روايه ماسه حياتي الفصل الثاني بقلم موروو مصطفي

روايه ماسه حياتي الفصل الثاني بقلم موروو مصطفي 

رواية ماسة حياتي البارت الثاني 

روايه ماسه حياتي الفصل الثاني 

مضت عدة ايام وكانت مايسة تصنع نفس الروتين الذي تفعله كل يوم ولكنها لا تعلم انها مراقبة وليس من طرف واحد بل من طرفان أحدهما ذلك الضابط المغرور والآخر ذاك الشاب المجهول 

أعمى الغضب عين اشرف ولما يرى ان ماحدث من مايسة هو رد فعل لما فعله وأراد ان ينتقم منها باي شكل فأرسل من يراقبها حتى علم خط سيرها وعلم انها تقف في محل لبيع الزهور فأرسل لها شاب حتى يشتري منها بوكية من الورد و يصنع معها مشكلة وسوف يجعل هناك شخص يأخذهم الاثنان للقسم حتى تقع تحت يده وفعلا ذهب لها ذلك الشاب وطلب منها بوكية ورد من أرقى الأنواع وطلب منها الحساب فأخبرته ان البوكيه ثمنه ٥٠٠ جنيهاً فصاح بها وظل يصرخ بها 

- خمسمائة جنيه ده ايه هي السرقة بقت عيني عينك كده ياشيخه اتقي الله 

نظرت له مايسة بذهول 

- يافندم حضرتك طلبت بوكية ورد غالي واخترت أغلى الورود عموما مش عاجب حضرتك خلاص مش مشكلة اختار حاجة تانيه 

- انتي ح تبيعي لي على مزاجك ياحرامية 

- من فضلك انا مابحبش الصوت العالي مش عجبك سيبه واتفضل

ظل ذلك الرجل يصرخ حتى تجمع الناس ودخل عسكري طلب منهم التوجه للقسم حتى يضعوا حل لذلك الخلاف وبالفعل تحركت مايسة مع الرجل والعسكري وفي الطريق قام الرجل بابدال بوكية الورد بآخر ردئ 

وكان الشخص الذي وضعه ذلك الرجل المجهول ليراقب مايسة قد اخبره بما حدث فاستشاط غضباً وخرج سريعا متوجهاً خلفها للقسم

وصلت مايسة مع الرجل للقسم ودخلوا الضابط المسئول والذي كان اشرف فنظر لها بتشفي 

- أيه ده انتي جيتي لحد عندي اهلا وسهلا خير ياعسكري

- يافندم انا كنت معدي من جنب محل الورد وسمعت خناقة كبيرة بين الراجل ده والست دي وكانت بتزعق فيه وبتهزءه كمان 

نظرت مايسة للعسكري بذهول

- انا زعقت له وهزاءته كمان حرام عليك 

ضرب اشرف المكتب بيده ونظر لها وهو يصرخ بها

- انتي تخرسي خالص ماسمعش صوتك والا وربي ارميكي في الحجز واخليهم يتسلوا عليكي ابتسمت له مايسة بسخرية

- تمام ياحضره الضابط حقك

- ايوه كده اتعدلي وحطي جزمة في بقك

- لا بقول لحضرتك ايه مش من حقك تكلمني بالشكل ده 

- لا ياقطة انتي هنا تحت درسي وانا بس اللي اتكلم ونظر للرجل حصل ايه ساعتك 

- ياباشا انا روحت وطلبت منها بوكية ورد عادي لقيتها بتقولي ٥٠٠ جنيه بتكلم معاها بالراحة زعقت وبهدلتني نظر لها أشرف بتشفي 

- ها ايه رايك يا حلوه

- اولا كله كدب وزي ما اتكلمت حضرتك معاه باحترام انا كمان حقي تكلمني باحترام 

وقف اشرف وبعزمه قام بصفعها بقوه 

- انا اتكلم زي مايعجبني ياحشره وادي أول قلم واستني اللي جي 

وفجاءة فتح الباب بقوة ودخل منه ذاك الشاب المجهول وهو يرتدي بدلته الميري وفور ان راءه اشرف وقف يضرب تعظيم سلام 

- رعد باشا بنفسه هنا 

التفت رعد لها ونزع نظارته فوجدها تقف وعيونها تلمع بالدموع واصابعه تعلم على وجهها فصرخ به

- أيه ده انت اللي عملت كده واقترب منه وكأنه إعصار فارتد اشرف خطوة للخلف

- ياباشا بت قليلة الادب وكان لازم تتربى 

- امممممم بت قليلة الادب ولازم تتربى حلو قوي بتمد ايدك على بنات يا أشرف تمام تمام فهمني بقى حصل ايه 

ارتبك اشرف ونظر لرعد بخوف وقص عليه ماحدث فالتفت رعد الي مايسة

- أيه اللي حصل يا أنسة ممكن تفهميني حاول اشرف التحدث حتى يجعل الرجل الاخر يتكلم أولاً ولكن نظرة رعد له جعلته يبتلع لسانه وعاد الى مايسة اتكلمي يا أنسه

فقصت مايسة ماحدث بالفعل دون زيادة او نقصان وبعدها نظر رعد للرجل 

- حضرتك بتقول انها اديتك بوكية ورد عادي وطلبت منك ٥٠٠ تمام

- ايوة ياباشا حتى البوكية اهو وأخرج البوكية المبدل

نطرت مايسة البوكية ثم التفتت لرعد

- يافندم انا معنديش الورد ده في المحل خالص رد أشرف بصوت عالي

- اخرسي يا بت انتي اما الباشا يبقى يوجه لك كلام ابقى اتكلمي 

وقف رعد وضرب المكتب بغضب وصرخ بهم

- الكل يطلع بره ماعدا انت يا اشرف والأنسه

خرج الكل يجري واقترب رعد من اشرف وامسكه من قميصة بقوة حتى كاد يزهق روحه

- حالا تفهمني في ايه بينك وبينها وبتعمل معاها كده ليه

- مافيش حاجة ياباشا انا كنت بشوف شغلي 

- انت ح تستهبل عليا اشرف قسما بربي لو مانطقت ليكون فيها رفدك 

هنا تكلمت مايسة 

- اسمح لي حضرتك اتكلم 

- اتفضلي يا انسه 

قصت مايسة ماحدث يوم الكافية فانفعل اشرف 

- كدابه ياباشا انا اول مره اشوفها 

- عارف خسارة البدله اللي لابسها والله انت عار على المهنة دي تمام قوي انا كدابه انا ح اثبت لحضرتك يافندم مين فينا الكداب ولو طلعت انا كدابه خد حقك زي ماتحب لكن لو طلعت صادقه مش ح تنازل عن حقي رد عليها رعد

- تمام وريني اثباتك 

أخرجت  مايسة من حقيبتها فلاشه صغيرة واعطتها لرعد

- حضرتك افتح الفلاشة دي واتفرج عليها اه وكمان محل الورد فيه كاميرات لان طبعا الورد اللي بنبيعه غالي، ولازم نأمن ده حضرتك تقدر تبعت حد معايا اجيب تسجيل الكاميرات علشان تصدق كلامي ولا كلام الراجل اللي سياده الضابط مأجره 

- ممكن اتفرج الأول على الفلاشة وبعدين نقرر

- اتفضل حضرتك 

- قام رعد بتشغيل الفلاشه وشاهد كل ماحدث يوم الكافية ووقف اشرف وهو يشعر انه انتهى فمن يخطأ ويتحامي في منصبه في عرف رعد يجب نفيه تماماً بعد أن ان شاهد رعد كل شئ وقبل ان يتحدث استمع لطرقات على الباب فسمح بالدخول فدخل عسكري وهو يرتعد

- ياباشا في واحدة بره بتقول انها صاحبة محل الورد 

- دخلها بابني

دخلت ريهام وجرت على مايسة تحتضنها وتقبلها 

- حقك علي راسي يا مايسة حقك عليا انا السبب

- اهدي ياريهام مافيش حاجة ونظرت ريهام فوجدت علامات الصفعه على وجهها فبكت وهي تقبل وجنتها

- يارب تنقطع ايده اللي عمل كده 

نظر رعد لها

- ايوة يا مدام حضرتك طلبتي تدخلي خير

- ياباشا انا صاحبة محل الورد اول ماروحت المحل ولقيته مقفول سألت الجيران وقالولي اللي حصل جبت تسجيل الكاميرا وجيت جري لاني واثقه ان مايسة ماتعملش غلط 

- وايه اللي مخليكي واثقه كده 

- ياباشا اللي تقف في محل تبيع ورد وهي مش محتاجة اصلاً لشغل بس علشان تساعد ارملة زي بتربي اولاد صغيرين مايسة بتيجي تقف مكاني الصبح على ماودي ولادي مدارسهم واروق بيتي واعملهم اكلهم وبعدها اروح لها  وترفض تاخد مليم تبقى ايه اللي بتقف في كافيه تساعد فيه راجل كبير وتقف مكانه علشان هو يراعي مراته المريضه تبقى ايه... قولي بقى اللي بتقف جنب كل واحد وواحده في المنطقه وتراعي كبير وصغير تبقي ايه حضرتك

كان رعد يستمع لها وعيونه تلمع وكان اشرف يشعر انه حقير فقد أهان من هي أحسن منه بمراحل باخلاقها طلب رعد من ريهام تسجيل الكاميرات وطلب منها الانتظار بالخارج وقام بتشغيل التسجيل وشاهد البوكيه التي صنعته مايسه وشاهد طريقة كلامها وشاهد كلام الرجل أغلق كل شئ ووقف ينظر لأشرف والغضب يتطاير من عينه وصرخ به

- ناوي على ايه

ارتعد أشرف من صوته 

- ح اقدم استقالتي فورا يافندم  بس اسمح لي والتفت مقترباً من مايسة فتحفز رعد

- أنسة مايسة انا اسف حقك عليا انا تجاوزت كل الحدود انا فعلاً اللي أجرت الراجل ده وخليته يعمل لك الشوشرة دي وانا اللي خليت العسكري يكون قريب ويجيبكم هنا ويقول الكلام اللي قاله ارجوكي سامحيني وانا ادامك اهو خدي حقك وردي القلم قلمين تلاته انا فعلا استغليت منصبي وده غلط مع اني تجاوزت الحدود برضه في الكافية وضربك ليا بالقلم كان رد فعل للي قلته وعملته وبالرغم من غلطي الا انك اعتذرتي وانا طلعت غبي والغضب عماني انا اسف مره تانية وارجوكي خدي حقك 

كانت مايسة تشعر بألمه وهو يتكلم فتساقطت دموعها ونظرت له 

- ماحصلش حاجة ياحضرة الضابط ده كان مجرد سوء تفاهم وراح رفع أشرف وجهه لها بذهول فابتسمت اه والله عادي يعني ظبوط عصبي ضرب اخته مافيش مشكلة وتركته واتجهت لرعد وابتسمت له يافندم محصلش حاجة ارجوك اعتبره سوء تفاهم وعدي لو سمحت انا متنازلة عن أي حق ليا نظر لها رعد وابتسم واقترب هامساً 

- موافق على شرط تعزميني على شاي عندكم 

احمرت مايسة خجلاَ من همسة لها بتلك الطريقة وفقط هزت رأسها بالموافقه فاعتدل رعد واقترب من أشرف 

- انت عارف كويس قوي اني مابرجعش في اي قرار اخدته بس حظك انك انت اللي اخدت القرار اول واخر مره يا أشرف فاهم  اول واخر مره تستغل سلطتك في أذية حد بلاش تخلي غضبك من الماضي يعميك يا اشرف مش كل الناس وحشه فاهمني 

رفع اشرف رأسه ونظر له وابتسم

- خلاص اتعلمت الدرس وشفت المثل أدام عيني متشكر قوي يا مايسة على كرم أخلاقك 

وجد يد توضع على كتفه بقوه وكانت يد رعد وهو يبتسم ويهمس له

- أنسة مايسة يا اشرف علشان ايدي ماتسلمش على قفاك فاهم 

- فاهم فاهم أنسة مايسة انا بجد يشرفني ان حضرتك تعتبريني اخ ليكي لو احتاجتي اي حاجة 

- طبعا شرف ليا ياحضرة الضابط بس ارجوك بلاش الغضب يعمي عينك لا كل الستات وحشه ولا كل الرجالة وحشه 

- فهمت الدرس يا أنسه وانا فعلا اسف مرة تانية

- محصلش حاجة اقدر امشي انا

التفت اشرف ونظر لرعد الذي نظر لها وابتسم 

- اتفضلي يا أنسة 

- عن اذنكم 

خرجت مايسة فوجدت الرجل يقف بالخارج وهو يرتعش خوفاً مما سمعه عن رعد فاقتربت منه وهمست له 

- الا وشهادة الزور الا وشهادة الزور حرام عليك تدخل جهنم بسبب شهادة زور 

- ارجوكي سامحيني انا اسف كنت محتاج القرشين اللي اداهم لي الضابط ارجوكي سامحيني 

- سماح بس ارجوك انت ماتكررش عملتك دي ممكن تودي واحد في داهيه بشهادة وساعتها ح تتعلق بيها في نار جهنم وماتفتكرش ان الفلوس اللي اخدتها ح تعمل حاجة لأنها فلوس حرام ولو احتجت حاجة اديك عارف مكاني تعال ليا ولو مش موجوده الست دي تحل مكاني في اي حاجة واشارت الي ريهام

كانت تتحدث ولا تعلم أن خلفها يقف اشرف ورعد وعندما التفتت وراءتهم ابتسمت 

- انا برضه مسامحة عن اذنكم وأخذت ريهام وخرجت وهم يحتضنون بعضهم البعض واقترب رعد من الرجل ونظر له 

- ياريت تكون اتعلمت الدرس وتعرف ان المال الحرام عمره ماح يفيدك 

هنا اخرج الرجل المال من جيبه واقترب من اشرف 

- اتفضل حضرتك الفلوس اهه مش عايزها الله الغني ربنا ح يدبرها من عنده يارب سامحني نظر له اشرف ثم اخرج من جيبه مبلغ اخر من المال واعطاه للرجل

- دول فلوس حلال يا عم انا راضي اديهم لك لله من غير اي طلب روح فك ازمتك ربنا يفك ازمتنا كلنا ولو احتجت حاجة تاني تعال لي ماتقلقش

- لا يابيه مش عايز 

- ياعم امسك برضا ونيه صافيه روح الله يسهل لك طريقك 

- متشكر متشكر قوي يا ما انت كريم يارب يا ما انت كريم ح اسدد الإيجار وماطردش ومن غير اذيه يا ما انت كريم يارب

                         🌹🌹🌹🌹🌹

انصرفت مايسة مع ريهام وهي تشعر بدقات قلبها تنبض بقوة فقد اكتشفت ان الشخص المجهول هو أيضا ضابط وذو هيبه قوية كانت ريهام تحدثها وهي في عالم أخر حتى انتبهت عندما استمعت من ريهام اسم رعد فالتفتت لها

- بتقولي ايه يا ريهام

- ياختاااااااااااااااااي بقى لي ساعة بتكلم تو ما اخذتي بالك

- معلش يا ريري كنت سرحانة في اللي حصل

- ماشي ياستي ح اعديها كده بس كنت عايزة أسألك مين رعد ده 

- اشمعني يعني

- أصل وانا بره الكل كان مرعوب من وجوده حتى مأمور القسم نفسه اول ماعرف انه موجود بسبب مشكلة مع ضابط خد بعضه ومشي وقالهم لو سأل عليه يقولوا انه مش موجود ومشي على بره شكله تقيل قوي

ابتسمت مايسة وهمست

- يظهر كده يا ريري يالا عطلتك انا روحي انتي بقى علشان ما تتأخريش على المحل

- اخص عليكي مافيش عطله ولا حاجة امال فين عربيتك صحيح 

- يوووووووه ده انا نسيت دي عند المحل عندك تعالي نروح سوا 

انصرف الاثنان سوياً وذهبت مايسة وأخذت سيارتها وودعت ريهام وذهبت الي والدتها فاليوم تشعر انها ليست لها رغبة في الرسم في مكانها المفضل وصلت إلى البيت وصعدت الي والدتها 

- فيروزتي يافيروزتي انتي فين يامامتي

- انا في المطبخ حبيبتي تعالي جيتي بدري يعني

- ابدا حبيبتي قلت اجي اقعد معاكي شوية بدري 

- فيكي ايه ياقطتي عيونك بتلمع زي القطط 

- خلينا نخلص اللي بتعمله وبعدين ح اقعد واحكي لك كل حاجة على رواقه 

- طيب ماشي ادخلي غيري وتعالي

- ماشي يا مامتي اديني عشر دقائق علشان كمان اصلي الاول

- روحي يالا حبيبتي وح استناكي

انصرفت مايسة وابدلت ملابسها وادت صلاتها وعادت لفيروز وظلوا يضحكون معا حتى انتهوا من اعداد الطعام وقامت مايسة بصنع مجان من ال نسكافية وذهبت الي الفراندة لتجلس مع أمها 

كانت فيروزه تجلس على الارجوحة الموضوعه بها وعندما حضرت مايسة فتحت لها ذراعها فجرت عليها مايسة وارتمت في احضانها

- ها يا ماستي الغالية احكي لي ياقلبي

- ح احكي لك يا مامي من الأول 

- وانا كلي اذان صاغية

قصت مايسة كل ماحدث منذ مقابلة رعد بمحل الزهور وانتهاءً بمحادثتك في قسم الشرطة مروراً بما حدث في الكافية

- كده يا ماسة تخبي كل ده عليا 

- مش تخبيه يامامي بس ماكنتش عايزة اقلقك على الفاضي

- واللي اسمه اشرف ده 

- خلاص يامامي باللي عملته معاه النهاردة حس بغلطة

- طيب و رعد

احمرت مايسة خجلاً ونظرت لأمها

- مش عارفة يا مامي صدقيني مش عارفة 

- بتحسي بأيه لما شفتيه

- اول مره حسيت ان قلبي اتخطف اول ماشفته وبعد ما مشي ماعرفتش غير اني ارسم صورته والنهارده اول ما دخل المكتب في القسم حسيت بالأمان واول ماشاف القلم معلم على وشي حسيته ح ياكل أشرف بس مسك نفسه بالعافية 

- عرفتي منين ده

- اول ماشاف القلم عيونه احمرت وصرخ فيه ولما قاله انه بيأدبني كان ضاغط على ايده بشكل بشع لدرجة اني كنت شايفة عقل ايده كلها بيضاء وكمان عروق وشه كانت نافره وحمراء

- اممممممم طيب والباشا الضابط ناوي يشرب الشاي عندنا امتي

هزت مايسة اكتافها ونظرت لوالدتها وهي تبتسم

- ولا اعرف يافيروزه هو أول ما قالي كده معرفتش اعمل حاجة غير اني اهز راسي بالموافقة وخلاص امتى بقى الله اعلم

- طيب معاه رقمك 

ضحكت مايسة ونظرت لأمها وهزت راسها بالرفض

- لا يامامي بصي انا ماعرفش دي كانت مجرد كلمه ولا ح يعمل كده بجد بس انا كان لازم احكي لك انتي عارفة مش بخبي عنك حاجة  يالا بقى نتغدى علشان عايزة اروح اطمن على كركر واقعد معاها شوية قبل ما اروح الكافية

تناول الاثنان الطعام سويا بين ضحكاتهم ودلع مايسة لوالدتها وبعد أن انتهوا قامت مايسة كعادتها بترتيب كل شئ، بعد أن صنعت علبه مملؤة بالطعام لتعطيها لكريمة وبعد ذلك دخلت غرفتها وابدلت ثيابها وودعت امها ونزلت لكريمة وجلست معها قليلاً ثم اتجهت للكافية بعد ذلك واستلمت عملها من عبدالله وانصرف هو ليجلس مع حبيبته 

قامت مايسة كعادتها بالمرور على كل شئ حتى تطمئن على سير الأمور بشكل صحيح وبعدها جلست على مكتبها وبعد مرور بعض الوقت وجدت اشرف يدخل ومعه معتز وشخص اخر فوقفت واتجهت لهم 

- اهلا وسهلا نورتم فرد اشرف سريعاً 

- منور بوجودك يا انسة مايسة ازيك عامله ايه

- تمام الحمدلله اتفضلوا والتفتت تنادي على مسعد حتى حضر لها

- نعم يا ست البنات اؤامرك ايه ده انتم تاني 

فضحكوا الثلاثة معاً وردت مايسة

- خلاص يامسعد النهاردة غير يالا شوف طلباتهم يامسعد لو سمحت 

- تحت امرك يا ست البنات

- عن اذنكم انا رد معتز عليها

- بقولك ايه يا مايسة صينية البسبوسة في العربية اجيبها هنا ولا ح تاخديها البيت

- كبيرة 

- اه ياستي امي اول ماقلت لها انها ليكي عملت صينية قد البوتجاز 

- خلاص هاتها هنا لقمة هنية تكفى ميه 

- ماشي ياستي بقولك ايه يا مسعد ياخويا الله يكرمك تعال معايا الصينية تقيلة وكبيرة اسندها مع اخوك احسن العضمة كبرت باين 

ضحكوا جميعا ونظر له مسعد

- ياخبر ابيض العضمة كبرت وح تعمل ايه بقى يافالح ياللي ح تجوز كمان كام شهر 

- ياض ما انا بحافظ على شوية الصحة الفاضلين 

ضحكوا جميعا وتحرك معتز مع مسعد للخارج وتحركت مايسة لمكتبها ولم تلاحظ دخول ذلك الشخص الذي جلس وملامحه كلها لا تظهر منها شئ ولكنها تشعر ان هناك شيئاً غريب فقلبها يرسل نبضات سريعة لم تشعر بها من قبل الا في وجود رعد فأبتسمت وظلت  تنظر حولها ولكنها لم تراه فتجهم وجهها وجلست على مكتبها وقامت بفتح لوحتها التي رسمتها لرعد وظلت تعمل بها ولم تنتبه لذلك الشخص المريب الذي وقف بجوارها فانتفضت عندما شعرت به ونظرت له 

- خير يافندم

جعل ذلك الشخص المجهول صوته أجش فهو لم يكن سوا رعد 

- اسف على ازعاجك يا آنسة بس ممكن الاقي شاحن عند حضرتك

- موبيل حضرتك محتاج شاحن ايه انا اللي معايا Type C

- تمام مناسب جدا ممكن حضرتك تحطبة جانبك

- لا معلش للأمان حضرتك اتفضل الشاحن والترابيزة اللي هناك دي جانبها فيشة كهرباء

- متشكر جدا لذوقك عن اذنك

- اتفضل حضرتك

شعرت مايسة بدقات قلبها تتصارع فوضعت يدها على قلبها وأخذت تهدئ نفسها وبعد ذلك عادت لرسمتها مره اخرى

حتى اتي مسعد وهو يحمل صينية كبيرة بالفعل فور ان شاهدتها مايسة ضحكت ونظرت لمعتز 

- أيه يامعتز ده هي طنط عملت بسبوسة تكفى المنطقة كلها 

- يابنتي ماقلت لك انا اول ماقلت لها أن مايسة اللي طلباها طلعت الصينية اللي بتعملها في عزايم العيلة كلها وعملتها وكتاب الله انا اول ماشفتها قلت لها هو انتي عملتيها في البيت ولا ودتيها الفرن وكل ده علشان الست مايسة وياريتني ما قلت أهئ أهئ أهئ

ضحكت مايسة ومسعد ولم تلاحظ تلك النظرات التي تحولت لغضب 

- طبعا يابني مش اي حد حبيبتي ياطنط اتفضل بقى حضرتك قبل ماحد ياكل منها خد طبق وديه لخطيبتك وقلها مايسة بتقولك ابقى تعالى يا زفته وعقبال ماترجع ح اكون وزعت ونصيبك مع خطيبتك كله معاها

- تسلمي يامايسة فوريرة وراجع والتفت لاشرف واد يازفت راجع لك فوريرة 

- ماشي ياسيدي ماتتأخرش 

- لا مش ح اتأخر على ماتاكلوا البسبوسه اكون جيت

بدءت مايسة في التقطيع والتوزيع وقامت بإعطاء اشرف ومن معه طبقين كما اتجهت لتعطي رعد فرفع رأسه ونظر لها من خلف نظارته 

- متشكر لذوقك بس انا 

- بليز ماترفضش البسبوسة دي مش ح تدوقها في اي مكان فأخذها منها

وهنا ظهرت يده وفي نفس اللحظة كان اشرف ينظر اتجاههم فعرف ايده ونظر له بذهول

لقراءة أو تحميل رواية ماسه_حياتي الفصل الثالث من هنا 👇

لقراءه وتحميل الرواية كامله هنا 👇👇

1.  ماسه حياتي 

للتواصل 👇👇👇😘