حوار صحفي مع الكاتب حسام سوفا بقلم الصحفية رنيم العشري
حوار _ رنيم العشري
على غير عادة الحوارات الصحفية التي نستهلها بتعريف الشخص صاحب الإنجاز وليس الإنجاز ذاته، سنفعل اليوم الطباق ونتعرف على العمل والانجاز، مرحبا بك حدثنا عن رواية فيلو فوبيا.
_ من أين الهمت بفكرة فيلو فوبيا ؟
(الفترة الحالية معظم الشباب في الجامعة او المراهقة او حتى بعد كده بيمروا بحالة حب و يمكن حاجة قديمة تخليهم مقيدين عن شخص جديد يقدروا تحت عنوان مثلاً جملة بتتقال اليومين دول مش قادر اتخطى الشخص القديم عشان اكون معاك مع ان الشخص القديم مش بيقدم لينا اي حاجة و قدامنا شخص جديد ملاك بجناحات و يقدر يخلينا أسعد اشخاص في الدنيا بس بنرفض بسبب خوفنا من تكرار العلاقة السابقة فده مرض الفيلوفوبيا و الفكرة استوحيتها من علاقات كل اللي حوالينا من صحاب و حتى نفسنا الشعور صعب و ممكن أقدر اقول برضو الشخص اللي كاتب عشانه اهداء الرواية)
_ متى بدأت العمل على رواية فيلو فوبيا ؟
(الفكرة كانت عندي من بدري بس بافكار مختلفة و اسماء مختلفة لحد ما جالي دافع بالظبط من ست شهور من دلوقتي اول امتحان ميدترم بالنسبة ليا في السنه التالتة في الجامعة كنت بخلص بسرعة الامتحانات عشان اقدر اكتب و عملت كده )
_ بعد الحديث الموجز عن رواية فيلو فوبيا يشرفنا جميعا أن نتعرف على كاتب الرواية.
حسام أحمد (حسام سوڤا)
واحد و عشرون عاماً
من القاهرة عين شمس
_ ماذا يمثل علم النفس بالنسبة للكاتب حسام سوڤا ؟
علم النفس بالنسبه ليا بيمثل الاهتمام أقدر أفرح شخص أقدر أراقب حد و اعرف تفاصيله و متوقع رد الشخص قبل ما يقوله ليا من كتر حبي للشخص بقيت جزء منه جميل أوي و لغة الجسد أجمل
حوار صحفي مع الكاتب حسام سوفا بقلم الصحفية رنيم العشري
_ ما رأيك بالحب من طرف واحد ؟
هو حلو شعورك في الحب من طرف واحد ذاته حلو انك بتحاول تقدم كل حاجة لشخص بهدف انك تفرحه أو مثلاً تبقى حافظ الشخص من قبل ما يتكلم انت تعرف تفاصيل حياته بس الصاعقة بتنزل علينا وقت ما بتفتح العيون على الحقيقة و ان الشخص ممكن متكونش فارقله أو مش شايفك صعب بس بنستمر علي قد ما نقدر نتصرف عادي رغم الوجع اقدر اختصرها ب حرب لا يعلم عنها أحد سوى الله
_ نصيحة الكاتب حسام سوفا لشخص متعلق بحب من طرف واحد ؟
لو شايف ان تعبك في منه أمل لو 1% كمل عشان لما تخلص متلومش نفسك انت عملت اللي عليك و بعدين تخطى كل حاجة براحتك
_ ماذا وإن كان الحب هلاك وليس دواء وجمال ؟
لكنت أكملت الأبحار فيه حتى لا أخيب أملي البحر جميل من بعيد بس لما بننزل فيه هو ده الاختلاف في اللي بيغرق و في اللي بيكون سباح و في الجبان اللي في الاصل مش عايز يجربه
_ فوبيا الحب، ماذا ترى بهذه الكلمة ؟
رعب و عياط كتير بالليل و اني فارغ و اني تايهه مش عارف الشخص عايز ايه فبيخليك تخاف من الحب أكتر شعور مؤلم سؤال "طب الشخص ده بيحبني ولا لأ أنا بضايقه؟ " و دي مشكلة أصحاب امراض التفكير الزائد و أنا منهم
_ ما نوع الروايات والأعمال المفضلة بالنسبة للكاتب حسام سوفا ؟
أعمال ستيف كينغ
و عندما يعزف الشيطان و مركب عم جابر ليحى عزام
و رسائل من القرآن
حوار صحفي مع الكاتب حسام سوفا بقلم الصحفية رنيم العشري
_ اخبرنا بمجال دراستك ؟
في حالياً في أواخر السنة الثالثة من كلية تجارة قسم اللغة الانجليزي جامعة بنها بالعبور و مدينة السادات سابقاً
_ ماذا يفضل الكاتب حسام سوفا فى الكتابة، السرد والحوار العامي أم الفصحى أم الجمع بينهم؟
عن نفسي اتجهت للسرد العامي لأني بقدر أعبر اكتر بس لو أتكلمت عن الحب بستخدم الفصحى لجمالها
_ أنا شخص يخشى الحب فما نصيحتك التي تريد توجيهها لي؟
لو الشخص يستحق الحب أقدم و حارب لأخر نفس بس متقتلش نفسك الحب كالوردة البيضاء تزول قيمتها عندما تلطخها بدمائك
_ ماذا ساهم فى تشكيل رؤيتك؟
الحب بدون مقابل و الخيانة
_ ما الذي يمثل الإلهام بالنسبة لك؟
شخص تحبه حتى ان كان من طرف واحد
_ ما الذي تمثله الزهور فى حياتك؟
الجبسوفيليا الوردة دي بتمثلي حاجات كتير
_ إن كنت ستمنح أحد لقب المثالية فمن سيكون؟
مصطلح غير موجود عندي الاشخاص نصفين مكملين لبعض أنا مؤمن اننا قبل ما نتولد كنا أرواح بتكمل بعض و بتنزل للدنيا عشان تتلاقى
_ هل يود الكاتب حسام سوفا شكر شخص ما؟
ملهمتي القصيرة و اصحابي عشان استحملوا كلامي و رغيي الكتير و توتري و تفكيري الزائد
_ كونك شاب وروائي ما هي نصيحتك للشباب والمراهقين؟
جملة بمشي بيها و بديها لأي شخص بيطلب نصيحة اختلق الفرص من العدم وبس اختلق و اعمل و حط خطر لو ده هينجحك اعمله
لو عايز تكلم حد اعمل أي حاجة هتكلمه
_ ما رأي الكاتب حسام سوفا فى التعامل مع دور النشر فى الوقت الحالي؟
بشكر دار المثقفون العرب عشان عجبتهم روايتي و فكرتها الجديدة البعيد عن الرعب او الرومانسية و دورت كتير جداً فاكتر من دار بنصح الكتاب لو هتتعاملوا مع دور اتعاملوا مع الانسب و اللي تقدروا تنجحوا معاهم و يهتموا بيكوا اولاً و مش الفلوس
_ هلا اطلعتنا على اقتباس من رواية فيلو فوبيا؟
أقرب اقتباسين
(ابتسم راجي وقال جواه:
" مكنتش محتاجة فستان عشان تبقى أميرة ولا حتى تاج عشان تكون ملكة ولا احتاجتني عشان تبقى بنت كل اللي احتاجته تبقى أميرة وملكة وبنت ")
و
(خد عم إبراهيم راجي للمسجد وراجي حس براحة نفسية ودعى ربنا في ركوعه لربنا
" اللهم اني أحببتها وأنت من وضعت حبها في قلبي وقدرت لي أن أحبها اللهم أجعلها أسعد خلقك واللهم أجعلها من نصيبي واجعلني من نصيبها وضع حبًا لي في قلبها "
راجي الدعاء ده امه علمته يقوله اول ما حب بنت وقالتله لو حبيت بنت من قلبك قوله وانت بتصلي)
_ فى الختام اخبرنا عن هواياتك وكيف تقضي يومك، وخطتك القادمة.
هواياتي بروح للجيم كتير عشان الكتاب معروفة ضهرهم بيوجعهم من الكتابة الطويلة و يومي عبارة عن جامعة و دراسة ووقت اتأمل فيه أي شئ بحبه من اشخاص او أماكن خطتي القادمة بعد معرض بغداد القادم للرواية و المعارض الدولية احتمال افكر في رواية جديدة
_ تشرفت كثيرا بالتحاور مع شاب مجتهد وكاتب جيد مثلك.
و أنا اتشرفت اني اتحاورت مع شخص شاطر جداً زي حضرتك شوفت كذا حوار مع كتاب تانين
الروايه جامده بجد ومن نجاح لنجاح يارب ♥️
ردحذف