روايه موده ورحمه الفصل الخامس والعشرين بقلم موروو مصطفي
رواية مودة ورحمة البارت الخامس والعشرين
روايه موده ورحمه الفصل الخامس والعشرين
ذهب ياسر الي الشركة وكان في مكتبه يقوم بعمله وفوجئ بدخول حلا عليه وهي مبتسمه ومعها كريم الذي فور ان رأي ياسر ترك يد حلا وجرى عليه سريعاً فحمله ياسر ورفعه للأعلى وهو يبتسم
- حبيب قلبي وحشتني ياكركر
- حضرتك كمان عمو
- روح عمو انت ح تقعد معايا في المكتب النهارده
- ايوة ماما وعدتني
رفع ياسر عينه ونظر لحلا بحب
- منوره ياباشمهندسة ازيك
- منور بوجودك ياباشمهندس انا تمام انت عامل ايه
- اقعدي وح احكي لك
وقص ياسر علي حلا كل ماتحدث به مع دنيا وبعدها مع والده وأمير وانه بطلب من بهاء نفسه فرحت حلا له وابتسمت
- مبارك يا ياسر انا فرحت لك قوي
- اسمها فرحتي لنا يا حلا من النهاردة بقينا واحد خلاص واعملي حسابك علشان تيجي معايا انتي وكريم علشان تتعرفي على ماما وتشوفي الشقة علشان الحق اوضب اللي انتي عايزاه فيها
نظرت له حلا وهمست
- بس انا مش عايزة حاجة تتغير يا ياسر
- بصي خلينا نتكلم في ده لما تيجي وتشوفي بنفسك الأول تحبي تيجي امتى
- اي وقت تحبه انا ماعنديش مشكلة
- خلاص خير البر عاجله النهاردة نطلع بعد الشغل على البيت عند يمني ناخدها ونطلع على ماما
- ماشي اللي تشوفه
نهضت حلا وهي تحاول حمل كريم
- يالا ياكوكي علشان نروح نشوف شغلنا بقي
- لا ماما كركر اقعد مع عمو انتي وافق
- حبيبي ما انت قعدت مع عمو اهو
- لا قعد مع عمو حدت روح باي
نظر ياسر الي حلا بحب وابتسامة
- سيبيه يا حلا قاعد معايا لحد مانروح ماتخافيش
- مش ح اخاف وهو معاك يا ياسر طيب يا كريم بلاش شقاوة ماشي ولما تعوز حاجة خلي عمو ياسر يكلمني اجي لك
- حاضر ماما كريم مش يعمل شقاوة خالص صح عمو
اقترب ياسر منه وحمله رافعا اياه للأعلى وهو يضحك
- صح حبيب عمو كريم مش بيعمل شقاوة يا ماما روحي انتي شوفي شغلك بقى ماتعطليناش
ضحكت حلا وقبلت وجنة ابنها وهمست
- ماشي ياسي ياسر علي الله ماتجيش تقولي امسكي ابنك اهو نظر لها ياسر بحنان وهو يحتضن كريم
- عمرها ما ح تحصل تفتكري انتي ممكن تعملي كده مع سيف ردت حلا سريعا
- لا يمكن ابدا سيف ده حبيبي
- وكريم كمان حبيبي يالا ياهانم روحي خلصي شغلك علشان عايزين نعدي الأول على بهاء في البيت امضي الأوراق لانه اخد اجازة النهاردة وقاعد جنب دنيا و بعدها ناخد يمني ونطلع على ماما
- ماشي ياسيدي حاضر سلام انا
- مع السلامة
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
يجلس بهاء بجوار دنيا وهو يطعمها وامامهم تجلس هناء وبهيرة ورضا التي لم تجلس منذ أتت فقامت بعمل عصير ورز بلبن وأتت ببعض الفواكه لدنيا وكل برهه تنظر لبهاء
- بهاء أكلها كويس وشربها مياة واعمل حسابك بالليل ح نروح لدكتور القلب لازم نطمن من اولها على قلبها
ينظر لها بهاء وهو يبتسم ويشعر ان دنيا ترغب في الصراخ بسبب الاكل
- حاضر ياماما اللي تشوفيه عايزين نقول لباهر
همست رضا بقلق وهي تنظر لهم
- تفتكروا ح يتقبل الموضوع عادي ولا ح يخاف
همست دنيا بحنان وهي تنظر لرضا
- ماما اسمحي لي انا اقوله واحنا كلنا مع بعض
- قوليله يابنتى يارب يعدي الموقف على خير يارب
- ان شاء الله ماتقلقيش ونادت دنيا على باهر الذي اتي لها مسرعا وهو يحتضن يد رحيق بحب
- نعم يامامتي
-تعال حبيبي عايزه اقولك حاجة واسمع رايك واجلسته على قدمها
- نعم ياماما
- بص يا هوبا انت بتحب قوي تلعب مع الاولاد في الحضانة ومع ولاد طنط يمني صح
- ايوة ياماما
- طيب حبيبي لو انا وبابا جبنا لك انت ورحيق اخ واخت تبقى مبسوط ولا زعلان
اخذ باهر ينظر لها وهو يضع يده على ذقنه 🤔🤔🤔🤔 وبعدها التفت لها وهو يبتسم بفرح😄😄😄😄 ثم تحدث بسعادة
- يعني ح يبقوا اخواتي كده زي رحيق همست دنيا
- ايوة حبيبي
فأخذ باهر يصفق بسعادة وهو يقبل دنيا ووضع يده على موضع جنينها وهو ينظر لها بحب
- يعني حضرتك حطاهم جوه دلوقتي زي ماما رحيق ما كانت حطه رحيق
هزت دنيا رأسها بحب وهي تحتضنه وتقبله
- ايوة حبيبي هما لسه صغيرين جوه
قفز باهر من على ساق دنيا واخذ يدور حولها وهو يقفز بسعادة
- طيب بسرعه بقى يا ماما كبريهم بسرعه علشان يطلعوا ونلعب معاهم انا وروكا
احتضنته دنيا بحب وهي تقبله في سائر وجهه
- حاضر حبيبي بس هما لسه عليهم شوية لما يجوا بس عايزاك بقى زي ما بتخاف على روكا كده تخاف عليهم وتعلمهم انت ح تبقى الكبير بتاعهم ح تاخد بالك منهم معايا مش كده يا هيبو
- ايوة ياماما وح اعودهم على كل حاجة حضرتك بتعمليها معايا انا وروكا ابتسمت دنيا وهي تحتضنه
- حبيب قلب ماما انت يا هيبو
- انا بحبك قوي ياماما وبحب ماما رحيق قوي كمان
- واحنا الاتنين بنحبك قوي حبيبي
كان الكل ينظر لهم والابتسامة تنير وجههم والدموع تترقرق في عين رضا ودنيا وبهاء عندما ذكرت رحيق
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
مضى الوقت وذهب ياسر وحلا وكريم الي منزل بهاء و وجدوهم جميعا يجلسون حول دنيا ويتسابقون على اطعامها فضحك بقوة فنظر له بهاء وابتسم وأشار له بالدخول فأقترب منهم وسلم على الجميع هو وحلا وجلس بجوار ياسر ومال براسه على بهاء
- هو انا ليه عندي احساس ان مدام دنيا عايزة تدور فيكم الضرب وضحك بقوة فضحك بهاء ومال عليه وهمس بصوت منخفض حتى لا تسمعه دنيا
- اصلهم من اول الصبح بيأكلوها تحس انهم بيزغطوا بطة ح يدبحوها بعد يومين وفجاءة شعر بلكزه في يده من دنيا وهي تنظر له شذرا
- وانت الصادق مش بطة دي بقرة ح يدبحوها على العيد
ونهضت فجاءة ونظرت لهم بتحذير وهي ترفع اصبعها أمامهم بغضب
- لو حد فيكم قرب مني حاجة تتاكل او تتشرب ح اعوره يا اما ح اجيب اللي في معدتي في وشه وهو حر بقى حرااااااااام عليكم مش قادرة ح فطس من الاكل
ضحك الجميع عليها ونظرت لها رضا
- ياحبيبتي هو انتي كلتي حاجة بس فصرخت دنيا
- عاااااااااااااااا حرام عليكي ياماما انتم من الصبح بتاكلوني بصوا عندكم ياسر وحلا اهم اكلوهم
فانتفض ياسر وهو يرسم الذعر
- أيه يا باشمهندسة هو حد قالك ان اسمي يسرية وبعدين ياختي انا لسه سنجل لما نتجوز انا والبت دي ابقوا اكلونا قوم ياباشمهندس امضي على الورق خليني اخد الوليه دي واهرب من هنا
انهار الجميع من الضحك وهم ينظرون له وهو يتحدث هكذا ونظرت له دنيا وهي تشعر انها ستنفجر من الضحك
- حرام عليك وربنا يعني افطس من الاكل او افطس من الضحك
- يارب أيامكم كلها سعادة المهم ياباشمهندسة
نظر له بهاء وامسكه من قميصه بضحك
- يابني هو انا مش قلتلك بلاها القاب
فنحي ياسر رأسه وتحدث
- خايف يبقى في اي حزازية فربت بهاء على كتفه وابتسم
- بص يا ياسر انا الحمدلله في عمري ده كله كان دائما عندي نظره في البني أدم اللي ادامي وبقدر اعرف واحس من عينه جواه ايه والحمدالله انت وقعت في كذا موقف ادامي وكلهم أثبتوا لي أن دنيا بالنسبة لك دلوقتي اخت مش اكتر بص يا ياسر في الأول خالص اما اخدنا قرار ان بابا ويمني وأمير يفضلوا معانا كان وجه اعتراضهم انت وساعتها انا قلت لهم ضيفكم جوه شقتكم عادي ودلوقتي اديك قاعد معانا وفي وسطنا لو عندي شك ذرة بس كنت عمري ما ح اسمح بقاعدة زي دي ف خلاص بقى الماضي انساه احنا ولاد النهاردة
رفع ياسر رأسه ونظر ل بهاء
- والله دي حقيقة وبتمنى لها من كل قلبي السعادة وتقوم بخير ان شاء الله ابتسم بهاء
- يبقى مافيش اخ بيقول لاخته ياباشمهندسة ولا لجوز اخته ياباشمهندس المهم كنت عايز ورق ايه يتمضي ولا اقولك تعال المكتب معايا انت وبابا وأمير خلونا نخلص الأوراق المطلوبه للشراكة المحامي جابها النهاردة
وبالفعل ذهبوا الأربعة الي المكتب الموجود في شقة الحضانة وجلسوا جميعا يتناقشون سويا وبالاخير مضوا جميعا على الأوراق ومضى بهاء على الأوراق التي احضرها ياسر وبعدها نظر ياسر لوالده
- بابا عايز اتكلم مع حضرتك
نهض بهاء وأمير وهمس بهاء
- المكان مكانكم خليكم براحتكم وقف ياسر ونظر له
- اقعد ياباش قصدي اقعد يا بهاء انت وأمير مش اغراب نظر له والده حسين
- خير ياحبيبي في ايه تنهد ياسر
- بص يابابا حضرتك عارف اني ح اتجوز حلا وانا مش عايز أكرر اي خطأ مريت بيه في حياتي دلوقتي حضرتك خلاص مقيم هنا انا ح استأذن حضرتك انقل عفش ماما شقتك واقعدها فيها وح اتفق مع يمني يا أمير انا وهي ناخد بالنا منها بالتناوب وكمان انا جايب لها ست غلبانة قاعدة معاها بترعاها ح اخليها تروح معاها
نظر له ابوه وربت على كتفه
- اتمنى يابني فعلا تبعد امك عن حياتك بس مش معنى كلامي ترميها لا طبعا والشقه موجوده وتحت أمركم ح ابعت حد ينضفها لما تقرب تنقل فيها ربنا يسعدكم ياولادي
- ربنا مايحرمني منك يابابا وانا طبعا ح افضل مراعيها بس انا اتعلمت الدرس خلاص
- الحمدلله حبيبي
- قلت ايه يا امير
- ح اقول ايه ياصاحبي مهما كان دي امي زي ماهي امكم انت ناسي انها ربتني معاكم
- طيب على بركة الله انا ح اخد حلا علشان تتعرف عليها وح اخد معانا يمني معلش يا أمير علشان مابقاش انا وهي لوحدنا
- عين العقل ياصاحبي وانا كمان جي معاكم والأولاد كمان بقى لنا كام يوم ماشفنهاش
- طيب يالا بينا نطلع دوشناك يا بهاء
- عيب يا ياسر احنا كلنا اهل ربنا يوفقك انت وحلا خلي بالك منها دي بت غلبانة وطيبة وصاحبة دنيا لو عملت لها حاجة دنيا ح تزعل ولو زعلت دنيا انا ح اعلقك
ضحك الجميع ونظر له ياسر وهو يرفع يده لأعلى
- وعلى ايه ياريس قلبك ابيض يا عم يالا بينا نطلع لهم بعدين نتعلق كلنا
ضحكوا جميعا وخرجوا سويا وهم يضحكون ونظر أمير لزوجته
- يالا يا مونيتي ادخلي غيري هدومك وتعالي علشان ح نروح مع ياسر ويمني عند ماما
- بجد حاضر حبيبي ادوني خمس دقايق بس
نظرت هناء لهم شذرا ووقفت واقتربت من ياسر وامسكت من مقدمة ملابسه
- أيه ياواد فاكر نفسك قاعد عند يهود اترزع لما تتغدى الأول فاهم نظر لها ياسر وكأنه خائف
- حاضر يا ريس ح اقعد وربنا اهو تحت امرك يامعلمي
نظرت له هناء وحركت يدها في الهواء
- ناس تخاف ماتختشيش قومي ياختي انتي وهي نحضر لهم الاكل فنظرت لهم دنيا شذرا
- حسكم عينكم حد يجي جانبي فاهمين
ضحك الجميع ونظرت لها رضا وهي تخرج لسانها
- اما نرجع من عند الدكتور كمان شوية ح تاكلي ماشي
- عاااااااااااااااا ياماما الرحمة حلوه
- هو ده اللي عندي يابنت فاهمة
- حاضر حاضر
كان الكل يضحك وجلس ياسر وحلا ومعهم كريم ياكلون وبعد أن انتهوا تحرك بهاء ودنيا ومعهم رضا الي الطبيب اما ياسر فاخذ حلا وكريم وذهب معهم أمير ويمني واولادهم وذهبوا لألهام
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
وصل ياسر الي والدته ومعه حلا وكريم وخلفه أمير ومعه يمني واولادهم وصعدوا جميعا للأعلى وجلسوا في الصالون حتى دخل ياسر ويمني لأحضار والداتهم وبالفعل خرجت معهم وهي تستند على يد ابنها وبنتها وقامت حلا وصافحتها هي وابنها وبعدها جلست الهام ومعها سيف يجلس على قدم ابيه وتكلم ياسر وهو ينظر لحلا بحب
- ماما اعرفك حلا وده ابنها العسل كريم تعال يا كركر سلم
فنظر كريم لوالدته فهزت رأسها بالموافقة فنهض كريم واتجه لياسر الذي حمله واجلسه على ساقه الأخرى وفور ان جلس كريم على ساق ياسر احتضن سيف وقبله بحب وهو يهمس له
- ازيك ياسيفو وحشتني قوي نظر له سيف وتعلق برقبته
- سيفو حب كارو
نظرت الهام لهم بحب فقد تغيرت وتبدلت تماما بعد أن أيقنت ان حسين ألقاها تماما وراء ظهره وشاهدت بنفسها كل حدث مع ابنها وابنتها والتفتت تنظر لـ حلا
- نورتينا يابنتي يارب تكون جوازه العمر لياسر وليكي حبيبتي ياسر طيب قوي وابن حلال مش علشان ابني بقولك كده لا يابنتي علشان هو كده فعلا واحد غيره بعد اللي عملته معاه كان رماني وماسألش فيا نظرت لها حلا بحنان
- اولا يا امي منور بوجودك وسطنا ثانيا ياسر فعلا ابن حلال ربنا يحميه وحضرتك حبيبته مايقدرش يعمل معاكي كده الا رضاكي يا امي
نظرت الهام لياسر وربتت على كتفه وكذلك يمني
- راضية عنه وعن اخته كل الرضا الحمدلله قومي يا يمني قولي لام ابراهيم تطلع الضيافة يابنتي وخليكي معاها
- عيوني يا امي حاضر تعالوا ياولاد اقعدوا أدام الكارتون يالا يا امل يالا ياحسين وانت ياكريم هات سيف وتعال
خرج الأطفال كلهم وراءها واجلستهم وقامت بفتح الكارتون لهم وعادت بالضيافة مره اخرى وجلست معهم بعد أن أعطت الاولاد جميعا حلويات وجلست معهم ام إبراهيم لترعاهم وبعد قليل نظرت الهام الي ياسر
- قوم يابني فرج مراتك على شقتكم حبيبي
- حاضر ياماما تعالي ياحلا تعالي معانا يا يمني
ذهب الثلاثه وقام ياسر بمشاهدة الشقة كامله مع حلا ويمني وعادوا مره اخرى فوجدوا أمير يجلس بجوار الهام ويحتضن يدها بحب ويتحدثون سويا فجلسوا جميعا مره اخرى والتفتت الهام لحلا
- أيه رايك يابنتي في الشقة
- حلوة قوي هو حضرتك تسمحي لي اقولك ماما ابتسمت الهام
- طبعا يا حبيبتي ده يسعدني
- مانحرمش منك يا ماما
- بصى بقى علشان تبقى عارفة الأوضة اللي انا فيها دي بعد كده عايزاكي قاطعتها حلا
- ثواني يا ماما قبل ما تكملي كلامك هو ايه اللي بعد كده دي
- ياحبيبتي انا ان شاء الله قبل ما تتجوزوا ح اخلي ياسر يشوف لي دار مسنين كويسة اروح اقعد فيها فنظر لها ياسر
- ليه ياماما اللي بتقوليه ده دار ايه وبتاع ايه
- ياحبيبي انا كده ح ابقى مرتاحة صدقني
- بصي ياماما انا كلمت بابا فعلا وهو قالي شقتك موجوده
وقبل ان يكمل وقفت حلا ونظرت لهم
- كلام ايه اللي حضرتك بتقوليه يا ماما وانت كمان يا ياسر شقة ايه وبتاع ايه ماما مش ح تمشي من هنا رجلها في الشقة دي قبل رجلي والا انا مش ح أوافق على الجواز
نظر الكل لها وحاول الجميع التحدث معها ان هكذا افضل فنظرت لهم
- وانا مش موافقة ماما مش ممكن تسيب البيت ابدا وبعدين انا واثقه اننا ح نكون مرتاحين سوا واوعدكم لو انا اضايقت او ماما اضايقت نبقى نفكر في موضوع النقل ده غير كده ماعنديش بنات للجواز اه
ضحكوا جميعا وفتحت الهام يدها لها وهي تبكي فجرت حلا عليها تحتضنها وتقبل رأسها
- ربنا يحفظك يابنتي اكيد عرفتي اني كنت السبب في خراب بيت ياسر من دنيا والحق يقال كانت بنت ولا كل البنات عمرها ما زعلتني ولا علت صوتها عليا ولا اشتكت مهما عملت فيها وفي الاخر اتجوز واحدة طلعت حيه تعبتني وبهدلتني وكنت بخاف اشتكي لياسر يفتكر اني بخرب عليه تاني لغاية ما طلقها لكن عهد عليا يابنتي ح تبقى عندي اغلى من ولادي انا اتعلمت الدرس خلاص وليا طلب واحد انا عارفه انك صاحبة دنيا بالله عليكم عايزة اروح لها عايزة استسمحها علشان مافضلش شايله ذنبها على كتافي انا عارفة ان ربنا عوضها باللي احسن من ياسر وبقوا صحاب كمان بالله عليكم خلوني اروح لها كانت الهام تتحدث ببكاء يقطع نياط القلب
كان الكل صامت ولا يعرفون ماذا يفعلون فـ الهام اهانت دنيا كثيرا ولكن تكلمت حلا
- انتي تؤمري ياست الكل ح اخليها تيجي لحضرتك هنا
- لا يابنتي انا اللي لازم اروح لها كلميها بالله عليكي ولو كده فرصه أمير مع ياسر يسندوني
- حاضر يا امي
قامت حلا بعيدا وقامت بالاتصال بدنيا وقصت عليها كل ماحدث وما طلبته الهام وكيف كانت تبكي فأخبرتها دنيا انها ستخبر بهاء وتعاود الاتصال بها وبالفعل اغلقت معها وعادت لهم وابلغتهم ما قالته دنيا
اما عن دنيا فاقتربت من بهاء وكانوا يجلسون جميعا وقصت عليهم ما حدث فصمت الكل حتى وقفت بهيرة واقتربت من دنيا وبهاء
- سامحتي ياسر يادنيا وانت يا بهاء وبقي موجود معاكم وشريك معاكم في شغلكم سامحوا ياولاد محدش عارف بكره في ايه وانت يا حاج حسين انسي وسامح
صمت الجميع قليلا وتحدث حسين
- والله انا سامحت خلاص خصوصا اني عرفت انها اتغيرت فعلا بس الكلام في ايد دنيا وبهاء انا ماليش فيه يا ست بهيرة
نظرت بهيرة لابنها
- ها يا ابني قلت ايه وقف بهاء ونظر لدنيا
- قومي يادنيا البسي مش ح نخلي ست كبيرة تيجي لك بنفسها يالا حبيبتي ح نروح سوا بس انتم بقى خلوا بالكم من الاولاد
رد الجميع في عيونا وصعد بهاء ودنيا وارتدوا ملابسهم وكانت دنيا في حالة صمت فأقترب منها بهاء وهمس
- مالك ياقلبي مضايقة اننا رايحين هناك نظرت له دنيا وارتمت في احضانه تطوقه بيديها وتضع رأسها على صدره
- لا ياحبيبي خالص بس خايفة من مقابلة طنط الهام
- حبيبتي ماتخافيش انا معاكي
- ماشي حبيبي يالا بينا
تحرك الاثنان للذهاب إلى الهام بعد أن أخبرت دنيا حلا برسالة وطلبت منها عدم ابلاغهم ومحاولة تأخيرهم حتى لا ينصرفوا و ردت حلا انها ستقوم بالمهمة وبالفعل عندما شعرت الهام ان رد دنيا تأخر نظرت لهم
- ماردتش اكيد طبعا زعلانه عذراها بس انا ح افضل وراها طول ما فيا نفس لغاية ماتسامحني ردت حلا
- ياماما ماتشغليش بالك مافيش أطيب من دنيا وجوزها ح تلاقي بس بهاء مش موجود ولا حاجة نظر لها ياسر بتعجب فغمزت له فأبتسم متصورا انها تقول هذا حتى لا تحزن والدته
لقراءة أو تحميل رواية مودة ورحمة الفصل السادس والعشرين من هنا 👇
للتواصل 👇👇👇😘
يُمكنك الانضمام لقناتنا على التليجرام
تعليقات
إرسال تعليق