روايه موده ورحمه الفصل الثاني عشر بقلم موروو مصطفي 
رواية موادة ورحمة البارت الثاني عشر
روايه موده ورحمه الفصل الثاني عشر
في شقة بيريهان تجلس بجوار أمير وهي ترتدي مايشبه فتيات الليل
- احسن حاجة انها عرفت ياميرو علشان تبقى زي زيها بقى وماتقلقش منها واهو مشيت كمان وبقيت معايا على طول حبيبي
- بيري بلاش تجيبي سيرة يمني فاهمة
- الله ياحبيبي هو انا قلت حاجة انا بقول اني مبسوطة انك ح تكون معايا على طول مش ح تمشي كل يوم وتسبيني وانت متسربع تروح لها... فكك بقي وانا ح اسهرك حته سهرة تنسيك اسمك ياروحي يالا قوم البس
- البس اروح فين يا بيري
- ح نخرج نسهر حبيبي يالا يالا وأخذت بيريهان تسوق الدلع حتى وافق أمير وارتدي ملابسه وخرج معها وذهبت به إلى مكان في فندق من الفنادق الفخمة وأخذت ترقص معه وطلبت لهم بعض المشروبات الكحولية
وانجرف أمير خلفها وهو يشعر انه يطير من السعادة من هذا العالم الجديد عليه فجاراها فيما تفعل وقرب الفجر انصرفوا وعادوا الي شقتهم وأخذته في جولة من جولاتها الغرامية حتى ذهبوا في النوم ولم يستيقظ سوي على هاتفه يرن والعصر يؤذن فأمسك الهاتف وصعق من الوقت وان الشركة قامت بالاتصال به فوق المائة مره فبهت ماذا يفعل والتفت الي بيريهان وجدها تنام فناداها
- بيري يابيري قومي فتحركت ببطء وهي تهمس
- في أيه بس حبيبي كمل نوم كمل نوم لسه بدري
- بدري ايه يابيريهان العصر اذن وانا راحت عليا نومه والشغل اتصل اكتر من مية مرة ادي اخرة السهر والتفت لها فوجدها عادت للنوم مره اخرى فنهض من جوارها وخرج من الغرفة وقام بالاتصال برئيسة في العمل وهو شاب مصري ملتزم
- سلام عليكم
- وعليكم السلام يا اخي انت فين يا أمير ده كلام هو انت فاكر نفسك شغال في طابونة ولا تكلم تعتذر ولا بترد على تليفونك
- اسف يا ريس والله المدام كانت تعبانة قوي ورجعنا بعد الفجر من المستشفي وراحت عليا نومه انا اسف والله ان شاء الله مش ح تتكرر
- تمام يا أمير ماشي خدلك كام يوم اجازة علشان مايبقاش عندك حجة
- متشكر ياريس
أغلق الهاتف وهو يبتسم فقد نفد وعاد للنوم بجوار بيري مره اخرى والتي استيقظت وظلت تداعبه وتتلمسه بطريقتها المثيرة حتى ذهب معها في جولة وراء الأخرى وبعدها أخذته مره اخرى الي السهر بالخارج ومرت الاجازة هكذا كل يوم وفي آخر يوم في الاجازة صمم أمير على عدم الخروج حتى يستطيع الاستيقاظ للدوام وامضوا السهرة في البيت واستنفذته بيري بقوة حتى ذهب في النوم واستيقظ مبكرا للعمل وهو يشعر بالاجهاد والتعب وهي نائمة فلم بجد ملابسة كما اعتاد من يمني ولم يجد طعامه وقهوته فتأفف وارتدي ملابسه على عجالة وذهب للعمل وبدءت الحياة تختلف معه وهو يتذكر كيف كانت يمني ترعاه وتهتم بكل شئ يخصه ووصل للعمل فنظر له رئيسه بذهول فليس هذا هو أمير الذي كان يأتي للعمل في قمة الشياكة والانتباه فأقترب منه
- أيه يا أمير واضح ان المدام تعبانة قوي فأرتبك أمير ونظر له محاولاً التحدث بشكل لائق
- فعلا ياريس
- طيب ربنا يشفيها يارب الحمدلله ان الفترة دي مافيش ضغط جامد يا أمير تقدر تكون جانبها وانا ح اغطي عليك بس اعمل حسابك بعد شهر من دلوقتي عندنا شغل من نار
- ان شاءالله ياريس ومتشكر جدا لحضرتك
- احنا اخوات يا أمير وولاد بلد واحدة ولازم نسند بعض اقعد شوية كده وبعدين اتكل روح
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
مر شهر على طلاق دنيا وتحرك المحامي لرفع قضاية النفقة والمؤخر وفوجئ ياسر وهو في العمل بموظفة العلاقات العامة تخبره ان هناك محضر ينتظر فخرج ياسر سريعاً
- افندم حضرتك انا ياسر حسين
- اتفضل حضرتك استلم الجواب ده وامضي لي هنا
- جواب ايه ده
- قضية مرفوعة على حضرتك من السيدة دنيا الألفي
- قضية من دنيا قضية ايه دي
- قضية مؤخر ونفقة امضي لي حضرتك ورايا مصالح كتير
مضى ياسر واخذ الخطاب وظل ينظر له بذهول فهو قد نسي اساسا ورقة الطلاق عند المأذون فكيف لدنيا ان علمت بها ووجد ان المحامي هو محامي والده ونظر حوله فوجد زملائه ينظرون له وهم يتحسرون عليه فأخفض وجهه وذهب الي مكتبة واخذ اشياءه و نزل وركب سيارته متجها لدنيا وبالفعل وصل إليها ودق الجرس عندها فلم يفتح الباب ولكن فتح باب هناء وكانت دنيا فنظر لها وهو يشعر باشتياق شديد لها ولكنه لم يجد في عيناها اي تعبير عن أي مشاعر فأقترب منها فنظرت له
- خير ياباشمهندس ياسر
- يااااااااه يادنيا خلاص بقيت باشمهندس
- اه ياباشمهندس وانا اسمي المهندسة دنيا اؤمر
- هانت عليكي العشرة اللي بينا ترفعي عليا قضية مؤخر ونفقه وتبعتيها للشغل هونت عليكي تفضحيني كده
ضحكت دنيا حتى دمعت عيناها ثم نظرت له بقوة وصرخت به بعنف
- هو انت بني ادم طبيعي ياباشمهندس يعني انت تجرح وتهين والمفروض انا اسكت وتطلقني غيابي وتبعت لي ورقتي على يد محضر علشان تفضحني في الشارع ولما ارد جي تلومني انت مجنون يابني أدم انت ماتقول لنفسك الكلام ده صنت انت العشرة حافظت على كرامتي أدام امك لا حافظت على حبنا لا راعيت مشاعري لا عدلت بيني وبين الهانم اللي اتجوزتها لا حتى لما طلبت منك الطلاق كنت منتظره حتى انك تبقى على الاحترام اللي بينا وتتفق معايا ونروح سوا ونخلص كل حاجة حتى دي ماعملتهاش البني ادمه اللي صانتك وحفظت عشرتك و كانت بتحبك وتتمنى لك الرضا كملت دوس وتجريح فيها والمفروض تسكت
كان ياسر يقف كعادته في حالة من الذهول حتى انتبه عليها تصرخ به
- جي لي وعايز مني ايه
- دنيا انتي بتقولي أن ورقة طلاقك جت لك على يد محضر
- لا بتبلي عليك حضرتك
- انا طلبت من المأذون يسيبها وانا ح اجيبها لك
ضحكت دنيا وهي تنظر له واضرب كف بكف
- طلبت من المأذون عارف ياباشمهندس انا رافعة القضية من شهر وطبعا المأذون اصلا علشان يطلع القسايم فيها اسبوعين كمان كل ده ومافكرتش تروح للمأذون يعني المفروض حضرتك مطلقني من شهر ونص وناسي يااااااااه هو انا للدرجة دي كنت مخدوعة فيك للدرجة دي انت... بص ياباشمهندس انا أخلاقي مش ح تسمح لي أقل أدبي مش علشانك ولا علشان كرامتك لتفتكر كده لا خالص علشان كرامتي انا وأخلاقي وتربيتي انا... انت انتهيت من الوجود بالنسبة لي خالص فاهم
- عندك حق يا دنيا قصدي ياباشمهندسة انا اسف على كل اللي عملته معاكي سامحيني ارجوكي انا فعلا ماستهلش واحدة زيك ارجوكي بلغي بابا اني عايزه
كان في ذلك الوقت يصعد حسين وهناء سويا وعندما استمعوا لصريخ دنيا وعلموا انها تصرخ في ياسر وقفوا حتى انتهت وصعدوا وهو يحتضنها وصاح بولده
- نعم يا ياسر عايز ايه التفت ياسر ونظر فوجد ذلك المنظر اتكلم افندم سمعك
- ممكن نتكلم وحدنا يابابا
- محدش غريب بنتي ومراتى
صعق ياسر ونظر لوالده ولهناء
- حضرتك اتجوزت طنط هناء طيب وماما يابابا
- اديك قلت ماما هي مامتك انت إنما طليقتي يعني انتهت من حياتي قول يا ياسر عايز ايه معلش يا دودو خدي ماما وادخلوا جوه
- حاضر يابابا بس حضرتك ادخل مايصحش تفضل واقف كده وانا ح اخد ماما وندخل نحضر الغداء كويس ان رحيق نايمة والأولاد مع يمني في النادي
دخلت دنيا ومعها هناء الي المطبخ ودخل ياسر الي المنزل مع ابيه فشعر بنفس الدفء الذي كان يشعر به مع دنيا في منزلهم فأخذ نفس عميق واغمض عينه
- اتكلم يا ياسر ادينا لوحدنا عايز ايه
- بابا قلتها كتير انا عارف بس صدقني المرة دي بجد انا فعلا غلط وحياتي كلها اتلخبطت من ساعة دنيا ماسبتني ساعدني يابابا ارجوك أصلح كل ده وصدقني ح اتغيير وح اعدل وح ادي دنيا اكتر من رانيا اصلا
ضحك ابيه بقوه ثم نظر له
- يابني انا عايز افهم هو انت دماغك دي فيها ايه يعني تطلق البنت وتسيبها شهر ونص وانت ناسي تروح تجيب القسيمة وتديها لها زي ماقلت وبعدين تعال هنا هو انت فاكر اني كان ممكن اخليها ترجع لك بعد كل اللي عملته روح يا ياسر روح يابني ربنا يهديك لبيتك انسى دنيا خلاص واوعى تفكر تردها والا قسما بربي ارفع عليك قضية خلع وابهدلك انساها يا ياسر لأنك انتهيت فعلا بالنسبة لها
وقف ياسر بذهول وهو ينظر لأبيه فأكمل حسين
خلاص الموضع منتهى يا ياسر روح يابني لبيتك ومراتك وابنك ولا بنتك اللي جايين وانسي دنيا وح اقولها لك للمرة الأخيرة ارحم نفسك وبطل تمشي وراء كلام امك
ضحك ياسر بحزن ونظر لأبيه
- خلاص يابابا مابقاش في حاجة تانية تعملها خلاص دمرت حياتي وانا وافقتها خلاص ضيعت دنيا من ايدي وانا ساعدتها بسكوتي وضعفي يبقى استاهل اللي يجري لي بابا بلغ دنيا تسحب القضية مافيش داعي بكره ان شاء الله ح اجيب لها كل مستحقاتها انا ماكانش في دماغي ده لاني كنت متخيل اني ح ارجعها لحضني تاني واردها لعصمتي بس خلاص انتهى زي ماحضرتك قلت بكره ان شاء الله كل حقوقها ح تكون عندها كان نفسي احضنها قوي اشبع منها ولو اني عارف اني عمري ماكنت ح اشبع بس انا استاهل اتحرم من كل ده علشان كسرتها وقبلت بكسرتها سلم لي عليها يابابا وارجوك قولها بلاش تفتكر لي غير الايام الحلوة اللي عشناها سوا
- مش عارف اقولك ايه يا ياسر
- ماتقلش يابابا انا اللي عملت في نفسي كده وانا استاهل ده سلام عليكم اه ومبروك يابابا الجواز طنط هناء انسانة ممتازة ح تعوضك كتير عن اللي شوفته مع الهام هانم
- مع السلامة يابني وابقى طمني عليك
- حاضر يابابا
انصرف ياسر وهو منهار فقد تيقن يقين قاطع ان دنيا انتهت من حياته ولن تعود له مرة أخرى ركب سيارته وتحرك هائما لا يعرف أين يذهب وفوجئ بهاتفة يعلن عن اتصال فرد
- ايوة
- انت فين يا ياسر
- اهلا الهام هانم
- أيه الهام هانم دي كمان انت فين ومال صوتك عامل كده ليه في ايه
- عايزة تعرفي في ايه اعرفك انفضحت في الشغل اني واطي وحقير وسافل طلقت مراتي وماديتهاش مؤخرها ونفقتها
- يعني أيه مش فاهمة
- يعني جالي محضر برفع قضية مؤخر ونفقة
- اما واطية وقليلة الأصل وفور ان انتهت استمعت لصوت فرامل السيارة بقوة وصياح ابنها بها
- هي اللي واطية وقليلة الأصل امال انا ابقى ايه فوقي وكفاية كدب على روحك وتصدقيه انا اللي، سمحت لك تهنيها وتجرحيها وسكت انا اللي قصرت معاها وحرمتها ابسط حقوقها انا اللي جريت وراكي ودبستيني في جوازه علشان قال مش صابرة وانا عارف دلوقتي وواثق ان حتى لو دنيا خلفت كنتي ح تعملي اي حاجة برضة علشان تحرمينا من بعض عمري ماشفت ام بتكرهه تشوف ابنها مبسوط وفرحان يارب تكوني مبسوطة دلوقتي يا الهام هانم سلام
أغلق ياسر الهاتف مع والدته بعد أن اخرج جزء مما يحمله داخله ناحيتهم وظل يتحرك بالسيارة بلا هدف
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
لم تتعظ الهام مما قاله ابنها بلا زاد حقدها على دنيا فذهبت الي غرفتها وقامت بارتداء ملابسها وخرجت لتذهب الي دنيا وهي لا تعلم أن حسين يقيم هناك وبالفعل وصلت إلى شقتها وظلت تطرق الباب بقوة وهي تصيح
- افتحي ياهانم افتحي الباب
فتحت دنيا من شقة هناء ووقفت والباب موارب
- افندم يامدام الهام هو انا مش ح اخلص النهاردة خير حضرتك عايزة ايه
- انا اللي عايزة ولا انتي عايزة ايه من ابني رايحه تفضحيه في شغله علشان يرجع لك لابعدك لما يكون اخر يوم في عمرك نظرت لها دنيا وهي تضحك
- مين يرجع لمين انا ارجع لابنك غلطانة ياهانم انا اللي رميته من ايدي مابرجعش امسكة تاني وانا رميته من حياتي كلها يوم ما دخلك حياتنا
- قليلة الادب طبعا مالكيش اهل مين ح يربيكي واطية وحقيرة وممشية الراجل الشايب العايب وراكي يرفع لك قضية على ابنه ومسمية نفسك محترمه
هنا فتح الباب بعنف بعد أن كانت دنيا تتمسك به حتى لا يخرج حسين لها وفوجئت الهام بحسين أمامها وهو يرتدي ترنج منزل ومنظره يوحي بالانفجار فارتدت خطوة للخلف ولكنه امسك بها من يدها بقوة حتى كادت اصابعه تلامس بعضها
- مين اللي قليلة الادب ومالقتش حد يربيها مين اللي واطية وحقيرة دنيا اتفووووو عليكي وعلى اصلك اللي مش موجود دنيا دي ضفرها بعشرة زيك انتي وابنك بقى انا راجل شايب وعايب وماشي وراءها
كانت كل جملة يقولها حسين يصفعها على وجهها حتى كاد يفتك بها لولا تدخل هناء ودفعه بعيدا عنها وإلقاء نفسها في احضانه حتى لا يعود لها وهي تهمس له ببكاء
- خلاص يا حسين علشان خاطري وحياتي عندك كفاية كده يالا ندخل كفاية ضمها حسين لصدره بقوة مقبلاً رأسها
- يالا حبيبتي يالا يا دنيا يابنتي حقك علي راسي حبيبتي
- مين دي ياحسين هنا نظرت لها ابنتها وهي تبتسم بسخرية
- عارفة مين دي يا الهام هانم دي ماما هناء مرات بابا يا هانم ياللي كنتي متخيلة انه ح يجي يبوس ايدك علشان يرجع لك ح اقولها لك من أعمالكم سلط عليكم كل اللي عملتيه في دنيا اتردلك اسوء منه اتردلك في بابا اللي سابك اتردلك فيا وفي اللي عمله جوزي اتردلك في ابنك اللي بسببك ح يعيش تعيس طول عمره روحي... روحي يا.... ياماما روحي وراجعي نفسك وحاولي تصلحي من روحك بدل الحقد اللي خلي حياتك سواد
سحب حسين يمني ونظر لها باحتقار
- عارفة المفروض لغاية ما اموت افضل اصلي كل يوم ركعتين شكر ان ربنا خلصني منك على خير ورزقني ملاك ينور دنيتي امشي من هنا يا مدام اتفضلي مع السلامة
انصرفت الهام وهي تشعر انها في دنيا اخرى لم تتخيل ان يحدث لها كل هذا وتواجهت للمنزل فوجدت رانيا أمامها فقصت عليها كل شئ
- يادي الخيبه ودلوقتي ياسر ح يجيب لها الفلوس دي منين
- اعتقد الشهادة اللي كانت الهانم عملاها له ح يفكها يادوب يديها حقها مؤخر ونفقه
- نعم نعم ازاي يعني وابني اللي جي لا بصي يا طنط انتي تتصرفي وتعملي اي حاجة
- ح اعمل ايه مافيش حاجة تتعمل خلاص انا عملت كل حاجة علشان اكسرها انتصرت هي في الاخر... رتبنا وخططنا وهي اللي كسبت رتبنا نشغله وينسي المأذون لحد ماعدتها تخلص وبلغت المأذون يبعتلها الورقه على يد محضر علشان اكسرها كسرت هي ابني وفضحته في الشغل رفعت عليه قضية روحت افضحها في البيت اتهنت انا واتذليت كنت فاكرة اني ح رجع حسين راكع وندمان رماني من حساباته واتجوز كل حاجة راحت كل حاجة راحت
كانت تتحدث هي ورانيا ولم يعلموا ان هناك من يستمع لهم ويشعر ان روحه تكاد تزهق حتى فوجئوا بـ ياسر يدخل عليهم ودموعه تغرق وجهه وهو يضحك ويصفق لهم بقوة
- يااااااااه ماكنتش اعرف اني عايش مع حية وعقربة يااااااااااه ايه كل ده عارفين انا ممكن اطلقك يارانيا وارميكي لكلاب السكك وانتي يا الهام هانم كان ممكن برضه اقولك روحي شوفي لك مكان تقعدي فيه لكن انتم بالنسبة لي اكبر عقاب ايوة اكبر عقاب وجودكم في حياتي اكبر عقاب ليا اني مشيت وراء أبالسة وسيبت ملاك كان منور حياتي... من هنا ورايح لو سمعت واحدة فيكم بتكلم ولا بتخطط لحاجة نهايتها ح تبقى ايدي ولا ح يهمني امي ولا ام ابني ياريت تخلوا بالكم من كلامي كويس تركهم واتجه الي غرفته ولكنه توقف ونظر لرانيا من النهاردة تلمي هدومك وتقعدي في الاوضة التانية مش عايز اشوف وشك جانبي فاهمة
هزت رانيا رأسها وجرت من أمامه ووقفت امه أمامه تمسكه من يده فنظر ليدها ورفعها من علي يده
- خير يا الهام هانم
- يابني انا عملت كل ده علشانك ضحك ياسر بقوة
- علشاني ولا علشانك وعلشان غلك وحقدك على دنيا عارفة ح تفضلي كده طول العمر عايزك تحسي انك السبب في تعاستي طول العمر
- ياحبيبي بكره تنسى ورانيا تنسيك الدنيا
- رانيا انتي السبب في ظلمها وظلمي انا عمري كله مش ح احب غير دنيا.... دنيتي اللي انتي حرمتيني منها للأبد ويا عالم ح اعرف اتعامل مع رانيا ولا لا انتي دمرتي حياتي بكل قسوة قال وانا كنت متخيل انك بتحبيني بس انتي مش بتحبي غير الهام وبس... عارفة انا مبسوط ان بابا اتجوز دوقي بقى اللى عملتيه في بنات الناس انا داخل اوضتي ولو واحدة فيكم هوبت ناحيتها ح تشوفوا وش عمركم ماشفتوه
انصرف ياسر الي غرفته وأغلق الباب خلفه وجلس يبكي فراق حبيبته وهو يتذكر ماذا كانت تفعل معه وكيف كانت تتمنى له الرضا فصرخ وهو يضع الوساده على فمه حتى لا يسمعه احد
- اااااه يا دنيتي ياللي روحتي مني ياريتني ماسمعت كلام حد ياريتك فضلتي انتي وبس اللي جانبي بس خلاص ايه ح يفيد البكاء على اللبن اللي اتعكر واتعكر بأسوء طريقة خلاص دنيتي راحت مني خلاص وانا المفروض استحمل اللي عملته في نفسي ده يارب ساعدني يارب
لقراءة أو تحميل رواية مودة ورحمة الفصل الثاني عشر من هنا 👇
لقراءه وتحميل الرواية كامله هنا 👇👇
للتواصل 👇👇👇😘
يُمكنك الانضمام لقناتنا على التليجرام
تعليقات
إرسال تعليق