خاطرة طمني عليك للكاتبة ريم عبدالعال
إزيك!؟
فاكرنا؟
فاكر ضحكتنا طيب؟فاكر حُبنا وكلامنا؟فاكر حماسنا؟طيب فاكر أول كلمه بحبك وإنت باصص لعيونى؟
سامعنى؟
سامع صوت عياطى وأنا بندهلك كُل يوم في أحلامى !سامع صوتى وانا بعافر علشان أرجع ومش عارفه!
شايفني؟
شايف عيني بقت باهته ووارمه ازاي من بعدك!شايف بقيت خاسه وبهتانه ازاي من بعد فراقنا!
عارفنى؟؟
ويعز عليا أسألك عارفنى !عارف مكانى وعارف بزعل بروح فين وعارف بفرح بروح لمين وعارف أنا محتاجه إيه دلوقتي؟
فاهمنى؟
فاهم انا سيبتك ليه؟ فاهم انا بعدت وحاولت مبعدش ليه؟ فاهم كل ده كان ليه !!فاهم انا بتوجع ازاي!
وحشتك؟
وحشتك زي ما وحشتني؟!وحشتك أيامنا؟طيب وحشتك عيوني الى كُنت بتتغزل فيها كُل يوم؟ وحشتك كلمه بحبك منى؟
كُنا أيه؟
كُنت أغلى حد لقلبى ، كُنت روحى الى بشكيلها من الدنيا، كُنت أنا ومرايتي بليل وانا بهرب من الدنيا ليها! كُنت بيتي الى برتاح واحس بأمان جواه.
بقينا إيه!!
خاطرة طمني عليك للكاتبة ريم عبدالعال
بقينا أغراب.. ويعز عليا أقول غريب وانت أقرب ليا من روحي ، بقينا زمايل وأنت كُنت الأب والأخ والصاحب والحبيب.
هتفضل الأول والأخير إتطمن ..وطمنى عليك.
رِيم عبدالعال..
تعليقات
إرسال تعليق