قصه حب غير مكتملة بقلم روزانا وائل احتفاليه الاقلام الذهبية
قصه حب غير مكتملة بقلم روزانا وائل
احتفاليه الاقلام الذهبية
قصه حب غير مكتملة 👇👇👇👇👇👇
مراد: يبني انت سرحان ف اي؟؟يخربيتك فضحتنا
زين: ها لا مش سرحان
مراد: باين عليك انك مدلوق يا صحبي ولما حبيبة القلب بتعدى الضحكة بتترسم علي وشك وأكله عقلك للدرجة دي ؟..
زين بهيام: من ناحية وأكله عقلي فانا مبنمش يبني مش عارف أبطل تفكير فيها أنا بفضل ماسك التليفون ال٢٥ ساعه ف ال٢٤ ساعه وأنا بأكل وأنا بشرب وأنا نايم حتي وأنا بذاكر التليفون مفتوح جنبي عشان وقت ما تبعت أرد عليها مستني رسالتها ف كل وقت .... لما ببقي قاعد زهقان بفتح صورها أتفرج علي ضحكتها أو افتح الشات وافتح الرسائل إللي مميزها تخيل مميز ليها ٨٠٠ رساله !!..هزار وخناق وكلام حلو بدخل لما ببقي زهقان اشوفهم مودي يتعدل ساعتها...
نظر له مراد بشفقة وهو يقول : طب ما تقولها يبني عامل ف نفسك كدا ليه؟؟
نفي زين بخوف وتردد :مش قادر خايف اخسرها.
مراد بحكمة : ماهو فعلا هتخسرها لو فضلت ساكت أفترض دلوقتي حد جه وأعترف ليها موقفك هيكون أي ؟..أولاً هيجي الشخص إللي أعترف ليها يقولها معنديش حاجه إسمها بيست ولد تاني وكدا كلامكم هيقل دا لو مش اتمنع أصلاً؟..
زين بحرقة : اه ، دا فيوم كنا بنتكلم وجابت سيره ولد معانا ساعتها كنت شايط وعباره عن بركان..
مراد بشك : أنت وضحت إنك مضايق إنها فتحت في سيره ولد؟؟
زين بكذب : لأ ، مش وضحت !..
مراد وهو ينظر له بنصف عين : يبني أنت صاحبي وأنا وعارفك كويس.
زين بأنفعال غاضب وهو يحرك يديه بعشوائية : حاولت اداري سيكا بس حرفياً كنت شايط وعلي أخري ولو كانت قدامي كنت فرتكت دماغها حرفياً.
ضحك مراد بخفة علي غيرة زين : طب قولها جرب حظك، مش ممكن بتحبك؟؟
زين بتردد وخوف : يبني خايف.
مراد بنرفزة خفيفة :يبني ارحم أمي عجبك لما بتعدي من قدامنا تفضل سرحان كدا والكل واخد باله وهما مش عارفين مين دي أصلاً ؟ بس بيبقوا واخدين بالهم من تصرفاتك..
ظفر زين بسرحان وحب : يعم أنتوا بتحسدوني علي الكام ساعه إلي بشوفهم فيها ؟، أيوا أنا اه بكلمها كل يوم بس الكلام غير أني أشوفها بعيني ، يبني ضحكتها دي خيال بتوديني فحته تانية ، هو اه ممكن الكل يشوفها عاديه بس بالنسبة ليا هي مش كدا إلي عجبني فيها روحها الجميلة ضحكتها إلي تخطفك وتخليك سرحان فيها...أقولك أي ولا أي؟؟..
مراد بصدمة : ياااه دا أنت واقع علي الاخر!..
زين بهيام : جداً يبني.
مراد بتشجيع : عرفها طيب
زين بتردد: مش عارف لسه هفكر شويه في الموضوع لأن لازم أكون قد الخطوة إلي هخدها من ناحيتها ولازم أعرف مشاعرها.
مراد بحكمة وحب صادق : أعرف واتأكد أن ربنا هيعمل إلي فيه الخير ليك ، بس أنت هتعمل كدا عشان ترتاح رفضتك ف دا خير قالت نستني شويه ف دا خير برضو كل حاجه خير .
تنهد زين بخفة : تمام يصحبي
صاحبنا واقع علي الآخر ياتري هيتشجع ويعرف البنت إلي بيحبها ؟ ويأخذ الخطوة ؟ ولا هيستني كالعادة الفرصة المناسبة ؟... من المعروف أن زين صاحب اللحظات الأخيرة وإن بغض النظر عن أنه إجتماعي درجه أولى إلي أن قدام اللي بيحبها مبيعرفش يقول جمله علي بعض.
مكالمه تليفون صغيره
زين بحب :أنتِ فين يا مروج ؟.
مروج بهدوء : قاعده في كافيه الجامعة مع البنات.
زين بهدوء نسبي : طب أنا عايز اشوفك ونتكلم وكدة بقالنا كتير متكلمناش
مروج بموافقة : طب شويه كدا ونتقابل ،في كافيه جديد لسه فاتح ناحيه الجامعة إسمه رفيق الليل نتقابل فيها تمام... كمان نص ساعه كدا.
زين بحب : تمام يقمر.
بعد نص ساعه من المكالمة..
زين بهيام : مساء الخير علي أحلي مروج ف الدنيا.
مروج بتذمر : كالعادة متأخر عليا وأفضل انا مستنيه
زين بأسف :حقك عليا بجد أتأخرت لأني كنت في مشوار مهم وبجيب حاجه كدا.
مروج: ماشي ي استاذ زين لما نشوف اخرتها كنت عايزني ف اي بقا؟.
أخذ نفس عميق وهو يقول بجدية: عاوز أسألك سؤال صغير كدا..
ضحكت مروج من جدية زين الغريبة ، أما زين فسرح في ضحكتها التي تشبه سيفونيه عذبة من ألحان بيتهوفن .: اي هو وبعدين أي المقدمات دي أول مرا أشوفك بتتكلم كدا؟.
نظرت مروج له باستغراب من سرحانة بها وهي تقول : يبني... زين أنت سرحت ف اي؟؟.
زين بتوهان من ضحكتها : ها لا مسرحتش ، أنا معاكي أهو .
مروج بسخرية : واضح واضح ، المهم سؤال أي يا عم ؟.
زين بسرعه : لسه بتخافي من الحب؟.
ضحكت مروج بسخرية : سؤال غريب أي جايب ليا معجب ولا اي ؟.
" ممكن نبقي جد شويه يعني"
قالها زين وهو ينظر لعيون مروج بحب وهيام وكلام كتير ، استغربت مروج من كلامة وهي تنظر لعيونه كأنها أول مرة ترا عيونه الحقيقية الي سحرتها عيون كلها حب وشوق ولهفة غير طبيعية .
أخذت نفس عميق وهي تقول : بص يا زين كلنا بشر وأكيد لازم نحب ونحتاج نتحب ، والفكرة كلها أنا خايفه أختار شخص مش مناسب ، أو لما اختار الشخص المناسب تكون الظروف مش مناسبه خايفه اتعلق وأدي الأمان واتساب وأنت عارف ، أنا مش هقدر أتحمل أي صدمه ، خايفه أعافر مع حد ممكن يبقي واخدني تسليه ، خايفه اتعلق بحد وابني أحلام وتبقي ف الآخر مستحيلة في حاجات كتيره خايفه منها.
زين يترقب : طب لو ف حد حاول معاكى هترفضيه ولا هتدي فرصه؟.
مروج بتوهان : مش عارفه بصراحه يا زين ، بس أنت عارف أنا مبعرفش اخد قرار بسرعه بفضل أفكر وافكر وأشوف أبعاد الموضوع .
لمعت عيون زين بحب وهيام وهو يقول : عارف كل حاجه عنك ، وعن أنك شخصيه مترددة وأنا أكتر حد فهمك وأكتر حد بيحبك... وإلي مش تعرفيه يا مروج أن أنا بحبك.. بحبك من زمان اووي بس كنت زيك متردد وخايف أعبرك وأخاف ترفضي فااخسرك ولا هينفع نبقي صحاب ولا حبايب ، وساعتها هكون ندمت أني اعترفت .
نظرت له مروج ولحبة الذي يقطر من عينية بصدمة وتقول لنفسها . أنا أزاي مكنتش وأخدة بالي كنت مفكرة دا كلة حب صحاب .
مروج بعدم استيعاب : بتحبني انا؟.
زين : هو ف غيرك ولا بتحاولي تتهربي؟
مروج بنفي :لا والله بس أنا مصدومة.
زين بحب وجدية : بصي يا مروج أنا عندي استعداد استناكي العمر كله لأن مشاعري صادقه من نحيتك ، وهفضل جمبك علي طول لحد ما تديني الامانمروج بعدم استيعاب : بتحبني انا؟.
زين : هو ف غيرك ولا بتحاولي تتهربي؟
مروج بنفي :لا والله بس أنا مصدومة.
زين بحب وجدية : بصي يا مروج أنا عندي استعداد استناكي العمر كله لأن مشاعري صادقه من نحيتك ، وهفضل جمبك علي طول لحد ما تديني الامان وتفتحي قلبك ليا هفضل استناكي للأخر ومعاكي ، ومهما كان ردك فاعيزك تعرفي إني هفضل جمبك سواء رفضتي بعدين او قبلتي.
مروج بخوف وتوهان : :خايفه اظلمك معايا خايفه مع الوقت تمل من أنك مستني مني حاجه .
زين بحب : لو كان زي ما بتقولي همل كنت مليت من زمان من كتر ما استنيت مروج أنتِ اغلي حد ف حياتي وأقرب حد ليا وأخف شخص علي قلبي.
.أخرج زين علبه صغيره من جيبه واعطها لمروج.
مروج: اي العلبه دي؟.
زين بحب : افتحيها وأنتِ تعرفي.
فتحت مروج العلبه لقت سلسله فراشه وجمبها كارت مكتوب عليه أنتِ أخف فراشه علي قلبي .
نظرت مروج لعيون زين والدموع في عينيها.
" مش عارفه اقولك أي بس حقيقي أنت أغلي حد ف حياتي وحقيقي يابختي أني عرفت حد زيك "
زين مسك ايد مروج وقال بهيام.
" . أنا الي يبختي أن في فراشه جميله زيك ف حياتي.. بحبك. "
مروج بدموع وحب : بحبك يا زين.
من طبع البشر سياسه اللحظة الأخيرة إلي ساعات بتبقي غلط وبتضيع الحاجه من ايدينا وللأسف الحاجه لما بتضيع بيبقي صعب ترجع تاني صاحبنا زين لو كان استني أو فضل متردد الله أعلم مين كان هياخد الخطوة دي قبله. نصيحتي هي أن لو عندك مشاعر إتجاه شخص وأن أنت متأكد من مشاعرك ناحيته أعترف ليه حتي لو عندك ذره تردد أن هو ممكن يرفض ، أهو هتكون محاوله عشان مترجعش تندم وخدها نصيحه الفكرة مش بس علي المشاعر لا و في حياتك عمتاً متأجلش حاجه لوقت تاني أنت تقوم وتعملها وتفضل بعدها مرتاح البال يصديقي العزيز.
#Rozana wael
تعليقات
إرسال تعليق