سكريبت ضحية مجتمع بقلم صبا البغدادي احتفاليه الاقلام الذهبية

 سكريبت ضحية مجتمع بقلم صبا احتفاليه الاقلام الذهبية 

سكريبت #ضحية_مجتمع 

سكريبت ضحية مجتمع بقلم صبا البغدادي

 احتفاليه الاقلام الذهبية 

المجد للقصص والروايات 

هي جميلة الروح أحلامها بتطاير زي الفراشات حوالين أوضتها الصغيرة اللي الجدران بتاعتها تشهد عن أحلامها الوردية فـ هي تحب الرسم وتحب الكتابة بس هي للأسف 

صعقة كهربائية فـ قلبها انهت حياتها صوت صراخ مش مسموع كأنها حالفة تكتم الدموع دارت عيونها بـ أيديها وكتبت علي الجدران أنا البنت اللي أحلامها قلبت بكابوس ....

_طلعت الشمس تعلن عن يوم جديد ف حياة غرام ...

_غرام بنت كلها حيوية ونشاط بتحب الرسم والكتابة رغم أنها ف مرحله الثانوية بس دايمًا بتلاقي وقت للرسم تمسك قلمها وتطلقة للعنان وترسم حروفها قامت من علي سريرها تصلي ركعتين الصبح وبعدها تروح مدرستها ذي أي بنت ف سنها ..

_غرام: صباح الحلو ياعم الحلو 

_ابوها بحب:. صباح النور علي أحلى غرام

_غرام بضحكه بسيطة : فين ماما ياسليم

_الاب بضحكة : سليم كدا خلي امك تسمعك 

_جات أمها من وراهم علي آخر جملة ..

_خلاص طالما أنت معودها علي كدا أنا مش هتكلم ..

_قامت غرام باستها علي خدودها وحضنتها ...

_: أحلى ماما دي ولا أي ..

_الام:. بكاشه اووي يلا بس افطري عشان تلحقي مدرستك 

فطرت غرام في جو أسري سعيد سابت وراها ضحكة أب ودعوة  أم تلاحقها ومكنتش تعرف أن آخر ضحكة هتشوفها علي وش بنتها البريئ إحنا بقينا ف زمن بنخاف ننزل في أي مكان لوحدنا البنت لنظرة الشباب سلعة ميعرفوش أن ذنب اي بنت إنتحرت بسببهم ذنبها في رقبتهم لحد يوم الدين بقا عادي عند معظم الشباب المعاكسه للبنات والضحك عليهم تحت مسمي الحب ....

_دخلت غرام المدرسة تسلم علي صحبتها الأنتيم مرام في هما متشابهين حتي في حروف الأسامي بس حياتهم تختلف عن بعض كل بنت نشأت في بيئه بتمثل بيئتها عشان كدا لازم كل أم وأب يطلعوا أولادهم ساوين وبلاش تربوا فيهم الخوف عشان ده أول طوبه غلط اتبنت في حياة البنت صاحب بنتك خليها عيونك اللي بره تنقل لك كل حاجة بدون خوف لو حصل موقف معاها تكون عارفة وراها سند هيجيب حقها متخفش تعمل حاجة غلط وحد يقولها هقول لاأبوكي لا هي اللي تيجي تقول لك حصل مني كذا وكذا ويكون رد فعلك بذكاء وتعرفها الغلط من الصح  بلاش الزعيق علي غلطه غلطتها بسيطة عشان يوم ما تقع عليها الكبيرة هتكون متشارك الغلط ده لأنها خافت تحكيلك تزعق تاني  مش غلط أننا نغلط ونتعلم ماهو لو مكنش الغلط مكنش هيتولد الصح الليل قبل النهار الضلمة بتيجي وراها نور فـ بتالي الغلط وراه الصح كل واحده تسيب بصمتها وبعدها تتعلم من غلطها صاحبوا أولادكم عشان متبكوش علي اللبن المسكوب....

_مرام بتكلم بعصيبه من تأخير غرام..

_كل ده ياغرام تأخير 

_غرام:: كنت بفطر وماما اتأخرت في الفطار أعمل إيه يعني؟!

_مرام: مامتك دي بحسها شديدة شوية مش زي باباكي متفاهم كدا 

_اتنهدت غرام وقالتلها .....

_ اعمل أيه هي مش بتفهمني ومش بتسيب لي فرصه احكيلها حاجة ..

مرام بصعبانية علي صحبتها الوحيدة ...

_معلش اهو عندك باباكي بتسردي حياتك كلها معاه في قعدة شاي ...

غرام بضحكة :: بابا ده نقطة ومن اول السطر ده اللي من عنده ببدأ يومي ومن عنده برضه بنهي يومي ..

_مرام:. طب يلا ياماما يلا ياحبيبة ابوكي انتي أتأخرنا علي أول حصه ..

_خدت مرام صحبتها ودخلت الفصل وحضرت أول حصة وبعد وقت طويل أنتهت من اليوم الدراسي وجه ميعاد الخروج من المدرسه ويرحوا البيت وهما ماشين في الشارع مسلموش من كلمات بعض الشباب والمعاكسه ...

_غرام بغضب:. انا مش عارفه بيستفادوا اي كدا ..

_مرام :. سيبك منهم ولا اكنهم ماشين ورانا خلينا نوصل البيت بالسلامة مش ناقصين كلام الناس ..

_غرام:. والله الناس دي تيجي تعيش حياتنا هما مش بيوصلهم واحد ف المئه من اللي بنمر بيه لو كل الناس فضلت في حياتها ودعت الخلق للخالق هنكون مجتمع سوي بجد يعني لو جيبتي  ورقة بيضه وجوها نقطة سوده وجيبتي حد يقول لك فيها إي هيقول لك نقطة سوده مش هيشوف الورقة البيضه يعني لو حد معدي بالصدفة وشاف الولاد هيقولوا شوفوا غرام ومرام ماشين معاهم الناس ليها مظاهر بس انا مؤمنة جدا بـ كما تدين تدان دعٍ الخلق للخالق...

_مرام : يااااه كل ده جواكي ياغرام 

_غرام بتنهيده:. ومعرفش وصلت للقمة الوجع ولا لسة ؟!..

_ووصلت كل واحدة فيهم لبيتها ترتاح من تعب اليوم الدراسي ..

_مرام:. ماما بابا إنتوا فين انا جيت 

_الاب:. دائمًا كدا تفتحي الباب بالمفتاح وتتسحبي تغيري هدومك وتفزعينا بصوتك 

خرجت الام علي صوت بنتها مرام ...

_فيها إيه لما تملي البيت بصوتها ربنا يحميها يارب 

_الاب : يارب هي وبنات المسلمين اجمعين..

بصت الام لبنتها شافتها مهمومه ...

_مالك يامرام ياحبيبتي حد مزعلك؟!

_الاب : حد يزعل بنوتي الحلوة وانا عايش !...

مرام بصتلهم بحب وحمدت ربنا علي أهلها اللي دايمًا جنبها ف أي حاجه وبيساعدوها ..ما هو لو أولادنا ملقوش السند من الأهل هيلاقوا فين حبوا أولادكم عشان يكون جيل قائم علي الحب والمودة ...

_مرام: قلقانه علي غرام اوووي ..

_الاب:. ليه يابنتي مالها !.

_مرام:. ف اتنين من الشباب كانوا ورانا بس احنا مهتمناش ومشينا علي طول وهي متعوده تحكي كل حاجه لباباها لكن مامتها صعبه اوووي بتصدق أي حاجة ...

_الام::. لا حول ولا قوه الا بالله العلي العظيم اتصلي بيها يابنتي أ طمني عليها...

في بيت غرام كانت بتحكي لباباها اللي حصل أ نهاردة وفجأه  امها سمعتها ودخلت بغضب ...

_ أكيد أنتي ماشيه تضحكي بصوت عالي في الشارع ولفتي نظرهم ..

_غرام ببكاء : والله محصلش أنا متربيه كويس وملتزمة بكلام ربنا أن اغض بصري ولا يجوز مصافحة الشباب ..

_الام :. لكن هما هيمشوا وراكم ليه ..! 

_لسه غرام هترد سمعت الباب بيخبط قامت أمها تفتح شافت جارتها اللي جت جري تقول لها أن شافت بنتها ماشيه مع ولد ..

_الام: أنتي بتقولي أي ياأم نعمه بنتي أنا أستحالة تعمل ده 

_ام نعمه :. انا شوفتها يااختي محدش قالي..

خرجت غرام من اوضتها علي صوت أم نعمه ..

_غرام منهاره من البكاء: حرام عليكي ده إسمه رمي محصنات أنتي عندك بنت زي حرام عليكي أنتي شوفتيني بعينك وأنا مع الولد!!

_مشيت ام نعمه وسابتهم وهي ماشيه من_مشيت ام نعمه وسابتهم وهي ماشيه من عندها قالتلهم ..

_ بنتك بترد عليا ياأم غرام دي تربيتك ليها؟!..

_قفلت الباب ودخلت هي وغرام ...

_الاب: أنا عارف بنتي كويس ومربيها علي أي ياأم غرام 

_الام: أهو دلعك ليها ده اللي مخليها كدا مناخرها في السما 

_الاب: أخلاقها وتربيتها هما اللي يخلوها مناخرها للسما ورافعه رأسها كمان ...

_الأب بص علي بنته المنهارة وراح أخدها في حضنه وباسها علي رأسها ....

_متزعليش ياحبيبة بابا انا عرفك كويس 

_ابتسمت غرام لاأبوها وحضنتوا جامد تستمد القوه منه

_الأب : بتضحكي يعني !

_غرام : أصل انهاردة ه في المدرسه لما أتأخرت شوية مرام قالت لي يلا ياحبيبة ابوكي ..

_ضحك أبوها علي براءه بنته ..

_ مرام دي عندها حق انتي حبيبتي ..

_غرام وهي تمسح دموعها : وأنت حبيبي يابابا أنا بحبك اوووي 

_الأب بتنهيده : متزعليش من أمك ياغرام هي خايفه عليكي 

_غرام :. ساعات الخوف الزيادة بيموت صحبه الكلام من حد غريب  بيوجع لكن من أهلك  بيموت ومفيش أهل بتقتل أولادهم  يموتهم اه لكن يقتلوهم لا ممكن يموته من الكلام اللي يقولوا يقوم يرد ف قلبه يموته ..من موقف مش مستنيه منه ويعمله ف يوم يموته من القهره ..الردود الصعبه بتموت المواقف اللي بتخذلنا بتموتنا حرفيا2 الأفعال وكلمة لا مش ممكن يعملوا فينا كدا وتتعمل بتموت والله بتموت ...بلاش القسوة  مهما حصل

_الاب: يااااه كبرتي اوووي ياغرام 

_غرام : عمرك وانت في البطاقة غير عمرك وأنت قدام المرايه غير عمرك لما تقع في مشكله والكل يتهمك فيها بالباطل بتكبر فوق عمرك عمرين والله ممكن المواقف دي تخلينا ننضج شويه بس انها تعجزنا صعبه اوووي الضربه من حد قريب وخصوصًا الأهل بتكون في مقتل ...

_الاب :. كفايه كلام أنتي راجعه تعبانه قومي كُلي وان شاءالله كله هيبقا خير ..

قامت غرام تغير ملابسها وقعدت معاهم علي السفره الطعام وفجأه رن موبايلها وكانت مرام بتطمن عليها ..

_مرام:. عامله إيه ياحبيبتي 

_غرام :كويسه الحمدلله في حاجة ولا إي؟!

_مرام: كنت عايزاكي تشتري معايا فستان احضر بي خطوبه أبن عمتي 

_غرام بصت لاابوها تستأذن منه تخرج مع مرام ..

_الأم :. لا طبعًا مفيش خروج انتي ثانوية عامه

_الأب : سبيها تروح مع صحبتها يشترو فساتين ويرجعوا بسرعة ..

_الأم : براحتكم أعملوا اللي شايفينوا صح 

_غرام: شكرًا اوووي يابابا أن شاءالله مش  هتأخر ..

_وقامت غرام تلبس ومش عارفة أنه هيكون اخر يوم تودع أهلها كأنها بتسابق الموت ..

_غرام قبلت مرام في محل الفساتين وكانوا بيغيروا ويشوفوا المقاس المناسب ليهم واختاروا الفساتين المناسبة ودفعوا فلوسهم ومشيوا رجعوا علي البيت...

_ بعد يومين من نزول مرام وغرام الأم كانت تتواصل مع اختها عبر الفيس بوك وفجأه شافت بنتها بتلبس وتقلع وتغير ملابسها قامت جري علي اوضة بنتها توريها الفيديو 

_إنصدمت غرام لما شافت الفيديو وحاولت توضح الموضوع لأمها بس أمها قفلت ودنها وفضلت تضرب فيها لحد ما الأب جه من الشغل وفتح الباب وجري علي صوت بنته وصريخها

_الأب : في إيه بتضربيها ليه؟!

_ الأم : بنتك جابتلنا العار شوف الفيديو ده 

_الأب شاف الفيديو وإنهار بس تمالك أعصابه قدام بنته المنهاره هو عارف بنته كويس ...

_ ليه تفسير ده ياغرام؟!

_غرام: والله يابابا كنا بنقيس الفتساتين أنا ومرام 

_الأم : وليه أنتي بس اللي ظهرتي في الفيديو ؟!

_غرام ببكاء: والله مش عارفة انا معرفش ده ازاي حصل 

لسه الأب هيتكلم سمع صوت الباب بيخبط وكانوا أهل مرام جاين يطمنوا علي غرام بعد ما شافوا الفيديو ومرام قالتلهم كانوا بيقسيوا الفسااتين ونزلوا قدموا بلاغ في المحل ولسه الإجراءات شغاله بس حكم أم غرام صدر وغرام هتدفع التمن وهيكون حياتها بسبب أم غير سويه..بتصدق كل ما يقال عن بنتها تربيتها اللي قدام غلطه ومتعبترش غلطه مقصوده اتهامتها في اخلاقها شتان بين عيلة مرام وعيلة غرام عيلة مرام سمعت لبنتهم وصدقوها ونزلوا المحل وعرفوا الحقيقه أنهم صوروا البنات بدون علمهم وتم القبض عليهم وراحوا بيت غرام يوضحوا الحقيقة عشان عارفين أم غرام إنسانه غير سويه وفي وسط الكلام قامت غرام بدون روح ملامحها كلها جامده ومشيت بجمود مُخيف الي البلكونه ورميت نفسها وسط زهول الكل غرام ضحية مجتمع ضحية أم متعرفش يعني إيه تربية أولاد هي بس اتجوزت وخلفت ده مفهومها عن الجواز متعرفش تأسس 

#صبا