الراجل بيضحك اهو

- ما انت ماتعرفش الضحكة دي وراها ايه الضحكة دي بيبقى وراها كارثة بقولك ايه خليك جانبي ماشي 

- طيب ربنا يستر انا مش عارف فين مايسة 


فجاءه خفتت الاضاءه وانزل رعد من خلف اذنه شئ يشبه المايك وعزفت الموسيقى اغنية من اول دقيقة لإليسا وسعد المجرد وبدء رعد الغناء بصوت رائع


بغير من عيني وأنا شايفك وده اللي وصلت ليه

لو أسمع اسمي بشفايفك بقولك كرريه

وعمري ما هقدر أوصفلك بحبك قد إيه


وهنا قامت مايسة بالرد عليه وهي تهبط من أعلى وعيونها فقط مسلطة على رعد الذي كان ينظر لها بعشق 


ارسمني في ليلك نجمة، ضيها يلمع في العين

اكتبني في عمرك كلمة يحكوها الناس بعدين

أنا نفسي أعيش فوق عمري يا حبيبي معاك عمرين


اقترب رعد منها وهو يكمل الأغنية ويحتضنها يرقص معها وهو يضمها بحنان ورقه 


لو تطلبي مني عينيا، لو تطلبي عمري كمان

هاديكي سنيني الجاية وهكون راضي وفرحان

أنتي اللي وجودك جنبي حسسني إن أنا إنسان


ضمت مايسة نفسها أكثر لرعد وهي تكمل ونظراتهم لا تنفصل


ده من أول دقيقة لحبك قلبي مال

عرفت بمية طريقة تغير حال بحال

بتوه بين الحقيقة يا عمري والخيال


وأعاد رعد كلماتها مره اخري وهم ينظرون فقط لعيون بعضهم البعض


ده من أول دقيقة لحبك قلبي مال

عرفت بمية طريقة تغير حال بحال

بتوه بين الحقيقة يا عمري والخيال


وهنا اكملت مايسة وهي تنظر له بعشق وتدور حوله برقه


أنا عايزاك تفضل جنبي سندي وفارس أحلامي

قلبي في قربك متطمن خليك دايمًا قدامي

أنا قبل ما بنطق كلمة بتكمل ليا كلامي


امسك رعد يدها مره اخرى يحتضنها وهو يكمل


ده وجودك بيكملني خليتي حياتي حياة

إحساسي بحبك خدني وأنا هفضل ماشي وراه

حضنك يا حبيبتي لا يمكن لو ثانية أعيش براه


احتضنت مايسة رعد بقوه وهي تكمل بهيام


في واحدة تملي في ظهرك وفي ضعفك هتقويك

تؤمرها حبيبي وأمرك هتقول شبيك لبيك

جنبك ولآخر عمرك هتعيش علشان ترضيك


وفجاءة غني الاثنان معا وهم يرقصون كفراشات والكل ينظر لهم بذهول من هذا الحب الذي ملأ المكان كله


ده من أول دقيقة لحبك قلبي مال

عرفت بمية طريقة تغير حال بحال

بتوه بين الحقيقة يا عمري والخيال

ده من أول دقيقة لحبك قلبي مال

عرفت فمية طريقة تغير حال بحال

بتوه بين الحقيقة يا عمري والخيال


انتهت الأغنية والكل في ذهول حتى صفقت ريهام بقوه وتابعها الكل وظلوا يصفقون لهم دقائق واقترب محمد وسلوان وفيروز منهم واحتضنوهم بقوه كان الكل سعيد لهم ماعدا تلك العقربة المدعوة سيدرا التي نظرت لوالدتها بغيظ وغضب 


- مش قلتي انها مش هنا امال ايه ده 

- معرفش اول مره اشوف رعد كده ايه ده مش ممكن

- مامي متغظينيش

- اغيظك ايه انتي اتهبلتي 


نظر معتز لأشرف وهو يبتسم بسخرية


- هو ده ياعم اللي ح يعمل جريمة يخربيت كده كويس ان خطيبتي مش واقفه جانبي وربنا كنت خطفتها ده انا اعصابي باظت 

- يا أخي اتلهي واسكت دي شكلها مصيبة سوداء الله يكرمك اتهد لما نشوف ح نوصل لايه 


فجاءة دخل ياسر وهو يرتدي بدله وبجواره حارس محمد الخاص وفور ان راءته سيدرا توترت وارتعبت فنظرت لأمها 


- مامي انا لازم امشي عندي مغص جامد قوي 


واستدارت قبل أن تسمع رد امها فوجدت أمامها رعد وعيونه تنطق بشر مستعر


- على فين يا سيدرا هانم ارتبكت سيدرا ونظرت له

- تعبانة يا رعد وح اروح معلش

- لا ازاي معقولة تمشي قبل ماتعرفي سبب الحفلة 

- مامي ح تبقى تقولي عن اذنك يارعد


وفجاءة صاح رعد بصوته الجهوري


- استني عندك ياشاطره هو انتي فكره نفسك ح تقدري تهربي بعد اللي عملتيه تبقى غلطانه 


اقتربت مايسة من رعد واحتضنت يده وهي تميل برأسها على كتفه 


- لا يا رعدي سيب لي الطلعة دي 

- بقولك ايه انتي وهو انتم عايزين ايه مني ايه القرف ده


هنا قامت مايسة بعزم قوتها وغضبها بصفعها صفعة اوقعتها أرضاً ثم اقتربت منها واوقفتها من فستانها وهي تنظر لها بغضب


- انتي ليكي عين تتكلمي ياحقيرة والتفتت لأمها وابيها واكملت قبل ماتبصوا قوي وتبقوا عايزين تدافعوا عنها اتفرجوا كويس واسمعوا كويس وفي الاخر ح نتحاسب يا سيدرا هانم


وفجاءة ظهرت شاشة عليها صور رعد مع سيدرا فانتفض والدها وقبل ان يتحدث نظر له رعد 


- اصبر ياجوز خالتي واتفرج وفجاءة ظهرت نفس الصور لسيدرا مع ياسر وتلاها مكالمة ياسر وسيدرا معاً 


هنا نظرت مايسة الي امها وابيها


- ها ايه رأيكم ادامكم اهو ادي الحيوان اللي اتفقت معاه المصونه بنتكم ياخدني ويعمل معايا الواجب زي ماعمله معاها ويصورني ويبعت الفيديو لجوزي وادي بنتكم بنت الصون والعفاف سوري قصدي مدام الصون والعفاف والتفتت تنظر لسيدرا 

بقى انتي تعملي فيا كل ده وعلشان ايه عملت فيكي ايه علشان تفكري تعملي فيا كل ده صاحت بها سيدرا

- علشان انتي اخدتي مني رعد كان مفروض يبقى جوزي انا

- ومن امتى كان رعد ليكي من امتى كلمك او وعدك بحاجة 

- كنت ح افضل وراءه لغاية مايتجوزني لكن جيتي انتي واخدتيه فيكي ايه عني بالعكس ده انتي لوكل وبيئه


هنا لم يتحمل رعد وصفعها مره وراء اخرى وهو يصرخ بها


- عارفة لو انتي اخر ست في الدنيا عمرك ماتكوني على اسمي ابدا انا اتجوز واحدة زيك ليه اللي بتقولي عليها لوكل وبيئة الف راجل يتمنى ضفرها لكن انتي لو عرضتك على اي راجل بس يكون بجد راجل حتى لو كان معدوم عمره ما يبص لك ولا يفكر فيكي زوجة الحيوان اللي جانبك ده لو طلبت منه يتجوزك ح يرفض بص يا جوز خالتي تاخد مراتك وبنتك من هنا انا لولا مايسة اتحايلت عليا كنت اخدتهم كده على القسم وهناك بقى كانوا ح يتعلموا الأدب على أصوله الأدب اللي نسيتي ياخالتي تعلميه لبنتك وأدام الكل بقولك لو شفت خيالك ده في مكان انا أو مراتي فيه صدقيني ح اخليكي تتمنى الموت من اللي ح اعمله فيكي سامعه اما انت بقى يادكر مش عايز اشوفلك اسم الا على اي طيارة غايرة بره البلد وزي ماقلت لها لو شفتك هنا قسما بربي اللي ح تشوفه مني عمرك ما ح تتخيله ثم صاح بحارس والده عبدالرحمن غوره من هنا والصبح لو مجاش ليا خبر انه غار بره البلد صدقني محدش ساعتها ح يعرف لك طريق غور من وشي اتفضلي ياخالتي خدي اللمامه بتاعتك وامشوا من هنا وخليكي واثقه لولا مايسة واسمك اللي على اسم امي قسما بجلال الله لكنت نسفتكم من على وش الأرض


نظر له زوج خالته واقترب منه


- عندك حق يارعد في كل كلمة قلتها واوعدك عمرك ماح تشوفهم تاني انا اسف لمراتك بنت الناس الأصيلة احنا ح نطلع من هنا على البلد ده احسن مكان يعيش فيه اللي زي دول وهناك صدقني ح تتربى من اول جديد غلطتي اني سيبتها لأمها ومهتمتش 


صرخت ابنته


- لا يابابي البلد لا ارجوك


أستدار الاب وامسكها من يدها بقسوة ودفعها أمامه ونظر لزوجته


- ورايا والا ورحمه امي ما ح يحصل طيب غوروا ادامي جتكم القرف عرتوني لكن انا ح اعرف اربيكم من الاول


انصرفوا وتبقى باقي الضيوف الذين كانوا في حالة من الذهول وانتبهت مايسة فصاحت


- خلاص ياجماعة الموضوع خلص وبما اننا كلنا اهل وقرايب في بعضينا رعد وانا عندنا خبر حلو لكم ها يا رعدي ح تقول انت ولا اقول انا

- ياجماعه هما خبرين حلوين اول خبر انا ح ابقى اب ماستي حامل


صفق الجميع و باركوا لهم


- الخبر التاني ده يخص اختي وهو ان حضرة الضابط اشرف طلب ايدها ووالدي وافق وفي انتظار موافقتها


صعقت رنا واحمر وجهها خجلاً فاتجهت لها مايسة


- ها يا رانو نقول مبروك فقبلتها رنا وابتسمت


فقامت مايسة بإطلاق زغروطة طويلة كان اشرف يقف في حالة ذهول وهو ينظر لها وينظر لرعد وفجاءة ظهر والده ووالدته التي جرت واحتضنته وهي تبكي وتمت قراءة الفاتحه وتم الاتفاق على موعد الخطوبة والزفاف بعد أن علم ان كل ماحدث بعد موافقة محمد ورعد من ترتيب مايسة 


🌹🌹🌹🌹🌹🌹🌹🌹🌹🌹


مرت الأيام وكانت مايسة تجعل رعد يدور حول نفسه فهي لا تثبت على حالة احيانا تشعره انها في منتهى السعادة وأحيانا يجدها باكية ولا ترغب في محادثته ولكن اي ان كانت حالتها فهي تتوحم علي احتضانه لها حتى وهي لا ترغب في محادثته كان يجدها تنظر له وعيونها تلمع بالدموع وتأتي لتنام بين ذراعيه في صمت وهو يظل يقبلها برقه وهو يهمس لها بكلمات الحب حتى تذوب عشقاً بين احضانه فياخذها في إحدى جولاتهم وبعدها يحتويها بين احضانه ويذهبون في النوم ليستيقظ صباحا فيجدها غاضبة منه فيضحك بقوة ويقترب منها مقتنصا شفتيها في قبلة طويلة


ويهمس لها


- اعمل فيكي ايه بس ياماستي ح تجننيني يا مجرمة فتنظر له بدلال وعيوناً لامعه

- لا انا ايش مجرمة انت اللي مجرم علشان رعدي مش يحب مايسته فينظر لها رعد بعشق 

- رعد فعلا مش بيحب مايسته رعد بيعشق مايسته يا ماسة الرعد


ظلت مايسة هكذا حتى أتمت شهرها السابع وكان الكل يستغرب تلك الحالة فالوحم لا يطول هكذا وأكملت مايسة باقي حملها وهي تشعر بتعب شديد فأخذ رعد اجازة من عمله وظل جوارها فهي كانت لا تستطيع النوم غير جالسة في احضانه كان يتألم لها حتى أنه في يوم كانت تتألم في ترغب في النوم ولاتستطيع


- ماستي انا مش عايز تكرري العملة دي تاني انا مش قادر اشوفك تعبانة كده خلاص اللي ربنا يرزقنا بيه نعمه مش ح اقدر اشوفك بتتالمي تاني بالشكل ده


مالت مايسة على صدره تقبله برقه


- ربنا مايحرمني منك حبيبي الحمدلله شويه تعب وح يجي وقت ويخلصوا يا رعدي وبعدين انا رغم التعب ده كله عايزه اجيب منك خمسه سته يكونوا نسخه منك حبيبي

- ربنا مايحرمني منك يا قلب حبيبك 


ظل رعد يعتني بمايسة وتمت خطبة اشرف ورنا وبعدها تم عقد قرانهم وتم الاتفاق على الزفاف بعد ولاده مايسة وفي يوم كانت مايسة تجلس في احضان رعد وفجاءة صرخت فانتفض رعد 


- في أيه يا قلبي مالك

- الحقني يارعد انا بولد 


حملها رعد سريعاً بعد أن وضع غطاء على شعرها وقبل ان يفتح الباب وحد أمامه فيروز فصاح بها


- ماما شكل مايسة بتولد ارجوكي هاتي الشنطة بتاعتها وحصلوني


وتركها وهبط سريعاً وهي تبكي من شدة الألم وضعها بالسيارة وانطلق بها إلى المشفى بعد أن أبلغ طبيبتها كان يمسك بيدها ويشجعها على التحمل حتى وصل المشفى وجدهم بانتظاره فحملها ورفض وضعها على الكرسي ودخل بها إلى المشفى وفي غرفة الكشف ابلغته الطبيبة انها في حالة وضع بالفعل فنظرت له مايسة ببكاء وهي تتشبث بيده بقوه


- رعد ادخل معايا ماتسبنيش لوحدي علشان خاطري 

- مقدرش اسيبك ياقلبي ماتخافيش انا داخل معاكي


وبالفعل طلب من الطبيبة ذلك ووافقت وتعقم ودخل معها وكانت تصرخ وهو يمسك بيدها ويقبلها وهو يهمس


- يالا حبيبتي خلي بنوتتنا تنور الدنيا وبالفعل صرخت مايسة صرخة قوية وبعدها استمعوا لصرخة الطفل فنظرت الطبيبة لهم 


- معلش بقى ولد مش بنت 


فابتسمت مايسة بسعادة ونظرت لمعشوقها 


- شفت حبيبي ولد انا مبسوطة قوي


وفجاءة شعرت بألم قوي فصرخت فنظرت لها الطبيبة بذهول فصرخت مره اخرى وتفاجأت الطبيبة برأس طفل اخر فاستلقته وهي تقول


- سبحان الله سبحان الله كانت مستخبيه ورا اخوها مظهرتش ولا مره في السونار وانا كنت مستغربه ليه مغيرش مكانه اتاريها وراه مبارك ماجاكم ولد وبنت


خر رعد ساجدا وهو يحمدالله وبعدها قام واحتضن زوجته وهو يقبلها ووضعوا الطفلان على صدر مايسة فأخذت تقبلهم هي ورعد وتنظر لهم وتبكي


- شايف يا رعد ولادنا شايف حبيبي صغيرين وحلوين قوي 

- ربنا يحفظكم ليا يا ماستي 


أخذوا الأطفال حتى يراهم طبيب الأطفال وبعد ذلك ذهبت مايسة لغرفة عادية ووجدت الجميع في انتظارها فيروز وسلوان ومحمد ورنا واشرف وعندما علم الجميع بانجابها تؤام فرحوا كثيرا وبعد قليل دخلت الممرضة وهي تحمل الطفلان واقتربت من مايسة ووضعتهم على صدرها وهي تبارك لهم فنفحها رعد مبلغ كبير من المال وكذلك فعل محمد أيضا حمل رعد الفتاه ونظر لمايسة 


- انا ح اسمي البنوته وانتي سمي الولد 

- ماشي حبيبي انا ح اسمي الولد ادم 

- وانا ح اسمي البنت جوهرة علشان انتي تبقي ماستي وهي جوهرتنا 


ظلوا جميعا معهم والكل سعيد وفرحان وفي آخر النهار عادت مايسة الي الفيلا وهي تحمل ادم وجوهرة وبعد اسبوع قام رعد بعمل عقيقة كبيرة للغاية وسبوع رائع وكانت الدعوة لجميع الاحباب وظلت فيروز وسلوان يرقوهم طوال الحفلة وبعد شهر تمام زفاف اشرف ورنا في حفل كبير 


🌹🌹🌹🌹🌹🌹🌹🌹🌹🌹


بعد مرور خمس اعوام كانت رنا حامل للمره الثانية ومايسة أيضا حامل للمره الثالثة فقد انجبت بعد ادم وجوهرة بسنتان احمد وكانت تلك المره حامل أيضاً في تؤام فقررت ان تطلق اسم محمد علي الولد وقرر رعد ان يطلق على البنت دره وكانت مايسة تغير من ابنتها جوهرة فهي كانت دلوعة والدها عندما يأتي من عمله تجرى عليه فيحملها ويدور بها هي واخويها ويظل يلعب مع الثلاثة ولكن جوهرة عنده شئ اخر وعندما يجلس وتجلس على قدمه وتظل تتمسح به كالقطة الصغيرة كانت مايسة تغضب منه وتنظر له بعيون باكية وبعدها تصعد الي جناحهم وتبكي فيجري عليها بعد أن يضع جوهرة على ساق والده 


- ماستي يا ماسة الرعد انتي بتغيري من بنتك يا ماستي


فتنظر له و دموعها تهبط فيقترب سريعاً يحتضنها ويحملها ويضعها على ساقه 


- ماستي انا بحب جوهرة علشان حته منك ياقلبي زي ما انتي بتحبي ادم واحمد علشان هما حته مني

- ايوة بس انا بحبك اكتر لكن انت بتحب جوهرة اكتر وتبكي فيقبلها ويمسح دمعاتها بشفتيه

- انا بحب جوهرة لكن بعشق امها انا بعشقك ياماستي انتي عارفه انا رفضت اسميها ماسة علشان تفضل عندي ماسة واحدة بس هي انتي يا ماسة قلب الرعد

- يعني لسه بتحبني زي الاول حتى بعد ماجسمي اتغير من الحمل 

- انا بحبك اكتر واكتر واكتر من الاول وبعدين جسمك لو كان اتغير مع اني مش شايف ده فاتغيبر علشان شايل حته مني ومنك جواكي يااااااااااه يا ماستي انتي خلتيني طاير من السعادة انا مش لاقي حب اكتر من كده 

- انا مش عايزه اكتر من كده عايزة افضل دائما في قلبك عايزة افضل دائما حبيبتك انا بعشقك رعد انت رعدي انا وبس فاهم


ضحك رعد واحتضنها بقوه وهمس لها بصوت اجش وهو يحملها 


- تعالي معايا وانا اوريكي اني رعد مايسة وبس وذهب بها إلى الفراش يحتضنها ويقبلها ويهمس لها بكل كلمات الحب حتى ذهب مع في جولة حميمية من جولاتهم 


بعد مرور شهور الحمل أنجبت مايسة محمد ودره وعاشوا جميعا في سعاده كما أصبح لدي رنا وأشرف أدهم و ريناد ويوسف 


قرر محمد ان يبني ملحق كبير بجوار الفيلا حتى يعيش أبناءه وأحفاده كلهم حوله وعاشوا جميعا سويا 

وكانت مايسة بالفعل هي بلسم العائلة كلها اما الاولاد فالثمانية يحبونها هي ورعد كثيرا ودائما ما تجعلهم مايسة ايد واحده فالاطفال الثمانية كبيرهم يساعد الصغير ودائما ما يهتموا ببعضهم البعض 


اتمنى ان اكون قد استطعت ان أصل لكم كيف ان الحب يفعل المعجزات فرعد الذي كان لا يرغب في الزواج وقع من نظره في حب فتاه الزهور وأشرف الذي صادف في حياته الخيانة من من ضحكت عليه يوما واوهمته بالحب وفي الاخر اكتشف خيانتها فتعامل مع الجنس الناعم بعداء حتى وقع في حب اخت صديقه وعاشوا حياتهم بين بعض المشاكل التي لا يخلو منها اي بيت ولكن دائما ما يجعلوا يومهم ينتهي و كل زوج مع زوجته فقد تعاهدوا جميعا الا يمضي يوما و بينهم اي خصام 


      🌺🌺🌺تمت بحمدلله 🌺🌺🌺

تعليقات

التنقل السريع